15/10/2025
Saïmon Bouabré က ပြင်သစ်ယူ၂၀ ကစားသမားပါ။ အခုကစားနေတဲ့ ယူ၂၀ ကမ္ဘာ့ဖလားအတွက်လည်း ရွေးချယ်ခံရပြီး အားထားရတဲ့ ကြယ်ပွင့်ပါ ဖြစ်နေပါတယ်။ ဒါပေမယ့် ပြိုင်ပွဲစတင်ချိန်က နိုင်ငံတကာပွဲကာလမဟုတ်လို့ဆိုပြီး သူ့အသင်း ဆော်ဒီကလပ် Neom က ပေးမလွှတ်လို့ ၁၆ သင်းအဆင့်ရောက်မှ သွားကစားပေးရပါတယ်။ အဲဒီအချိန်က နိုင်ငံတကာပွဲကာလဖြစ်နေပြီ။
သူက နော်ဝေနဲ့ ကွာတားဖိုင်နယ်မှာ ခြေစွမ်းပြပြီး ၂ဂိုးသွင်း၊ အကောင်းဆုံးကစားသမားဆုပါရခဲ့တာပါ။ ပြင်သစ်က ဆီမီးဖိုင်နယ်ရောက်ပြီး မနက်ဖြန် မော်ရိုကိုနဲ့ ကစားရပါတော့မယ်။ ဒါပေမယ့် နိုင်ငံတကာပွဲကာလက ပြီးဆုံးသွားပြီဆိုပြီး သူ့အသင်းက ပြန်ခေါ်လို့ ပြန်သွားရပါပြီ။ ပြင်သစ်အတွက် ကစားပေးရမှာမဟုတ်တော့ပါဘူး။
ကစားသမားအတွက် နစ်နာပါတယ်။ အသင်းကတော့ စည်းကမ်းနဲ့အညီဆိုပေမယ့် ကစားသမားရဲ့ အခွင့်အရေးတွေ ဆုံးရှုံးတာပါ။ သူ ပိုပြီးကျော်ကြားမယ့်အခွင့်အရေး၊ ယူ၂၀ ကမ္ဘာ့ဖလားဆီမီးဖိုင်နယ်၊ ဗိုလ်လုပွဲတက်ရင် ဖိုင်နယ်ကစားခွင့်တွေပါ မရတော့တာပါ။ နစ်နာတာမှ အများကြီးပါပဲ။ ပြင်သစ်ကတော့ ကစားပေးလို့ရအောင် ကြိုးစားကြည့်မှာ သေချာတယ်။ ဘယ်လိုမှမရလို့ပဲ ဖြစ်မယ်ထင်ပါတယ်။
