What are the opening hours?

Monday 09:30 - 17:30 Tuesday 09:30 - 17:30 Wednesday 09:30 - 17:30 Thursday 09:30 - 17:30 Friday 09:30 - 17:30 Saturday 09:30 - 17:30

https://www.youtube.com/c/FootballAAT

AAT Sport, Yangon (2026)

25/04/2025

ရာသီကုန်မှာ အသင်းက ထွက်ခွာတော့မယ့်
လက်စတာဝါရင့်တိုက်စစ်မှူး ဗာဒီ

➖➖➖➖➖➖➖➖➖➖➖➖➖➖➖

လက်စတာဝါရင့်တိုက်စစ်မှူး ဂျိမ်းစ်ဗာဒီဟာ ရာသီကုန်မှာ အသင်းက ထွက်ခွာတော့မှာဖြစ်ပါတယ်။

လက်စတာအသင်းက ဗာဒီကို အသင်းရဲ့အကြီးမြတ်ဆုံးကစားသမားအဖြစ် ဖော်ပြခဲ့ပါတယ်။

''လက်စတာပရိသတ်တွေခင်ဗျာ၊ ဒီလိုနေ့ရောက်လာတော့ ကျွန်တော် စိတ်လှုပ်ရှားမိပါတယ်။ ဒါပေမဲ့ နောက်ဆုံးတော့ ရောက်လာမယ်ဆိုတာ ကျွန်တော် သိပါတယ်။ ဒီကလပ်မှာ အောင်မြင်မှုများစွာနဲ့အတူ မယုံနိုင်စရာကောင်းတဲ့ ၁၃ နှစ်ကို ကျွန်တော် ဖြတ်သန်းခဲ့ရတယ်။ တချို့ ကျဆုံးခဲ့ပေမဲ့ အများစုကတော့ အမြင့်ဆုံးမှာ ရှိခဲ့ပါတယ်။ နောက်ဆုံးမှာတော့ နှုတ်ဆက်ရမယ့်နေ့ ရောက်လာခဲ့ပြီး ကျွန်တော် စိတ်မကောင်းဖြစ်ရပါတယ်။ ဒါပေမဲ့ သင့်တော်တဲ့အချိန်လို့ ကျွန်တော် ယူဆပါတယ်။ လက်စတာဟာ အမြဲတမ်းရှိနေမှာဖြစ်ပြီး ကျွန်တော့်နှလုံးသားမှာလည်း ကြီးမားတဲ့နေရာတစ်ခုမှာ ရှိနေပါလိမ့်မယ်''လို့ ဗာဒီက ပြောခဲ့ပါတယ်။

လက်စတာအသင်းနည်းပြ နစ္စတယ်ရွိုင်းကလည်း ဗာဒီကို သူတွေ့ဖူးတဲ့သူတွေထဲမှာ အပွင့်လင်းဆုံးနဲ့ ရိုးသားမှုအရှိဆုံးသူတွေထဲက တစ်ယောက်အဖြစ် ချီးကျူးခဲ့ပါတယ်။

ဗာဒီဟာ သူ့ရဲ့ကစားသမားဘဝကို ရှေ့ဆက်နိုင်ဖို့ ရည်ရွယ်ထားတယ်လို့ သိရပါတယ်။

ဗာဒီ(၃၈ နှစ်)အနေနဲ့ ၂၀၁၂ ခုနှစ်မှာ non-league ကလပ် ဖလက်ဝုဒ်အသင်းကနေ လက်စတာ
အသင်းထံ ရောက်လာခဲ့တာပါ။

၎င်းဟာ ကလပ်အသင်းအတွက် ပြိုင်ပွဲစုံ ၄၉၈ ပွဲ ကစားခဲ့ပြီး အသင်းသမိုင်းမှာ ပရီးမီးယားလိဂ်ဂိုးအများဆုံး ၁၄၃ ဂိုး၊ ပြိုင်ပွဲစုံ ဂိုးအများဆုံး ၁၉၈ ဂိုးနဲ့ စံချိန်တင်ထားပါတယ်။

