Sport King

Sport King We share sports new and create gathering sports lover especially football.

ဖက်တီးကြီး ဖြစ်လို့ အနားယူသွားတာလား တချိန်က ပရီးမီးယားလိဂ်က အရည်အသွေးရှိ ကစားသမား ...ဆမ်မီးရ် နာဆရီ - တချိန်က ပရီးမီးယား...
13/10/2021

ဖက်တီးကြီး ဖြစ်လို့ အနားယူသွားတာလား တချိန်က ပရီးမီးယားလိဂ်က အရည်အသွေးရှိ ကစားသမား ...

ဆမ်မီးရ် နာဆရီ - တချိန်က ပရီးမီးယားလိဂ်မှာ အာဆင်နယ် ကွင်းလယ်ဖန်တီးရှင် တဦးပါ။ အာဆင်နယ်မှာ ဖာဘရီဂတ်-နာဆရီ တွဲလုံးလေးတွေနဲ့ လှလှပပ ပုံဖော်ကစားခဲ့ဟန်တွေက အရသာရှိခဲ့လှပါတယ်။
အဲ့ဒီနောက် နာဆရီဟာ အာဆင်နယ်ကို ခြေစုံကန်၊ ငွေပုံပေးတဲ့ မန်ချက်စတာစီးတီးကို ပြောင်းရွှေ့ခဲ့ပြီး ခြေစွမ်းတွေ တစနဲ့ တစ ကျဆင်းလာပါတော့တယ်။
အဲ့ဒီနောက် စပိန်ကလပ် ဆီဗီလာ၊ တူရကီ အသင်းငယ်လေး အန်တယ်ယာစပေါ တို့အထိ ပြောင်းရွှေ့ခဲ့ပြီး ဘောလုံးဇာတ်ခုံပေါ်ကနေ တဖြည်းဖြည်း မှေးမှိန်လာပါတယ်။
ဒီကြားထဲ ဆေးစစ်ရာမှာ မူးယစ်ဆေး တွေ့ရှိခဲ့လို့ တနှစ် ဘောလုံးကစားခြင်းကနေ ပွဲပယ်ခံရပါတယ်။
အဲ့ဒီနောက် အင်္ဂလန်မြေက ဝက်စ်ဟမ်းဆီ ၆ လကြာ ပြန်လာခဲ့ပေမယ့် ဘာခြေစွမ်းမှ မကျန်တော့ပါဘူး။ နောက်ဆုံးအနေနဲ့ ဘယ်လ်ဂျီယံကလပ် အန်ဒါလက်ချ်မှာ ကစားပြီး ၂၀၂၀ ခုနှစ်မှာ ဘယ်အသင်းကမှ ခေါ်ယူခြင်း မရှိတော့ဘဲ ၂၀၂၁ စက်တင်ဘာ မှာတော့ ကစားသမားဘဝ အနားယူကြောင်း ပြောခဲ့ပါတယ်။

လက်ရှိ အနားယူချိန်မှာ နာဆရီရဲ့ အသက်ဟာ ၃၄ နှစ်သာ ရှိသေးပါတယ်။ ၂၀၁၀ ရဲ့ ပြင်သစ်အကောင်းဆုံးဘောလုံးသမားဆုကို ရရှိခဲ့တဲ့ နာဆရီက အခုချိန်မှာတော့ ပုံထဲကအတိုင်း ဖက်တီးကြီး ဖြစ်နေပါပြီ။

သူသာ အာဆင်နယ်ကို ခြေစုံမကန်ခဲ့ရင် ငွေကြေးရဲ့နောက်ကို မလိုက်ခဲ့ရင် ဒီထက်ပိုအဆင့်မြင့်တဲ့ ပိုခမ်းနားတဲ့ ဘောလုံးသမားတဦး ဖြစ်ခဲ့လေမလား ...

အာဆင်နယ်မှာ လေ့ကျင့်ခန်း ပြန်ဆင်းနေပြီဖြစ်တဲ့ တချိန်က အချစ်တော် ...ဂျက်ဝီလ်ရှီးယား ဟာ တချိန်က အာဆင်နယ်ကွင်းလယ်မှာ ပရိသတ်...
07/10/2021

အာဆင်နယ်မှာ လေ့ကျင့်ခန်း ပြန်ဆင်းနေပြီဖြစ်တဲ့ တချိန်က အချစ်တော် ...

ဂျက်ဝီလ်ရှီးယား ဟာ တချိန်က အာဆင်နယ်ကွင်းလယ်မှာ ပရိသတ်တွေအကြိုက် လှပညက်ညောတဲ့ ကစားဟန်တွေနဲ့ ခြေစွမ်းပြသနိုင်ခဲ့တဲ့ အင်္ဂလန်ကွင်းလယ်လူတယောက်ပါ။ အင်္ဂလန် ဘောလုံးပရိသတ်တွေ ပါးစပ်ဖျားမှာလည်း ရေပန်းစားခဲဲ့ပြီး ဘောလုံးကြယ်ပွင့် တဦး ဖြစ်လာမယ်လို့ အများစုက ထင်ကြေးပေးခဲ့ကြပါတယ်။
ဒါပေမယ့်လည်း ဆိုးရွားတဲ့ ဒဏ်ရာပြဿနာတွေက ဝီလ်ရှီးယားကို နှိပ်စက်ခဲ့ပြီး ကစားသမားဘဝ ခြေစွမ်းတွေကို စုပ်ယူသွားပါတော့တယ်။ အာဆင်နယ်ကနေ ပုံမှန်ပွဲထွက်ခွင့်မရတာကြောင့် အသင်းကနေ ထွက်ခွာပြီး ဝက်စ်ဟမ်း၊ ဘုန်းမောက်တို့မှာ ကစားပေမယ့် ပုံမှန်ခြေစွမ်း မရဘဲနဲ့ အသက် ၂၉ နှစ်အရွယ်မှာတင် အသင်းလက်မဲ့ ဖြစ်နေသူပါ။

