28/10/2021
ဘာစီလိုနာရဲ့ ယာယီနည်းပြသစ် ဆာဂျီ
ဘာစီလိုနာနည်းပြအဖြစ်ကနေ ရော်နယ်လ်ကိုးမန်းကို ထုတ်ပယ်လိုက်ပြီးနောက် ဆာဂျီဘာဟွမ်ကို ယာယီနည်းပြအဖြစ် ခန့်အပ်လိုက်ပြီလို့ ဘာစီလိုနာက သတင်းထုတ်ပြန်လိုက်ပါတယ်။
ရီးရဲလ်ကို အိမ်ကွင်းမှာ ရှုံးနိမ့်ခဲ့သလို ရက်ပိုင်းအတွင်း ဗယ်လီကာနိုကိုပါ ထပ်မံရှုံးနိမ့်ခဲ့ပြီးနောက်မှာတော့ ၂၄ နာရီမပြည့်ခင်မှာပဲ ကိုးမန်းကို ရာထူးက ထုတ်လိုက်ပြီး ဆာဂျီနဲ့ ယာယီ အစားထိုးလိုက်တာပါ။
အသက် ၄၉ နှစ်ရှိ ဆာဂျီဟာ ဘာစီလိုနာ အက်-တီကို နဲ့ စပိန်လက်ရွှေးစင် ဘယ်အစွန်ခံစစ်မှူးဟောင်းဖြစ်ပြီး ဘာစီလိုနာ B အသင်းနည်းပြအဖြစ်ကနေ အသင်းကြီးနည်းပြအဖြစ် တိုးမြှင့်ခန့်အပ်ခံလိုက်ရတာပါ။
ဘာစီလိုနာဟာ အောက်တိုဘာနဲ့ နိုဝင်ဘာအတွင်း အနီးဆုံး ၅ ပွဲမှာ အလာဗက်စ် ဒို်င်နမိုကိဗ် ဆဲလ်တာဗီဂို အက်စပန်ညို ဘင်ဖီကာ အစရှိတဲ့ အရေးကြီး ၅ ပွဲ ကစားရမှာဖြစ်ပြီး ဒီ ၅ ပွဲနဲ့ ဆာဂျီရဲ့အခြေအနေကို ဘာစီလိုနာက သုံးသပ် ဆုံးဖြတ်သွားဖွယ် ရှိနေပါတယ်။
