25/07/2022
ဝိတ်လျှော့နေချိန် ထမင်း လုံးဝ မစားရတော့ဘူးလား????
Dr. Nutrition
ကိုယ်အလေးချိန်လျော့ချနေသူတော်တော်များများက ထမင်းစားတာကိုလုံးဝရှောင်ပြီး ကိုယ်အလေးချိန်လျော့လေ့ရှိပါတယ်။
❗ဒါပေမယ့် ကိုယ်အလေးချိန်စချတာနဲ့ ထမင်းလုံးဝ မစားတော့ဘူးဆိုတာ ရေရှည် လုပ်နိုင်မယ့် ဝိတ်ချနည်း မဟုတ်ဘူးဆိုတာ သိထားသင့်ပါတယ်။
ဒီတော့ ကိုယ်အလေးချိန်လည်းမတက်စေဘူး၊ လိုအပ်တဲ့အာဟာရတွေရပြီး ကိုယ်အလေးချိန်ကိုမြန်မြန်ကျစေဖို့အတွက် ထမင်းကို ဘယ်လိုစားကြမလဲ ဆိုတာလေးကိုပြောပြပေးမယ်နော်👇
✅စားနေကျ ထမင်းဖြူ ကို ကဓီဓါတ်နည်းအောင် ရေငှဲ့ချက်တာ
✅ဆန်လုံးညို/ riceberry ကိုသာစားမယ် (အဆာခံပြီးဗိုက်ပြည့်လွယ်သလို ဗီတာမင် သတ္တုဓါတ်များလည်း ပါပါတယ်)
✅ပေါင်းအိုးနဲ့ချက်တဲ့ထမင်းကို ပမာဏ လျှော့ချပြီးစားမယ်
အထက်ပါ နည်းလမ်းတွေ နဲ့ ထမင်းတွေ ကို ပြင်ဆင် ချက်ပြုတ်စားလို့ရပါတယ်။ ဒီနေရာမှာ အရေးအကြီးဆုံး က တော့ ပမာဏ အများကြီး စားရင် တော့ ဘယ်လောက်ပဲ ကျန်းမာရေးနှင့် ညီညွှတ်ပါစေ ကယ်လိုရီ များပြီး ဝိတ်တက်စေနိုင်ပါတယ်။
🍛ဘာကြောင့်လဲ ဆိုတော့ ထမင်း တွေမှာ ပါဝင်တဲ့ ကယ်လိုရီ က အရမ်း ကွာခြားမှုမရှိလို့ပါ။ ရေငှဲ့ချက်တဲ့ ထမင်း ကဓီဓါတ်လျှော့ချထားတဲ့ ထမင်းဆိုရင် တော့ သာမာန်ထက် နည်းနိုင်ပါတယ်။
ဒါကြောင့် ထမင်းစားရင်ထမင်းပန်းကန်လုံးသေး (၁) လုံး မပြည့် တပြည့် စားပေးရင် အဆင်ပြေပါတယ်။ ဒါကတော့ အကြမ်းဖျင်းပြောခြင်းသာ ဖြစ်ပါတယ်။ လူတစ်ဦးနဲ့ တစ်ဦး ပမာဏ မတူညီနိုင်ပါဘူး။
ဝိတ်ချနေတဲ့ သူတွေ တခြား သတိထားသင့်တဲ့ အချက်တွေကတော့
➖➖➖➖➖
✔️လေ့ကျင့်ခန်း ပုံမှန်လုပ်ပေးပါ (၄၅ မိနစ် မှ တစ်နာရီ)
✔️ရေသောက်ဖို့မမေ့ပါနှင့် (၂-၃ လီတာ)
✔️လှုပ်ရှားမှုတိုင်းက ဝိတ်ကျစေတယ် ဆိုတာ သတိရပါ
✔️အရွက် များများစားပါ။ အရောင်စုံအောင် စားပါ။
✔️အသီးအနှံ တစ်နေ့ တစ်လုံးလောက် စားပေးပါ။
✔️စိတ်ချရတဲ့ ဝိတ်ကျဆေး၊ ပိန်ဆေးရယ်လို့ မရှိသေးပါ။ (Orlistat ဆေးတော့ရှိပါတယ်။ ဒီဆေးက မိမိစားတဲ့ အစားအစာမှာ ပါဝင်နေတဲ့ ဆီရဲ့ ၃၀% ကို မစုပ်အောင် လုပ်ပေးတဲ့ ဆေးပါ။
✔️ပြုပြင်ထားတာမျိုးမဟုတ်တဲ့ သန့်ရှင့်လတ်ဆတ်တဲ့အသားကိုသာ စားပေးပါ
✔️ဘယ်အစားမဆို Zero calorie ဆိုတိုင်း မစားမိပါစေနှင့်၊ ဆားဓါတ် နှင့် ဖော့စဖောရပ် တွေ များနေတတ်ပါတယ်။
အထက်ပါအချက်လေးတွေ ကို လိုက်နာပြီး ကျန်းမာ လှပ တဲ့ ခန္ဓာကိုယ်ကို ပိုင်ဆိုင် နိုင်ကြပါစေ
လေးစားစွာဖြင့်
ဒေါက်တာ ညီညီကျော်