ပရီးမီးယားလိဂ်ချန်ပီယံဖြစ်ခဲ့တဲ့ ၂၀၁၅-၁၆ ရာသီမှာ အသင်းအတွက် လိဂ်ဂိုး ၂၄ ဂိုး သွင်းခဲ့ပြီး ၂၀၂၁ FA Cup ချန်ပီယံအသင်းသားတစ်ဦးလည်း
ဖြစ်ခဲ့ပါတယ်။

23/04/2025

ဗီလာကို နောက်ကျဂိုးနဲ့ အနိုင်ယူပြီး တတိယနေရာ ရောက်လာတဲ့ မန်စီးတီး

➖➖➖➖➖➖➖➖➖➖➖➖➖➖➖

မန်စီးတီးအသင်းဟာ ပရီးမီးယားလိဂ် ပွဲစဉ်-၃၄ မှာ ချန်ပီယံလိဂ်ဝင်ခွင့် အဓိကပြိုင်ဘက်အသင်းတစ်သင်းဖြစ်တဲ့ အက်စတွန်ဗီလာကို နောက်ကျဂိုးနဲ့အတူ ၂-၁ ဂိုးနဲ့ အနိုင်ရခဲ့ပါတယ်။

ဒီပွဲဟာ မန်စီးတီးနဲ့ ဗီလာ နှစ်သင်းစလုံး FA Cup ဆီမီးဖိုင်နယ်ကစားဖို့ရှိလို့ ကြိုကစားတာဖြစ်တယ်။

မန်စီးတီးအသင်းရဲ့အဖွင့်ဂိုးကို ၇ မိနစ်မှာ ဘာနာဒိုဆေးလ်ဗားက သွင်းယူခဲ့ပြီး ၁၈ မိနစ်မှာ ရပ်ရှ်ဖို့ဒ်က ပယ်နယ်တီကနေ ချေပဂိုး ပြန်သွင်းခဲ့ပါတယ်။

အနိုင်ဂိုးကိုတော့ ပွဲပြီးခါနီး နာကျင်အချိန်ပို
လေးမိနစ်မှာ နူးနက်စ်က ဒိုကူရဲ့ဖြတ်တင်ဘော
ကနေ သွင်းယူပေးခဲ့ပါတယ်။

မန်စီးတီးအသင်းက ဘောလုံးပိုင်ဆိုင်မှု ၆၁.၆ ရာခိုင်နှုန်းအထိ ရခဲ့ပြီး ပိုကောင်းတဲ့အခွင့်အရေးတွေလည်း ရရှိခဲ့ပါတယ်။

အထူးသဖြင့် မန်စီးတီးကစားပုံက ဒုတိယပိုင်းမှာ
ပိုကောင်းခဲ့ပါတယ်။

မန်စီးတီးအသင်းဟာ ဗီလာအသင်းကို ပရီးမီးယားလိဂ် ၁၅ ပွဲဆက်တိုက် အိမ်ကွင်းမှာ အနိုင်ယူခဲ့တာဖြစ်တယ်။

22/04/2025

လက်ကျန်နှစ်ပွဲအလိုမှာ ပရီးမီးယားလိဂ်ကို
လိဒ်စ်နဲ့ ဘန်လေ တန်းပြန်တက်

➖➖➖➖➖➖➖➖➖➖➖➖➖➖➖➖

ယမန်နေ့ကကစားခဲ့တဲ့ လိဂ်ချန်ပီယံရှစ်ပွဲစဉ် ၄၄ အပြီးမှာတော့ အမှတ်ပေးဇယားထိပ်ဆုံး နှစ်သင်းဖြစ်တဲ့ လိဒ်စ်နဲ့ ဘန်လေအသင်းတို့ လက်ကျန်နှစ်ပွဲအလိုမှာပဲ ပရီးမီးယားလိဂ်ကို တိုက်ရိုက်တန်းတက်ခွင့် ရရှိခဲ့ပါတယ်။

