19/11/2022
BTS နဲ့ ရှက်ကီရာကြား ငြင်းနေမယ့်အစား ဒါတွေကို သိပြီးကြပြီလား ......
နှစ်ရက်သာလိုတော့တဲ့ ကမ္ဘာ့ဖလားပြိုင်ပွဲကြီးက စတင်တော့မှာပဲ ဖြစ်ပါတယ်။
အဖွင့်ပွဲ သီချင်းဆိုမှာက BTS ရော ရှက်ကီရာရော အခြားအနုပညာရှင်တွေလည်း သီဆိုကြမှာဖြစ်ပါတယ်။ ပွဲရှာတာတွေ ရပ်လိုက်ကြပါတော့ ရင်ခုန်စရာကမ္ဘာ့ဖလားပွဲတွေကိုပဲ ဂရုတစိုက်နဲ့ ကြည့်လိုက်ကြရအောင်နော် ....
အခုထိ BTS နဲ့ ရှက်ကီရာကြား ဗျာများနေပြီး ကမ္ဘာ့ဖလားမှာ နဲ့ပတ်သတ်ပြီး သိသင့်သိထိုက်တာလေးတွေကို ကျွန်မတို့ Channel က ပြောပြပေးသွားမှာပဲ ဖြစ်ပါတယ်။ ကာတာနိုင်ငံက ကမ္ဘာ့ဖလား အတွက် ဘယ်လိုတွေပြင်ဆင်တယ်ဆိုတာလေးတွေကို ပြောပြပေးပါမယ်
၂၀၂၂ ကမ္ဘာ့ဖလားပြိုင်ပွဲကို အိမ်ရှင်ဖြစ်ဖို့ ကာတာအပြင် အမေရိကန်၊ တောင်ကိုရီးယား၊ ဂျပန်နဲ့ သြစတြေးလျတို့လို နိုင်ငံတွေကပါ လျောက်ခဲ့ကြတာပါ။
ကာတာဟာ ၅နိုင်ငံ ပါဝင်တဲ့ မဲခွဲပွဲမှာတုန်းက ပထမအဆင့်၊ ဒုတိယအဆင့်၊ တတိယအဆင့်တွေမှာ မဲတွေ အပြတ်အသတ်ရခဲ့သလို နောက်ဆုံးအဆင့်လည်းမှာ အမေရိကန်ကို ၁၄မဲ - ၈မဲနဲ့ ကျော်ပြီး ရွေးချယ်ခံခဲ့ရတာပါ။ အာရပ် ကမ္ဘာ တစ်ခုလုံးသာမက ကမ္ဘာ့ဘောလုံး ပရိသတ်တွေ အားလုံး အံ့အားသင့်ခဲ့ရတာပါ။
ကမ္ဘာ့ဖလား ကျင်းပခွင့်ရပြီးဆိုတာ သိပြီးတဲ့နောက် ပြိုင်ပွဲအတွက် ဘောလုံးကွင်းသစ် ၉ကွင်းကို အသစ်တည်ဆောက်မှာဖြစ်ပြီး ကွင်းဟောင်း ၃ကွင်းကိုလည်း အကောင်းဆုံး ပြုပြင်နေပါတယ်။ မြို့ကြီး ၇ မြို့မှာ ကွင်းပေါင်း ၁၂ကွင်းနဲ့ ပြုလုပ်မှာဖြစ်ပြီး အဲ့ဒီအတွက် ဒေါ်လာ ဘီလျံချီ အသုံးပြုထားတာပါ။ မြို့တော် ဖြစ်တဲ့ ဒိုဟာ မှာတင် ကွင်း ၄ကွင်းရှိပြီး အခြားမြို့တွေမှာ နောက်ထပ် ၈ကွင်း အထိ တည်ဆောက် နေတာပါ။ ငွေကို ရေလို သုံးနိုင်တဲ့ ကာတာလို နိုင်ငံဟာ ကမ္ဘာ့ဖလားပြိုင်ပွဲအတွက် စုစုပေါင်း