18/08/2026
I K O Matsushima Myanmar, Tanintharyi Branch, Dawei - KURO OBI DOJO ကျို့ခ်ရှင်းကရာတေးသင်တန်းတည်ထောင်သူ ဆရာရဲအောင်သည် ထားဝယ်ဒေသအတွင်း မျိုးဆက်သစ်ကရာတေးသမားများ ပေါ်ထွက်လာရေးအတွက်ရည်ရွယ်၍ ကျို့ခ်ရှင်းကရာတေးပညာကိုအစဉ်တစိုက်သင်ကြားလျက်ရှိပါသည်။
ဆရာရဲအောင်၏ ကရာတေးပညာရပ်ဆိုင်ရာအောင်မြင်မှုအဖြစ် International Karate Organization Kyokushinkaikan I.K.O MATSUSHIMA အဖွဲ့အစည်းကြီး၏ သင်ရိုးညွှန်းတမ်းများနှင့်အညီ ကမ္ဘာ့အဖွဲ့ချုပ်မှ ကျို့ခ်ရှင်းကရာတေး ခါးစည်းနက်အဆင့် (၁) (၂) (၃) (၄) Black belt (1st,2nd,3rd Dan,4th Dan) ကို ထိုက်တန်စွာရရှိခဲ့ပါသည်။ 1/12/2025ခုနှစ်တွင် ဂျပန်နိုင်ငံ Maebashi မြို့ရှိ International Karate Organization Kyokushinkaikan,I K O Matsushima (Honbu)မှ ကမ္ဘာ့အဖွဲ့ချုပ်ဥက္ကဌဖြစ်သည့် Kancho Yoshikazu Matsushima ကိုယ်တိုင်စစ်ဆေးပြီး နိုင်ငံတကာမှ Shihanများကြီးကြပ်သည့် Yon Dan (4th Dan) အဆင့်စာမေးပွဲကို ဖြေဆိုအောင်မြင်ပြီး Certificate နှင့် Yon Dan ခါးစည်းကိုရရှိထားသူလည်းဖြစ်ပါသည်။
ဆရာရဲအောင်သင်ကြားလျက်ရှိသည့် I K O Matsushima Myanmar, Tanintharyi Branch, Dawei - KURO OBI DOJO ကျို့ခ်ရှင်းကရာတေးသင်တန်းသည် International Karate Organization Kyokushinkaikan , I.K.O MATSUSHIMA အဖွဲ့အစည်းကြီးအသိအမှတ်ပြု မြန်မာပြည်သင်တန်းကျောင်း I K O Matsushima Myanmar (M K.K.A)၏ တနင်္ဿာရီတိုင်းသင်တန်းခွဲ(ထားဝယ်)ဖြစ်ပါသည်။ဆရာရဲအောင်သည် ကရာတေးပညာပျံ့ပွားရေးနှင့် ထားဝယ်ဒေသရှိလူငယ်လူရွယ်များ မိမိကိုယ်ကိုခုခံကာကွယ်နိုင်ပြီး စိတ်ရောကိုယ်ပါကြံ့ခိုင်သန်မာစေရေးအတွက် သင်တန်းဖွင့်လှစ်သင်ကြားရုံသာမက ပုဂ္ဂလိက ကိုယ်ပိုင်ကျောင်းများဖြစ်သည့် (၁)kk_learning_academy,
kaung_kin_private_school_dawei
(၂) Genius kids -Dawei , Preschool & Education center ၊
(၃) Pole Star Private Primary School တို့တွင် ကရာတေးပညာကို ကျောင်းသား/သူများအားသင်ကြားပို့ချလျက်ရှိပါသည်။
