What are the opening hours?

Monday 09:00 - 22:00 Tuesday 09:00 - 22:00 Wednesday 09:00 - 22:00 Thursday 09:00 - 22:00 Friday 09:00 - 22:00 Saturday 09:00 - 22:00 Sunday 09:00 - 22:00

https://www.facebook.com/104369888825884/

GYM Trainer, Thingangyun (2026)

03/09/2022

တခါစားရင် ပရိုတိန်းပမာဏ ဘယ်လောက်စားသင့်သလဲ?
**************************************
Fitness ကိုစိတ်ဝင်စားသူမှန်သမျှ ပရိုတိန်းဆိုတာနဲ့ကင်းလို့မရနိုင်တာ ၁၀၀% ပါ။ ပရိုတိန်းရဲ့ အကျိုးရှိမူဟာ ကြွက်သားဖွံဖြိုးမူ့အတွက်သာအဓိကအထောက်အပံ့မဟုတ်ဘဲ အခြားခန္ဓာကိုယ်ရဲ့ ဇီဝကမ္မဖြစ်စဉ်တွေအတွက် ကယ်လိုရီစွမ်းအင်ကိုထုတ်လုပ်ပေးပါတယ်။ (ပရိုတိန်း ၁ ဂရမ် = ၄ ကယ်လိုရီ). ထိုမျှမကသေးဘဲ ကိုယ်ခံစွမ်းအားအတွက်သွေးဖြူ/နီထုတ်လုပ်မူ့တို့ကိုလည်းကူညီလုပ်ဆောင်ပေးပါတယ်။ ပရိုတိန်းဓါတ်ဟာ အသက်ကြီး/ငယ်၊အားကစားပြုလုပ်သူ၊ မပြုလုပ်သူအတွက်နေ့စဉ်ကျန်းမာစွာအသက်ရှင်သန်နိုင်ဖို့လိုအပ်ပါတယ်။

Beginner တယောက်အတွက်တော့ များပြားလွန်းလှတဲ့စျေးကွက်ထဲကပရိုတိန်းမျိုးစုံဟာ ရွေးချယ်ဖို့အခက်အခဲဖြစ်စေမှာပါ။
✅ ၁။ ဘယ်အမှတ်တံဆိပ်ဟာ အကောင်းဆုံးလဲ?
✅ ၂။ ဘယ်ပရိုတိန်းအမျိုးအစားက သင်နဲ့သင့်တော်သလဲ? (Concentrate, isolate, Hydrolyzed, Casin, egg white protein, etc.)
✅ ၃။ အထက်ပါအချက် ၂ ချက်ကိုသင်အောင်မြင်စွာဖြတ်ကျော်ပီးရင် နောက်တဆင့်ကသင်ဘယ်လောက်ပမာဏသောက်သုံးရမှာလဲ?

Gym Roomမှာ စီနီယာတွေမှ တဆင့်စကားတဆင့်ပါးလမ်းညွန်တာကတော့ ကြွက်သားဖွံဖြိုးဖို့အတွက်ပရိုတိန်းများများစားနိုင်လေကောင်းလေ။ ဒါဆို ပရိုတိန်းမသောက်၊ ပရိုးတိန်းပါဝင်တဲ့အစားအစာအလျံပယ်မစားနိုင်ဘဲ ဆိပ်ကမ်းကကုန်ထမ်းတဲ့အလုပ်သမားမှာလည်း လှပတဲ့အပေါ်အောက်ကြွက်သားတွေဟာ Gym ကစားသူတယောက်လိုဘာကြောင့်ရှိနေရတာလဲ? အိမ်မှာ ကိရိယာလွတ်ကစားနေသူတွေမှာလည်း ပရိုတိန်းမသောက်ဘဲ လှပတဲ့ကြွက်သားများပိုင်ဆိုင်နေကြတာပါဘဲ။ ဒီတော့ Beginner တွေသိချင်တဲ့မေးခွန်းကများများစားရမှာလား? မစားရဘူးလား?ဘယ်ဟာအမှန်လဲဆိုတဲ့ အငြင်းပွားစရာစကားတခုဟာ ယနေ့ထိရှင်သန်နေတုန်းပါ။

အထက်ပါ နံပါတ် ၁-အချက်ကတော့ သင့်ရဲ့ငွေကြေးတတ်နိုင်မူ့အပေါ်မူတည်ပါတယ်။
နံပါတ် ၂-အချက်ကတော့ သင်ရဲ့ရည်ရွယ်ချက်ပေါ်မူတည်ပါတယ်။ (ဝိတ်လျော့? အဆီချ? ကြွက်သားထုတင်လား?)

ဒီပို့စ်ရဲ့အဓိကပေးချင်တဲ့ မက်ဆေ့ဖြစ်တဲ့နံပါတ်၃ အချက် "တခါစားရင် ပရိုတိန်းဘယ်လောက်ပမာဏစားသင့်သလဲ" ဆိုတာလက်တွေ့ကျကျလေ့လာသုံးသပ်ကြည့်ရအောင်။

များများစားရမှာလား? နည်းနည်းစားရမှာလား? ဆိုတာဆွေးနွေးဖို့ အစာအိမ်ရဲ့လုပ်ဆောင်ချက်ကို ဦးစွာပထမလေ့လာမယ်။ ဦးစွာပထမProteinကိုစားသုံးလိုက်သည်နှင့်အစာအိမ်ထဲမှာ အင်ဇိုင်းကခြေဖျက်ပြီး amino acid အဖြစ်ပုံစံပြောင်းပြီး အူမှတစ်ဆင့်သွေးထဲသိုရောက်ရှိစေပါတယ်။ ထို့နောက်ခန္ဓာကိုယ်ရဲ့လိုအပ်သည့်နေရာများသို့ amino acidများကိုပို့ဆောင်ပေးပြီး တဖန်သက်ဆိုင်ရာproteinများပြန်တည်ဆောက်ရပါတယ်။ ထိုသို့ပို့ဆောင်ရာမှာ မြန်နှုန်းဟာ(အစာခြေမူ့) စားသောက်ယူလိုက်သောအစာအပေါ်မူတည်ပီးကန့်သတ်တခုဖြစ်ရှိနေစေပြန်ပါတယ်။ ပရိုတိန်းခြင်းအတူတူမှာတောင် Whey နဲ့ Caseinရဲ့ချေဖျက်ပုံမြန်နှုန်းမတူညီပါဘူး။ Whey ရဲ့စုပ်ယူနိုင်မူ့မြန်နှုန်းကတော့ တနာရီမှာ ၈-၁၀ ဂရမ်ဖြစ်ပီး ပျမ်းမျှခြင်းအားဖြင့် ၁၅ ဂရမ်ကိုစုပ်ယူနိုင်ဖို့ ၁နာရီခွဲကြာမြင့်ပါတယ်။ Casein ရဲ့စုပ်ယူနိုင်မူ့မြန်နှုန်းကတော့ တနာရီမှာ ၅ ဂရမ်ထက်မကျော်လွန်ပါဘူး။ ထို့ကြောင့် Casein ကိုညစာအချိန်နှင့်အိပ်ယာဝင်ချိန်ကြားမှာ သုံးစွဲခြင်းကမှန်ကန်တဲ့ရွေးခြယ်မူ့တခုပါ။

ခန္ဓကိုယ်ရဲ့စုပ်ယူနိုင်တဲ့မြန်နှုန်းစွမ်းအင်ကို သင်သိပီဆိုရင် ဒုတိယအနေနဲ့ ခန္ဓာကိုယ်အတွက်လိုအပ်တဲ့ ပရိုတိန်းပမာဏကိုသိအောင် research လုပ်ကြည့်တဲ့အခါမှာ ကမ္ဘာ့ကျန်းမာရေးအဖွဲ့အစည်းက ဘော်ဒီဝိတ် ၁ ကီလို (၂.၂ပေါင်) အတွက်အနည်းဆုံး ၀.၄၅ ဂရမ်လိုအပ်ပါတယ်လို့အကြုံပြုထားပါတယ်။ အမေရိကန်နဲ့အင်္ဂလန်ရဲ့ ကျန်းမာရေးအဖွဲ့အစည်းတွေကတော့ ဘော်ဒီဝိတ် ၁ ကီလို (၂.၂ပေါင်) အတွက်အနည်းဆုံး ၀.၈ ဂရမ်လိုအပ်ပါတယ်လို့အကြုံပြုထားပါတယ်။ စကာင်္ပူနိုင်ငံမှာတော့ပျမ်းမျှခြင်းအနေနဲ့ ဘော်ဒီဝိတ် ၁ ကီလိုရှိသူအတွက် ပရိုတိန်း၀.၇ -၀.၈ ဂရမ် လိုအပ်တယ်လို့အကြံပြုထားပါတယ်။

သင့်ခန္ဓာကိုယ်လိုအပ်သောပရိုတိန်းပမာဏကိုသင်ကိုယ်တိုင်တွက်ယူနိုင်ပါတယ်။ ဘော်ဒီဝိတ်အတွက် USA Metric unit ကတော့ ကီလိုဂရမ်(kilogram)ဖြစ်ပီး English Unit ကတော့ ပေါင် (Pound)ဖြစ်ပါတယ်။

(သင့်ခန္ဓာအလေးချိန်-ကီလို) x ၀.၈ = (ဂရမ်-လိုအပ်သော ပရိုတိန်းပမာဏ)
(သို့မဟုတ်)
(သင့်ခန္ဓာအလေးချိန်-ပေါင်) x ၀.၃၆ = (ဂရမ်-လိုအပ်သော ပရိုတိန်းပမာဏ)

