Ibet789 mm Ar Kar, Yangon (2026)

05/06/2026

ပရိသတ်တွေအတွက် သတင်းကောင်းတစ်ပုဒ်

ဂိုးသမား အိုနာနာကတော့ တူရကီကလပ် ထရာဘဇွန်စပေါ်မှာ အငှားသွားရောက်ကစားခဲ့ပြီးနောက် ယူနိုက်တက်ဆီ ပြန်လာဖို့ ရှိနေပါတယ်။ ဒါပေမယ့် အသင်းရဲ့ အနာဂတ်အစီအစဉ်ထဲမှာ မပါဝင်တော့ဘူးလို့ သတင်းတွေ ထွက်ပေါ်နေပြီး အမြဲတမ်းအပြောင်းအရွှေ့ မဖြစ်နိုင်ရင် အငှားထပ်ချဖို့ အလားအလာရှိနေပါတယ်။

ရာသီကြိုပြင်ဆင်မှုအတွက် ယူနိုက်တက်ဟာ ဝရက်ဇ်ဟမ်၊ အက်သလက်တီကို မက်ဒရစ်၊ ပီအက်စ်ဂျီနဲ့ လိဒ်စ်တို့ကို ရင်ဆိုင်ဖို့ စီစဉ်ထားပြီး အီတလီထိပ်သီးကလပ် အေစီမီလန်နဲ့လည်း ဩဂုတ်လအတွင်း ခြေစမ်းပွဲ ကစားဖို့ ရှိနေတယ်လို့ သိရပါတယ်။

ဒါ့အပြင် အသက် ၄၀ အရွယ် ဝါရင့်ဂိုးသမား တွမ် ဟီတန်ကို စာချုပ်သစ် ချုပ်ဆိုလိုက်တာကလည်း အသင်းအတွင်း အတွေ့အကြုံနဲ့ ခေါင်းဆောင်မှုအတွက် အရေးကြီးတဲ့ ဆုံးဖြတ်ချက်တစ်ခုအဖြစ် သတ်မှတ်ခံနေရပါတယ်။

04/06/2026

ကွင်းလယ်ကို အဓိကထားပြင်ဆင်မယ့် ယူနိုက်တက်

မန်ယူအသင်းဟာ အီဒါဆန်ကို ခေါ်ယူပြီးနောက် နောက်ထပ် အပြောင်းအရွှေ့တွေ ဆက်လုပ်ဖို့ ပြင်ဆင်နေပါတယ်။

ဝက်စ်ဟမ်းက မာတေးယတ်စ် ဖာနန်ဒက်စ်ကို ခေါ်ယူဖို့ ဆွေးနွေးနေဆဲဖြစ်ပေမယ့် ပြောင်းရွှေ့ကြေး ပေါင်သန်း ၈၀ ကြောင့် အခက်တွေ့နေပါတယ်။

တစ်ဖက်မှာလည်း မန်နူရယ် အူဂါတေးကို ရောင်းချနိုင်ခဲ့မယ်ဆိုရင် နော့တင်ဟမ်ဖောရက်စ်က အဲလီယော့ အန်ဒါဆန် ဒါမှမဟုတ် ဘရိုက်တန်က ကားလို့စ် ဘာလီဘာတို့ကို ပစ်မှတ်ထား ကြိုးပမ်းသွားဖို့ ရှိနေပါတယ်။

ဒီနွေရာသီမှာ မန်ယူအသင်းက ကွင်းလယ်ပိုင်း အားဖြည့်မှုတွေကို အဓိကထား လုပ်ဆောင်နေပါတယ်။

03/06/2026

အီဒါဆန်တယောက် ယူနိုက်တက်ဆီ ရောက်ပါပြီ

အတ္တလန်တာကွင်းလယ်လူ အီဒါဆန်ကတော့ ယူနိုက်တက်ဆီ ရောက်ပါပြီ။ ကာရစ်လက်ထက် ပထမဆုံးခေါ်ယူမှု ဖြစ်လာပါပြီ။ ယူရို 45 သန်း ၊ အပိုဆုကြေးတွေ ပါပါမယ်။ ရိုမာနို ကိုယ်တိုင် here we go ထားပါပြီ။