အခုချိန်မှာတော့ လိုအပ်တဲ့ ကြံ့ခိုင်မှုတွေ ပြန်ရပြီး ကစားသမားဘဝ အဲ့ကတဆင့် နည်းပြ လုပ်နိုင်အောင်အထိဆိုတဲ့ ရည်ရွယ်ချက်နဲ့ အာဆင်နယ်အသင်းမှာ လေ့ကျင့်ခန်း ပြန်လည်ဆင်းနေပြီပဲ ဖြစ်ပါတယ်။
ဝီလ်ရှီးယား အတွက် JW ဆိုတဲ့ လေ့ကျင့်ရေးဝတ်စုံကိုပါ လုပ်ပေးထားပုံအရ အာဆင်နယ်အသင်းဟာ အသင်းလူစာရင်းမှာပဲ ထည့်သွင်းသွားမလား၊ ဒါမှမဟုတ် အကယ်ဒမီ လူငယ်အသင်းရဲ့ နည်းပြတဦး ဖြစ်လာအောင်ပဲ ဝီလ်ရှီးယားကို လမ်းညွှန်ပေးမလား စိတ်ဝင်စားစရာပါပဲ။

ဘာပဲဖြစ်ဖြစ် အိမ်ကနေ ပြန်ကြိုဆိုပါတယ် ဘေဘီဂျက် ...

အကြိတ်အနယ် ဆိုပေမယ့် ဂိုးမရှိ ဖြစ်ခဲ့တဲ့ ဘရိုက်တန် နဲ့ အာဆင်နယ် ...ဘရိုက်တန် ၀-၀ အာဆင်နယ် (ပွဲပြီး)ဘရိုက်တန်ကွင်းရောက်ရင...
02/10/2021

အကြိတ်အနယ် ဆိုပေမယ့် ဂိုးမရှိ ဖြစ်ခဲ့တဲ့ ဘရိုက်တန် နဲ့ အာဆင်နယ် ...

ဘရိုက်တန် ၀-၀ အာဆင်နယ် (ပွဲပြီး)

ဘရိုက်တန်ကွင်းရောက်ရင် နောက်ပိုင်းနှစ်တွေမှာ ရုန်းကန်ရတတ်တဲ့ အာဆင်နယ် အသင်းက ဒီပွဲစဥ်မှာလည်း သရေနဲ့သာ ကျေနပ်ခဲ့ရပါတယ်။ ပထမပိုင်းပွဲချိန်တွေမှာ ဘရိုက်တန်က ပိုဖိကစားနိုင်ပြီး ထရော့ဆက်၊ မော်ပေး တွဲလုံးတွေက အာဆင်နယ်နောက်တန်းက ဝှိုက်၊ ဂါဘရီရယ်တို့ကို ကောင်းကောင်းကြီး ခြိမ်းခြောက်နိုင်ခဲ့ပါတယ်။ ဘရိုက်တန် ဘယ်နောက်ခံလူ ကူရယ်လ်လာရဲ့ ဘယ်ခြမ်းတလျှောက် အတက်အဆင်းမှန်မှန် ကစားနိုင်ပုံကလည်း ဂျပန်သား တိုမီယာစုကို အလုပ်ရှုပ်စေခဲ့ပါတယ်။ ဘရိုက်တန် ကွင်းလယ်က ဝါရင့်ကစားသမား လယ်လာနာ လည်း ခြေစွမ်းပြနေပြီး အကောင်းဆုံး ဘောလုံးခင်းပေးမှုတွေ လုပ်ပေးခဲ့ပေမယ့် ဘရိုက်တန်တို့ ဂိုးကံခေခဲ့ပါတယ်။
ဒုတိယပိုင်းမှာတော့ ဘရိုက်တန် ကစားအားကျလာခဲ့ပြီး အာဆင်နယ်တို့ ပြန်ထိန်းချုပ်ကစားလာနိုင်ပါတယ်။ ဘရိုက်တန်ရဲ့ အတင်းဝင် အတင်းထွက် ကစားပုံကြောင့် အာဆင်နယ် ကွင်းလယ်လူ အိုဒီဂတ် ကစားရခက်ခဲ့ပါတယ်။ အိုဒီဂတ်ကို ထုတ်ပြီး ပီပီ ဝင်လာလို့ ကစားပေါက်ချောင်လာပေမယ့် ပီပီရဲ့ မလိုအပ်တဲ့ ဘောလုံးကိုင်ထားမှုတွေကြောင့် တိုက်စစ်က အလုပ်မဖြစ်ခဲ့ဘူး။ စမစ်ရိုးဝ် ရဲ့ အပိုင်ကန်သွင်းမှုကိုလည်း ဘရိုက်တန်ဂိုးသမား ရောဘတ်တိုဆန်းချက်ဇ် ကာကွယ်နိုင်ခဲ့ပါတယ်။ ပွဲပြီးခါနီးမှာတော့ ဘရိုက်တန်တို့ ဦးဆောင်ဂိုး ရလုနီးပါး အခွင့်အရေးကို အာဆင်နယ်ဂိုးသမား ရမ်ဒေးစ် ဟန့်တားနိုင်ခဲ့လို့ ပွဲပြီးမှာ ဂိုးမရှိသရေ ၀-၀​ ဖြစ်ခဲ့ပါတယ်။

