03/09/2026
လာလီဂါ တနှစ်တာ အကောင်းဆုံးကစားသမားဆုကို သိမ်းပိုက်အပြီး ချန်ပီယံလိဂ်ဖလားဆီ မျက်စိကျနေတဲ့ ယာမဲလ်
၂၀၂၅-၂၆ လာလီဂါရာသီရဲ့ "အကောင်းဆုံး ကစားသမားဆု" ကို ထိုက်ထိုက်တန်တန် ဆွတ်ခူးရရှိခဲ့ပြီးနောက် ဘာစီလိုနာအသင်းရဲ့ လူငယ်ပါရမီရှင် ကစားသမားလေး လာမင်း ယာမဲလ်က သူ့ရဲ့ ရှေ့ဆက်သွားမယ့် ကြီးမားတဲ့ ရည်မှန်းချက်ကို အခုလိုပဲ ပွင့်ပွင့်လင်းလင်း ထုတ်ဖော်ပြောကြားလိုက်ပါတယ်။
ဆုပေးပွဲအခမ်းအနားမှာ ဆုတံဆိပ်ကို လက်ခံရယူပြီးနောက် ရာသီသစ်အတွက် ရည်မှန်းချက်နဲ့ ပတ်သက်ပြီး မေးမြန်းခဲ့ရာမှာ ယာမဲလ်က -
"ဒီရာသီမှာ ကျွန်တော့်ရဲ့ ပန်းတိုင်က ဘာလဲသိလား? ချန်ပီယံလိဂ်ဖလားကို ဆွတ်ခူးဖို့ပါပဲ" လို့ ယုံကြည်ချက်အပြည့်နဲ့ ဖြေကြားသွားခဲ့တာပါ။
