08/10/2026
💪 အသက်ကြီးလာတာကို တားလို့မရဘူး။ ဒါပေမယ့် ကြွက်သားတွေ ဆုံးရှုံးသွားတာကိုတော့ လျှော့ချလို့ရပါတယ်။
အသက် ၃၀ အရွယ် လူတစ်ယောက်နဲ့ အသက် ၇၀ အရွယ် လူတစ်ယောက်ရဲ့ ကြွက်သားတွေ ဘယ်လောက်ကွာခြားနိုင်လဲဆိုတာ စဉ်းစားကြည့်ဖူးလား?
ပုံမှာ အနီရောင်တွေက ကြွက်သား (Muscle) ဖြစ်ပြီး အဝါရောင်တွေက အဆီ (Fat) ဖြစ်ပါတယ်။
အသက်ကြီးလာတာနဲ့အမျှ ကျွန်တော်တို့ခန္ဓာကိုယ်မှာ ကြွက်သားထု (Muscle Mass) လျော့နည်းလာနိုင်ပါတယ်။
အထူးသဖြင့် ကိုယ်လက်လှုပ်ရှားမှုနည်းပြီး Strength Training မလုပ်တဲ့သူတွေမှာ ပိုသိသာနိုင်ပါတယ်။
ဒီလို အသက်အရွယ်နဲ့ဆက်စပ်ပြီး ကြွက်သားထုနဲ့ ကြွက်သားစွမ်းအား လျော့နည်းလာတာကို Sarcopenia လို့ခေါ်ပါတယ်။
ဒါပေမယ့် သတင်းကောင်းတစ်ခုရှိပါတယ်။
အသက် ၆၀၊ ၇၀ ရောက်နေပြီဆိုရင်တောင် Weight Training စလုပ်ဖို့ နောက်မကျသေးပါဘူး။
Strength Training ကို ပုံမှန်လုပ်ပေးခြင်းအားဖြင့်
✅ ကြွက်သားထုနဲ့ ခွန်အားကို ထိန်းသိမ်းနိုင်တယ်။
✅ အရိုးကျန်းမာရေးကို အထောက်အကူပြုတယ်။
✅ ခန္ဓာကိုယ်ဟန်ချက်နဲ့ လှုပ်ရှားနိုင်စွမ်း ပိုကောင်းလာစေတယ်။
✅ အသက်ကြီးလာတဲ့အခါ ကိုယ့်ဘာသာ လွတ်လပ်စွာ နေထိုင်နိုင်ဖို့ အထောက်အကူပြုတယ်။
တစ်ခုတော့ သတိပြုစေချင်ပါတယ်။
Gym ဆော့တယ်ဆိုတာ Six Pack ရဖို့၊ ကြွက်သားကြီးဖို့ သက်သက်မဟုတ်ပါဘူး။
အသက် ၇၀ ရောက်တဲ့အခါမှာတောင် လှေကားတက်နိုင်ဖို့၊ ကိုယ့်ပစ္စည်းကိုယ်သယ်နိုင်ဖို့၊ ကိုယ့်ခြေထောက်ပေါ် ကိုယ်ရပ်တည်နိုင်ဖို့လည်း ဖြစ်ပါတယ်။
ဒီနေ့ လေ့ကျင့်ခန်းလုပ်တာဟာ နောင်နှစ်ပေါင်း ၂၀၊ ၃၀ အတွက် ကိုယ့်ကျန်းမာရေးကို ရင်းနှီးမြှုပ်နှံနေတာပါပဲ။