ပွဲစဉ်-၄၄ မှာ ဒုတိယနေရာက ဘန်လေအသင်းနဲ့ တတိယနေရာက ရှက်ဖီးယူနိုက်တက်အသင်းတို့ ရင်ဆိုင်ကစားခဲ့ရကာ ဘန်လေအသင်းက ၂-၁ ဂိုးနဲ့ အနိုင်ရခဲ့လို့ အခုလို အဖြေထွက်ခဲ့တာပါ။

လိဒ်စ်အသင်းဟာ ပရီးမီးယားလိဂ်ပြိုင်ပွဲနဲ့ နှစ်နှစ်ကြာကင်းကွာခဲ့ပြီးမှ ပြန်ကစားခွင့်ရခဲ့တာဖြစ်တယ်။

လိဒ်စ်အသင်းအနေနဲ့ ပြီးခဲ့တဲ့ရာသီကလည်း
ပရီးမီးယားလိဂ်ကို တန်းပြန်တက်ဖို့ နီးစပ်ခဲ့ပေမဲ့ play-off ဗိုလ်လုပွဲမှာ ဆောက်သမ်တန်ကို အရှုံးပေးခဲ့ရပါတယ်။

စကော့ပါကား နည်းပြအဖြစ် တာဝန်ယူထားတဲ့
ဘန်လေအသင်းကတော့ ပရီးမီးယားလိဂ်ကို ချက်ချင်းတန်းပြန်တက်ခဲ့တာပါ။

နောက်ဆုံးကစားတဲ့ အမှတ်ပေးပွဲ ၃၁ ပွဲဆက်တိုက် ရှုံးပွဲမရှိ ကစားခဲ့ပြီး အသင်းသမိုင်းမှာ ၁၀၄ ကြာ
ရှုံးပွဲမရှိပွဲဆက်အများဆုံးကို ကျော်ဖြတ်ကာ မှတ်တမ်းသစ် ရေးထိုးခဲ့ပါတယ်။

လိဒ်စ်နဲ့ ဘန်လေအသင်းဟာ အခုရာသီ အမှတ်ပေးချန်ပီယံဆုအတွက် လက်ကျန်နှစ်ပွဲမှာ အဆုံး
အဖြတ် ခံယူရမှာဖြစ်ပါတယ်။

20/04/2025

နောက်ကျဂိုးတွေနဲ့ နိုင်ပွဲဆက်ပြီး ချန်ပီယံလိဂ်
ဝင်ခွင့်အတွက် အခြေအနေပိုကောင်းလာတဲ့
မန်စီးတီး

➖➖➖➖➖➖➖➖➖➖➖➖➖➖➖

မန်စီးတီးအသင်းက အဲဗာတန်ကွင်းမှာ နောက်ကျဂိုးနှစ်ဂိုးနဲ့ နိုင်ပွဲဆက်ပြီး ချန်ပီယံလိဂ်ဝင်ခွင့်အတွက် အခြေအနေပိုကောင်းလာခဲ့ပါတယ်။

အဲဗာတန်ကွင်းမှာ ပရီးမီးယားလိဂ် နောက်ဆုံးရှစ်ပွဲဆက် အနိုင်ရခဲ့တာဖြစ်ပြီး နောက်ဆုံး ၁၆ ပွဲ တွေ့ဆုံမှုမှာ ရှုံးပွဲမရှိခဲ့ပါဘူး။

မန်စီးတီးရဲ့ဂိုးတွေကို အိုရိုင်လီ(၈၄ မိနစ်)၊ ကိုဗာချစ်(၉၀+၂ မိနစ်)တို့က သွင်းယူပေးခဲ့ပါတယ်။

အဖွင့်ဂိုးသွင်းပေးတဲ့ အိုရိုင်လီအနေနဲ့ အခုရာသီမှာ ပြိုင်ပွဲစုံ ၁၄ ပွဲကစား ငါးဂိုးအထိ သွင်းယူပေးထားတာပါ။

