30/04/2020
UEFA ရဲ့ အစီအစဉ်သစ်အရ ချန်ပီယံလိဂ် နဲ့ ယူရိုပါလိဂ် ပွဲတွေကို ဆက်တိုက်ကြည့်ရဖို့ ရှိနေ။..📌
ဥရောပ ဘောလုံး အဖွဲ့ချုပ် UEFA ဟာ ကျန်းမာရေး ကပ်ဘေးကြီး ကြောင့် ရပ်နား ထားရတဲ့ သူတို့ရဲ့ အဓိက ပြိုင်ပွဲကြီး တွေ ကို ဖျက်သိမ်း ခြင်း မပြုဘဲ ပြီးဆုံး သည် အထိ ဆက်လက် ယှဉ်ပြိုင် သွားဖို့ ဆန္ဒ ရှိနေ ပါတယ် ။ ဒါကြောင့် အမှတ်ပေး ပြိုင်ပွဲတွေ ပြီးဆုံး သွားတဲ့ လ မှာ ပွဲစဉ် တွေ ဆက်တိုက် စီစဉ် ခြင်း ပုံစံ နဲ့ တစ်လ အတွင်း အပြီးသတ် နိုင်အောင် အစီ အစီအစဉ် ရေးဆွဲ နေတယ် လို့ သတင်း ကြားသိရ ပါတယ် ။
UEFA က ကျင်းပ နေတဲ့ ချန်ပီယံ လိဂ် နဲ့ ယူရိုပါ လိဂ် တို့ ဟာ ၁၆ သင်း ရှုံးထွက် အဆင့် တွေ မှာ ရပ်နား ထား လိုက် ရပြီး အချို့ အသင်းတွေ ကတော့ ကွာတား ဖိုင်နယ် ကို ရောက်ရှိ နေကြပြီ ဖြစ် ပါတယ် ။ ဒီပြိုင်ပွဲတွေ အပါ အဝင် ဥရောပ ဒေသ က ဘောလုံး ပြိုင်ပွဲ အားလုံး ရပ်နား ထားကြပြီး ပြန်စနိုင်မယ့် အချိန်ကို ဆွေးနွေး တိုင်ပင် နေကြဆဲ ဖြစ်ပါတယ် ။
စပိန် ၊ အီတလီ ၊ ဂျာမဏီ နဲ့ အင်္ဂလန် က အမြင့်ဆုံး လိဂ် ပြိုင်ပွဲတွေ ကတော့ ဇွန်လဆန်း လောက် မှာ ကွင်းပိတ် ပုံစံ နဲ့ ပြန်လည် စတင် ဖို့ မျှော်မှန်း ထားတယ် လို့ သိရ ပါတယ် ။ ပျမ်းမျှ လိဂ် တစ်ခု ကို ပွဲစဉ် ၉ ပွဲ ၁၀ ပွဲ လောက် သာ ကျန်ရှိ တော့တာ ကြောင့် ဇူလိုင်လ ၃၁ ရက်နေ့ နောက်ဆုံး ထားပြီး ရာသီ ပြီးဆုံးအောင် ကစားသွား ဖို့ စိတ်ကူး ထားကြတယ် လို့လည်း သိရ ပါတယ် ။
ဒါကြောင့် UEFA ဟာ သူတို့ရဲ့ ပြိုင်ပွဲ ၂ ခု ကို အမှတ်ပေး ပြိုင်ပွဲတွေ ပြီးဆုံး သွားတဲ့ ဇူလိုင် လ အကုန် လောက်က စတင်ပြီး သြဂုတ် လ တစ်လ တည်းမှာ အပြီး ယှဉ်ပြိုင် ကစား သွားဖို့ စိတ်ကူး လာခဲ့ တယ်လို့ ယမန်နေ့ ညနေ ပိုင်း မှာ ထွက်ပေါ် လာခဲ့တဲ့ သတင်းအရ ကြားသိရ ပါတယ် ။