ရက်အတော်ကြာ ညှိနှိုင်းအပြီး အခုလို သဘောတူခဲ့တာပါ။ လေးနှစ် စာချုပ်ချုပ်ပါမယ်။ ဆေးစစ်မှု ခံယူပြီးတာနဲ့ အီဒါဆန်က မန်ယူကစားသမားဖြစ်ပါပြီ။ ကတ်စီရဲ့ နေရာအစားထိုးဖို့ ဖြစ်ပါတယ်။

ကြိုဆိုပါတယ် အီဒါဆန်ရေ။

02/06/2026

🔴 အသင်းမှာ ဆက်မရှိရင် အဆင်ပြေပါကြောင်း

မားကပ်စ် ရက်ရှ်ဖို့ဒ်ရဲ့ အနာဂတ်ကတော့ ဒီနွေရာသီ အပြောင်းအရွှေ့ဈေးကွက်မှာ စိတ်ဝင်စားစရာ ဖြစ်လာနေပါတယ်။

သတင်းတွေအရ ရက်ရှ်ဖို့ဒ်ကို ခေါ်ယူဖို့ ကလပ် ၅ သင်းအထိ စိတ်ဝင်စားနေပြီး Premier League ကလပ် ၃ သင်းလည်း ပါဝင်နေတယ်လို့ သိရပါတယ်။

ဘာစီလိုနာမှာ ဝယ်ယူခွင့် ရှိနေသေးပေမယ့် ပေါင် ၂၆ သန်း ပေးချေဖို့ လက်တွန့်နေပြီး အန်သိုနီ ဂေါ်ဒွန်ကို ပေါင် ၆၉.၃ သန်းနဲ့ ခေါ်ယူထားပြီးသား ဖြစ်ပါတယ်။

အကယ်၍ ဘာစီလိုနာက အပြီးသတ်မခေါ်ယူတော့ဘူးဆိုရင် နယူးကာဆယ်၊ အက်စတွန်ဗီလာနဲ့ စပါးအသင်းတွေက အခြေအနေကို အနီးကပ် စောင့်ကြည့်နေကြပါတယ်။

ဒါ့အပြင် ဘိုင်ယန်မြူးနစ်ကလည်း တိုက်စစ်ပိုင်း အင်အားဖြည့်တင်းဖို့ ရက်ရှ်ဖို့ဒ်ကို စိတ်ဝင်စားနေတယ်လို့ သတင်းထွက်နေပါတယ်။

လက်ရှိမှာတော့ ရက်ရှ်ဖို့ဒ်ဟာ ဇွန်လ ၁၇ ရက်နေ့ အင်္ဂလန်အသင်းရဲ့ ကမ္ဘာ့ဖလား အဖွင့်ပွဲစဉ်မတိုင်မီ ဖလော်ရီဒါရှိ အင်တာမိုင်ယာမီရဲ့ လေ့ကျင့်ရေးစခန်းမှာ ကြံ့ခိုင်မှု ထိန်းသိမ်းနေပါတယ်။

🔥 ရက်ရှ်ဖို့ဒ်ရဲ့ နောက်ထပ် ခရီးစဉ်က ဘာစီလိုနာလား၊ Premier League မှာပဲ ဆက်ရှိမလား ဆိုတာ စောင့်ကြည့်ရတော့မှာပါ။

31/05/2026

ထင်ပေါ်လို့ စင်တော်အကောက်ခံရတဲ့ ယူနိုက်တက်ကြယ်ပွင့်လေး

စကော့တလန်အသင်းနည်းပြ စတိဗ် ကလာ့ခ်က ၂၀၂၆ ကမ္ဘာ့ဖလားပြိုင်ပွဲအတွက် အံ့အားသင့်ဖွယ် ရွေးချယ်မှုတစ်ခု ပြုလုပ်ခဲ့ပြီး မန်ချက်စတာယူနိုက်တက် လူငယ်ကွင်းလယ်လူ တိုင်လာ ဖလက်ချာကို နောက်ဆုံးလူစာရင်းထဲ ထည့်သွင်းခေါ်ယူခဲ့ပါတယ်။