အဲဗာတန်ကတော့ ပရီးမီးယားလိဂ် နောက်ဆုံး ၁၃ ပွဲမှာ လီဗာပူးလ်နဲ့ မန်စီးတီးအသင်းတွေကိုသာ အရေးနိမ့်ခဲ့တာဖြစ်တယ်။

အဲဗာတန်အသင်းကို တစ်ကျော့ပြန်ကိုင်တွယ်နေတဲ့ ဒေးဗစ်မွိုက်စ်အနေနဲ့ ပရီးမီးယားလိဂ် တတိယမြောက်ရှုံးပွဲနဲ့ ကြုံတွေ့ခဲ့ရပါတယ်။

အဲဗာတန်နောက်ခံလူ တာကောစကီးကတော့ အသင်းအတွက် ၁၁၁ ပွဲဆက်တိုက် ပွဲထွက်ကစားခဲ့ပြီး ဝိန်းဘရစ်ချ်ရဲ့မှတ်တမ်းကို လိုက်မီဖို့ သုံးပွဲသာ လိုပါတော့တယ်။

18/04/2025

အံ့အားသင့်စရာ Come Backနဲ့ မန်ယူနိုက်တက်အသင်း ဆီမီးဖိုင်နယ် တက်ရောက်

➖➖➖➖➖➖➖➖➖➖➖➖➖➖➖➖

မန်ယူနိုက်တက်အသင်းက ယူရိုပါလိဂ်ပြိုင်ပွဲ
ကွာတားဖိုင်နယ် ဒုတိယအကျော့မှာ လိုင်ယွန်ကို အံ့အားသင့်စရာ Come Back အနိုင်ယူပြီး ဆီမီး
ဖိုင်နယ် တက်လှမ်းခဲ့ပါတယ်။

ပထမအကျော့ နှစ်ဂိုးစီသရေပွဲမှာလည်း အနိုင်ရဖို့နီးစပ်ခဲ့တဲ့ မန်ယူနိုက်တက်အသင်းက ပထမပိုင်းအပြီးမှာ နှစ်ဂိုးပြတ် အနိုင်ရနေခဲ့ပါတယ်။

ဒုတိယပိုင်းမှာ မထင်မှတ်ဘဲ ချေပဂိုးနှစ်ဂိုး ပြန်ပေးခဲ့ရပြီး လိုင်ယွန်ကစားသမား တိုလစ်ဆိုကတော့
၈၉ မိနစ်မှာ နှစ်ဝါတစ်နီနဲ့ ထုတ်ပယ်ခံခဲ့ရပါတယ်။

မန်ယူနိုက်တက်အသင်း အချိန်ပိုမှာ ကစားသမားတစ်ယောက်အသာနဲ့ ကစားခဲ့ရပေမဲ့ လိုင်ယွန်ကို
နှစ်ဂိုးထပ်ပေးလိုက်ရလို့ ပြိုင်ပွဲက ထွက်လုနီးပါး ဖြစ်ခဲ့တယ်။

ဒါပေမဲ့ မန်ယူနိုက်တက်ဟာ အချိန်ပို ပွဲပြီးခါနီး မိနစ်ပိုင်းအတွင်းမှာ ချေပဂိုးတွေနဲ့ အနိုင်ဂိုး ပြန်သွင်းပြီး အံ့အားသင့်စရာ Come Back နိုင်ပွဲ ဖြစ်စေခဲ့တယ်။

စပါးအသင်းကလည်း ဂျာမန်မြေမှာ ဖရန့်ဖတ်ကို
ဆိုလန်ကီ သွင်းယူတဲ့ ပထမပိုင်းပယ်နယ်တီဂိုးနဲ့ အနိုင်ရပြီး ဆီမီးဖိုင်နယ် တက်ရောက်နိုင်ခဲ့ပါတယ်။

