14/12/2023
နာပိုလီအသင်းနှင့် တိုက်စစ်မှူးအိုဆီမန် စာချုပ်သစ်ချုပ်ဆိုဖွယ်ရှိ
=====================================
နာပိုလီတိုက်စစ်မှူးအိုဆီမန်ဟာ အီတလီကလပ်အသင်းနဲ့ စာချုပ်သစ်ချုပ်ဆိုဖို့ရှိနေရာ သူ့ကိုခေါ်ယူဖို့ ပစ်မှတ်ထားနေတဲ့ အာဆင်နယ်နဲ့ ချဲလ်ဆီးအသင်းတို့အတွက် ထိုးနှက်ချက်ဖြစ်ခဲ့ရပါတယ်။ အဆိုပါနိုက်ဂျီးရီးယားတိုက်စစ်မှူးအိုဆီမန်ဟာ ယခုရာသီစီးရီးအေ(၁၁)ပွဲမှာ နာပိုလီအတွက် (၆)ဂိုးသွင်းယူထားပြီး သူ့ရဲ့ခြေစွမ်းပြကစားနိုင်မှုအတွက် အသင်းက စာချုပ်ဖျက်သိမ်းကြေးပေါင်(၁၁၂)သန်းတိုးမြှင့်ကာ စာချုပ်သစ်ချုပ်ဆိုမှာဖြစ်ပါတယ်။ အာဆင်နယ်နဲ့ ချဲလ်ဆီးတို့ဟာ တိုက်စစ်မှူးတစ်ဦးခေါ်ယူဖို့အတွက် အပြောင်းအရွှေ့ ဈေးကွက်ထဲဝင်ရောက်ဖို့ရှိနေပြီး အထူးသဖြင့်ချဲလ်ဆီးဟာ အိုဆီမန်ကို ခေါ်ယူဖို့ မျကိကျနေပါတယ်။ အိုဆီမန်ဟာ ၂၀၂၀မှာ လိုင်လီကနေ ကလပ်စံချိန်တင်ပြောင်းရွှေ့ကြေးပေါင်(၆၉.၅)သန်းနဲ့နာပိုလီကိုရောက်ရှိခဲ့ပြီးနောက် အီတလီကလပ်အသင်းအတွက် (၁၁၆)ပွဲမှာ (၆၆)ဂိုးသွင်းယူခဲ့ပါတယ်။ အိုဆီမန်ဟာ ၂၀၂၃ ခုနှစ်အတွက် အာဖရိကတစ်နှစ်တာ အကောင်းဆုံးကစားသမားဆုကို ဆွတ်ခူးထားသူလည်းဖြစ်ပါတယ်။