အာဆင်နယ်ရဲ့ နိုင်ပွဲဆက်နေမှု ရပ်တန့်နေရပြီး ပွဲအဖြေကို တခဏအတွင်း ပြောင်းလဲနိုင်စွမ်း အားနည်းနေတယ်လို့ ပြောစရာ ဖြစ်ခဲ့တဲ့ပွဲပါပဲ။ ...

ပရီးမီးယားလိဂ် အိမ်ကွင်း နှစ်ပွဲဆက် နိုင်ပွဲပျောက်ခဲ့တဲ့ အိုလီ့ရဲ့ မန်ယူနိုက်တက် ...မန်ယူနိုက်တက် ၁-၁ အဲဗာတန် (ပွဲပြီး)မ...
02/10/2021

ပရီးမီးယားလိဂ် အိမ်ကွင်း နှစ်ပွဲဆက် နိုင်ပွဲပျောက်ခဲ့တဲ့ အိုလီ့ရဲ့ မန်ယူနိုက်တက် ...

မန်ယူနိုက်တက် ၁-၁ အဲဗာတန် (ပွဲပြီး)
မာရှယ် ⚽ ၄၃'
တောင်ဆန် ⚽* ၆၅'

အိုလီဂန်နာ ဆိုးလ်ရှားဟာ မန်ယူနိုက်တက် ပွဲထွက်လူစာရင်းမှာ တိုက်စစ်မှူး ရော်နယ်ဒိုကို ချန်လှပ်ခဲ့ပြီး အနားပေးခဲ့ပါတယ်။ ပထမပိုင်းမှာ နှစ်သင်းစလုံး ကစားသမား မြန်ဆန်ကြမ်းခဲ့ပြီး နှစ်ဖက်အချင်းပွားမှု တချို့ ရှိခဲ့ပါတယ်။ ပထမပိုင်း ပွဲပြီးခါနီး ၄၃ မိနစ် အရောက်မှာတော့ မန်ယူနိုက်တက် ကွင်းလယ်လူ အသင်းခေါင်းဆောင် ဘရူနို အသာအယာ ခင်းပေးလိုက်တဲ့ ဘောလုံးကို ဘယ်တောင်ပံလူ မာရှယ်က ဧရိယာထဲကနေ ကန်သွင်းခဲ့လို့ မန်ယူနိုက်တက် တဂိုးအသာနဲ့ ဦးဆောင်နိုင်ခဲ့ပါတယ်။
ဒုတိယပိုင်းမှာတော့ ဆိုးလ်ရှားက ရော်နယ်ဒိုကို ထည့်သွင်းပြီး ကစားစေခဲ့ပါတယ်။ ဒါပေမယ့် တကယ်တမ်း ဂိုးရရှိသွားတဲ့အသင်းက အဲဗာတန် ဖြစ်ခဲ့ပြီး တောင်ဆန် က ၆၅ မိနစ်မှာ ချေပဂိုး သွင်းခဲ့ပါတယ်။ ဂိုးသွင်းအပြီး တောင်ဆန်က ရော်နယ်ဒိုရဲ့ အောင်ပွဲခံဟန်အတိုင်း အောင်ပွဲခံသွားတာပါ။ အဲ့လိုနဲ့ ၈၅ မိနစ်မှာ အဲဗာတန်တို့ ဂိုးရခဲ့ပေမယ့် VAR က ဆုံးဖြတ်ချက်မှန်မှန် လူကျွံဘော သတ်မှတ်ပေးခဲ့လို့ ပွဲအပြီးမှာ ၁-၁ သရေနဲ့သာ အဆုံးသတ်သွားပါတယ်။

မန်ယူနိုက်တက် ပရိသတ်တွေအဖို့ ဒီရလဒ်ဟာ ပျော်စရာမကောင်းဘဲ နည်းပြ ဆိုးလ်ရှားကို ဒေါသထွက်နေကြမှာ အသေအချာပါပဲ။ ...