အသက် ၁၉ နှစ်အရွယ် ဖလက်ချာဟာ ဒီရာသီ ယူနိုက်တက်အသင်းကြီးအတွက် ပရီးမီးယားလိဂ်မှာ မိနစ် ၂၀ သာ ကစားခွင့်ရထားပေမယ့် နည်းပြ ကလာ့ခ်ရဲ့ ယုံကြည်မှုကို ရရှိခဲ့တာ ဖြစ်ပါတယ်။

မူလက စကော့တလန်ရဲ့ အဓိကကွင်းလယ်လူ ဘီလီ ဂီလ်မောဟာ ကူရာဆာအိုကို ၄-၁ နဲ့ အနိုင်ရတဲ့ ခြေစမ်းပွဲမှာ ဒူးဒဏ်ရာ ရရှိခဲ့တာကြောင့် လူစားထိုး ခေါ်ယူမှု ပြုလုပ်ခဲ့ရတာပါ။ အဲဒီပွဲမှာ ဖလက်ချာဟာ ဒုတိယပိုင်း လူစားဝင်ကစားသမားအဖြစ် ပထမဆုံး နိုင်ငံအသင်းပွဲထွက်ခွင့် ရရှိခဲ့ပြီးနောက် ကမ္ဘာ့ဖလားလူစာရင်းထဲ တန်းဝင်သွားခဲ့တာ ဖြစ်ပါတယ်။

ဒီရွေးချယ်မှုကြောင့် စီးရီးအေကလပ် အူဒီနီးစ်မှာ တစ်ရာသီလုံး ပုံမှန်ကစားခဲ့တဲ့ လူငယ်ကြယ်ပွင့် လင်နွန် မီလာ အပါအဝင် အခြားကစားသမားတွေ ကျန်ရစ်ခဲ့ရပါတယ်။

တိုင်လာ ဖလက်ချာဟာ စကော့တလန်ဂန္ထဝင်ဟောင်းနဲ့ ယူနိုက်တက်ကစားသမားဟောင်း Darren Fletcher ရဲ့သားဖြစ်ပြီး ဖခင်က စကော့တလန်အတွက် ပွဲ ၈၀ ကစားပေးခဲ့ဖူးပေမယ့် ကမ္ဘာ့ဖလားပြိုင်ပွဲကိုတော့ မကစားခဲ့ရပါဘူး။ အခုတော့ သားဖြစ်သူက အသက် ၁၉ နှစ်နဲ့ ကမ္ဘာ့ဖလားစင်မြင့်ကို တက်လှမ်းခွင့် ရရှိခဲ့တာ ဖြစ်ပါတယ်။

Source - AP News

30/05/2026

# လွတ်ခ်မန်ကို ခေါ်ယူချင်တဲ့ အာဆင်နယ်နဲ့ ယူနိုက်တက်အတွက် သတင်းကောင်း

အက်သလက်တီကို မက်ဒရစ်အသင်းဟာ နိုင်ဂျီးရီးယား တောင်ပံတိုက်စစ်ကစားသမား အဒီမိုလာ လွတ်ခ်မန်ကို ယူရို သန်း ၆၀ ရရှိမယ်ဆိုရင် ရောင်းချဖို့ အသင့်ရှိနေတယ်လို့ စပိန်သတင်းတွေက ဖော်ပြလာပါတယ်။

အသက် ၂၈ နှစ်အရွယ် လွတ်ခ်မန်ဟာ ဇန်နဝါရီအပြောင်းအရွှေ့ဈေးကွက်မှာ အက်သလက်တီကိုကို ရောက်ရှိလာခဲ့ပေမယ့် ရာသီဝက်အတွင်း ၂၄ ပွဲကစားကာ ၉ ဂိုးသွင်းပြီး ဂိုးဖန်တီးမှု ၃ ကြိမ် ပြုလုပ်နိုင်ခဲ့ပါတယ်။

ဒါပေမယ့် အက်သလက်တီကိုမက်ဒရစ်ဟာ လာမယ့်ရာသီအတွက် အသင်းကို အကြီးအကျယ် ပြန်လည်တည်ဆောက်ဖို့ စီစဉ်နေပြီး လွတ်ခ်မန်ကို ရောင်းချကာ ရရှိလာတဲ့ ငွေကြေးနဲ့ အသင်းရဲ့နည်းစနစ်နဲ့ ပိုကိုက်ညီတဲ့ ကစားသမားတွေကို ခေါ်ယူလိုနေတယ်လို့ သိရပါတယ်။

