25/07/2024
အာဂျင်တီးနား မွှေချက်က လက်ကုန်ပဲ၊ ၂ နာရီကြာမှ ပြန်ကန်ခိုင်းပြီး မော်ရိုကို,ကို အနိုင်ပေးရတယ်
----------------------------------------------------
အာဂျင်တီးနားကို ဖီဖာရဲ့မွေးစားသားလို့ ပရိသတ်တွေက ထေ့ငေါ့ပြောတာဟာလည်း သိပ်တော့ မလွန်လှပါဘူး။ အခု အိုလံပစ်ပြိုင်ပွဲရဲ့အုပ်စုအဖွင့်ပွဲတွေမှာ မွေချက်က 9Plus ဆိုတဲ့အကွက်နဲ့ မွှေချသွားတာက အာဂျင်တီးနားပါ။
ဒိုင်လူကြီးက ဘက်လိုက်ပေးတယ်။ အာဂျင်တီးနား ချေပဂိုး မရမချင်း ပွဲကို နာကျင်အချိန်ပိုတွေ ထပ်ဖြည့်ထည့်ပြီး ကန်ခိုင်းခဲ့တယ်။ အာဂျင်တီးနားက ချေပဂိုးရတာနဲ့ ပွဲသိမ်းခရာမှုတ်ပစ်ခဲ့တယ်။ အာဂျင်တီးနားအသင်းက ဒုတိယမြောက်အဖိုးတန်ချေပဂိုးရတော့ နာကျင်အချိန်ပိုက ၉၀+၁၅ မိနစ် ဖြစ်နေပြီ။
ပြီးတော့ အာဂျင်တီးနား ရသွားခဲ့တဲ့ ဒုတိယဂိုးက လူကျွံဘော ဖြစ်နေခဲ့တယ်။ ဒါကို VAR နဲ့ စစ်ဆေးတွေ့ရှိခဲ့တဲ့ကြားကနေ ဒိုင်လူကြီးက ဂိုးအဖြစ် သတ်မှတ်ပေးလိုက်တာပါ။ မြန်မာလို ပြောရရင် “ရုပ်ပေါက်ချက်”က လက်ကုန်ပဲဆိုတဲ့အကွက်တွေ ဖြစ်သွားတယ်။
ပွဲကို မော်ရိုကိုဘက်က နှစ်ဂိုး စသွင်းပြီး ဦးဆောင်တယ်။ အာဂျင်တီးနားက တစ်ဂိုး ပြန်ချေပတယ်။ အဲ့ဒီအနေအထားနဲ့ သာမန်ပွဲကစားချိန် မိနစ် ၉၀ ပြည့်သွားတယ်။ နာကျင်အချိန်ပို ဆက်ပေးတော့လည်း အာဂျင်တီးနားက ဂိုးမရခဲ့ဘူး။ ဒီတော့ အာဂျင်တီးနား ဂိုးမရမချင်း ဆက်ကန်ခိုင်းထားသလို ကန်ခိုင်းခဲ့တယ်။ အာဂျင်တီးနားဘက်က ဒုတိယဂိုး ရတော့မှပဲ ဒိုင်က ပွဲသိမ်းခရာမှုတ်ခဲ့တယ်။
ဒီတော့ ကွင်းပြင်ဆီ ထွက်ခွာချိန်မှာ ပရိသတ်လူအုပ်ကြီးက ဒိုင်လူကြီးတွေနဲ့ အာဂျင်တီးနားကစားသမားတွေကို အရာဝတ္ထုတွေနဲ့ တရစပ်ပစ်ပေါက်တာတွေ ဖြစ်လာတော့တယ်။ လုံခြုံရေးအစီအမံတွေ တိုးမြှင့်ပြီး သူတို့ကို အဝတ်လဲခန်းထဲ ခေါ်သွားလိုက်ရတယ်။ ပြီးတော့ ပြိုင်ပွဲကျင်းပရေးကော်မတီက ဒိုင်လူကြီးနဲ့ နှစ်သင်းလုံးကို သက်ဆိုင်ရာနေရာတွေဆီ မပြန်စေသေးဘဲ ပွဲကို ပြန်စစ်ဆေးခဲ့တယ်။
စစ်ဆေးလိုက်ချိန်မှာ ညောင်မြစ်တူးလို့ ပုတ်သင်ဥတွေ ပေါ်သလို ဒိုင်လူကြီးရဲ့ဘက်လိုက်ဆုံးဖြတ်ထားတာတွေ ထွက်ပေါ်လာခဲ့တယ်။ ဒီတော့ ပွဲရဲ့နာကျင်အချိန်ပိုတွေကို ပြန်ကန်ပါလို့ ပြိုင်ပွဲကျင်းပရေးကော်မတီက ချက်ချင်းပဲ ညွှန်ကြားချက်ထုတ်လိုက်ရတယ်။ ဒါပေမဲ့ ပရိသတ်တွေက ဒိုင်လူကြီးနဲ့ အာဂျင်တီးနားကို မကျေမနပ်ဖြစ်နေပြီဆိုတော့ ပရိသတ်အားလုံး ကွင်းထဲကနေ ပြန်သွားချိန်ရောက်မှ ပရိသတ်မပါဘဲနဲ့ အဲ့ဒီနာကျင်အချိန်ပိုမိနစ်တွေကို ကစားစေခဲ့ရတယ်။
ပြန်ကစားမယ့် နာကျင်အချိန်ပိုမိနစ်ကို ၃ မိနစ်လို့ ပြိုင်ပွဲကျင်းပရေးကော်မတီက သတ်မှတ်ပေးခဲ့တယ်။ အာဂျင်တီးနားရရှိခဲ့တဲ့ ဒုတိယဂိုးကို လူကျွံဘောဖြစ်နေတဲ့ VAR စစ်ဆေးချက်အပေါ်မူတည်ပြီး ပယ်ဖျက်လိုက်တယ်။ မော်ရိုကို အနိုင်ရထားတဲ့ မိနစ် ၉၀ ကနေစလို့ နာကျင်အချိန်ပို ၃ မိနစ် ပြန်လည်ကစားစေခဲ့တယ်။ ပွဲအပြီးမှာတော့ မော်ရိုကိုက အာဂျင်တီးနားကို ၂ ဂိုး ၁ ဂိုးနဲ့ နိုင်သွားခဲ့တယ်။
ပြင်သစ်ဒေသစံတော်ချိန် ညနေ ၃ နာရီက စတင်တဲ့ ဒီပွဲဟာ ဒေသစံတော်ချိန် ည ၇ နာရီကျော်ကိုရောက်မှ ပွဲပြီးကြောင်း ကြေညာနိုင်ခဲ့တယ်။ အာဂျင်တီးနား မွှေချက်ကတော့ လက်ကုန်ပါပဲ။ ဒါကြောင့်လည်း သူတို့ကို ဖီဖာရဲ့မွေးစားသားလေးတွေလို့ ပရိသတ်တွေက ထေ့ငေါ့နေကြတာဖြစ်မှာပါ။
