Myanmar Tennis Federation

26/08/2026

10/08/2026

မြန်မာနိုင်ငံတင်းနစ်အဖွဲ့ချုပ်ဥက္ကဌဦးမျိုးသူရအား
ထိုင်းနိုင်ငံ၏ အထင်ကရ တင်းနစ်အဖွဲ့အစည်းဖြစ်သည့်TATP Tour ဥက္ကဌမှ Sunday August 16 နေ့တွင်ပြုလုပ်မည့် “Celebrate of 30 years of the TATP Tour” နှစ်ပတ်လည်အထိမ်းအမှတ်အဖြစ် “Home Coming” Honorary ပြိုင်ပွဲသို့ ပါဝင်တက်ရောက်ဆင်နွဲရန် ဖိတ်ကြားခဲ့ပါသည်။
~~~~~~~~~~~~~~~~~~~~~~~~~~~~
TATP Tour အကြောင်းသိကောင်းစရာ

TATP Tour (Singha TATP Tour) သည် ထိုင်းနိုင်ငံ၏ ထိပ်တန်း ကြေးစား တင်းနစ်ပြိုင်ပွဲ စီးရီး (Professional Tennis Tour) ဖြစ်ပြီး အားကစားသမားများ အပြည်ပြည်ဆိုင်ရာ ပြိုင်ပွဲများသို့ တက်လှမ်းနိုင်ရန် အဓိက စင်မြင့်တစ်ခုအဖြစ် ဆောင်ရွက်ပေးနေသော အဖွဲ့အစည်းဖြစ်သည်။

​ထိုင်းနိုင်ငံ၏ အဓိက ကုမ္ပဏီကြီးတစ်ခုဖြစ်သည့် Singha Corporation မှ အဓိက ပံ့ပိုးကူညီထားသောကြောင့် Singha TATP Tour ဟုလည်း လူသိများသည်။

​International Tennis Federation (ITF) ၏ ပြိုင်ပွဲ စံချိန်စံညွှန်းများနှင့် လုံးဝကိုက်ညီအောင် ကျင်းပခဲ့သည့် ထိုင်းနိုင်ငံ၏ ပထမဆုံး တင်းနစ်ပြိုင်ပွဲ စီးရီးများထဲတွင် ပါဝင်သည်။

ထိုင်းနိုင်ငံနှင့် ဒေသတွင်းမှ လူငယ် တင်းနစ်အားကစားသမားများအနေဖြင့် နိုင်ငံတကာအဆင့် (ITF, ATP, WTA) ပြိုင်ပွဲများသို့ မဝင်ရောက်မီ အတွေ့အကြုံ၊ အမှတ် (Points) နှင့် ဆုကြေးများ ရရှိနိုင်ရန်အတွက် စနစ်တကျ ပြိုင်ပွဲများ ဖန်တီးပေးရန်ဖြစ်သည်။

​ ​TATP Main Circuit: Singha Championship၊ Singha Pattaya Open စသည့် စီးရီး Circuit များကို တစ်နှစ်ပတ်လုံး ကွင်းအမျိုးအစား အသီးသီးတွင် ကျင်းပပေးသည်။

သက်ကြီးပိုင်းနှင့် ဝါသနာရှင် တင်းနစ်ကစားသမားများအတွက်လဲ ပြိုင်ပွဲများ စီစဉ်ကျင်းပပေးသည်။

​Singha Grand Slam Experience: လူငယ် မျိုးဆက်သစ် ကစားသမားများကို နိုင်ငံတကာ Grand Slam ပြိုင်ပွဲများ သွားရောက်လေ့လာခွင့်နှင့် သုံးသပ်လေ့ကျင့်ခွင့် ပေးသည့် အထူးအစီအစဉ်လဲရှိသည်။

​TATP Tour သည် ထိုင်းနိုင်ငံ လက်ရွေးစင် Davis Cup နှင့် Billie Jean King Cup (Fed Cup) ကစားသမားများစွာကို မွေးထုတ်ပေးရာ၌ အရေးပါသော အခန်းကဏ္ဍမှ ပါဝင်လျက်ရှိသည်။…