ဒီအခြေအနေကြောင့် အရင်ကတည်းက လွတ်ခ်မန်ကို စိတ်ဝင်စားနေတဲ့ အာဆင်နယ်နဲ့ မန်ချက်စတာယူနိုက်တက်တို့အတွက် အခွင့်အရေးကောင်းတစ်ခု ပေါ်ပေါက်လာခဲ့ပါတယ်။

ပရီးမီးယားလိဂ်မှာ အဲဗာတန်၊ ဖူလ်ဟမ်နဲ့ လက်စတာတို့အတွက် ကစားခဲ့ဖူးတဲ့ လွတ်ခ်မန်ဟာ အင်္ဂလန်ဘောလုံးလောကနဲ့ ရင်းနှီးပြီးသားဖြစ်တာကြောင့် ပရီးမီးယားလိဂ်ကို ပြန်လည်ပြောင်းရွှေ့ဖို့ ဖြစ်နိုင်ခြေ မြင့်မားနေပါတယ်။

လက်ရှိအချိန်မှာတော့ အက်သလက်တီကိုဘက်က ယူရို သန်း ၆၀ ထက် လျှော့ဈေးနဲ့ ရောင်းချဖို့ ဆန္ဒမရှိဘဲ အာဆင်နယ်နဲ့ ယူနိုက်တက်တို့ရဲ့ လှုပ်ရှားမှုကို စောင့်ကြည့်နေပါတယ်။

29/05/2026

ခေတ်တစ်ခေတ်ကို အပြီးတည်ထောင်တော့မယ့် ယူနိုက်တက်

Manchester United ဟာ Bournemouth လူငယ်ကွင်းလယ်လူ Alex Scott ကို နွေရာသီ transfer window မှာ ခေါ်ယူဖို့ စိတ်ဝင်စားနေတယ်လို့ Teamtalk က ဖော်ပြလာပါတယ်။ ချယ်လ်ဆီးကလည်း စိတ်ဝင်စားနေပါတယ်။

အသက် ၂၂ နှစ်အရွယ် အင်္ဂလန်သားဟာ Bournemouth မှာ ခြေစွမ်းပြနေပြီး မိုက်ကယ်ကာရစ်ရဲ့ Man United ကလည်း အနာဂတ် ကွင်းလယ်ကြယ်ပွင့်အဖြစ် စောင့်ကြည့်နေပါတယ်။

ကွင်းလယ်အဖျက် လှည့်ကြည့်စရာမလိုဘဲ အခုထဲက ‌ခြေစွာနေသူမို့ ခေါ်ပြီးတန်းသုံးလို့လည်း ရပါတယ်။ ကွင်းလယ်တိုက်စစ်လည်း ကစားနိုင်ပါတယ်။ ဒီထက်ကောင်းတဲ့ အစီအစဉ်တော့မရှိတော့ပါဘူး။ ယူနိုက်တက် တကယ်လုပ်ပြနေပါပြီ။

(Source - Teamtalk)

28/05/2026

ဒီရာသီပထမဆုံးခေါ်ယူမှုဖြစ်လာနိုင်တဲ့ လက်သစ်ကွင်းလယ်ကျောက်ဆောင်

Manchester United အသင်းဟာ ဒီနွေရာသီအပြောင်းအရွှေ့ဈေးကွက်မှာ အလယ်တန်းအားဖြည့်ဖို့ အရှိန်မြှင့်တင်နေပြီး Ederson ကို ခေါ်ယူဖို့ နီးစပ်နေပြီလို့ သတင်းတွေ ထွက်ပေါ်လာပါတယ်။ Atalanta နဲ့ ဆွေးနွေးမှုတွေက နောက်ဆုံးအဆင့်ထိ ရောက်နေပြီဖြစ်ပြီး ပြောင်းရွှေ့ကြေး ပေါင် ၃၈ သန်းဝန်းကျင်နဲ့ သဘောတူညီမှု ရနိုင်တယ်လို့ ဆိုပါတယ်။