သွင်းထားတဲ့ ၂ ဂိုးစလုံး စက်တင်ဘာလ အလှဆုံးဂိုး ဆန်ကာတင်စာရင်းထဲ ပါနေတဲ့ လော့ဒ်မန်ယူနိုက်တက်ရဲ့ ကွင်းလယ်လူ ဂျက်ဆီ လင်ဂတ် ဟ...
01/10/2021

သွင်းထားတဲ့ ၂ ဂိုးစလုံး စက်တင်ဘာလ အလှဆုံးဂိုး ဆန်ကာတင်စာရင်းထဲ ပါနေတဲ့ လော့ဒ်

မန်ယူနိုက်တက်ရဲ့ ကွင်းလယ်လူ ဂျက်ဆီ လင်ဂတ် ဟာ ဒီရာသီ ပရီးမီယားလိဂ် ပွဲထွက်ခွင့် မရသေးပေမယ့် လူစားဝင် ၃ ပွဲကစားပြီး ၂ ဂိုးသွင်းယူထားနိုင်ပါတယ်။

ဒါပေမယ့် အဲ့ ၂ ဂိုးစလုံး စက်တင်ဘာလ ပရီးမီးယားလိဂ် အလှဆုံးဂိုးဆုအတွက် ဆန်ကာတင် ၈ ဂိုးထဲမှာ ပါဝင်နေပါတယ်ခင်ဗျာ။

ပထမ တဂိုးက နယူးကာဆယ်အသင်းကို အိမ်ကွင်းမှာ ၄-၁ နဲ့ နိုင်တဲ့ပွဲစဥ်မှာ ပေါ့ဘာ ခင်းပေးတဲ့ ဘောလုံးကို မာရှယ် ခွပေးလိုက်ရာမှ လင်ဂတ်ကို ပြိုင်ဘက်နောက်ခံလူ တယောက်ကို ခြေယောင်ပြကာ ကန်သွင်းခဲ့တဲ့ ဂိုးပါ။
ဒုတိယ တဂိုးကတော့ ဝက်စ်ဟမ်း ကို အဝေးကွင်းမှာ ၁-၂ နဲ့ ခက်ခက်ခဲခဲ အနိုင်ရခဲ့တဲ့ပွဲ အနိုင်ဂိုးပါ။ မာတစ် ထည့်ပေးလိုက်တဲ့ ဘောလုံးကို ပင်နယ်တီဧရိယာဘယ်ဘက် ခပ်စောင်းစောင်းလေးကနေ အဝေးတိုင်ကို ဝေ့ဝိုက်ကန်သွင်းပြီး မန်ယူနိုက်တက်ကို အနိုင်သုံးမှတ် ရှာပေးခဲ့တဲ့ အနိုင်ဂိုးပါ။

၂ ဂိုး သွင်းတယ်၊ ၂ ဂိုးစလုံး လှတယ်၊ လော့ဒ်လင်ဂတ်ကို သွားရှုပ်လို့ မရဘူး။ ...

သမိုင်းတွင်တဲ့ ချန်ပီယံလိဂ်ပွဲစဥ် နောက်ဆုံးမိနစ်မှာ အနိုင်ဂိုးသွင်းပြီး မန်ယူနိုက်တက်ကို ဆွဲတင်ပေးသွားတဲ့ ခရစ္စတီယာနို ရ...
29/09/2021

သမိုင်းတွင်တဲ့ ချန်ပီယံလိဂ်ပွဲစဥ် နောက်ဆုံးမိနစ်မှာ အနိုင်ဂိုးသွင်းပြီး မန်ယူနိုက်တက်ကို ဆွဲတင်ပေးသွားတဲ့ ခရစ္စတီယာနို ရော်နယ်ဒို ...

မန်ယူနိုက်တက် ၂-၁ ဗီလာရီးရဲလ် (ပွဲပြီး)
အယ်ကာဆာ* ⚽ ၅၃'
တဲလ်လက်စ် ⚽ ၆၀'
ရော်နယ်ဒို ⚽ ၉၀+၅'

မန်ယူနိုက်တက် နည်းပြ အိုလီဂန်နာဆိုးလ်ရှား အတွက် အသက်ရှူချောင်စေခဲ့တဲ့ နိုင်ပွဲပါပဲ။
ပထမပိုင်းတပိုင်းလုံး ဒီဂီယာ ကယ်နေရတဲ့အထိ မန်ယူနိုက်တက် ကစားပုံဆိုးရွားပါတယ်။
ဒုတိယပိုင်း ၅၃ မိနစ်မှာ ဗီလာရီးရဲလ် ဦး​ဆောင်ဂိုး ရခဲ့ပြီး တိုက်စစ်မှူး အယ်ကာဆာ သွင်းခဲ့တာပါ။ မိနစ် ၆၀ မှာတော့ ဘရူနို ခုတ်တင်ပေးတဲ့ ပြစ်ဒဏ်ဘောကို ဘယ်နောက်ခံလူ တဲလ်လက်စ်က လှလှပပ ဗော်လီ ကန်သွင်းခဲ့လို့ မန်ယူနိုက်တက် ချေပဂိုး ရခဲ့ပါတယ်။ ပွဲပြီးပြီလို့ ထင်ရတဲ့အချိန်မှာပဲ လူစားဝင် လော့ဒ်လင်ဂတ် ဖန်တီးပေးတာကို တိုက်စစ်မှူး ခရစ္စတာနို ရော်နယ်ဒို ပိတ်သွင်းပြီး အဖိုးတန် အနိုင်ဂိုး သွင်းယူသွားလို့ မန်ယူနိုက်တက် ချန်ပီယံလိဂ်ရဲ့ အဖွင့် ၃ မှတ် ရရှိနိုင်ခဲ့ပါတယ်။

ရော်နယ်ဒို အတွက် ဒီပွဲစဥ်ဟာ ဥရောပချန်ပီယံလိဂ် ၁၇၈ ပွဲအဖြစ် ကစားရတဲ့ပွဲဖြစ်ပြီး သမိုင်းတလျှောက် ချန်ပီယံလိဂ်ပွဲ အများဆုံးကစားရတဲ့ ကစားသမားအဖြစ် သမိုင်းတွင်သွားပါပြီ။

သမိုင်းတွင်ပွဲမှာတော့ Siuuuuuu ဆိုတဲ့ အောင်ပွဲခံသံဟာ အိုးထရက်ဖို့ဒ်ကွင်းထဲက ပွဲကစားချိန်နောက်ဆုံးမိနစ်မှာ ပျံ့လွင့်သွားပါတယ်။ ...

