10/09/2023
မော်ရိုကို ဒုက္ခသည်တွေအတွက် ဟိုတယ် အခမဲ့ငှားပေးတဲ့ ရိုနယ်ဒို
ပေါ်တူဂီ တိုက်စစ်မှူးကြီး ခရစ္စတီယာနို ရိုနယ်ဒို ဟာ သူပိုင်ဆိုင်တဲ့ ဟိုတယ် ကို မော်ရိုကို နိုင်ငံက ငလျှင် ဒုက္ခသည်တွေ နေထိုင်နိုင်ဖို့ စီစဉ်ပေးခဲ့ပါတယ် ။ မော်ရိုကို နိုင်ငံမှာ သောကြာနေ့ က ပြင်းအား ၆-၈ အကြားရှိ ငလျှင်ကြီး တခု လှုပ်ခတ် ခဲ့ပြီး လူထောင်ကျော် သေဆုံးခဲ့ကာ သောင်းနဲ့ချီပြီး အိုးမဲ့အိမ်မဲ့ ဖြစ်ခဲ့ကြရပါတယ် ။
ရိုနယ်ဒို ဟာ မော်ရိုကို နိုင်ငံ မာရာကတ်ချ် မှာ သူ့ရဲ့ Pestana CR7 ဟိုတယ်ကို ဖွင့်လှစ်ထားသူ ဖြစ်ပြီး အခုလို မော်ရိုကိုသားတွေ အခက်ခဲ ဖြစ်နေချိန်မှာ နေထိုင်တည်းခိုဖို့ အတွက် ဟိုတယ်ကို အခမဲ့ ဖွင့်လှစ် စီစဉ်ပေးခဲ့ တာပဲ ဖြစ်ပါတယ် ။ မော်ရိုကို ဟာ လွန်ခဲ့တဲ့ ၁၀ လ တုန်းက ရိုနယ်ဒို ရဲ့ အသည်းနှလုံးကို ကွဲကြေစေခဲ့ဖူးပါတယ် ၊ ဒါပေမယ့် အခုချိန်မှာတော့ ရိုနယ်ဒို ဟာ မော်ရိုကိုသားတွေရဲ့ နှလုံးသားကို ပြန်လည်သိမ်းပိုက်နိုင်ခဲ့ပါပြီ ။