ကုန်ကျစရိတ် အမေရိကန် ဒေါ်လာ ၂၃၈ ဘီလျံကျော်အထိ အသုံးပြုနေတာပါ။ ဒါဟာ ကမ္ဘာအရပ်ရပ်မှာ ကျင်းပနေတဲ့ ပြိုင်ပွဲတွေ အားလုံးထက် ကုန်ကျစရိတ် အများကြီး အသုံးပြုထားတာပါ။ ပြီးခဲ့တဲ့ ၂၀၁၈ ကမ္ဘာ့ဖလား အိမ်ရှင် လုပ်ခဲ့တဲ့ ရုရှားဆိုရင် ဒေါ်လာ ၁၁ ဘီလျံပဲ သုံးခဲ့တာကို ကြည့်ရင် ကာတာနိုင်ငံနဲ့ အစိုးရက သမိုင်းတစ်လျောက် အကောင်းဆုံး ကမ္ဘာ့ဖြစ်ဖို့၊ အဆင့်မြင့်ဆုံး ပြိုင်ပွဲကြီးဖြစ်ဖို့ အခုလို အဆမတန် သုံးနေတာ ဖြစ်ပါတယ်။
ပုံမှန်အားဖြင့် ကာတာလို့ နိုင်ငံမျိုးမှာ အရက်၊ ဘီယာ ရောင်းချဖို့ ၊ သောက်စားဖို့ဆိုတာ အင်မတန်ခက်ခဲ့တဲ့ အလုပ်ပါ။ ကာတာဟာ ကမ္ဘာ့ဖလားပြိုင်ပွဲအတွက် အရက်၊ ဘီယာကို ပြိုင်ပွဲအတွင်းမှာ ရောင်းချမယ်လို့ အတည်ပြုထားပါတယ်။ အရက်၊ ဘီယာတွေကို ၁၀၀ ရာခိုင်နှုန်း အခွန် ပေးရမယ့် စနစ်နဲ့ ရောင်းချခွင့်ပြုမှာဖြစ်ပြီး ပြိုင်ပွဲကို လာရောက်မယ့် ပရိသတ်တွေအနေနဲ့လည်း သတ်မှတ်ထားတဲ့ နေရာတွေမှာသာ သောက်သုံးနိုင်မှာ ဖြစ်တယ်လို့ ဆိုပါတယ်။ နိုင်ငံတကာ သတင်းတစ်ခုမှာတော့ ကာတာဟာ ကမ္ဘာ့ဖလားအတွင်း ၂၄ဗူး ပါတဲ့ ဘီယာ တစ်ဖာကို ပေါင် ၈ဝကျော်လောက်အထိ မြင့်မားတဲ့ စျေးနဲ့ ရောင်းချဖို့ ရှိတယ်လို့ ဖော်ပြထားပါတယ်။
ဒီအချက်လေးတွေဟာ ဘာကို ပြောပြချင်လည်း ဆိုတဲ့အခါမှာ ရုရှားတုန်းက ၁၁ ဘီလျံသာ အသုံးပြုခဲ့ပြီး အောင်မြင်စွာ ကျင်းပခဲ့တဲ့ ၂၀၁၈ ကမ္ဘာ့ဖလားပြိုင်ပွဲကြီးကို ကာတာကတော့ ဘီလျံ ၂၄ဝနီးပါးအထိ အသုံးပြုမှာဖြစ်လို့ အရင် ကမ္ဘာ့ဖလားတွေနဲ့ မတူတဲ့ ခံစားမှု၊ မတူညီတဲ့အချိန်၊ မတူညီတဲ့ ပြင်ဆင်မှုတွေက ၂၀၂၂ ကမ္ဘာ့ဖလားပြိုင်ပွဲကြီးကို အံ့အားသင့်စရာဖြစ်အောင် ကြိုးပမ်းနေပြီ ဖြစ်လို့ မကြာတော့တဲ့ရက်ပိုင်းမှာ ကမ္ဘာ့ဖလားပွဲကြီးကို ရင်ခုန်စိတ်လှုပ်ရှားစွာ ကြည့်ရှုရတော့မှာပဲ ဖြစ်ပါတယ်