အိုလီ ရုန်းထွက်ပြမှ ရတော့မယ့် ဖိအား ...ချန်ပီယံလိဂ် အုပ်စုပွဲစဥ်တွေက ၆ ပွဲသာ ကစားရတာ ဖြစ်ပြီး အုပ်စု ပထမ၊ ဒုတိယတွေက နောက...
29/09/2021

အိုလီ ရုန်းထွက်ပြမှ ရတော့မယ့် ဖိအား ...

ချန်ပီယံလိဂ် အုပ်စုပွဲစဥ်တွေက ၆ ပွဲသာ ကစားရတာ ဖြစ်ပြီး အုပ်စု ပထမ၊ ဒုတိယတွေက နောက်တဆင့် ၁၆ သင်း ရှုံးထွက်အဆင့်ကို တက်ရောက်တာပါ။
အဲ့လို ၆ ပွဲပဲ ကစားရတဲ့အထဲမှာ အိုလီဂန်နာဆိုးလ်ရှား ရဲ့ မန်ချက်စတာယူနိုက်တက်က အဖွင့်ပွဲစဥ် ယန်းဘွိုင်းစ်ကို ဆွစ်ဇာလန်မြေမှာ ရှုံးနိမ်ထားပါတယ်။ လက်ကျန် ၅ ပွဲကလည်း မနှစ်က ယူရိုပါလိဂ်ဖိုင်နယ်မှာ ရှုံးနိမ့်ခဲ့ရတဲ့ ဗီလာရီးရဲလ်ကို အိမ်ကွင်း အဝေးကွင်း ၂ ပွဲ၊ အီတလီက ချန်ပီယံလိဂ် ကော်ကောင် အတ္တလန်တာ အသင်းကို အိမ်ကွင်း အဝေးကွင်း ၂ ပွဲ နဲ့ ယန်းဘွိုင်းစ်ကို အိမ်ကွင်းမှာ ပြန်လည်ကစားရမယ့် ၁ ပွဲ ဖြစ်နေပါတယ်။

ဆိုးလ်ရှား ရဲ့ မန်ယူနိုက်တက် နည်းပြဘဝ ချန်ပီလိဂ် မှတ်တမ်း ဆိုးရွားနေတာကလည်း သူ့အတွက် ဖိအားဖြစ်နေပါတယ်။
ဆိုးလ်ရှားဟာ မန်ယူနည်းပြဘဝ ချန်ပီယံလိဂ် ၁၁ ပွဲ ကိုင်တွယ်ဖူးပြီး ၄ ပွဲသာ အနိုင်ရကာ ၇ ပွဲအထိ ရှုံးထားပါတယ်။ ပြီးခဲ့တဲ့ရာသီကလည်း ပီအက်စ်ဂျီ၊ လိုက်ပ်ဇစ် တို့နောက် အုပ်စုအဆင့်နဲ့သာ ကျေနပ်ခဲ့ရပြီး ယူရိုပါလိဂ်ဆီ ဆင်းကစားခဲ့ရပါတယ်။

ဗီလာ အသင်းကို အိမ်ကွင်း အိုးထရက်ဖို့ဒ်မှာ ရှုံးခဲ့ပြီး အသင်းပရိသတ်တွေရဲ့ ဒေါသူပုန်ထခြင်းကို ခံနေရတဲ့ အိုလီ တယောက် ချန်ပီယံလိဂ် ပွဲစဥ်-၂ ဗီလာရီးရဲလ်နဲ့ အိမ်ကွင်းပွဲစဥ် ပြန်ရုန်းထွက်ပြဖို့ လိုနေပါပြီ။ ဒီပွဲသာ မန်ယူနိုက်တက် အခြေအနေ မကောင်းခဲ့ရင် ချန်ပီယံလိဂ် အုပ်စုအဆင့် ကျော်ဖို့ ခက်ခဲသွားမှာ ဖြစ်ပြီး အိုလီဂန်နာ ဆိုးလ်ရှားရဲ့ ထိုင်ခုံကလည်း ပရိသတ်တွေ အကြီးအကျယ် ဝေဖန်မှုနဲ့အတူ လှုပ်ခတ်လာပါလိမ့်မယ်။ ...

