12/08/2026
မိုနာကိုအသင်းဟာ ဒဏ်ရာအသစ်ခံစားခဲ့ရတဲ့ ပြင်သစ်ကွင်းလယ်လူပေါ့ဘာနဲ့ ချုပ်ဆိုထားတဲ့ စာချုပ်ကို ဖျက်သိမ်းဖို့ လုပ်ဆောင်နေပါတယ်။ မနှစ်ကနွေရာသီမှာ မိုနာကိုအသင်းနဲ့ (၂)နှစ်စာချုပ်ချုပ်ခဲ့တဲ့ ပေါ့ဘာဟာ ဒဏ်ရာတွေကြောင့် ပြီးခဲ့တဲ့ရာသီက (၆)ပွဲသာ ပါဝင်ကစားနိုင်ခဲ့ပါတယ်။
ဒီပွဲတွေအားလုံးမှာ ပေါ့ဘာရဲ့ပွဲကစားချိန်က စုစုပေါင်းမိနစ်(၁၂၀)ကျော်သာရှိခဲ့တာပါ။ မိုနာကိုအသင်းဟာ ရာသီကြိုမှာ ပေါ့ဘာရဲ့အခြေအနေကို ဆုံးဖြတ်ဖို့ လုပ်ဆောင်ချိန် သူဟာ လေ့ကျင့်ခန်းအစီအစဉ်အတွင်း ခြေထောက်နာကျင်မှုကြောင့် လဲကျသွားခဲ့တာ ဖြစ်ပါတယ်။
ဒဏ်ရာတွေနဲ့ ရုန်းကန်နေရတဲ့ ပေါ့ဘာရဲ့ဒီအခြေအနေကြောင့် မိုနာကိုအသင်းက သူ့ရဲ့စာချုပ်ကို ဖျက်သိမ်းမယ့် ဆုံးဖြတ်ချက်ကို ပိုပြီးခိုင်မာစေခဲ့တာပါ။ ပေါ့ဘာအနေနဲ့ မိုနာကိုအသင်းက သူ့ကိုစာချုပ်ဖျက်သိမ်းခဲ့ရင် ကစားသမားဘဝကနေ အနားယူမလား၊ နောက်ထပ်အသင်းသစ်ကို ရှာဖွေမလားဆိုတာ မြင်တွေ့ရမှာ ဖြစ်ပါတယ်။