UEFA ဟာ သြဂုတ်လ 7 ရက်နေ့ က နေစတင်ပြီး ၃ ရက် ကို ပွဲစဉ် ၁ ပွဲ နှုန်း နဲ့ ယှဉ်ပြိုင် စေကာ သြဂုတ် ၃၁ ရက်နေ့ မှာ ဗိုလ်လုပွဲ ကို ကျင်းပဖို့ တိုင်ပင် ဆွေးနွေး ခဲ့ကြတယ် လို့ သိရ ပါတယ် ။ ချန်ပီယံ လိဂ် ဟာ ၁၆ သင်းဆင့် ပွဲစဉ် တစ်ပွဲ ကျန်ရှိ နေသေးတာ ကြောင့် လိုင်ယွန် နဲ့ ယူဗင်တပ် ၊ ဘာစီလိုနာ နဲ့ နာပိုလီ ၊ ဘိုင်ယန်မြုးနစ် နဲ့ ချဲလ်ဆီး ၊ ရီးရဲ မက်ဒရစ် နဲ့ မန်စီးတီး ပွဲစဉ်တွေ ကို သြဂုတ် 7-8 မှာ စတင် ကစားဖို့ ကနဦး လျာထားကြတယ်လို့ သိရ ပါတယ် ။
အစောပိုင်း တုန်းက ချန်ပီယံလိဂ် နဲ့ ယူရိုပါ လိဂ် ပွဲစဉ်တွေ ကို မြန်မြန် ပြီးဆုံး စေဖို့ တစ်ကျော့ကန် စနစ် ကို အသုံးပြုဖွယ် ရှိတယ် လို့ သတင်းထွက် လာခဲ့ ပေမယ့် ယခု နောက်ဆုံး မှာတော့ ၃ ရက် ကို တစ်ပွဲ ပုံစံ နဲ့ ကစား ကြမှာ ဖြစ်ပြီး အိမ်ကွင်း အဝေးကွင်း စနစ် ကို ဆက်လက် ကျင့်သုံးမယ် လို့ သိရှိရ ပါတယ် ။
ဆီမီး ဖိုင်နယ် ပွဲစဉ်တွေ ကို သြဂုတ် ၁၈-၁၉ နဲ့ ၂၁-၂၂ ရက်နေ့ တွေ မှာ ကစားဖို့ လျာထား သတ်မှတ် ထားကြပြီး ဖိုင်နယ် ပွဲကတော့ မူလ သတ်မှတ် ထားတဲ့ အစ္စတန်ဘူမြိုကမှာ သြဂုတ် ၂၉ မှာ ယှဉ်ပြိုင် ကစား ကြမယ် လို့ သိရ ပါတယ် ။
ဒီလို ပြိုင်ပွဲတွေ ကို နောက်ဆုတ် ခဲ့ရတဲ့ အတွက် ၂၀၂၀ – ၂၁ ဘောလုံး ရာသီ ကို အောက်တိုဘာ လောက်မှ ပြန်လည် စတင်ဖွယ် ရှိပြီး ချန်ပီယံလိဂ် အုပ်စု အတွက် ခြေစစ်ပွဲတွေ ကိုတော့ စက်တင်ဘာ ထဲ မှာ ပြန်လည် စတင် နိုင်ဖို့ ရှိနေတယ် လို့ သိရ ပါတယ် ။
ဒါပေမယ့်လည်း ဒါတွေ ဟာ ကနဦး ဆွေးနွေး တိုင်ပင် ထားခြင်းတွေ သာ ဖြစ်ပြီး လက်ရှိ ဖြစ်ပေါ် နေတဲ့ ကျန်းမာရေး ကပ်ဘေးဆိုးကြီး ရဲ့ ပြင်းထန်မှု အနေ အထား အပေါ် အဓိက မူတည်နေတယ် လို့ သိရ ပါတယ် ။ အကယ်၍ ဘောလုံး ပွဲတွေ ပြန်လည် စတင်ဖြစ်ပါကလည်း နှစ်ကုန်ပိုင်းလောက်ထိ ပရိသတ် မပါဘဲ ကစား ကြဦးမှာ လို့ သိရပါတယ် ။
SPORTS MYANMAR
Credit