မြောက်လန်ဒန်မှာ ဘောလုံး ဘယ်လိုကစားရလဲ ပြခဲ့တဲ့ အာဆင်နယ်အာဆင်နယ် ၃-၁ စပါး (ပွဲပြီး)စမစ်ရိုးဝ် ⚽ ၁၂'အူဘာမီယန် ⚽ ၂၈'ဆာကာ ⚽ ...
26/09/2021

မြောက်လန်ဒန်မှာ ဘောလုံး ဘယ်လိုကစားရလဲ ပြခဲ့တဲ့ အာဆင်နယ်

အာဆင်နယ် ၃-၁ စပါး (ပွဲပြီး)
စမစ်ရိုးဝ် ⚽ ၁၂'
အူဘာမီယန် ⚽ ၂၈'
ဆာကာ ⚽ ၃၄'
ဆွန်* ⚽ ၇၉'

အာဆင်နယ် အသင်းရဲ့ ပြီးပြည့်စုံတဲ့ နိုင်ပွဲ ဖြစ်ခဲ့ပြီး မြောက်လန်ဒန်မှာ မျက်နှာပန်းလှခဲ့ပါတယ်။ စပါးတို့ အနေနဲ့ အာဆင်နယ်ကို ဘယ်လိုမှယှဥ်မကန်နိုင်ဘဲ ရှုံးခဲ့တာပါ။
ပထမပိုင်းမှာ အာတီတာရဲ့ အာဆင်နယ် ကစားကွက်ဟာ အင်မတန် စွဲမက်စရာ ကောင်းခဲ့ပြီး စပါးဘက်ကို တဖက်သက် ဖိအားပေးနိုင်ခဲ့တယ်။ ပွဲကစားချိန် ၁၂ မိနစ် မှာ ဦးဆောင်ဂိုး ရခဲ့ပြီး ဆာကာရဲ့ ဧရိယာထဲ ချိုးပေးတဲ့ ဘောလုံးကို စမစ်ရိုးဝ် က ပြေးဝင်ပိတ်သွင်းပြီး သွင်းခဲ့ပါတယ်။ ၂၈ မိနစ်မှာတော့ အာဆင်နယ် ဒုတိယဂိုး ရခဲ့ပါတယ်။ ဒီဂိုးဟာ ဂိုးသမား ရမ်စ်ဒေးလ် ဆီကနေ အစပြုခဲ့တဲ့ ဘောလုံး ဖြစ်ပြီး စမစ်ရိုးဝ်နဲ့ အူဘာမီယန် နားလည်မှုရှိရှိ တွဲဖက်ခဲ့ရာမှ အူဘာမီယန်က ဧရိယာထဲကနေ ဘယ်​ခြေနဲ့ အဆုံးသတ်ပေးခဲ့တာပါ။ ၃၄ မိနစ်မှာတော့ စပါးရှေ့တန်းက ဟယ်ရီကိန်း ဘောလုံးကြန့်ကြာ​နေတာကြောင့် အာဆင်နယ်တို့ ​ဖြတ်လုနိုင်ခဲ့ပြီး တန်ပြန်တိုက်စစ်ကနေ တတိယဂိုး ရခဲ့ပါတယ်။ တန်ပြန်တိုက်စစ်ကို အိုဒီဂတ် ကနေ စမစ်ရိုးဝ်၊ စမစ်ရိုးဝ် ကနေမှ ညာတောင်ပံက ဆာကာ ဆီ ထိုးပေးလိုက်ပြီး ဆာကာ က ဆွဲပြေးကန်သွင်းခဲ့တာပါ။ ဟယ်ရီကိန်း အနေနဲ့ သူ့အမှားကို နောက်ထိ ဆင်းလိုက်ဖျက်ပေမယ့် မရခဲ့ဘဲ အာဆင်နယ်တို့ ၃-၀ နဲ့ ဦးဆောင်နိုင်ခဲ့ပါတယ်။
ဒုတိယပိုင်းမှာတော့ အာဆင်နယ်ဟာ ကစားအားကို လျှော့ချခဲ့ပြီး ထိန်းကစားခဲ့ပါတယ်။ စပါးတိုက်စစ်က ဟယ်ရီကိန်းကလည်း ဖိအားဝင်နေခဲ့ပြီး ဂိုးသမားနဲ့ တဦးချင်း ရင်ဆိုင်ရတဲ့ အခွင့်အ​​ရေးကို ဂိုးအဖြစ် မပြောင်းလဲနိုင်ခဲ့ပါဘူး။ ၇၉ မိနစ် အရောက်မှ လူစားဝင် ဘရိုင်ယန်ဂီးလ် နဲ့ ဘယ်နောက်ခံလူ ရယ်လ်ဂူလွန် တွဲဖက်ပြီး ရယ်လ်ဂူလွန် ချိုးပေးတဲ့ဘောလုံးကို ဆွန်ဟောင်မင် က ပိတ်သွင်းပြီး စပါးအတွက် ချေပဂိုး သွင်းပေးခဲ့ပေမယ့် ဆေးမမီခဲ့ပါဘူး။
ပွဲအပြီးမှာတော့ အာဆင်နယ်တို့ အိမ်ကွင်း အမ်းမရိတ် ပရိသတ်တွေရှေ့မှာ မြောက်လန်ဒန်ဒါဘီကို အောင်ပွဲခံနိုင်ခဲ့ပါတယ်။ ဒီပွဲစဥ်ကို အာဆင်နယ် ဂန္တဝင် တိုက်စစ်မှူး သီယာရီအွန်နရီ လာရောက်အားပေးခဲ့ပြီး အူဘာမီယန်က လေးစားသမှုနဲ့ အွန်နရီရဲ့ အောင်ပွဲခံဟန်အတိုင်း အောင်ပွဲခံခဲ့တာကို တွေ့ခဲ့ရပါတယ်။