အစောပိုင်းမှာ Ederson ကို Atletico Madrid ဘက်က ခေါ်ယူဖို့ အားသာနေခဲ့ပေမယ့် သူတို့က Joao Gomes ကို ဦးစားပေးသွားတာကြောင့် United ဘက်က အခွင့်အရေးရလာခဲ့တာ ဖြစ်ပါတယ်။ Casemiro ထွက်ခွာဖို့ နီးစပ်နေတဲ့အချိန်မှာ United က သူ့နေရာအစားထိုးဖို့ Ederson ကို အဓိကပစ်မှတ်ထားလာတာ ဖြစ်ပါတယ်ခင်ဗျာ။

လက်ရှိအခြေအနေအရတော့ ဒီအပြောင်းအရွှေ့ဟာ ရက်ပိုင်းအတွင်း အပြီးသတ်နိုင်ဖို့ နီးစပ်နေပြီး Manchester United ရဲ့ နွေရာသီ ပထမဆုံး အဓိကခေါ်ယူမှုတွေထဲက တစ်ခု ဖြစ်လာနိုင်ပါတယ်။

25/05/2026

ကွင်းလယ်ပိုင်းကို အဓိကထားအားဖြည့်မယ့် သရဲနီများ

နောက်ရာသီမှာ ယူနိုက်တက်က ကွင်းလယ်ပိုင်းကို အတော်လေး အားဖြည့်မှာပါ။ ‌ကတ်စီက သေချာပေါက်ထွက်မယ်။ မောင့် ၊ အူကာတီ ၊ ဇက်ဇီးတို့လည်း ထွက်မှာပါ။ ဆိုတော့ ကွင်းလယ်ကို အဓိက အားပြုခေါ်ယူမှာပါ။

လောလောဆယ် Man United က Atalanta အသင်းရဲ့ ဘရာဇီးကွင်းလယ်လူ Ederson ကို ခေါ်ယူဖို့ ဆွေးနွေးမှုတွေကို အသည်းအသန် လုပ်နေတယ်လို့ Sky Sports က ဖော်ပြထားပါတယ်။ ပြောင်းရွေ့ကြေးနဲ့ပက်သက်ပြီး ယူနိုက်တက်နဲ့ အတ္တလန်နာကြား ညှိနိုင်းနေတာက အနည်းငယ် ခက်ခဲနေပါတယ်။

အသက် 26 နှစ်ရှိပြီး ဖြစ်ပြီး ကစားသမားရဲ့ အရည်အချင်းကတော့ အထွေအထူး ပြောစရာမလိုပါဘူး။ အသင်းခဆီ ရောက်လာရင်လည်း ကောင်းခြင်းမင်္ဂလာတစ်ပါး ဖြစ်ဖို့ရှိပါတယ်ခင်ဗျာ။

22/05/2026

ခေါ်ယူထားသင့်တဲ့ လူငယ်ကြယ်ပွင့်လေး

အက်စတွန်ဗီလာကတော့ သူတို့ကစားသမားလေး မော်ဂန် ရော်ဂျာကို ရောင်းဖို့ ပြင်နေပါပြီ။ ဒီကောင်လေးရဲ့ ခြေစွမ်းခြေစကိုတော့ အထူးတလည်ပြောစရာမလိုပါဘူး။ 23 နှစ်သာ ရှိသေးပေမယ့် ဒီရာသီ ပရီးမီးယားလိဂ် သွင်းဂိုး ဆယ်ဂိုး ၊ ဖန်တီးမှု ခြောက်ကြိမ်ထိ ရှိထားပါတယ်။

ဘယ်ညာတောင်ပံ ၊ ကွင်းလယ်တိုက်စစ်သမားလေးပါ။ ဈေးကတော့ ပေါင်သန်း 80 လောက် သုံးရပါမယ်။ မန်ယူနိုက်တက် ၊ ပီအက်ဂျီ ၊ အာဆင်နယ် တို့က စောင့်ကြည့်နေကြပါတယ်ခင်ဗျာ။

01

Ibet789 mm Ar Kar

05/06/2026

04/06/2026

03/06/2026

02/06/2026

31/05/2026

30/05/2026

29/05/2026

28/05/2026

25/05/2026

22/05/2026

Address

Website

Alerts

Shortcuts

Share

Category