ယူရိုပါလိဂ်ပြိုင်ပွဲ ဆီမီးဖိုင်နယ်မှာ စပါး-ဘိုဒယ်
ဂလင့်နဲ့ ဘီလ်ဘာအို-မန်ယူနိုက်တက်၊ ကွန်းဖရန့်
လိဂ်ပြိုင်ပွဲ ဆီမီးဖိုင်နယ်မှာ ဘက်တစ်-ဖီအိုရင်တီးနားနဲ့ ယာဂါးဒန်း-ချယ်လ်ဆီးတို့ ရင်ဆိုင်ကစားရမှာ
ဖြစ်တယ်။

ဆီမီးဖိုင်နယ် ပထမအကျော့ကို မေလ ၁ ရက်နဲ့ ဒုတိယအကျော့ကို မေလ ၈ ရက်မှာ ကစားဖို့ စီစဉ်ထားပါတယ်။

17/04/2025

အာဆင်နယ်နဲ့ အင်တာမီလန် ချန်ပီယံလိဂ် ဆီမီး
ဖိုင်နယ် တက်ရောက်

➖➖➖➖➖➖➖➖➖➖➖➖➖➖➖

ဧပြီလ ၁၆ ရက်ကကစားခဲ့တဲ့ ချန်ပီယံလိဂ် ကွာတားဖိုင်နယ် ဒုတိယအကျော့ ပွဲစဉ်တွေအပြီး
အာဆင်နယ်နဲ့ အင်တာမီလန်တို့ ဆီမီးဖိုင်နယ်
တက်ရောက်ခဲ့ပါတယ်။

အာဆင်နယ်အသင်းက စပိန်မြေမှာ ရီးရဲလ်မက်ဒရစ်ကို ၂-၁ ဂိုးနဲ့ ထပ်မံအနိုင်ယူကာ နှစ်ကျော့ပေါင်း ၅-၁ ဂိုးနဲ့ အနိုင်ရခဲ့တာပါ။

အင်တာမီလန်ကတော့ အိမ်ကွင်းမှာ နှစ်ဂိုးစီ သရေကစားပြီး နှစ်ကျော့ပေါင်း ၄-၃ ဂိုးနဲ့ အနိုင်ယူခဲ့ပါတယ်။

နှစ်ပွဲစလုံး ဒုတိယပိုင်းရောက်မှ ဂိုးတွေ အသီးသီးသွင်းယူခဲ့ကြပါတယ်။

အာဆင်နယ်က ဆာကာရဲ့ဦးဆောင်ဂိုးကို ဗင်နီရှပ်စ် ပြန်လည်ချေပခဲ့ပေမဲ့ မာတင်နယ်လီက နာကျင်အချိန်ပိုမှာ အနိုင်ဂိုးသွင်းခဲ့ပါတယ်။

အင်တာကတော့ အဖွင့်ဂိုးစပေးခဲ့ရပြီး ၂-၁ ဂိုးနဲ့ ပြန်ဦးဆောင်ခဲ့ပေမဲ့ သရေနဲ့ပဲ ပြီးဆုံးခဲ့ပါတယ်။

ဆီမီးဖိုင်နယ်အဆင့်မှာ အာဆင်နယ်နဲ့ PSG ၊ ဘာစီလိုနာနဲ့ အင်တာမီလန်တို့ တွေ့ဆုံခဲ့ပြီး ပထမအကျော့ကို ဧပြီလ ၂၉ ရက်နဲ့ ၃၀ ရက်၊ ဒုတိယအကျော့ကို မေလ ၆ ရက်နဲ့ ၇ ရက်တွေမှာ ကစားပါလိမ့်မယ်။

16/04/2025

ရှုံးပေမဲ့ ဆီမီးဖိုင်နယ်တက်ခဲ့တဲ့ ဘာစီလိုနာနဲ့
PSG

➖➖➖➖➖➖➖➖➖➖➖➖➖➖

ချန်ပီယံလိဂ် ကွာတားဖိုင်နယ် ဒုတိယအကျော့
ပွဲစဥ်တွေမှာ ဘာစီလိုနာနဲ့ PSG အသင်းတို့
အဝေးကွင်းမှာ အသီးသီး အရေးနိမ့်ခဲ့ပေမဲ့
ဆီမီးဖိုင်နယ် တက်ရောက်ခဲ့ပါတယ်။

