27/02/2025
သက်တော်ရှည်ဘွဲ့အား သည်းခံခြင်းများ ထည့်ပေါင်းထုတ်ရလေသလား။
"သက်တော်ရှည်ရခြင်း'' က ဘောလုံးလောကမှာ အတော်လေးစကားပြောပါတယ်။ ကစားသမားတစ်ဦးက အသင်းတစ်သင်းမှာ နှစ်ရာသီရှည်ကြာ/ ငယ်မွေးခြံပေါက်အဖြစ်ကနေ အရွယ်ကျချိန်ထိ ကစားနေခဲ့မယ်ဆို နေညိုရင် လေပြိုချင်ပါတဲ့ စိတ်ကို အရည်လောင်းရင် စိုပြေသွားတတ်တဲ့ သဘာဝထက် ခန့်မှန်းလို့ မရကောင်းတာတွေလည်း ရှိနေတယ်။ များများစားစားတော့ မဟုတ်ဘူး။
ပွဲကစားခွင့် ဘယ်လောက်ထိ ရထားသလဲ။ အဲ့တာကို ထပ်ဆောင်းပြောရရင် ရထားတဲ့ ပွဲကစားခွင့်က ပွဲချိန်ကာလရဲ့ ဘယ်အပိုင်းအခြားမှာလဲဆိုတာက နေညိုချိန်ရောက် ဂန္တဝင်ကစားသမားအများစု ကြုံကိုကြုံရမယ့် သဘာဝပါပဲ။
လီဗာပူးလ်က ဂျရတ်၊ ချဲလ်ဆီးက လမ်းပတ်၊ ဘာစီလိုနာက ဇာဗီတို့အတွဲ၊ ရိုးမားက တော့တီ အစရှိသဖြင့် သူတို့ဟာ သူတို့အသင်းတွေအတွက် အတက်အကျအချိန်တိုင်း အသင်းနဲ့အတူတူ ရှိခဲ့ကြပေမယ့်လည်း နေညိုချိန်ရောက်သွားချိန်မှာ ဝမ်းနည်းစရာတွေ အပြည့် စာနာသနားမှုတွေ အဆစ်ပေါင်းခဲ့ကြရတဲ့ ဂန္တဝင်တွေ အများကြီးပါ။
အခုလည်း ဘိုင်ယန်မြူးနစ်အသင်းမှာလည်း သေမတ်မူလာကိစ္စက သဘာဝအတိုင်း ကစားခွင့်သိပ်မရတာနဲ့ ပက်သက်ပီး ဝေဖန်ရေးသတင်းတွေ ထွက်နေပါပီ။
ဘိုင်ယန်မြူးနစ်ဟာ ဂျာမနီရဲ့ ဘီလူးအသင်းကြီးပါ။ တော်ဝင်ပါကြောင်း ဘွဲ့နာမ မတပ်ရုံတမယ်အသင်းမျိုးပါ။
မူလာသည် ဘိုင်ယန်ရဲ့ ငယ်မွေးခြံပေါက် ၂၅နှစ်တာ သူ့ဘဝတာနီးပါး အချိန်ပေးခဲ့သူဖြစ်တဲ့အပြင် ဂျာမနီနိုင်ငံအတွက် ကမ္ဘာ့ဖလားအောင်မြင်မှုကို ယူပေးခဲ့တဲ့သူ၊ ဘိုင်ယန်မြူးနစ် အောင်ပွဲတွေရဲ့ တစိတ်တပိုင်းဖြစ်နေသူ။
ဒါကို နည်းပြကွန်ပနီက ပွဲပီးခါနီးမှ ထည့်သုံးတဲ့အပြင် ကသားရချိန်က ၄မိနစ်သာသာပဲ ပေးတယ်၊ မူလာရဲ့ ဂုဏ်သိက္ခာကို မငှဲ့ကွက်ကြောင်း၊ ပွဲကစားချိန်နောက်ပိုင်းထည့်သုံးလည်း ၁၅ မိနစ်ဝန်းကျင်ထိ ထည့်သုံးလို့ ဖြစ်သေးတယ်ဆိုပြီး ကွန်ပနီကို ဝေဖန်လာကြပါပီ။
ဘိုင်ယန်မြူးနစ်အင်အားကြောင့် ကွန်ပနီက ဘွန်ဒက်စ်လီဂါချန်ပီယံဘွဲ့ ခံယူဖို့လွယ်ပေမယ့် ဥရောပအောင်မြင်မှုသာ မရခဲ့လို့ရှိရင် မူလာကိစ္စကြောင့် ထိုင်ခုံလှုပ်ခတ်ခံရမယ့် အနာဂတ် ဖြစ်လာနိုင်ပါတယ်။