ဆရာရဲအောင်သည် ကျို့ခ်ရှင်းကရာတေးပညာဖြင့် မျိုးဆက်သစ်များအား အချင်းချင်းလေးစားတန်ဖိုးထားတတ်ရန်၊ကိုယ်ကာယကြံ့ခိုင်ကျန်းမာစေရန်၊မိမိကိုယ်ကိုကာကွယ်နိုင်စေရန်နှင့် နိုင်ငံ့အကျိုးပြုအားကစားသမားကောင်းများပေါ်ထွက်လာစေရန်အတွက် အစဉ်တစိုက်ကြိုးစားအားထုတ်နေသူဖြစ်ပါသည်။ ဆရာရဲအောင်သည် ၂၀၁၀ခုနှစ် 1st Matsushima Cup ကျို့ခ်ရှင်းကရာတေး ပြည်တွင်းပြိုင်ပွဲတွင် ရွှေတံဆိပ်ဆုရှင်အဖြစ်သာမက အာရှ-ပစိဖိတ်နိုင်ငံတကာဖိတ်ခေါ် ကျို့ခ်ရှင်းကရာတေးပြိုင်ပွဲများတွင် မြန်မာနိုင်ငံကိုယ်စားပြုဖိုက်တာအဖြစ် (၂)ကြိမ်၊ကမ္ဘာ့အဆင့်ပြိုင်ပွဲတွင်(၂)ကြိမ်ယှဉ်ပြိုင်ထားသူဖြစ်ပြီး ၂၀၂၅ခုနှစ် နိုဝင်ဘာလ၂၉ရက်တွင်ကျင်းပသည့် (၆)ကြိမ်မြောက်ကမ္ဘာ့အဆင့်ကျို့ခ်ရှင်းကရာတေးပြိုင်ပွဲသို့ မြန်မာနိုင်ငံကိုယ်စားပြုဖိုက်တာအဖြစ်သွားရောက်ယှဉ်ပြိုင်ထားသူဖြစ်ပါသည်။
Sensei Ye Aung
1.2009 (Starting Year of doing Karate)
2.2015 (Year of Receiving Black belt)
3.1st Prize (1st Matsushima Cup, Myanmar, Yangon,2010)
4.Fighter (First Asian Pacific Championship, Indonesia, Jakarta, 2017)
5.Fighter (5th I. K. O Matsushima World Cup, China, Shanghai ,2018)
6.Fighter (Second Asian Pacific Championship, Myanmar, Yangon, 2019)
7.Fighter (THE 6th I K O MATSUSHIMA WORLD WEIGHT KYOKUSHIN KARATE TOURNAMENT, Japan, Maebashi,2025)
8.17 years( Karate Experiences)
8.Branch Chief (Thanintharyi Region -I. K. O Matsushima Myanmar (M. K. K. A))
ဆရာရဲအောင်သင်ကြားခဲ့သည့် သင်တန်းသား/သူများသည် အာရှ-ပစိဖိတ် ဖိတ်ခေါ်ကျို့ခ်ရှင်းကရာတေးပြိုင်ပွဲများနှင့် နိုင်ငံတကာအဆင့်တွင် ဆုတံဆိပ်များရရှိထားကြသလို ပြည်တွင်းပြိုင်ပွဲများတွင်လည်း ဆုတံဆိပ်များစွာရရှိအောင်ကြိုးစားစွမ်းဆောင်ထားနိုင်ပါသည်။ဆရာရဲအောင်သည် ကျို့ခ်ရှင်းကရာတေးပညာရပ်ပျံ့ပွားရေးအတွက် နှစ်ပေါင်းများစွာအားထုတ်သင်ကြားလျက်ရှိသလို လူမှုကွန်ယက်ပေါ်တွင်လည်း ကျို့ခ်ရှင်းကရာတေးပညာရပ်နှင့် ကိုယ်ခံပညာရပ်ဆိုင်ရာဗဟုသုတများကို မျှဝေရေးသားနေသူလည်းဖြစ်ပါသည်။
I K O Matsushima Myanmar, Tanintharyi Branch, Dawei -KURO OBI DOJO
Dawei -KURO OBI DOJO 🏆