ဘာစီလိုနာအသင်းက ဒေါ့မွန်ကို ၁-၃ ဂိုး၊
PSGအသင်းက အက်စတွန်ဗီလာကို ၂-၃ ဂိုးနဲ့
အရေးနိမ့်ခဲ့တာဖြစ်တယ်။

နှစ်ကျော့ပေါင်းမှာ ဘာစီလိုနာက ၅-၃ ဂိုး၊
PSG က ၅-၄ ဂိုးနဲ့ အနိုင်ရခဲ့ပါတယ်။

ဘာစီလိုနာအဖို့ ဒေါ့မွန်နဲ့တွေ့ဆုံမှု ခုနစ်ပွဲမှာ
ပထမဆုံးရှုံးပွဲ တွေ့ခဲ့ပြီး ဟန်ဆီဖလစ်ခ်ကလည်း နည်းပြဘဝ ဒေါ့မွန်နဲ့ ရင်ဆိုင်ရတိုင်း
ပွဲတိုင်းအနိုင်ရထားမှု ရပ်တန့်ခဲ့ရပါတယ်။

PSG ကတော့ နောက်ဆုံးခြောက်ရာသီအတွင်း
တတိာအကြိမ်မြောက် ဆီမီးဖိုင်နယ် တက်ရောက်ခဲ့ပါတယ်။

ဆီမီးဖိုင်နယ်မှာ ဘာစီလိုနာက အင်တာမီလန်
သို့မဟုတ် ဘိုင်ယန်မြူးနစ်၊ PSG က ရီးရဲလ်
မက်ဒရစ် သို့မဟုတ် အာဆင်နယ်အသင်း
တွေနဲ့ ကစားရပါလိမ့်မယ်။

15/04/2025

အပြောင်းအလဲဖြစ်လာခြေနည်းတဲ့ ချန်ပီယံလိဂ် ကွာတားဖိုင်နယ် ဒုတိယအကျော့

➖➖➖➖➖➖➖➖➖➖➖➖➖➖➖

ချန်ပီယံလိဂ် ကွာတားဖိုင်နယ် ဒုတိယအကျော့ပွဲတွေကို ဧပြီလ ၁၅၊ ၁၆ ရက်တွေမှာ ကစားမှာဖြစ်ပါတယ်။

ပထမအကျော့ လေးပွဲစလုံး အနိုင်အရှုံး အဖြေထွက်ခဲ့ပြီး အာဆင်နယ်က ရီးရဲလ်မက်ဒရစ်ကို ၃-၀ ဂိုး၊ ဘာစီလိုနာက ဒေါ့မွန်ကို ၄-၀ ဂိုး၊ PSG က အက်စတွန်ဗီလာကို ၃-၁ ဂိုး၊ အင်တာမီလန်က ဘိုင်ယန်
မြူးနစ်ကို ၂-၁ ဂိုးတို့နဲ့ အသီးသီး အနိုင်ယူထားခဲ့တယ်။

ပထမအကျော့ရှုံးထားတဲ့ လေးသင်းထဲက သုံးသင်းဟာ အိမ်ကွင်းပြန်ကစားရမှာဖြစ်ပြီး ဘိုင်ယန်ကတော့ အီတလီမြေမှာ သွားရောက်ကစားရပါ
လိမ့်မယ်။

ပထမပွဲရလဒ်တွေအရတော့ ဒုတိယအကျော့မှာ အပြောင်းအလဲဖြစ်နိုင်ခြေ အတော်လေးနည်းနေ
ပါတယ်။

အလေးပေးချက်အရလည်း ပထမအကျော့ရှုံးထားတဲ့ အသင်းတွေ ဒုတိယအကျော့မှာ ပြန်အနိုင်ယူနိုင်ခြေက အတော်လေးနည်းနေပါတယ်။

