13/08/2025
❗️ဂျပန်နိုင်ငံတစ်ဝန်းက ဆေးခန်းတွေမှာ COVID-19 လူနာတွေ တိုးလာနေတယ်လို့ သိရ❗️
(အပူရှပ်တာနဲ့ဆင်တူနေ)
🇯🇵ဂျပန်နိုင်ငံက ဆေးရုံဆေးခန်းတွေမှာ ကိုရိုနာဗိုင်းရပ်ကူးစက်ခံရသူ ပိုများလာတာကိုတွေ့ရပြီး၊ 👉ဖေဖော်ဝါရီလနောက်ပိုင်းမှာ ပထမဆုံးအကြိမ်အဖြစ်နဲ့ ဆေးရုံတခုရဲ့ ပျမ်းမျှလူနာဦးရေဟာ ၅ ဦးကို ကျော်လွန်လာခဲ့ပါတယ်။
👉တနင်္ဂနွေနေ့မှာကုန်ဆုံးခဲ့တဲ့ သီတင်းပတ်အတွက် နိုင်ငံတစ်ဝန်းက ဆေးရုံဆေးခန်းပေါင်း ၃,၀၀၀ လောက်ကို လာပြတဲ့ COVID-19 လူနာအရေအတွက်နဲ့ပတ်သက်ပြီး အပတ်စဉ် အစီရင်ခံစာတစ်စောင်ကို ဂျပန်ကျန်းမာရေးဝန်ကြီးဌာနက သောကြာနေ့မှာ ထုတ်ပြန်ခဲ့ပါတယ်။
💥လူပေါင်း ၂၁,၃၆၅ ဦး ကူးစက်ခံထားရကြောင်း ဝန်ကြီးဌာနက ထုတ်ပြန်ခဲ့ပါတယ်။ အဲဒီအရေအတွက်ဟာ အဲဒီမတိုင်ခင် သီတင်းပတ်ကထက် ၅,၄၄၁ ဦး တိုးလာခဲ့တာ ဖြစ်ပါတယ်။�ဆေးဘက်ဆိုင်ရာအဖွဲ့အစည်းတစ်ခုစီအတွက် ကိုရိုနာဗိုင်းရပ်ကူးစက်လူနာ ပျမ်းမျှအရေအတွက်ဟာ ၅.၅၃ ဖြစ်ပါတယ်။ ဒါဟာ အဲဒီမတိုင်ခင်သီတင်းပတ်ထက် ၁.၃၄ ဆ ပိုများလာတာဖြစ်ပြီး သီတင်းပတ် ၇ ခုဆက်တိုက် တိုးလာတာလည်း ဖြစ်ပါတယ်။ Okinawa ကလွဲပြီး ကျန်တဲ့ ဂျပန်နိုင်ငံရဲ့ ခရိုင်ပေါင်း ၄၇ ခုမှာ အဲဒီပျမ်းမျှအရေအတွက် မြင့်တက်လာခဲ့ပါတယ်။ Miyazaki ခရိုင်က ပျမ်းမျှအရေအတွက် ၁၄.၀၇ နဲ့ အမြင့်ဆုံး ဖြစ်ပြီး အဲဒီနောက်မှာ Okinawa က ၁၂.၇၃ ၊ Kagoshima က ၁၂.၆၈ ၊ Kumamoto က ၉.၅၈ နဲ့ Saga က ၈.၇၅ အသီးသီးရှိပါတယ်။
ဆေးဘက်ဆိုင်ရာအဖွဲ့အစည်း ၅၀၀ လောက်ဆီက အစီရင်ခံစာတွေမှာ အဲဒီသီတင်းပတ်အတွင်း ကိုရိုနာဗိုင်းရပ်လူနာ ၁,၅၀၁ ဦး ဆေးရုံတင်ထားကြောင်း ဖေါ်ပြခဲ့ထားပါတယ်။ ဒါဟာ ဒီမတိုင်ခင်သီတင်းပတ်ကထက် ၃၁၄ ဦး ပိုများလာတာဖြစ်ပါတယ်။
နှစ်စဥ် နွေရာသီမှာ COVID-19 လူနာဦးရေ တိုးလာလေ့ရှိတယ်လို့ ကျန်းမာရေးဝန်ကြီးဌာနက တာဝန်ရှိသူတွေက ဆိုပါတယ်။
တာဝန်ရှိသူတွေက ပြည်သူတွေကို လက်ဆေးတာနဲ့ အခန်းတွင်းမှာ လေဝင်လေထွက်ကောင်းစေတာမျိုး ကြိုတင်ကာကွယ်မှုအစီအမံတွေ ဆောင်ရွက်ကြဖို့ တိုက်တွန်းထားပါတယ်။ အသက်အရွယ်ကြီးသူတွေနဲ့ ရောဂါအခံရှိသူတွေနဲ့ တွေ့ဆုံတဲ့အခါ နှာခေါင်းစည်းတွေတပ်ဆင်ဖို့လည်း အကြံပြုထားပါတယ်။
@အန်အိပ် ကေ
#ဂျပန်