ဒီပွဲမှာ စပါးရဲ့ တိုက်စစ်အတွဲ ဆွန်-ကိန်းဟာ ပုံမှန်ခြေစွမ်းအောက်ကို ရောက်နေပြီး ဆွန်ဟောင်မင်ကလည်း အာဆင်နယ်က ဂျပန်နောက်ခံလူ တိုမီယာစု ရဲ့ ထိန်းချုပ်ခြင်းကို ခံခဲ့ရပါတယ်။ အာဆင်နယ်တို့က နောက်ဆုံး ၃ ပွဲ ကို နိုင်ပွဲဆက်လာပြီး ဇယားထိပ်ပိုင်းကို တဖြည်းဖြည်းချင်း တက်လှမ်းလာပါပြီ။

မြောက်လန်ဒန်က တိုက်စစ်မှူးတွေရဲ့ ထိပ်တိုက်တွေ့ဆုံမှု မှတ်တမ်းများ ...အာဆင်နယ် - တော့တင်ဟမ်ဟော့စပါးဒီနေ့ည ၁၀ နာရီမှာ ပြို...
26/09/2021

မြောက်လန်ဒန်က တိုက်စစ်မှူးတွေရဲ့ ထိပ်တိုက်တွေ့ဆုံမှု မှတ်တမ်းများ ...

အာဆင်နယ် - တော့တင်ဟမ်ဟော့စပါး
ဒီနေ့ည ၁၀ နာရီမှာ ပြိုင်ဆိုင်မှုပြင်းထန်တဲ့ လန်ဒန်မြို့ မြောက်ပိုင်းက ဘောလုံးဒါဘီပွဲစဥ် ရှိပါတယ်။ ဒီပွဲအတွက် နှစ်ဖက်အသင်းရဲ့ လက်ရှိတိုက်စစ်ကစားသမားတွေရဲ့ တွေ့ဆုံမှု မှတ်တမ်းတွေကို တင်ဆက်ပေးလိုက်ပါတယ်။

အာဆင်နယ်အသင်းရဲ့ လက်ရှိအသင်းခေါင်းဆောင် အူဘာမီယန်ဟာ သူ့ရဲ့ ကစားသမားဘဝ စပါးအသင်းနဲ့ ၁၁ ပွဲအထိ ရင်ဆိုင်ခဲ့ဖူးပြီး ၇ ဂိုးသွင်းထားနိုင်ပါတယ်။ ၇ဂိုးထဲမှာမှ ၄ ဂိုးဟာ ဒေါ့မွန်မှာ ရှိစဥ်က သွင်းခဲ့တာဖြစ်ပြီး မြောက်လန်ဒန်ဒါဘီတွေမှာတော့ ၃ ဂိုးသွင်းထားနိုင်ပါတယ်။
အာဆင်နယ်ရဲ့ အခြားတိုက်စစ်မှူး လာကာဇက် ကတော့ ကစားသမားဘဝတလျှောက် စပါးနဲ့ ၁၁ ပွဲ ရင်ဆိုင်ခဲ့ပြီး ၄ ဂိုး သွင်းထားနိုင်ပါတယ်။ ထို ၄ ဂိုးစလုံးကို မြောက်လန်ဒန်ဒါဘီမှာပဲ သွင်းထားနိုင်တာပါ။ လက်ရှိ အာဆင်နယ်အသင်းကစားသမားတွေထဲ မြောက်လန်ဒန်ဒါဘီမှာ အာဆင်နယ်အတွက် ဂိုးအများဆုံးသွင်းထားနိုင်တဲ့ ကစားသမားကတော့ လာကာဇက်ပဲ ဖြစ်ပါတယ်။

စပါး တိုက်စစ်မှူး ဟယ်ရီကိန်းကတော့ မြောက်လန်ဒန်ဒါဘီပွဲစဥ်တွေမှာ သမိုင်းတလျှောက် ဂိုးသွင်းအများဆုံးပါပဲ။ ကစားသမားဘဝ အာဆင်နယ်နဲ့ ၁၅ ပွဲ ရင်ဆိုင်ခဲ့ရပြီး ၁၁ ဂိုးအထိ သွင်းထားနိုင်ပါတယ်။ ၁၁ ဂိုးစလုံးကို မြောက်လန်ဒန်ဒါဘီ ပရီးမီးယားလိဂ်ပွဲစဥ်တွေမှာပဲ သွင်းထားပါတယ်။
ဆွန်ဟောင်မင် က ကစားသမားဘဝ အာဆင်နယ်နဲ့ ၁၄ ပွဲ ရင်ဆိုင်ခဲ့ဖူးပြီး ၃ ဂိုးသာ ရရှိထားပါတယ်။

လက်ရှိကစားသမားတွေထဲက လာကာဇက် နဲ့ ဟယ်ရီကိန်းတို့က အာဆင်နယ်၊ စပါးအတွက် မြောက်လန်ဒန်ဒါဘီပွဲတွေမှာ ခြေအပေါ်ဆုံးလို့ ပြောလို့ရပါတယ်။ ဒါပေမယ့် သူတို့ နှစ်ယောက်စလုံးကတော့ ဒီရာသီ ပရီးမီယားလိဂ် သွင်းဂိုး မရရှိသေးပါဘူး။ ...
_____

ဒီပွဲရဲ့ တိုက်ရိုက် link ကိုလည်း ပွဲမစခင်အချိန်မှာ Sport King ကနေ တင်ပေးသွားပါမယ်။
Sport King ကို like follow မလုပ်ရသေးရင် လုပ်ထားလိုက်ပါ။ ...