ကွာတားဖိုင်နယ် ပထမအကျော့အပြီး ချန်ပီယံအလေးပေးချက်တွေမှာ ဘာစီလိုနာက ၉း၄ လေး၊ PSG က ၅း၂ လေး၊ အာဆင်နယ်က ရး၂ လေး၊ အင်တာမီလန်က ရး၁ လေး၊ ဘိုင်ယန်မြူးနစ်က ၁၄း၁ လေး၊ ရီးရဲလ်မက်ဒရစ်က ၂၀း၁ လေး၊ အက်စတွန်ဗီလာက ၁၀၀း၁ လေး၊ ဒေါ့မွန်က ၁၀၀၀း၁ လေး ဖြစ်သွားခဲ့ပါတယ်။

ဆီမီးဖိုင်နယ်အတွဲအဖက်တွေကတော့ အာဆင်နယ်-ရီးရဲလ်မက်ဒရစ်ပွဲနိုင်နဲ့ PSG-အက်စတွန်ဗီလာပွဲနိုင်၊ ဘာစီလိုနာ-ဒေါ့မွန်ပွဲနိုင်နဲ့ အင်တာမီလန်-ဘိုင်ယန်မြူးနစ်ပွဲနိုင် အသင်းတွေ တွေ့ဆုံရပါလိမ့်မယ်။

14/04/2025

ပရီးမီးယားလိဂ် ချန်ပီယံလိဂ်ဝင်ခွင့်အတွက်
ငါးသင်း အကြိတ်အနယ်

➖➖➖➖➖➖➖➖➖➖➖➖➖➖➖➖

လာမယ့်ရာသီ ချန်ပီယံလိဂ်ဝင်ခွင့် ငါးနေရာရ
ထားတဲ့ ပရီးမီးယားလိဂ်ပြိုင်ပွဲကတော့ လက်ကျန် သုံးနေရာကို ငါးသင်း အကြိတ်အနယ် ယှဉ်လုရဖို့
ရှိပါတယ်။

ဧပြီလ ၁၃ ရက် ပရီးမီးယားလိဂ် ပွဲတွေအပြီးမှာ လီဗာပူးလ်၊ အာဆင်နယ်အသင်းတွေနောက်
နော်တင်ဟမ်ဖောရက်စ်၊ နယူးကာဆယ်၊ မန်စီးတီး၊ ချယ်လ်ဆီး၊ အက်စတွန်ဗီလာအသင်းတွေပဲ လုရဖို့ များလာခဲ့ပါတယ်။

ဒီအထဲမှာ လက်ကျန်တစ်ပွဲ ကစားဖို့ရှိသေးတဲ့ နယူးကာဆယ်အသင်းက အခွင့်အရေးအကောင်းဆုံး ဖြစ်နေပါတယ်။

လက်ရှိမှာ ဖူလ်ဟမ်အသင်းက တစ်ပွဲလျော့ကစားကာ အက်စတွန်ဗီလာ၊ ချယ်လ်ဆီးတို့နဲ့ ခြောက်မှတ်သာ ကွာဟနေပေမဲ့ လက်ကျန်ပွဲမှာ နယူးကာဆယ်နဲ့ဖြစ်လို့ မလွယ်လှပါဘူး။

နယူးကာဆယ်အသင်းက မန်ယူနိုက်တက်ကို ဂိုးပြတ်အနိုင်ရပြီး ၁၉၃၀-၃၁ ရာသီကတည်းက ပထမဆုံးအကြိမ် အနိုင်ကစားခဲ့တာပါ။

ချယ်လ်ဆီးကတော့ နှစ်ဂိုးအရှုံးကနေ တစ်မှတ်ရအောင် မနည်းကစားခဲ့ရပြီး အဆင့် ခြောက်နေရာအထိ ကျဆင်းခဲ့ရပါတယ်။

