28/02/2026
ဦးဆောင်သူ Gymတစ်ခုအနေနဲ့ ကနဦး မတည်ပံ့ပိုးမှု
၁။ ရေးမြို့နယ်အတွင်း ကာယဗလအားကစား ပိုမိုဖွံ့ဖြိုးတိုးတက်လာစေရန်နှင့် လူငယ်များအနေဖြင့်ကာယဗလ အားကစားကို စိတ်ပါဝင်စားလာစေပြီး၊ ကျန်းမာရေးနှင့်ညီညွတ်သော နေထိုင်မှုပုံစံ (Healthy Lifestyle) ကို ကျင့်သုံးလာစေရန်။
၂။ ဝါသနာရှင်များ ပြိုင်ပွဲအတွေ့အကြုံများ ရရှိခြင်းအားဖြင့် နောင်တစ်ချိန်တွင် တိုင်းနှင့်ပြည်နယ်အဆင့်၊ နိုင်ငံတော်အဆင့်အထိ ဝင်ရောက်ယှဉ်ပြိုင်နိုင်မည့် အားကစားသမားကောင်းများ ပေါ်ထွက်လာစေရန် လမ်းကြောင်းဖွင့်ပေးရန်။
"ရေးမြို့နယ် ကာယဗလနှင့် ကာယကြံ့ခိုင်မှု ကော်မတီ (YBPC) မှ ကြီးမှူးကျင်းပမည့် ကာယဗလနှင့် မွန်ပြည်နယ်ဖိတ်ခေါ်လက်မောင်းလှဲပြိုင်ပွဲကြီးအတွက် ပြိုင်ပွဲကိုဦးဆောင်ကျင်းပသူ ဦးကျော်ကျော်လှိုင်(Founder/Owner, AZM GYM ) မှ အလှူငွေ (၁၀)သိန်းကျပ်အား ပံ့ပိုးကူညီပေးအပ်ခဲ့ပါသည်။
ယခုကဲ့သို့ ဒေသတွင်း အားကစားကဏ္ဍ ဖွံ့ဖြိုးတိုးတက်စေရန်အတွက် စေတနာထက်သန်စွာဖြင့် ပံ့ပိုးကူညီပေးပါသော ဦးကျော်ကျော်လှိုင်(AZM Gym) အား YBPC မိသားစုမှ အထူးပင် ကျေးဇူးတင်ရှိကြောင်းနှင့် လုပ်ငန်းများ ဒီထက်မက အောင်မြင်ပါစေကြောင်း ဆုမွန်ကောင်းတောင်းအပ်ပါသည်။"
:
