05/09/2026
City က ပွဲစဉ်(၃) အတွက် Etihad မှာ Coventry ကို ဧည့်ခံရပါမယ်။ Arsenal ဟာ Coventry ကို ပွဲစဉ် (၁) မှာ သူတို့ဘာကောင်လဲဆိုတာ ပြနိုင်ခဲ့တယ်။ ဒါတောင် ဒုပိုင်းကို အားထည့်မဆော့ခဲ့ပါဘူး။ City အနေနဲ့လည်း ဒီလိုပွဲမျိုးတွေက အနိုင်သုံးမှတ်မဖြစ်မနေယူထားရမှာဖြစ်ပြီး ကစားသမားတွေကလည်း individual stat တွေ မြှင့်ဖို့ အကောင်းဆုံးပွဲတွေထဲကတစ်ပွဲပါ။
City ကွင်းလယ်က အရင်ပွဲတွေထက် အားကောင်းလာမှာဖြစ်ပြီး Enzo x Anderson အတွဲက ရင်ခုန်ချင်စရာပါ။ Anderson နဲ့ Enzo က အလှည့်ကျစီ တစ်ယောက်ဆင်းတစ်ယောက်တက် ဆော့နိုင်ဖို့တော့လိုတယ်။ ဒါ့အပြင် ဒီပွဲက City တိုက်စစ်စာမေးပွဲဖြေလို့ကောင်းမဲ့ပွဲဖြစ်နေတယ်။ Semenyo, Foden, Cherki တို့လို ကစားသမားတွေနဲ့ Haaland တို့ ဘယ်လောက်ထိချိတ်ဆက်နိုင်မလဲလည်း စိတ်ဝင်စားတယ်။
Lampard ရဲ့ Coventry က သူတို့ကွင်းလယ်ဖရိုဖရဲဖြစ်မှု၊ ပွဲချိန်ကြာလာတာနဲ့အမျှ လျော့ရဲလာမှုနဲ့ ညာခြမ်းခံစစ်အားနည်းမှုတွေကို အိမ်စာလုပ်လာဖို့တော့ လိုလိမ့်မယ်။ သို့ပေမဲ့လည်း ကစားသမားအင်အားကွာခြားမှုနဲ့ ဘောလုံးဥာဏ်ရည်၊ လုပ်အားနှုန်း စတာတွေအရတော့ City ကို လက်မြှောက်ရပါလိမ့်မယ်။
