05/03/2025
ချစ်ရသောအမျိုးသမီးလေးတို့အတွက် …
မိန်းကလေးတွေ ရာသီလာချိန် လေ့ကျင့်ခန်း လုပ်လို့ရလားဆိုတဲ့ မေးခွန်းတွေအတွက်….
ညီမလေးတွေရဲ့ ခန္ဓာကိုယ်နဲ့ စိတ်ကို ထိန်းချုပ်ထားတဲ့ ဟော်မုန်းတွေက ရာသီစက်ကွင်းအလိုက် အတက်အကျရှိတာကို နားလည်လာပြီးတော့ သူ့စက်ဝန်းအချိန် အတိုင်း ထိရောက်တဲ့ လေ့ကျင့်ခန်း workout တွေကို လုပ်လို့ရပါတယ်။
မိန်းကလေးတွေရဲ့ ကိုယ်ထဲမှာ ဖြစ်ပျက်နေတဲ့ တစ်လတာ လည်ပတ်တဲ့ သဘာဝ ရာစီစက်ကွင်းကို Phase အပိုင်း (၄) ပိုင်း ခွဲခြားနိုင်ပါတယ်။
ဒီကာလတွေထဲမှာ သူ့ phase နဲ့ သူကိုက်ညီတဲ့ လေ့ကျင့်ခန်းတွေ ပြုလုပ်နိုင်ရင် ပိုမိုထိရောက်တဲ့ ရလဒ်တွေနဲ့ မလိုလားတဲ့ ထိခိုက်ဒဏ်ရာရမှုတွေ စိတ်ရောလူရာ မောပန်းမှုတွေကနေပါ ရှောင်ရှားနိုင်ပါတယ်။
1. သွေးဆင်းနေတဲ့အချိန် (၁ - ၅ ရက်နေ့) – ကိုယ်က အားနည်းနေသလို ဖြစ်နိုင်တယ်။ မောလွယ်တယ်၊
ခန္ဓာကိုယ် တောင့်တင်းပြီး စိတ်တိုလွယ်နိုင်တယ်။
ပြုလုပ်သင့်တဲ့ လေ့ကျင့်ခန်းများ
• အားကုန်ညှစ်ပြီး မသုံးရတဲ့ လေ့ကျင့်ခန်းများ (Stretching, Yoga)
• တဖြည်းဖြည်း လမ်းလျှောက်ခြင်း
• Breathing exercises
💡 လှုပ်ရှားဖို့ အားမရှိရင် အနားယူပြီး ဖြည်းဖြည်းပဲ လှုပ်ရှားပေးပါ။
2. သွေးရပ်ပြီး အားပြန်ဝင်လာတဲ့အချိန် (၆ - ၁၄ ရက်နေ့) – ကိုယ်ခံစွမ်းအား တက်လာတဲ့အချိန်။
ခန္ဓာကိုယ် သန်မာလာတယ်၊ လှုပ်ရှားချင်လာတယ်။
ပြုလုပ်သင့်တဲ့ လေ့ကျင့်ခန်းများ
• လေးလံတဲ့ အားကစား (Weight Training)
• သန်မာတဲ့ လေ့ကျင့်ခန်း (Jumping, Running, Cycling) – ကိုယ်လှုပ်ရှားမှုပိုကောင်းလာစေမယ်။
• လေရှူပြီး နှလုံးခုန်နုန်း မြှင့်စေတဲ့ Cardio workout များ, ( HIIT, စက်ဘီးစီး၊ ပြေးခြင်း၊ ရေကူး စတာတွေ)
💡 ဒီကာလမှာ ကိုယ်ခံနိုင်ရည်စွမ်းအား အများဆုံးဖြစ်နေတဲ့အတွက် ပိုအားထုတ်နိုင်ပါတယ်။