၁၅၀ပေါင်အလေးချိန်ရှိသူအတွက်ဆိုရင် ၁၅၀ x ၀.၃၆=၅၄ ဂရမ် ပရိုတိန်းပမာဏလိုအပ်ပါတယ်။

သင့်ခန္ဓာကိုယ်ရဲ့ပျမ်းမျှလိုအပ်သော ပရိုတိန်းပမာဏကို သင်ကိုယ်တိုင်တွက်ယူတတ်ပြီးလျှင် တတိယအဆင့်အနေနဲ့ တကြိမ်စားလျှင်ဘယ်လောက်ပမာဏ စားသုံးသင့်သလဲဆိုတာ သုံးသပ်ရပါတော့မယ်။ Fitness ပါတ်ဝန်းကျင်မှာတော့ တနေ့မှာ အစားစားချိန် ၄ ကြိမ်မှ ၆ ကြိမ်အထိ အကြိမ်ကြိမ်ခွဲစားဖို့အမြဲတိုက်တွန်းပါတယ်။ အလေ့အကျင့်ပြုလုပ်မယ်ဆိုရင် ၆ ကြိမ်ဟာ လူတိုင်းအတွက် အခက်အခဲမဟုတ်ပါဘူး။

အထင်အမြင်အယူအဆမလွဲအောင် အခြေခံသင်္ချာတွက်နည်းနဲ့တွက်ယူကြည့်ရအောင် (ဥပမာ။ ။ တနေ့မှာသင့်ဟာ မနက်စာကော်ဖီသောက်ပီး ၆၀ ဂရမ်ပရိုတိန်းနဲ့ညီမျှတဲ့ဘိန်းမုန့် ၂ ချပ်ကိုနေ့လည်စာ ပရိုတိန်း ၃၀-ဂရမ်ဘိန်းမုန့် ၁ ချပ်၊ ညစာ ပရိုတိန်း၃၀-ဂရမ်ဘိန်းမုန့် ၁ ချပ် နေ့စဉ်စားသုံးတယ်ဆိုကြပါစို့။ တကြိမ်စားသုံးမူ့ဟာ ပရိုတိန်း ၃၀-ဂရမ် ဖြစ်ပီး စုစုပေါင်းသင်စားသုံးတဲ့ ပမာဏဟာ တနေ့တာအတွက် ၆၀-ဂရမ်ပါ။ အနည်းဆုံး ၄ ကြိမ်စားသုံးစေခြင်းဟာ သင် ဘိန်းမုန့် ၄ ချပ်စားခိုင်းခြင်းမဟုတ်ဘဲ တခါစားဘိန်းမုန့် တခြမ်း(၁၅-ဂရမ်) x ၄ ကြိမ် = ဘိန်းမုန့် ၂ ချပ် (၆၀-ဂရမ်) ဖြစ်ပါတယ်။)

ပထမဦးဆုံးဖတ်ရူ့ခဲ့တဲ့ ခန္ဓာကိုယ်ရဲ့စုပ်ယူနိုင်မူ့မြန်နှုန်းကိုပြန်ကောက်ကြည့်မယ်ဆိုလျှင် ပျမ်းမျှခြင်းအားဖြင့် ၁၅ ဂရမ်ကိုစုပ်ယူနိုင်ဖို့ ၁နာရီခွဲကြာမြင့်ပါတယ်။ ဒီအချက်ဟာ သင်စားသုံးယူသောပရိုတိန်းအမျိုးအစားအပေါ်မူတည်နေပါသေးတယ်။ ပျမ်းမျှပေါင်ချိန် ၂၅၀ ရှိသော Gym ကစားသမားတယောက်ရဲ့စားသောက်ရမည့်အချိန်ကို ခွဲခြမ်းကြည့်ရအောင်

၁- ၀၈:၀၀ မနက်စာ(ပရိုတိန်း ၁၅ ဂရမ်)
၂- ၁၀:၀၀ ကော်ဖီဘရိတ်တိုင်း (ပရိုတိန်း ၁၅ ဂရမ်)
၃- ၁၂:၀၀ နေလည်စာ (ပရိုတိန်း ၁၅ ဂရမ်)
၄- ၀၃:၀၀ ကော်ဖီဘရိတ်တိုင်း (ပရိုတိန်း ၁၅ ဂရမ်)
၅- ၀၆:၀၀ ညစာ (ပရိုတိန်း ၁၅ ဂရမ်)
၆- ၀၉:၀၀ ညလည်စာ (ပရိုတိန်း ၁၅ ဂရမ်)

တနေ့တာကုန်ဆုံးချိန်မှာ စားသုံးတဲ့ပရိုတိန်းပမာဏဟာ ခန္ဓာကိုယ်မှလိုအပ်သော ၉၀ ဂရမ်ပရိုတိန်းပမာဏအတိအကျရရှိမှာဖြစ်ပါတယ်။

ဇီဝကမ္မဖြစ်စဉ်များကို အဆက်မပျက်ဖြစ်ပေါ်နေစေနိုင်ရန်အတွက်သင့်စားနေသုံးနေကျ မှန်ကန်သောအစားအစာပမာဏမှာ နည်းနည်းနှင့်မကြာခဏစားပေးရပါမယ်။ ထိုသို့စားသုံးခြင်းဖြင့်သွေးထဲမှ သကြားဓါတ်(insulin)ကို တိုးတက်ခြင်း မဖြစ်စေပဲအင်ဆူလင်ထွက်ခြင်းကို တည်ငြိမ်စေပါတယ်။ အနည်းဆုံး ၃ နာရီ (သို့)၄ နာရီခြား စားပေးခြင်းဖြင့်အင်နာဂျီစွမ်းအင် အတွက် ကယ်လိုရီလုံလောက်မျှတမူ့ကိုဖြစ်ပေါ်စေပါတယ်။

နိဂုံးချူပ်ကတော့ တကြိမ်မှာ ပရိုတိန်း အများဆုံး၃၀ ဂရမ်သာစားသုံးသင့်ပီး၊ စုပ်ယူနိုင်ဖို့ အချိန် ၃ နာရီကြာမြင့်ပါတယ်။ တနေ့မှာ အစာစားချိန် အနည်းဆုံး ၄ မှ ၆ကြိမ်ဖြစ်အောင် လေ့ကျင့်ယူရပါမယ်။ တကြိမ်စားသုံးတိုင်းမှာ ၃၀ ဂရမ်ထက်ပိုမိုသော ပရိုတိန်းများမှာကစီဓာတ် (carbohydrate) နှင့်အတူစွမ်းအင်အဖြစ်ပြောင်းလဲပီးလောင်ကျွမ်းအသုံးပြုလိုက်ပါတယ်။ ရလဒ်ကတော့ တကြိမ်မှာ ၃၀ ဂရမ်ထက်ပိုစားလျှင် ပိုက်ဆံကုန်ပီး သင့်ရည်မှန်းချက်ပန်းတိုင်ဟာ လိုက်လေ ဝေးလေ ဖြစ်နေတော့မှာ တမုံ။

လွတ်လပ်စွာ Share နိုင်ပါသည်။

06/03/2022

#ထုတင်ခြင်းဆိုတာဘာလဲ။

✅ မိတ်ဆွေတို့အတွက် ဒီ Post မှတစ်ဆင့် ထုတင်တယ်ဆိုတာဘာလဲ၊ ထုတင်နည်းဘယ်နနည်း ရှိသလဲ၊ ဘယ်လိုထုတင်သင့်သလဲ ၊ ဘယ်အချိန်ထုတင်သင့်သလဲ အစရှိသဖြင့် ကြွက်သားထုတင်ခြင်းအကြောင်းနှင့် ပက်သက်ပြီးအသေးစိတ်ရှင်းပြ ပေးသွားမှာဖြစ်ပါတယ်။

➖ ➖ ➖ ➖ ➖ ➖ ➖ ➖
ထုတင်ခြင်း

ထုတင်တဲ့ကာလက ခန္ဓာကိုယ်ရဲ့ကြီးထွားမူကာလဖြစ်ပါတယ်၊ ကြွက်သားတွေ ကြီးမားလာတဲ့အချိန်ဖြစ်ပါတယ်၊ ထုတင်တဲ့အချိန်မှာ ဘယ်လို Diet plan မျိုးလိုက်နာသင့်သလဲဆိုရင် (Calorie Surplus Diet) ကိုလိုက်နာသင့်ပါတယ် ၊
Calorie Surplus Diet ကဘယ်လိုပုံစံလဲဆိုတော့မိမိခန္ဓာကိုယ်အတွက် တနေ့တာလိုအပ်တဲ့ Calorie ပမာဏထက်ပိုစားပေးတာကိုသာ Calorie Surplus Diet လို့ခေါ်ပါတယ်။

ဥပမာအနေနဲ့ လူတစ်ယောက်ရဲ့ တစ်နေ့တာလိုအပ်တဲ့ ကယ်လိုရီပမာဏက 2000ဆိုပါစို့၊ 2200 ကယ်လိုရီ 200 ကယ်လိုရီပိုစားပေးမှသာထိုသူကဝိတ်တတ်မှာ၊ ထုတတ်မှာဖြစ်ပါတယ်၊ 2000 ကယ်လိုရီဆိုတာအကြမ်းဖျင်းသဘောပါ အားလုံးအတွက်တော့ 2000 ကယ်လိုရီဘဲလိုအပ်မှာမဟုတ်ပါဘူး၊ လူတစ်ဦးတစ်ယောက်ခြင်းစီရဲ့ အသက်၊အရပ်၊ကိုယ်အလေးအချိန်၊သူ့ရဲ့လှုပ်ရှားမူပုံစံပေါ်မူတည်ပြီး တနေ့တာလိုအပ်တဲ့ကယ်လိုရီပမာဏဆိုတာ ကွဲပြားပါလိမ့်မယ်၊၊

အခုမိတ်ဆွေတို့အနေနဲ့ထုတင်ခြင်းဆိုတာဘာလဲ၊ ထုတင်တဲ့အချိန်ဘယ်လို Diet plan မျိုးလိုက်နာရမယ်ဆိုတဲ့နားလည်သဘောပေါက်မူ ရရှိပြီထင်ပါတယ်။

ထုတင်တာ ဘယ်နမျိုးရှိလဲ။

ထုတင်တဲ့ပုံစံ (2) မျိုးရှိပါတယ် ။

✅ Dirty Bulking

✅ Lean Bulking စသဖြင့် (2) မျိုးရှိပါတယ် ။

Ok ပထမဦးဆုံးအနေနဲ့ Dirty Bulking အကြောင်းပြောရအောင်။

Dirty Bulking

အချို့သူတွေက ထုတင်တဲ့နေရာမှာထုတင်တဲ့အချိန်ကြိုက်တာစားလို့ရတယ်လို့တွေးပြီးတော့ Calorie များရင်တော်ပြီဆိုပြီးတော့ အကုန်အစားအစာတွေစားလေ့ရှိကြတယ် အလိုစားခြင်းကိုဘဲ Dirty Bulking လို့ခေါ်ပါတယ်၊ ဘာဂါ၊ ပီဇာ၊ အဆီကြော်စာတွေ၊အကြော်အလှော်တွေ အကုန်စားလေ့ရှိကြတယ်၊ အလိုစားပြီးတော့တတ်လာတဲ့ ဝိတ်က အဆီရဲ့ဝိတ်တွေသာပိုများနေပါလိမ့်မယ်၊ ပြောခြင်တာက ခန္ဓာကိုယ်မှာအဆီပမာဏကိုသာပိုတိုးစေပါတယ်၊ ကြွက်သားတွေကြီးထွားဖို့မကူညီပေးနိုင်ပါဘူး ၊ အဲ့တော့ Dirty Bulking လုပ်ခြင်းက အချိန်နဲ့ငွေကိုဘဲအလဟသဖြစ်စေပါတယ်။

Lean Bulking

Lean Bulking မှာဆိုရင် ခန္ဓာကိုယ်ထဲမှာဝင်နိုင်တဲ့အဆီပမာက အလွန်နည်းနေလိမ့်မယ်၊ကြွက်သားသီးသန့်ဖွဲ့ဖြိုးလိမ့်မယ်၊ ကြွက်သားသီးသန့်တတ်ဖို့ ကြွက်သားသီးသန့် ကြီးဖို့က Lean Bulking လုပ်တဲ့အချိန်မှာဘဲကြီးထွားလာမှာဖြစ်ပါတယ်၊ နောက်တစ်ချက်အနေနဲ့ Lean Bulking လုပ်တဲ့အချိန်မှာသာလျှင် မိတ်ဆွေတို့ရဲ့ခန္ဓာကိုယ်ကနောက်တစ်ဆင့် ကိုပြောင်းလဲမှာဖြစ်ပါတယ်၊ အချိန်နဲ့ငွေကိုရင်းပြီး ကြိုးစားပြီးခန္ဓာကိုယ်အပြောင်းအလဲလုပ်တဲ့သူတွေအတွက် Lean Bulking ကအတန်ဆုံးနဲ့ အကောင်းဆုံးဖြစ်ပါတယ်၊၊

(Bulking) ထုတင်ခြင်းကို ဘယ်သူတွေလုပ်သင့်သလဲ။

Bulking ထုတင်ခြင်းကိုဘယ်သူတွေလုပ်သင့်လဲဆိုတော့ Body fat percentage နည်းနေတဲ့သူတွေလုပ်သင့်ပါတယ်၊ Body fat percentage 15% အောက် (သို့မဟုတ်) 18% အတွင်းရှိနေတဲ့သူတွေက Bulking လုပ်လို့ရပါတယ်၊မိတ်ဆွေရဲ့ Body fat percentage က 20% အထက် (သို့မဟုတ်) 25% ရှိနေမယ်ဆိုရင် Bulking မလုပ်သင့်ပါဘူး၊ ဘာကြောင့်လဲဆိုတော့ ကိုယ်တွင်းအဆီပမာဏများနေတဲ့အခါမှာ Bulking လုပ်မယ်ဆိုရင်ထက်ပြီးအဆီတွေစုမှာကလွဲလို့ ကြွက်သားတွေကြီးထွားမှာမဟုတ်ပါဘူး၊ကြီးထွားမှာ မဟုတ်ဘူးဆိုတာထက်ကြီးထွားမူအလွန်နှောင့်နှေးပါလိမ့်မယ် မျှော်လင့်သလောက်ကြီးထွားမှာမဟုတ်ပါဘူး၊ခန္ဓာကိုယ်မှာအဆီပမာဏနည်းနေတဲ့အခါမှသာလျှင် ကြွက်သားတွေရဲ့အတတ်နှုန်းက မြန်နေမှာဖြစ်ပါတယ်၊၊

ထုတင်တဲ့အချိန်မှာ ဘယ်လိုကစားသင့်လဲ၊ 🏋

ထုတင်တဲ့အချိန်မှာ High Intensity workout ကို Follow လုပ်ဖို့လိုပါမယ်၊အလေးဝန်များများနဲ့ ကစားပေးဖို့လိုပါမယ်၊ ဘာကြောင့်လဲဆိုတော့ Bulking လုပ်တဲ့အခါမှာ Calorie အများအပြားစားသုံးနေတာကြောင့်ခန္ဓာကိုယ်ထဲမှာ အားအင်ပိုများများရှိလိမ့်မယ်၊ အဲ့ဒါကြောင့်အလေးဝန်မျေားများနဲ့ လွယ်လင့်တကူကစားလို့ရပါတယ်၊ Bulking လုပ်တဲ့အချိန်မှာဘဲ ခန္ဓာကိုယ်ရဲ့ (Strength)ခွန်အားကို ပိုကောင်းအောင်လုပ်လို့ရပါလိမ့်မယ်၊ Strength ကောင်းလာတာနဲ့အမျှကြွက်သားကြီးထွားမူလည်း တပြေးညီဖြစ်ပေါ်လာပါလိမ့်မယ်၊ထို့အတူ Bulking လုပ်နေတဲ့အချိန်မှာတစ်ပတ်မှာ 2 ရက်မှ 3ရက်မကစားဘဲအနားယူပေးဖို့လိုပါတယ်။

အနားယူတဲ့နေ့တွေမှာဘဲခန္ဓာကိုယ်က ကြွက်သားတွေကိုပြန်လည်တည်ဆောက်ပေးမှာဖြစ်ပါတယ်၊ ကြွက်သားတွေက Gym မှာကစားတဲ့အခါကြီးလာတာမဟုတ်ပါဘူး၊ Gym ရဲ့အပြင်ပိုင်းမှာလုပ်ရမဲ့ အစားအသောက်နဲ့ အနားယူမူပေါ်မူတည်ပြီးဘဲကြီးထွားလာတာဖြစ်ပါတယ်။

💢 ထုတင်တဲ့ အချိန်မှာအရေးကြီးတဲ့အချက်ကတနေ့တာလိုအပ်တဲ့ ကယ်လိုရီပမာထက် 1000-1500 ကယ်လိုရီပမာဏတိုးမစားပါနဲ့ 200 မှ 300 ကယ်လိုရီပမာဏတိုးစားရင်လုံလောက်ပါပြီ၊ထုတင်တဲ့အခါမှာ တစ်ပတ်ကို 1ပေါင် 1 ပေါင်ခွဲပေါင်ချိန်တတ်တယ်ဆိုရင်ကောင်းပါတယ်၊ အလိုတတ်မှသာလျှင်ခန္ဓာကိုယ်မှာအဆီပမာဏနည်းပြီးကြွက်သားပမာဏများများတတ်နေတဲ့ဆိုတဲ့ သဘောပါ၊ တစ်ပတ်ကို 2 ပေါင်မှ 4 ပေါင်အထိတတ်နေပြီဆိုရင်စားသုံးနေကြကယ်လိုရီပမာဏကနေ ထက်ပြီးကယ်လိုရီပမာဏကိုလျှော့စားပေးပါ၊ Bulking ကိုဘယ်နပတ်လုပ်ရမလဲမေးမယ်ဆိုရင် မိတ်ဆွေရဲ့ Body weight တားဂတ်ကိုအရင်ဆုံးသတ်မှတ်ပါ၊ သတ်မှတ်ထားတဲ့ တားဂတ်ရောက်တဲ့အထိထုတင်ပါ၊ မိတ်ဆွေရဲ့ Body goal ပေါ်မူတည်ပြီး Training plan ၊ Diet plan လိုက်နာနေတယ်ဆိုရင်တော့ လိုချင်တဲ့ Bodyweight ရောက်ဖို့ကအလောက်မဝေးပါဘူး။

06/03/2022

လူတစ်ယောက်ရဲ့ စစ်မှန်တဲ့
တန်ဖိုးဆိုတာ ထက်မြက်တဲ့
"ခေါင်း"က အဓိက မဟုတ်ပါ

နားလည်ပေးတတ်သော
" နား"တစ်စုံ

သနားကြင်နာတတ်သော
"နှလုံးသား"တစ်စုံ

အမှန်တရားကို လက်ခံသိမြင်ပြီး
အကောင်းမြင်တတ်သော "မျက်စိ"တစ်စုံ

ကူညီပေးကမ်းတတ်သော
"လက်"တစ်စုံ တို့ဖြစ်ပါတယ်။

ထက်မြက်သော အရည်အချင်း
ပိုင်ဆိုင်သူသည် အတ္တ နည်းပြီး
စာနာတတ်ရင် တန်ဖိုးကြီးသော လူပါပဲ။

❤️❤️❤️❤️❤️❤️❤️❤️❤️❤️❤️❤️❤️❤️❤️❤️

06/03/2022

ကိုယ့်အသည်းလေးကျန်းမာစေဖို့အတွက် ♥️

❤️ အသည်းထိခိုက်တာတွေရဲ့ နောက်ဆက်တွဲမှာ အသည်းအဆီဖုံးတာကနေစပြီး အသည်းရောင်တာတွေ၊ အသည်းခြောက်တာတွေ၊အသည်းကင်ဆာတွေထိ များစွာရှိနိုင်ပါတယ်။ ဒါကြောင့် ဒီလို အသည်းထိခိုက်တာတွေမဖြစ်ရလေအောင် လိုက်နာသင့်တဲ့ နည်းလမ်းလေးတွေကိုမျှဝေပေးချင်ပါတယ်။

✅ အ၀လွန်လာတဲ့အခါ အသည်းအဆီဖုံးတာကို ဖြစ်ဖို့ ရာခိုင်နှုန်းအရမ်းများစေပါတယ်။ ဒါကြောင့် ကိုယ်အလေးချိန်ကို ရှိသင့်သလောက်ပဲ သေချာထိန်းဖို့လိုပါတယ်။ ဝိတ်ချဖို့အတွက်ဆို နေ့စဉ်လေ့ကျင့်ခန်းပုံမှန်လုပ်ပေးသင့်ပါတယ်။ လေ့ကျင့်ခန်းလုပ်တာဟာ အသည်းအဆီဖုံးတာကိုဖြစ်စေတဲ့မကောင်းတဲ့အဆီတွေကို လျော့ကျစေပါတယ်။

✅ အစားအစာရွေးချယ်တဲ့အခါမှာလည်း ပြည့်၀ဆီများတဲ့အစားအစာတွေ၊ ကယ်လိုရီများတဲ့အစားအစာတွေ၊ အရမ်းချိုတာတွေ၊ မကျက်တကျက်အစားအစာတွေ၊ အသားစိမ်းတွေကို ရှောင်ဖို့လိုပါတယ်။ ဟင်းသီးဟင်းရွက်ဆီ၊ နေကြာဆီလိုမျိုး မပြည့်၀ဆီတွေ၊ အမျှင်ဓာတ်ပါတဲ့ အသီးအနှံ၊ ဟင်းသီးဟင်းရွက်တွေကိုတော့များများစားပေးသင့်ပါတယ်။

✅ အသည်းကျန်းမာဖို့အတွက်က အသည်းကို အဆိပ်အတောက်ဖြစ်စေတဲ့ ပိုးသတ်ဆေးတွေ၊ chemical တွေ၊ တရားမ၀င်ဆေးတွေကို ရှောင်ဖို့လိုပါတယ်။ ပြီးတော့ အရက်၊ ဘီယာတွေဆိုတာကလည်း အလွန်အကျွံ နေစဉ်နေ့တိုင်းသောက်သုံးတဲ့အခါ အသည်းဆဲလ်တွေကိုပျက်စီးစေပြီး အသည်းခြောက်တာကိုဖြစ်စေပါတယ်။ အသည်းခြောက်တာကနေတစ်ဆင့် အသည်းကင်ဆာထိဆက်ဖြစ်လာတတ်ပါတယ်။

✅ ‌ပြီးတော့ အသည်းရောင်အသားဝါရောဂါတွေဖြစ်တဲ့ B ပိုး C ပိုးတွေဆိုတာ အသည်းကင်ဆာထိဆက်ဖြစ်နိုင်တဲ့ရောဂါတွေပါ။ ကူးလည်းကူးစက်တတ်ပါတယ်။ ဒီဒီရောဂါပိုးရှိသူတွေရဲ့ သွေးနဲ့ထိတွေ့မိတဲ့အခါ ဆရာ၀န်နဲ့ အမြန်တိုင်ပင်ဆွေးနွေးသင့်ပါတယ်။ ဒီလိုရောဂါတွေကို ကူးစက်ခံရနိုင်တဲ့ တက်တူးထိုးတာတွေ၊ နားဖောက်တာတွေ၊ ဆေးထိုးအပ်ကို တူတူသုံးတာတွေ၊ အသုံးအဆောင်ပစ္စည်းကို တူတူသုံးတာတွေကို လုံး၀ရှောင်သင့်ပါတယ်။

✅ နောက်ပြီး ဒီလို B ပိုး C ပိုးရောဂါတွေဟာ partner အများကြီးနဲ့ အကာကွယ်မဲ့လိင်ဆက်ဆံရာကနေတစ်ဆင့်လည်းကူးစက်တတ်ပါတယ်။ Partner တစ်ယောက်တည်းနဲ့ဆက်ဆံရင်တောင် ဆက်ဆံတဲ့သူမှာ ပိုးရှိနေရင် ကူးနိုင်ပါတယ်။

✅ အသည်းကျန်းမာဖို့ဆို A ပိုး B ပိုးတွေမကူးစက်အောင် ကာကွယ်ဆေးထိုးနှံထားဖို့လိုပါမယ်။ C ပိုးအတွက်ကတော့ ကာကွယ်ဆေးမရှိသေးပါဘူး။ နောက်ပြီး ဆေးတွေသောက်တဲ့အခါမှာ အရက်၊ ဘီယာနဲ့တွဲမသောက်ဖို့လည်း သတိထားရပါမယ်။
အသည်းအတွက်ကောင်းစေတဲ့ အားဆေးတွေကိုလည်း သေချာမှီဝဲပေးဖို့လိုပါတယ်။

❤️❤️❤️❤️❤️❤️❤️❤️❤️❤️❤️❤️❤️❤️❤️❤️

06/03/2022

အဖိုးတန်တဲ့ဘယ်အရာမှ
ခနလေးနဲ့လွယ်လွယ်မရပါဘူး....

အရာရာကို အလွယ်ရမှ ရယူချင်တဲ့
သင့်ရဲ့စိတ်ကို ဦးစွာပထမ ပြောင်းလဲလိုက်ပါ...
.….… ❤️

06/03/2022

📌”မိန်းကလေးတွေ ဘာလို့gymကစားသင့်တာလဲ”📌

ယခုလိုတိုးတက်လာတဲ့ခေတ်မှာ gymကစားတဲ့အလေ့အထလည်းခေါတ်စားလာပါတယ်။
ယောက်ျားလေးတွေသာမက မိန်းကလေးတွေတော်တော်များများကစားလာတာတွေ့ရပါတယ်။

သို့သော်ငြားလည်း အများစုမှာ ဝိတ်ချဖို့အတွက်နဲ့
ပိန်လွန်းလို့လာကျတဲ့သူတွေများပါတယ်။
gymမကစားဖြစ်သေးတဲ့ မိန်းကလေးတွေပါ
gymကစားလာအောင် gymကစားခြင်းဟာ
ဘယ်လောက်အကျိုးရှိသလဲဆိုတာ
ဖော်ပြပေးမှာဖြစ်ပါတယ်။

၁. အဆီပိုများလျော့ကျစေခြင်း🍅🍫🍬

ဒီအချက်ကတော့ တော်တော်များများသိမှာဖြစ်ပါတယ်။ ကာဒီယိုကစားနည်း နှင့် အလေးမခြင်းတို့ကို
တွဲကစားခြင်းက သင့်ကို ကယ်လိုရီများလောင်ကျွမ်းမှုကိုမြှင့်တင်ပေးမှာဖြစ်ပြီး
ဇီဝဖြစ်စဉ်များကိုမြှင့်တက်စေမှာပါ။

အဆီကျလာပြီး ကြွက်သားများလည်းတက်လာသဖြင့် ကျစ်ကျစ်လျစ်လျစ်နဲ့ ကျန်းမာတဲ့ခန္တာကိုယ်နဲ့
အကိတ်ဖြစ်လာမှာပါ။

(မှတ်ချက် ။ gymကစားတိုင်း ယောက်ျားတွေလို ကြွက်သားအတုံးကြီးတွေနဲ့ ဖြစ်မလာပါ။
တားမြစ်ဆေးသုံးတဲ့ နိုင်ငံခြားမှ ကာယဗလမယ်များသာ အဲ့လိုမျိုးယောက်ျားပုံစံပေါက်လာတာပါ။ စိတ်မပူပါနဲ့)

၂. စိတ်ချမ်းသာကိုယ်ကျန်းမာစေခြင်း😄😀😀

သင့်ခန္ဓာကိုယ်တစ်နေ့တစ်ခြားကြည့်ကောင်းလာတာနဲ့အမျှ မိမိကိုကိုယ်ယုံကြည်မှုရှိလာပြီး
ကိုယ်ကျန်းမာ စိတ်ချမ်းသာလာမှာပါ။
ဒါတင်မကသေးပါဘူး။ gymကစားပြီးတဲ့အချိန်မှာ
သင်ခန္ဓာကိုယ်မှ endorphinဟော်မုန်းကိုထုတ်ပေးသည့်အတွက် သင်stressဓာတ်ကိုကြံကြံခံနိုင်ပြီး
စိတ်ချမ်းမြှေ့မှုကိုပေးစွမ်းနိုင်မှာပါ ။

၃. ပိုမိုသန်စွမ်းလာစေခြင်း💂💂‍♀️💂‍♀️

အထက်မှာ ကျန်တော်ပြောခဲ့သလိုပါပဲ မိန်းကလေးအများစုဟာ gymကစားတာနဲ့ ကြွက်သားတွေအကြီးကြီးနဲ့ ယောက်ျားကြီးလိုဖြစ်မှာကြောက်နေကျပါတယ်။

ကြွက်သားတက်ဖို့ဆိုတာ ယောက်ျားလေးတွေမှာတောင် နှစ်အတော်အတန်ကြာအောင်ကစားရ စားရတဲ့ ဇွဲရှိမှရတဲ့ အရာတစ်ခုပါ။ အနောက်နိုင်ငံများမှ ကြွက်သားအကြီးကြီးတွေနဲ့ ကာယဗလမယ်တွေဆိုတာလည်း ၁၀နှစ်ကျော်နီးပါးကစားထားပြီး ယောက်ျားတွေလိုကြွက်သားတက်စေတဲ့ ကျားဟော်မုန်းမထွက်တဲ့အတွက် တားမြစ်ဆေးတွေကို မကြာခဏသုံးထားတဲ့သူတွေမို့ စိတ်မပူပါနဲ့။

မိန်းကလေးများအနေနှင့်gymကစားခြင်းဖြင့်
အဆီကျကြွက်သားအနည်းငယ်တက်လာသဖြင့်
ပိုမိုသန်စွမ်းလာမှာပါ။

၄. အရိုးပွရောဂါကိုကာကွယ်ပေးခြင်း🤹‍♀️🤹‍♀️🤹‍♀️

အရိုးပွတဲ့ရောဂါဟာ မိန်းကလေးတွေမှာဖြစ်လေ့ဖြစ်ထရှိတယ်ဆိုတာ သိပြီးသားဖြစ်မှာပါ။ Gymကစားခြင်းနှင့် ကျန်းမာရေးနှင့်ညီသည့်အစားအသောက်များစားသုံးခြင်းက သင်၏ အရိုးအဆစ်များ၏သိပ်သည်းဆများလာစေသဖြင့် ပိုမိုသန်စွမ်းအရိုးအဆစ်များပိုင်ဆိုင်စေမှာပါ။

၅. နှလုံးနှင့်ပတ်သက်သည့် ရောဂါများကို
ကာကွယ်ပေးခြင်း💕💕💕

လေ့လာချက်များအရ gymကစားခြင်းက
မကောင်းသောအဆီဖြစ်သည့် LDL ပမာဏကို
လျော့ချပေးပြီး ကျန်းမာရေးအတွက်ကောင်းသောအဆီဖြစ်သည့် HDLပမာဏကို မြှင့်တင်ပေးသည့်အတွက် နှလုံးသွေးကြောကျဉ်းခြင်းကဲ့သို့
နှလုံးနှင့်ပတ်သက်သည့်ရောဂါဖြစ်ပွားမှုကို
လျော့ချပေးသည်။

၆.ကိုယ်တွင်းအဆိပ်အတောက်များကိုလျော့ချပေးခြင်း

Gymကစားသည့်အခါ သင်ချွေးထွက်ကိုထွက်မှာပါ။
ထိုချွေးထွက်ခြင်းက ကောင်းတဲ့အရာပါ။
အကြောင်းအရင်းက ချွေးထွက်ခြင်းက
သင်ခန္ဓာကိုယ်မှ အဆိပ်အတောက်များကို
လျော့ချပေးသောကြောင့်ဖြစ်ပါတယ်။
ကိုယ်တွင်းအဆိပ်အတောက်လျော့ကျလာတာနဲ့အမျှ
ပိုမိုကျန်းမာလာမှာပါ။

၇. အသက်မရွေးကစားနိုင်ခြင်း

သင်အသက် ၁၆နှစ်ပဲဖြစ်ဖြစ် အသက်၆၀ပဲဖြစ်ဖြစ် gymကစားဖို့အတွက် နောက်ကျတာ စောလွန်းတာမရှိပါဘူး။ မည့်သည့်အသက်အရွယ်မဆိုကစားလို့ရပါတယ်။

မည့်သည့်ကစားနည်းနဲ့ကစားမလဲ ဆိုတာ
သင့်ရဲ့ အသက်အရွယ် နှင့် ဝိတ်ကျဖို့လား၊
ကျစ်ကျစ်လျစ်လျစ်ဖြစ်ဖို့လား၊ ကြွက်သားတက်ဖို့လား အစရှိတဲ့ မိမိဖြစ်ချင်တဲ့targetနဲ့လိုက်ပြီး
ညှိနှိုင်းလို့ရပါတယ်။

၈. ရင်သားကင်ဆာဖြစ်ပွားမှုကိုလျော့ချပေးခြင်း

လေ့လာချက်များအရ gymကစားခြင်းက
ကင်ဆာဖြစ်ပွားမှု အထူးသဖြင့်
ရင်သားကင်ဆာဖြစ်ပွားမှုကို လျော့ချပေးနိုင်ကြောင်းတွေ့ရပါတယ်။

ဒါတင်မကပါဘူး ဆီးချိုသွေးတိုး၊
အဆစ်အမြစ်ယောင်ခြင်း၊ ခါးနားခြင်းတို့အပြင်
အခြားသောရောဂါများမဖြစ်အောင်
ကာကွယ်ပေးပါတယ်။

၉. အပေါင်းအသင်းအသစ်များတိုးပွားခြင်း

သင်gymရောက်တာနဲ့ လာကစားတဲ့ အခြားမိန်းကလေးများကိုပါတွေ့ရမှာပါ။ Gymကစားသည်အကြောင်းပဲဖြစ်ဖြစ် အခြားအကြောင်းပဲဖြစ်ဖြစ် တိုင်ပင်ဆွေးနွေးစကားပြောရင်းနဲ့ ခင်မင်ရင်းနှီးမှုတွေဖြစ်လာမှာပါ။

( gymလာကစားတဲ့ ကိုကြီးတို့မောင်လေးတို့တွေနှင့်ပါ ရင်းနှီးခင်မင်လာမှာပါ 😀😀 )

၁၀. အအေးမိဖျားနားခြင်းကို ကာကွယ်ပေးခြင်း

Gymကစားခြင်းကဲ့သိုသော အားကစားလုပ်ခြင်းက
သင့်ရဲ့ ကိုယ်ခံအားစနစ်ကို မြှင့်တင်ပေးပါတယ်။
ကိုယ်ခံအားစနစ်ကောင်းမွန်လာတာနှင့်အမျှ
တုတ်ကွေးရောဂါနှင့်အခြားသောဗိုင်းရပ်စ်များကို
မဝင်လာနိုင်အောင် တိုက်ထုတ်နိုင်မှာပါ။

၁၁. အသက်ရှည်ကျန်းမာသောဘဝတစ်ခုပိုင်ဆိုင်စေခြင်း

လေ့လာချက်များအရ လေ့ကျင့်ခန်းပုံမှန်လုပ်ခြင်းက အသက်ရှည်ကျန်းမာစေကြောင်းတွေ့ရပါတယ်။
အသက်ရှည်ရုံတင်မက ပိုမိုကောင်းမွန်တဲ့ဘဝတစ်ခုကိုပိုင်ဆိုင်နိုင်မှာပါ။

ကဲ......
မိန်းကလေးများကို အထက်ပါအကျိုးကျေးဇူးတွေရအောင် gymကစားကြပါလို့
တိုက်တွန်းလိုက်ပါရစေ......

မြန်မာနိုင်ငံသားများ ကျန်းမာသန်စွမ်းစေလိုသော ရည်ရွယ်ချက်ဖြင့်...

06/03/2022

Six Pack ပေါ်စေဖို့. 🤗

ဝမ်းဗိုက်မှာ အဆီတွေစုပြီး ဗိုက်ပူနေလို့ စိတ်ညစ်နေသူတွေအတွက် ဗိုက်ပူတာ လျော့ကျအောင်လုပ်နိုင်မယ့်အလွယ်နည်းတွေကို ရေးသားလိုက်ရပါတယ်။

(၁) လေ့ကျင့်ခန်းလုပ်ပါ...

လေ့ကျင့်ခန်းအားလုံးဟာကိုယ်အလေးချိန် လျော့ကျစေပါတယ်။ လေ့ကျင့်ခန်း လုပ်တဲ့အခါ ဝမ်းဗိုက်အဆီကျအောင် စွမ်းအားမြင့် လေ့ကျင့်ခန်းကိုလုပ်ဖို့ လိုအပ်ပါတယ်။ လေ့လာမှုအရ အမျိုးသမီးအုပ်စု သုံးခုကို တစ်ပတ်မှာ ငါးကြိမ်ခန့် မတူညီတဲ့ လေ့ကျင့်ခန်းတွေကို လုပ်စေခဲ့ရာ ကယ်လိုရီ လောင်ကျွမ်းပုံချင်း တူပေမယ့် စွမ်းအားမြင့် လေ့ကျင့်ခန်းကိုလုပ်ဆောင်တဲ့ အုပ်စုတစ်ခုရှိ အမျိုးသမီးတွေကသာ ဝမ်းဗိုက်အဆီ လျော့ကျမှုရှိခဲ့တာကို တွေ့ရပါတယ်။ စွမ်းအားမြှင့် လေ့ကျင့်ခန်းတွေမှာ အိပ်ထမတင် လေ့ကျင့်ခန်း၊ ခါးလှည့် လေ့ကျင့်ခန်းစတဲ့ လေ့ကျင့်ခန်း အမျိုးအစားတွေ ပါဝင်နေပါတယ်။

(၂) အဆီအစိမ့်ရှောင်ပါ

ပြုပြင်ထားသောအစားအစာများ အသင့်စားအစားအစာများနှင့်ကယ်လိုရီအများအပြားပါဝင်သည့်အစားအစာများကိုရှောင်ပါ။ဆီကြော်မုန့်များလည်းရှောင်ကြဥ်ပါ။

(၃) ညနေခင်းတွင်အလင်းရောင်ကို လျှော့ချပါ..
စိတ်ဖိစီးမှု ဟော်မုန်း ကော်တီဆော အဆင့်မြင့်တက်မှုရှိတာက ဝမ်းဗိုက်အဆီတိုးတာနဲ့ဆက်စပ်မှုရှိပါတယ်။ညဘက်မှာ ကော်တီဆော ဟော်မုန်းအဆင့် လျော့ကျအောင် အိပ်ရာမဝင်ခင် တစ်နာရီအလိုမှာ လျှပ်စစ်ပစ္စည်းတွေကို ပိတ်ပြီး အနားယူပေးဖို့ လိုပါတယ်။ ကွန်ပျူတာကို ညဥ့်နက်တဲ့အထိ အသုံးပြုတာကို ရှောင်သင့်ပါတယ်။ ဒါဆိုရင် နှစ်နှစ်ခြိုက်ခြိုက် အိပ်မောကျပါလိမ့်မယ်။

(၄) စောစော အိပ်ရာဝင်ပါ...
တစ်ညမှာ ၅-၆ နာရီခန့်ပဲ အိပ်တဲ့သူတွေက တစ်ညမှာ ၇-၈ နာရီလောက် အိပ်တဲ့သူတွေထက် ခါးနဲ့ ဗိုက်နေရာတစ်ဝိုက်မှာ အဆီတက်ပြီး ဝနိုင်ခြေ ၆၀ ရာခိုင်နှုန်း ပိုများကြောင်း လေ့လာ တွေ့ရှိရပါတယ်။ “အိပ်ရေးပျက်တာကဆာလောင်မှု တိုးစေတဲ့ Ghrelin ဟော်မုန်းကို အထွက်တိုးစေပြီး ဆာလောင်မှုကိုဟန့်တားပေးတဲ့Leptin ဟော်မုန်းကို လျော့ကျစေလို့ ဖြစ်တယ်” လို့ အိပ်စက်မှုဆိုင်ရာ ပညာရှင် ဒေါက်တာ စတန်လေက ဆိုပါတယ်။ လူတွေက ပင်ပန်းနွမ်းနယ်တဲ့အခါ သကြားပါတဲ့ ကာဗိုဟိုက်ဒရိတ်အစာကို များများ စားမိတာကြောင့် ဗိုက်ပူလာရတာဖြစ်ပါတယ်။

(၅) ရှလကာရည် သောက်ပါ...

တစ်နေ့မှာ ရှလကာရည် ထမင်းစားဇွန်း နှစ်ဇွန်းသောက်တဲ့ အဝလွန်သူတွေက အချဉ်ရှောင်တဲ့ တခြားသူတွေထက်ဗိုက်ပူတာ ငါးရာခိုင်နှုန်း လျော့ကျမှုရှိစေတယ်လို့ဂျပန်သုတေသီတွေက လေ့လာတွေ့ရှိခဲ့ပါတယ်။ ရှလကာရည်မှာ အဓိက ပါဝင်တဲ့ Acetic Acid ဟာ ခန္ဓာကိုယ်အဆီတွေလောင်ကျွမ်းအောင်လှုံ့ဆော်မှုပေးတာကြောင့် ဖြစ်တယ်လို့ သုတေသီတွေက ဆိုပါတယ်။ ပြုလုပ်ရမယ့် နည်းကတော့ အစာမစားခင်မှာ ရေနွေးတစ်ဖန်ခွက်ထဲကို ရှလကာရည် ထမင်းစားဇွန်း တစ်ဇွန်း ထည့်ပြီး သောက်သုံးရမှာ ဖြစ်ပါတယ်။

(၆) ဒိန်ချဉ်စားပါ...

နေ့စဉ် ကယ်လိုရီကို ထိန်းချုပ်ပြီး စားနေတဲ့သူတွေဟာဒိန်ချဉ်မှ ကယ်လ်စီယမ် ၁၁၀၀ မီလီဂရမ်လောက် ရနေရင် ဝမ်းဗိုက်အဆီ ၈၁ ရာခိုင်နှုန်း လျော့ကျမှုရှိတာကိုတင်နက်ဆီးတက္ကသိုလ်မှ လေ့လာ တွေ့ရှိရပါတယ်။ ကယ်လ်စီယမ်ဟာ အဆီကို လောင်ကျွမ်းစေလို့ ဖြစ်တယ်လို့ ယုံကြည်ကြပါတယ်။တခြားအစာတွေအနေနဲ့အခွံချွတ်မထားတဲ့ ကောက်နှံစာ (ဥပမာ- ဆန်လုံးညို၊ ခေါက်ဆွဲညို) နဲ့ မပြည့်ဝဆီ(အခွံမာတဲ့ အစေ့အဆန်၊ ထောပတ်သီး၊ ငါး) စတာတွေကိုလည်း စားပေးရမှာ ဖြစ်ပါတယ်။

(၇) စိတ်ဖိစီးမှုကို အနိုင်ယူပါ...

စိတ်ဖိစီးမှုဟာ ဝမ်းဗိုက်မှာ အဆီပိုတွေ စုနေတာနဲ့ အကြီးအကျယ် ဆက်စပ်မှုရှိပါတယ်။ အကြောင်းကတော့ စိတ်ဖိစီးမှုများနေချိန်မှာ အဒရီနယ်ဂလင်းမှ ကော်တီဆော အလွန်အမင်း ထွက်လာလို့ပါ။ ကော်တီဆော အထွက်များတာက အင်ဆူလင် ထွက်နှုန်းတိုးစေပြီး အဆီတွေ စုနေစေပါတယ်။

(၈) ဗီတာမင်ဒီကို ရယူပါ...

နေ့စဉ် နံနက်တိုင်း အိမ်အပြင်မှာ ၁၅ မိနစ်လောက်နေပြီး နေခြည်နုနုမှ ဗီတာမင်ဒီရအောင် ယူပါ။ ဗီတာမင်ဒီဟာ အဆီတွေကို ချေဖျက်ပေးနိုင်တဲ့ အရာဖြစ်ပါတယ်။ဗီတာမင်ဒီမလုံလောက်တာကြောင့်အဝလွန်တာကို ဖြစ်စေနိုင်ပါတယ်။

(၉) ဆေးလိပ်သောက်တတ်လျှင် ဆေးလိပ်ဖြတ်ပါ..
ဆေးလိပ်သောက်တာဟာ ဗိုက်ပူစေတယ်လို့ နယ်သာလန် ဆေးစင်တာမှ သုတေသီတွေက ဆိုပါတယ်။ အကြောင်းရင်းကို တိတိကျကျ မသိကြသေးပေမယ့် ဆေးလိပ်သောက်တာဟာ ခန္ဓာကိုယ်ထဲမှာ အီစထရိုဂျင် ဟော်မုန်းရဲ့ လုပ်ဆောင်မှုကို လျော့ကျစေတာကြောင့်ဗိုက်ပူတာ ဖြစ်နိုင်တယ်လို့ သုတေသီတွေက ယူဆထားပါတယ်။

23/02/2022

၁သိန်းဖိုး ကျန်းမာရေးနဲ့ ညီညွတ်တဲ့ အစားအသောက်တွေ ဝယ်မယ်ဆိုရင် ဈေးအရမ်းကြီးတယ်လို့ ထင်ကြတယ်

အပြင်တခါထွက်စားလို့ ၁သိန်းကုန်တယ် ဒါက ဈေးမကြီးဘူးလို့ထင်တယ်

လစဉ် ၁သိန်းဖိုး အားဆေးဝယ်မယ်ဆိုရင် ဈေးအရမ်းကြီးတယ်၊ မတတ်နိုင်ဘူးလို့ ထင်တယ်

ကလပ်သွား၊ ဘားသွားလို့ ၁သိန်းကုန်တယ် ဆိုရင်
ဒါဟာ လူငယ်သဘာဝ၊ ကုန်သင့်တယ်လို့ မြင်တယ်

ကိုယ်ပိုင်ဈေးပွားရေးလုပ်ဖို့ ၁၅သိန်းလောက်ကုန်မယ်ဆိုရင် မတတ်နိုင်ဘူး၊ ပိုက်ဆံကစကားပြောတယ်လို့ ထင်တယ် 🙄

၁၅သိန်းတန်ဖုန်းတလုံးဝယ်မယ်ဆိုရင် လိုအပ်လို့ ဝယ်တယ်လို့ထင်တယ် 😎

Gym တနာရီကို သွားဖို့ဆိုရင် အချိန်မရှိဘူးလို့ထင်တယ် 😬

ဂိမ်း တနာရီဆော့တာ၊ အင်တာနက် တနာရီသုံးတယ်ဆိုတာကိုကျ အချိန်ကုန်မြန်လိုက်တာ၊ တန်တယ်လို့ထင်တယ်

20/02/2022

လေ့ကျင့်ခန်းပြုလုပ်ပြီးချိန်မှာ မစားသုံးသင့်တဲ့ အစားအစာမ်ား

ကိုယ်ခန္ဓာကျစ်လျစ်ချင်လို့ အားကစားပြုလုပ်သူများအနေနဲ့ ရှောင်ကြဉ်သင့်တဲ့အရာတွေ အများအပြားရှိပါတယ်။

လေ့ကျင့်ခန်းပြုလုပ်နေစဉ်အတွင်း ရေဓာတ်ပြည့်ဝဖို့ လိုအပ်သလို လေ့ကျင့်ခန်းများကို ကောင်းမွန်စွာ စွမ်းဆောင်နိုင်ဖို့ရန်အတွက် လုံလောက်တဲ့ အိပ်စက်အနားယူမှုလည်း ရရှိရပါမယ်။

ဒါ့အပြင် ကျန်းမာရေးနဲ့ ညီညွှတ်တဲ့အစားအသောက်များကိုလည်း နေ့စဉ်ပုံမှန်စားသုံးပေးဖို့ လိုအပ်ပါတယ်။

လေ့ကျင့်ခန်းပြုလုပ်ပြီးသွားပါကလည်း အခုဖော်ပြပေးမယ့် အစားအစာတွေကို ချက်ချင်းစားသုံးခြင်းကိုလည်း ရှောင်ကြဉ်ပေးဖို့လိုပါတယ်။

စပ်သောအစားအစာများ

စပ်တဲ့အစားအစာတွေက အစာချေရခက်လေ့ရှိကြပါတယ်။ သင့် ခန္ဓာကိုယ်က စောစောလေးကတင်ပဲ ပင်ပန်းတဲ့လေ့ကျင့်ခန်းတွေကို ပြုလုပ်ပြီးသွားတာပါ။ အခုမွ အားပြန်ဖြည့်တုန်းပဲ ရှိပါသေးတယ်။ ဒီလိုအချိန်မျိုးမှာ ချေဖျက်ရခက်တဲ့အစားအစာတွေကို လုံးဝ မစားသုံးသင့်ပါဘူး။

ဆိုဒါ အချိုရည်များ

ပင်ပန်းတဲ့ အားကစားတွေ ပြုလုပ်ပြီးတဲ့နောက်မှာ ကာဖိန်းဓာတ်တွေ ကြွယ်ဝစွာပါဝင်ပြီး အမြှုပ်တစီစီထနေတဲ့ အချိုရည် အေးအေးလေးတွေကို တောင့်တမိနေမှာပါပဲ။ ဒါပေမဲ့ ဆိုဒါအချိုရည်တွေကိုတော့ မသောက်သုံးသင့်ပါဘူး။ သင့်ခန္ဓာကိုယ်က ရေဓာတ်ဆုံးရှုံးသွားပြီဖြစ်လို့ ရေဓာတ်ပြန်ဖြည့်ပေးရပါမယ်။ ဆိုဒါကေတာ့ သင့်ကို ရေဓာတ် ပိုမိုဆုံးရှုံးသွားစေမှာပဲဖြစ်ပါတယ်။

အဆီတက်စေမယ့် အစားအစာမ်ား

ဆီများများနဲ့ ကြော်လှော်ထားတဲ့ အစားအစာတွေက သင့်ရဲ့ အစာချေစနစ်ကို နှေးကွေးစေပြီး လိုအပ်တဲ့ အာဟာရဓာတ်များ ကြွက်သားဆီသို့ ရောက်ရှိမှုနှုန်း နှေးကွေးသွားပါလိမ့်မယ်။ လေ့ကျင့်ခန်းပြုလုပ်ပြီးနောက်မှ ကြွက်သားများ မြန်မြန်ဆန်ဆန် အားပြန်ပြည့်ဖို့အတွက် အဆီများလွန်းသော အစားအစာမ်ားကို ရှောင်ကြဉ်လိုက်ပါ။

အသင့်စား အစားအစာမ်ား

Gym ဆော့ပြီးလို့ အိမ်ပြန်တဲ့အခါ အားကစားပြုလုပ်လို့ ပင်ပန်းတာက တစ်မျိုး၊ နာမည်ကြီးတဲ့ အသင့်စား စားသောက်ဆိုင်တွေက အနံ့မျိုးစုံနဲ့ ဆွဲဆောင်နေတာက တစ်မျိုး။ ဒီလိုမျိုး မစား စားချင်လာအောင် တွန်းပို့နေတဲ့ အခြေအနေတွေ အားလုံးကိုလည်း ကျော်လွှားတတ်ရပါမယ်။ ဒါမွ ကိုယ် ဆော့ကစားခဲ့တဲ့ လေ့ကျင့်ခန်းတွေက အလဟဿမဖြစ်မှာပါ။

မချက်ပြုတ်ထားသော ဟင်းသီးဟင်းရွက်အစိမ်းများ

ဟင်းသီးဟင်းရွက်တွေကတော့ ကျန်းမာရေးနဲ့ ညီညွှတ်တဲ့ အစားအစာတွေပါပဲ။ ဒါပေမဲ့ လေ့ကျင့်ခန်းလုပ်ပြီးပြီးချင်းတော့ မစားသင့်ပါဘူး။ လေ့ကျင့်ခန်းပြုလုပ်ပြီးတဲ့အခါ ကုန်ဆုံးသြားတဲ့ အင်အားတွေကို ပြန်လည်ဖြည့်တင်းပေးနိုင်ဖို့အတွက် ပရိုတင်းဓာတ်ကြွယ်ဝတဲ့ အစားအစာမ်ား၊ ကာဘိုဟိုက်ဒြိုက်ဓာတ်ကြွယ်ဝတဲ့ အစားအစာမ်ား စားသုံးပေးသင့်ပါတယ်။ ဒါပေမဲ့ ဗိုက်ပြည့်လွယ်တဲ့ ဟင်းသီးဟင်းရွက်တွေကို စားသုံးမယ်ဆိုရင်တော့ လိုအပ်တဲ့အာဟာရဓာတ်တွေကို စားသုံးချင်စိတ်ရှိမှာမဟုတ်တော့ပါဘူး။

သကြားဓာတ်လွန်ကဲသော အချိုရည်များ၊ မုန့်ပဲသရေစာများ

သကြားဓာတ် လွန်ကဲတဲ့ အစားအစာတွေကလည်း အစာချေစနစ်ကို နှေးကွေးစေတဲ့အပြင် အားကစားပြုလုပ်ပြီးလို့ လောင်ကျွမ်းသွားတဲ့ အဆီတွေကိုလည်း ပြန်တက်လာစေမှာပဲဖြစ်ပါတယ်။ ဝိတ်ပြန်မတက်ချင်ဘူးဆိုရင်တော့ ထိုအစားအစာမ်ားကို ရှောင်ကြဉ်ရမှာပဲဖြစ်ပါတယ်။

17/02/2022

Workout လုပ်ဖို့ အကောင်းဆုံးအချိန်က ဘယ်အချိန်လဲ

အားကစားလုပ်ဖို့ အသင့်တော်ဆုံးအချိန်ကို သိခြင်းက ကိုယ့်ရဲ့ Body Building ပေါ် အရေးပါတဲ့ သက်ရောက်ဖြစ်စေပါတယ်။ အခုတစ်ခေါက်မှာ မနက်ပိုင်းအားကစားလုပ်ခြင်းနဲ့ ညနေပိုင်း အားကစားလုပ်ခြင်းရဲ့ အကျိုးအပြစ်လေးတွေ ချိန်ဆပြချင်ပါတယ်။ များသောအားဖြင့် အားကစားလုပ်ကြတာ မနက်ခင်းအစောပိုင်းနဲ့ ညနေဘက်တွေ ဖြစ်တာကြောင့် ဖြစ်ပါတယ်။

မနက်ပိုင်းအားကစားလုပ်ခြင်းဟာ ညနေဘက်ထက် ဦးနှောက်နဲ့ ကြက်သားလှုပ်ရှားမှုအကြား တိကျအောင် ထိန်းချုပ်လုပ်ဆောင်တဲ့ စွမ်းရည်ပိုကောင်းစေပါတယ်။ ညနေပိုင်းထက်စာရင် မနက်ပိုင်းဆိုတာ ရေတိုမှတ်ဉာဏ်ပိုကောင်းပြီး စိတ်စုစည်းမှုလည်း ပိုကောင်းပါတယ်။ ဒါကြောင့် မနက်ဘက် လေ့ကျင့်ခန်း လုပ်ခြင်းဟာ စိတ်ကို ပိုမို နိုးကြားစေပါတယ်။

သတိပိုကောင်းပြီး မှတ်ဉာဏ်လည်း အားပေးပါတယ်။ မနက်ဘက်မှာ Testosterone ဟာ အမြင့်ဆုံးအနေအထားမှာ ရှိတတ်လို့ မနက်ပိုင်း အားကစားလုပ်ခြင်းဟာ ပိုပြီး ထိရောက်မှု ရှိတတ်ပါတယ်။ သုတေသနတွေအရ အသက် ၅၀ အထက် သက်ကြီးပုဂ္ဂိုလ်တွေ မနက်ဘက် အားကစားလုပ်ခြင်းဟာ ငယ်ရွယ်သူတွေထက် စာရင် ထိခိုက်အန္တရာယ်ဖြစ်မှု ပိုနည်းတယ်လို့ ဖော်ပြထားပါတယ်။

မကောင်းတဲ့ဘက်က ဒီခေတ်မှာ မနက်စောစောထဖို့ ခက်လာကြပါတယ်။ အိပ်ရေးမဝအောင် လုပ်နေမိတဲ့ လူနေမှုအမှားတွေလည်း ပါလို့ ဖြစ်ပါတယ်။ နောက်တစ်ခုက မနက်ပိုင်း အားကစားလုပ်မယ်ဆိုရင် သွေးနွေးအောင် သွေးပူလေ့ကျင့်ခန်း ကောင်းကောင်းဆင်းပေးဖို့ လိုပါတယ်။ ညဘက်အိပ်ရေးပျက်ထားတဲ့သူတစ်ယောက်အဖို့ မနက်စော အားကစားလုပ်တာထက် ညနေဘက်ကို ရှေးခယျြသငျ့ပါတယ်

