04/09/2026
သတို့သမီးဖြစ်သူသမီးကို မင်္ဂလာစင်မြင့်ထက် ခေါ်ဆောင်လာစဉ် ငယ်ရွယ်နုပျိုတာကြောင့် မောင်နှမလိုဖြစ်နေတဲ့ ဖခင်
တရုတ်နိုင်ငံ၊ ဂွမ်ဒေါင်းပြည်နယ်က မင်္ဂလာပွဲတစ်ခုကို ရိုက်ကူးထားတဲ့ ဗီဒီယိုဟာဆိုရင် လူမှုကွန်ယက်ပေါ်မှာ ပျံ့နှံ့လို့နေပါတယ်။ အဲ့ဒီဗီဒီယိုမှာ မင်္ဂလာသတို့သား၊ သတို့သမီးက လူမှုကွန်ယက်အသုံးပြုသူတွေရဲ့အာရုံကို ဖမ်းစားထားနိုင်ခဲ့တာမဟုတ်ပါဘူး။ လူတွေ စိတ်ဝင်စားတာက သတို့သမီးရဲ့အဖေကိုပါ။
သတို့သမီးရဲ့အဖေက သတို့သမီးကို မင်္ဂလာစင်မြင့်ထက်တွဲခေါ်လာတာကို ဗီဒီယိုထဲမှာ မြင်တွေ့ခဲ့ရတာပါ။ ဖခင်ဖြစ်သူက အတော်လေးနုပျိုပြီး တိုင်ကျနေတဲ့အတွက် လူမှုကွန်ယက်အသုံးပြုသူတွေက သတိထားမိခဲ့တာပါ။ တချို့လူမှုကွန်ယက်အသုံးပြုသူတွေက သားအဖဆိုတာထက် မောင်နှမနဲ့ ပိုတူတယ်လို့ ဆိုကြပါတယ်။
ဖခင်ဖြစ်သူ Zhengက အသက် ၄၁ နှစ်ဖြစ်ပြီး သမီးဖြစ်သူသတို့သမီးက အသက် ၂၁ နှစ်ဖြစ်ပါတယ်။ သူတို့သားအဖနှစ်ယောက် အပြင်သွားတဲ့အခါ မောင်နှမ၊ တစ်ခါတလေ ချစ်သူတွေလို့တောင်မကြာခဏအထင်မှားခံရတယ်။ သားမက်ဖြစ်သူနဲ့ ပထမဆုံးတွေ့တဲ့အချိန်က သားဖြစ်သူကတောင် သူ့ရဲ့ငယ်ရွယ်နုပျိုတဲ့အသွင်အပြင်ကြောင့် အံ့အားသင့်ခဲ့ရတယ်။ သူ နုပျိုရခြင်းလျှို့ဝှက်ချက်က စိတ်ကို အေးချမ်းအောင်ထားတာ၊ ကျန်းမာရေးနဲ့ညီညွှတ်တဲ့အလေ့အထကို ထိန်းသိမ်းတာပါ။ သူက ဒေါသထွက်ခဲပြီး အပြည့်အဝအနားယူတာ၊ တစ်နေ့ကို အိပ်ချိန် ၁၀ နာရီ၊ ၁၂ နာရီအထိအိပ်စက်တယ်လို့ တရုတ်မီဒီယာတွေမှာ ဖော်ပြထားပါတယ်။
Zheng က ကြက်တောင်ရိုက်အားကစားကို ဝါသနာပါပြီး တစ်ပတ်ကို ၃ ကြိမ်-၄ကြိမ်လောက် ပုံမှန်ကစားဖြစ်ပါတယ်။ အသက် ၄၀ အရွယ်မှာ ပုံမှန်အားကစားလုပ်တာက ကျန်းမာကြံ့ခိုင်စေပြီး စွမ်းအင်ပြည့်ဝစေဖို့ ကူညီပေးတယ်လို့ Zheng က ဆိုပါတယ်။
Ref: Dad, 41, Walks Daughter, 21, Down The Aisle; Looks More Like Her Sibling Instead
Team (ရိုးရာလေး)
(ကြက်တောင် 🏸 ရိုက်ကြပါလိုစ့်)