အပြန်အလှန် သွင်းဂိုးတွေနဲ့ မြိုင်ခဲ့တဲ့ ပျားနဲ့ ကြိုးကြာ တိုက်ပွဲ ...ဘရန့်ဖို့ဒ် ၃-၃ လီဗာပူးလ် (ပွဲပြီး)ပင်းနော့ခ် ⚽ ၂၇'...
25/09/2021

အပြန်အလှန် သွင်းဂိုးတွေနဲ့ မြိုင်ခဲ့တဲ့ ပျားနဲ့ ကြိုးကြာ တိုက်ပွဲ ...

ဘရန့်ဖို့ဒ် ၃-၃ လီဗာပူးလ် (ပွဲပြီး)
ပင်းနော့ခ် ⚽ ၂၇'
ဂျိုတာ* ⚽ ၃၇'
ဆာလာ* ⚽ ၅၄'
ဂျနတ်လ် ⚽ ၆၃'
ကာတစ်ဂျုံးစ်* ⚽ ၆၇'
ဝီဆာ ⚽ ၈၂'

အတော်လေး ကြည့်ကောင်းတဲ့ပွဲဖြစ်ခဲ့ပြီး တဖက်နဲ့ တဖက် အပြန်အလှန် တိုက်စစ်ဆင်ခဲ့ကြတာပါ။ ဘရန့်ဖို့ဒ်တို့ နောက်ခံလူ ပင်းနော့ခ် ရဲ့ ဂိုးနဲ့ ဦးဆောင်နိုင်ခဲ့ပေမယ့် ဂျိုတာ က ခေါင်းတိုက်ပြီး လီဗာပူးလ်အတွက် ချေပခဲ့လို့ ပထမပိုင်းအပြီးမှာ ၁-၁ သရေကျနေခဲ့ပါတယ်။ ဒုတိယပိုင်း ၅၄ မိနစ်မှာ ဆာလာ က လူကျွံထောင်ချောက်ကို ဖောက်ပြီး လီဗာပူးလ်အတွက် ဒုတိယမြောက် ဂိုးသွင်းခဲ့ပါတယ်။ ၆၃ မိနစ်မှာတော့ ဘရန့်ဖို့ဒ် ကွင်းလယ်လူ ဂျနတ်လ်က ခေါင်းတိုက် ပြန်ချေပနိုင်ခဲ့ပါတယ်။ ပွဲဟာ အလျှင်အမြန် ပြောင်းလဲနေပြီး ၆၇ မိနစ်မှာတော့ ကာတစ်ဂျုံး ရဲ့ လှပတဲ့ ရော့ကစ်ကန်ချက်နဲ့ လီဗာပူးလ် တတိယဂိုး ရခဲ့ပါတယ်။ ဘရန့်ဖို့ဒ် တို့ လူစားလဲ တိုက်စစ်မြှင့်လာပြီး ၈၃ မိနစ် အရောက်မှာ လူစားဝင်တိုက်စစ်ကစားသမား ဝီဆာ က တတိယချေပဂိုး သွင်းခဲ့လို့ ပွဲအပြီးမှာ ၃-၃ သရေကျခဲ့ပါတယ်။
အကြိတ်အနယ် သွင်းဂိုးတွေနဲ့ သရေ ၁ မှတ် ရခဲ့တဲ့ လီဗာပူးလ်ဟာ ချယ်လ်ဆီး၊ မန်ယူနိုက်တက် တို့ ရှုံးပွဲတွေ့ခဲ့တာကြောင့် လတ်တလော အဆင့် ၁ ကို ရောက်ရှိသွားပြီ။ ...

ဘရန့်ဖို့ဒ်-လီဗာပူးလ် ပွဲစဥ် လူစာရင်းပါပျားနဲ့ ကြိုးကြာနီ ရင်ဆိုင်အတွေ့ ဘယ်သူ အသာရသွားမလဲ ...တိုက်ရိုက် link များဘရန့်ဖိ...
25/09/2021

ဘရန့်ဖို့ဒ်-လီဗာပူးလ် ပွဲစဥ် လူစာရင်းပါ

ပျားနဲ့ ကြိုးကြာနီ ရင်ဆိုင်အတွေ့ ဘယ်သူ အသာရသွားမလဲ ...

တိုက်ရိုက် link များ

ဘရန့်ဖို့်ဒ် - လီဗာပူးလ်
1 Yalla
https://ouo.io/sDZLYD
2 Koora Live
https://ouo.io/IKYll0z
3 Footy Pass
https://ouo.io/nYYrzR

Address

Yangon

Website

Alerts

Be the first to know and let us send you an email when Sport King posts news and promotions. Your email address will not be used for any other purpose, and you can unsubscribe at any time.

Shortcuts

Share