3. ကိုယ်ခံစွမ်းအား အပြည့်အဝဖြစ်တဲ့အချိန် (၁၄ - ၁၆ ရက်နေ့) – အားထုတ်လေ့ကျင့်ဖို့ အကောင်းဆုံး အချိန်။ သန္ဓေတည်ဖို့ နှုန်းမြင့်တယ်၊ ကိုယ်ခံအားအပြည့်ရှိတယ်။
ပြုလုပ်သင့်တဲ့ လေ့ကျင့်ခန်းများ
• အားသကုန်ထုတ်ရတဲ့ လေ့ကျင့်ခန်း (Sprinting, Jumping, Heavy Weight Lifting)
• ကိုယ်ခံစွမ်းအားကို စမ်းသပ်နိုင်တဲ့ လေ့ကျင့်ခန်း
💡 ဒီတစ်ခါမှာကို အားအပြည့်ထုတ်နိုင်ပေမယ့် ခြေလက်ထိခိုက်မှုမဖြစ်အောင် သတိထားပါ။
4. မောပန်းလွယ်လာတဲ့အချိန် (၁၇ - ၂၈ ရက်နေ့) – အရင်ရက်တွေလောက် အမောမခံနိုင်တာ ဖြစ်နိုင်တဲ့အချိန်။ ခံစားမှုပြောင်းလဲနိုင်တယ်၊ ကိုယ်လှုပ်ရှားချင်စိတ်နည်းသွားနိုင်တယ်။ ဝိတ်လဲ နဲနဲ တက်လာနိုင်တယ် ပြုလုပ်သင့်တဲ့ လေ့ကျင့်ခန်းများ
• အပြည့်အဝအားမထုတ်ဘဲ ပြုလုပ်နိုင်တဲ့ လေ့ကျင့်ခန်း (Walking, Light Yoga, body weight workout, TRX, Pilate, Swimming)
• ဖြည်းဖြည်းတိုးတက်နိုင်တဲ့ လေ့ကျင့်ခန်း (Moderate Strength Training) စသည်ဖြင့်ပေါ့
💡 ကိုယ်မောရင် အနားယူတာလည်း အရေးကြီးတယ်။
ဒီလို အချိန်မျိုးတွေကို
မိန်းကလေးတွေ အနေနဲ့ သိပြီး ကိုယ့်ခန္ဓာကိုယ်ရဲ့ သဘာဝစက်ဝန်း ပြုမူနဲ့ လိုက်လျောညီထွေတဲ့ လေ့ကျင့်ခန်းတွေ အချိန်ကိုက် လိုက်လုပ်နိုင်ရင် အချိန်တိုအတွင်း–
✅ ကိုယ်သန်မာလှပလာမယ်။
✅ ကိုယ်ခံအားနဲ့ အကြောအချင်ပျော့ပြောင်း ပိုကောင်းလာမယ်။
✅ မလိုလားတဲ့ မောပန်းမှုတွေ၊ စိတ်ခံစားမှု ပြောင်းလဲမှုတွေကို ထိန်းချုပ်နိုင်မယ်။
✅ ထိခိုက်မှုနည်းပြီး ပိုပြီး ကျန်းမာသန်စွမ်းလာမယ်။
ကိုယ့်ကိုယ်ကို သတိထားပြီး ကိုယ်ခံစွမ်းအားအတွက် သင့်တော်တဲ့ အားကစားနည်းတွေ လေ့ကျင့်သင့်ပါတယ်။
မိမိရဲ့ ခန္ဓာကိုယ်ကို နားထောင်ပြီး ကိုယ်တိုင်အတွက် အကောင်းဆုံးနည်းကို ရွေးချယ်ဖို့ ဘယ်ကဘယ်လို့ စရမှန်းမသိရင် T Fitness App လေးကို download ဆွဲလိုက်ပါ။
မေးချင်တာလေးတွေ ကော်မင့်ရေးထားခဲ့ပါ ကူညီဖို့ အဆင်သင့်နော်