ထိပ်ဆုံးက လီဗာပူးလ်ကတော့ ဝက်စ်ဟမ်းကို နောက်ကျဂိုးနဲ့ အနိုင်ရလိုက်လို့ အာဆင်နယ်ကို ၁၃ မှတ်အထိ ဖြတ်နိုင်ခဲ့ပါတယ်။

တန်းဆင်းဇုန်မှာ ဝုလ်ဗ်အသင်းက ပရီးမီးယားလိဂ် ရှင်ကျန်ရစ်ဖို့ သေချာလာခဲ့ပြီး အဆင့် ၁၈ က အစ်ဝစ်ချ်အသင်းကို ၁၄ မှတ် ဖြတ်ထားခဲ့တာပါ။

ဆောက်သမ်တန်ပြီးနောက် လက်စတာ၊ အစ်ဆွစ်ချ်တို့ ပြီးခဲ့တဲ့ရာသီ တန်းတက် သုံးသင်းစလုံး တန်းပြန်ဆင်းရဖို့ နီးစပ်ခဲ့ပါတယ်။

12/04/2025

အင်တာမိုင်ယာမီအသင်းနဲ့ မက်ဆီ စာချုပ်သက်တမ်းတိုးဖို့ နီးစပ်နေ

➖➖➖➖➖➖➖➖➖➖➖➖➖➖

အင်တာမိုင်ယာမီအသင်းခေါင်းဆောင် မက်ဆီဟာ အသင်းနဲ့ စာချုပ်သက်တမ်းတိုးဖို့ နီးစပ်နေပြီလို့
သိရပါတယ်။

မက်ဆီ(၃၇ နှစ်)ရဲ့လက်ရှိစာချုပ်ဟာ အခု ၂၀၂၅ ရာသီကုန်မှာ သက်တမ်းကုန်ဆုံးမှာဖြစ်တယ်။

မက်ဆီအနေနဲ့ အနည်းဆုံး တစ်နှစ်သက်တမ်းတိုးဖို့ ရှိနေတယ်လို့ သတင်းတွေက ဖော်ပြကြပါတယ်။

၎င်းဟာ ၂၀၂၃ ခုနှစ် ဇူလိုင်လမှာ အင်တာမိုင်ယာမီအသင်းကို ရောက်လာခဲ့တာဖြစ်တယ်။

အင်တာမိုင်ယာမီအသင်းဟာ ပြိုင်ပွဲစုံ ၄၈ ပွဲကစားကာ ၄၂ ဂိုးသွင်းပြီး ၂၁ ဂိုး သွင်းယူထားပါတယ်။

မက်ဆီဟာ လတ်တလော CONCACAF Champions Cup ကွာတားဖိုင်နယ် ဒုတိယ
အကျော့မှာ နှစ်ဂိုးသွင်းပြီး ဆီမီးဖိုင်နယ် ပို့ဆောင်ပေးခဲ့ပါတယ်။

၎င်းအနေနဲ့ လက်ရှိစာချုပ်အရ တစ်နှစ် ပေါင် သန်း ၅၀ နဲ့ ၆၀ ကြား ရနေတယ်လို့လည်း သိရပါတယ်။

အင်တာမိုင်ယာမီအသင်းနဲ့အတူ ၂၀၂၃ Leagues Cupနဲ့ ၂၀၂၄ Supporters' Shield ဖလားတွေ ရယူပေးခဲ့ပါတယ်။

AAT Sport

25/04/2025

23/04/2025

22/04/2025

20/04/2025

18/04/2025

17/04/2025

16/04/2025

15/04/2025

14/04/2025

12/04/2025

Address

Opening Hours

Telephone

Website

Alerts

Contact The Business

Shortcuts

Share

Category

Listing takedown request

Monday	09:30 - 17:30
Tuesday	09:30 - 17:30
Wednesday	09:30 - 17:30
Thursday	09:30 - 17:30
Friday	09:30 - 17:30
Saturday	09:30 - 17:30