~~~~~~~~~~~~~~~~~~~~~~~~~~~~

01/07/2026

29/06/2026

မြန်မာနိုင်ငံတင်းနစ်အဖွဲ့ချုပ်မှကြီးမှူးကျင်းပသော ၂၀၂၆ အိုလံပစ်နေ့အထိမ်းအမှတ် လျှပ်တစ်ပြက်တင်းနစ်ပြိုင်ပွဲကို ရန်ကုန်မြို့သိမ်ဖြူတင်းနစ်ကွင်းတွင် ၂၀၂၆ ဇွန်လ ၂၈ရက်နေ့ မနက် ၈နာရီအချိန်မှစတင်ကျင်းပခဲ့သည်။ အဆိုပါပြိုင်ပွဲတွင် အသက် နှစ်ယောက်ပေါင်း ၁၃၀ပြိုင်ပွဲ၊ အလွတ်တန်းနှစ်ယောက်တွဲပြိုင်ပွဲ၊ အကောင်းဆုံးအရှုံးသမားနှစ်ယောက်တွဲပြိုင်ပွဲ စုစုပေါင်းပြိုင်ပွဲအမျိုးအစား ၃မျိုးကျင်းပခဲ့သည်။ တင်းနစ်ဝါသနာရှင်ကစားသမားစုစုပေါင်း (၁၂၂) ဦး ပါဝင်ယှဉ်ပြိုင်ခဲ့သည်။ Main Sponsorအဖြစ် KTR Group of Companies မှ ပဲ့ပိုးကူညီခဲ့ပါသည်။

26/06/2026

“Olympic Day Movement 2026”
အိုလံပစ်နေ့အထိမ်းအမှတ်လျှပ်တစ်ပြက်တင်းနစ်ပြိုင်ပွဲ

30/05/2026

Announcement!!

ပထမဦးဆုံးအကြိမ် NA မှ ဦးဆောင် ပြီး Coaching Beginner & Intermediate Players Course (ITF level 1) နည်းပြသင်တန်းကို ရန်ကုန်မြို့ “National Training Center” သိမ်ဖြူတင်းနစ်ကွင်းတွင် ဇွန်လ ၈ ရက်မှ ၁၂ ရက် (part 1) နှင့် ဇွန်လ ၁၅ ရက်မှ ၂၀ရက် (part 2) ၊ နေ့စဉ်မနက် ၉နာရီမှ ညနေ ၅နာရီ အထိ သင်တန်းကာလ ၁၁ ရက် ဖွင့်လှစ်သွားမည်ဖြစ်ပါသည်။ CBI (ITF level 1) သည် Face to Face Assessment သင်တန်းဖြစ်သည်။

သင်တန်းတွင် Test ၄ ခုရှိပါသည်။
1) Written test
2) Ability test
3) Group lesson test
4) Individual lesson test တို့ဖြစ်သည်။

CBI (ITF level 1) သင်တန်းသည် မိမိ၏နည်းပြ level ကို upgrade လုပ်ရန်ဆန္ဒရှိသောနည်းပြများ၊ ဆက်လက်ပြီး မိမိ Carrier အတွက် ထပ်ပြီး တိုးတက် လေ့လာချင်သောနည်းပြများ မဖြစ်မနေတက် ရောက်သင့်သောသင်တန်းဖြစ်ပါသည်။ သင်တန်းအောင်မြင်ခဲ့လျှင် NA certificate အပြင် နိုင်ငံတကာအသိအမှတ်ပြု level 1 အောင်လက်မှတ်ကို ITF Academy မှ ရမည်ဖြစ်ပါသည်။

၁။ သင်တန်းတက်ရောက်သော သင်တန်းသား(နည်းပြ) များသည် 70% attendance ပြည့်မှသာ လျှင် Attendance လက်မှတ်ကို NA မှ ရမည်ဖြစ်ပါသည်။
၂။ Test ၄ခုလုံးအောင်မှသာ အောင်မြင်ကြောင်း certificate ကို ITF Academy မှရမည်ဖြစ်သည်။

အရည်အချင်းသတ်မှတ်ချက်များမှာအောက်ပါအတိုင်းဖြစ်ပါသည်။
*Play Tennis Course/Pre level 1 အောင်မြင်ပြီးသူများသာဖြစ်ရပါမည်။*

၁။ ပထမဦးစားပေးမြန်မာ့လက်ရွေးစင်အဆင့်ကစားဖူးသူများ။
၂။ ဒုတိယဦးစားပေးတိုင်းနှင့်ပြည်နယ်အဆင့်ကစားဖူးသူများ။
၃။ အနည်းဆုံးအသက်၁၈နှစ်ပြည့်ပြီးသူဖြစ်ရပါမည်။

-သင်တန်းဝင်ကြေး တစ်ဦးလျှင် ၃၀၀,၀၀၀ ကျပ်
-နောက်ဆုံးစာရင်းပေးသွင်းရက် (၂၀၂၆ ဇွန်လ ၅ရက်နေ့ နေ့လည် ၁နာရီ)
-သင်တန်းကာလအတွင်း Lunch နှင့် Tea ကို မြန်မာနိုင်ငံတင်းနစ်အဖွဲ့ချုပ်မှ စီစဉ်ပေးပါမည်။

(မှတ်ချက်- အများဆုံးသင်တန်းသား ၁၅ ဦးသာလက်ခံပါမည်)
Detail information- 09972721901, 095087261


Junior Tennis Initiative - Myanmar