Evening Workouts သမားတွေကတော့ အကြောအချဉ်တွေ ဖြေလျှော့ပြီးဖြစ်သလို သက်လုံနဲ့ အဆုတ်စွမ်းဆောင်ရည်တွေ အကောင်းဆုံးအနေအထားနဲ့ ကစားနိုင်ပြီ ဖြစ်ပါတယ်။ ဇီဝကမ္မဆိုင်ရာ အပြောင်းအလဲတွေအရလည်း ညနေဘက်မှာ မနက်ပိုင်းလောက် ခန္ဓာကိုယ်က အောက်ဆီဂျင်ရှုသွင်းမှု လုပ်ဖို့ မလိုတော့ပါဘူး။

တစ်ခုရှိတာက တစ်နေကုန် အလုပ်လုပ်ပြီးမှ အားကစားလုပ်တာ ဖြစ်လို့ လူက နုံးပြီး စွမ်းအင် Level ကျနေတတ်ပါတယ်။ ဒါဟာ ကိုယ့်ရဲ့ Workout လုပ်မှုပေါ် သက်ရောက်မှု ရှိပါတယ်။ ညနေဘက်မှာ အားကစားလုပ်ခါနီး ကောင်းကောင်းအနားရထားရင်တော့ ပြဿနာမရှိပါဘူး။ ဒီတော့ ဘယ်အချိန်မှာ အားကစားလုပ်တာ ပိုကောင်းသလဲဆိုရင် ကိုယ့်ခန္ဓာနရီ Body Clock အကောင်းဆုံးနဲ့ အတက်ကြွဆုံးဖြစ်တဲ့အချိန်မှာ အားကစားလုပ်တာ အကောင်းဆုံးလို့ပဲ ပြောချင်ပါတယ်။
crd

10/02/2022

****အရပ်ရှည်လာစေဖို့ အဓိကကျတဲ့ မဟာလျှို့ဝှက်အစားအသောက်များ(အပိုင်း-၁)******

အရပ်ရှည်လာဖို့အဓိကကျတဲ့ (Secret Diet)အပိုင်း ၁ ကို ဖော်ပြပေးလိုက်ပါတယ် Secret Diet ဆိုတဲ့ အတိုင်းလျှိ့ဝှက်ဆန်းကြယ်ပြီး ထိရောက်မှုမြန်ဆန်လှပါတယ် ဒီအစားသောက်တွေဟာ အရပ်ရှည်လာစေဖို့လူသိနည်းသလောက် ပုံမှန်စားပေးရင် ထူးခြားတဲ့ရလဒ်တွေနဲ့ သိသိသာသာ အရပ်ရှည်လာကိုတွေ့မြင်ရမှာပါ လပိုင်းအတွင်း အရပ်အမြန်ဆုံးရှည်လာစေပါတယ် **ပုံတစ်ပုံချင်းစီအောက်မှာအသေးစိတ်ရေးသားဖော်ပြထားပါတယ်**
**အရေးကြီးတဲ့စာတွေပါတာမို့ထောက်ကြည့်ဖို့မမေ့ပါနဲ့**
ကဲဘာတွေလည်းကြည့်ရအောင်

(၁) နို့ထွက်ပစ္စည်းများ
အရပ်ရှည်ဖို့ နိ့ နဲ့ နို့ထွက်ပစ္စည်းတွေဟာ အဓိကကျလှပါတယ်
ဒိန်ခဲ ထောပတ် ပဲနို့စတာတွေမှာ အရပ်ရှည်ဖို့လိုအပ်တဲ့ ဓာတ်ပေါင်းစုံပါဝင်လာပါတယ် ကယ်ဆီယမ်ံ ပရိုတိန်း နှင့် အခြား ဗီတာမင်များစွာကသင့်အရပ်ကို ရှည်လာစေမှာပါ

(၂) ဌက်ပျောသီး
သဘာဝကပေးထားတဲ့ဆေးစွမ်းကောင်းတစ်ခုပါ
ဌက်ပျောသီးဟာ ဝိတ်တက်လာခြင်းနဲ့သက်ဆိုင်တဲ့ အစားသောက်တစ်ခုပါပဲ ဒါပေမဲ့တကယ့်လက်တွေ့မှာတော့ ဌက်ပျောသီးဟာ ဦးရေပြားနဲ့ဆံကေသာအတွက် အကောင်းဆုံးအစားသောက်ဖြစ်သလို အရပ်ရှည်လာစေဖို့လည်း ၉၅% ထိထောက်ပံပေးလို့ အရပ်ရှည်ခြင်းအတွက်အကောင်းဆုံးအစားစာ ပါပဲ
ဌက်ပျောသီးမှာ ပါဝင်တဲ့ ပိုတက်ဆီယမ် မဂ္ဂနီဆီယမ် ကယ်လ်ဆီယမ် တို့ဟာ အရပ်ရှည်လာစေဖို့နည်းမျိုးစုံနဲ့ထောက်ပံပေးမှာပါ အရပ်ရှည်ဆေးတွေမှာလည်း ဒီဓာတ်တွေများစွာထည့်သွင်းအသုံးပြုနေကြပါတယ် ဌက်ပျောသီးနေ့စဉ်စားဖို့မမေ့ပါနဲ့

(၃)ပဲပိစပ်
ပဲပိစပ် ဟာလည်းနေ့စဉ်စားသုံးသင့်တဲ့အာဟာရတစ်ခုပါ
ပဲပိစပ်မှာ ပရိုတိန်း ဗီတာမင်များ ဖောလဖိတ် နဲ့ ကာဗွန်ဟိုက်ဒရိတ်တွေများစွာပါဝင်ပြီး ကျန်းမာရေးကိုဘက်ပေါင်းစုံကနေကောင်းမွန်စေကာ အရပ်ကိုမြင့်တက်လာစေမှာပါ ပဲပိစပိမှာပါတဲ့ ပရိုတိန်းဟာ အရိုးအကြောတွေကို ရှည်လျှားသန်မာစေကာ ထုထည်အရကြီးမားစေပါတယ် တစ်နေ့ကို ပဲပိစပ် ၅၀-၅၅ ဂရမ်လိုအပ်ပါတယ် နွားနိ့ထွက်ပစ္စည်းများနဲ့ ဥများကိုမကြိုက်လျှင် ပဲပိစပ်ရွေးချယ်စားသုံးပါ ပိုထိရောက်မြန်ဆန်စေပါတယ် ပဲပိစပ်ကို အရင်းမြစ်တွေဖြစ်တဲ့ တိုဖူး နဲ့ ပဲနို့တို့ကိုစားပေးခြင်းဖြင့်လည်းအကျိုး ရှိစေပါတယ်

(၄) ဥအမျိုးမျိုး
အရပ်ရှည်လာစေဖို့ မရှိမဖြစ်အစားသောက်တွေထဲမှာ ဥများလည်းပါဝင်ပါတယ် ကြက်ဥ ဘဲဥ ငုံးဥ စတာတွေဟာ ပရိုတိန်းဓာတ် ဗီတာမင် ဘီ2 ကယ်လ်ဆီယမ်ဓာတ် စတာတွေကို များစွာရရှိစေတဲ့အရင်းအမြစ်တွေပါ သန်မာထွားကြိုင်းသောအရိုးများကိုတည်ဆောက်ပေးပြီး
အရပ်ရှည်လာစေမှာပါ

(၅) အခွံမာသီးနဲ့ အစေ့စံများ
အခွံမာသီး နဲ့ အစေ့တွေဟာ အစာပြေ ရေသောက်အတွက် ကောင်းရုံတင်မကတဲ့ snack တွေမဟုတ်ဘဲ အရပ်ရှည်လာဖို့များစွာအကျိုး ရှိစေမဲ့ အရာတွေပါ
ဥပမာ မြေပဲ သီဟိုလ်စေ့ ဗာဒံစေ့ စတဲ့ဟာတွေဟာ အမိုင်နိုအက်ဆစ်များစွာပါဝင်ပြီး ခန္ဓာကိုယ် တစ်သျှူ းတွေ ဆဲလ်တွေ အရိုးတွေတည်ဆောက်ရာမှာ အကျိုး ပြု တဲ့ဗီတာမင်ဓာတ်တွေအဓိကပါဝင်နေပါတယ် အရပ်ရှည်တဲ့ဟော်မုန်းတွေအဓိကထုတ်ပေးတဲ့အတွက် အရပ်ကိုအမြန်ဆုံးရှည်လာစေမှာပါ သင့်အစာပြေစားချိန်များမှာ ထည့်သွင်းဖို့ အကြံပြု ချင်ပါတယ်

ဒီနေ့တော့ဒီလောက်ပါပဲ မတင်တာကြာနေတာ မအားလို့ဖြစ်ပါတယ်
ဒီလျှို့ဝှက်အစားသောက်များအပိုင်း ၁ ကတော့ ဒီ၅မျိုးပါပဲ
အပိုင်း ၂ ကိုနောက်ရက်များမှာဆက်လက်ဖော်ပြပေးပါမယ်
အရပ်ရှည်တက်လိုသောလူငယ်များအတွက်…………………

GYM Trainer

03/09/2022

06/03/2022

06/03/2022

06/03/2022

06/03/2022

06/03/2022

06/03/2022

23/02/2022

20/02/2022

17/02/2022

10/02/2022

Address

Opening Hours

Website

Alerts

Shortcuts

Share

Category

Monday	09:00 - 22:00
Tuesday	09:00 - 22:00
Wednesday	09:00 - 22:00
Thursday	09:00 - 22:00
Friday	09:00 - 22:00
Saturday	09:00 - 22:00
Sunday	09:00 - 22:00