03/10/2026
(၂၀) ကြိမ်မြောက် အာရှအားကစားပြိုင်ပွဲ၊ ပိုက်ကျော်ခြင်းအားကစားနည်း၏ လေးယောက်တွဲ(အမျိုးသား/အမျိုးသမီး)ဆုပေးပွဲ ကျင်းပပြုလုပ်
(၂၀) ကြိမ်မြောက် အာရှအားကစားပြိုင်ပွဲ၊ ပိုက်ကျော်ခြင်းအားကစားနည်း၏ လေးယောက်တွဲ(အမျိုးသား/အမျိုးသမီး)ဆုပေးပွဲ အခမ်းအနားကို ယနေ့ (၃.၁၀.၂၀၂၆) ရက်နေ့ ၊ ဒေသစံတော်ချိန် နေ့လယ် (၁၂:၀၀) နာရီတွင် ကျင်းပပြုလုပ်ခဲ့ပါသည်။
အမျိုးသားလေးယောက်တွဲပြိုင်ပွဲတွင် မြန်မာအသင်းနှင့် အိန္ဒိယအသင်းတို့က ပူးတွဲကြေးတံဆိပ်ဆုရရှိခဲ့ပြီး၊ ဂျပန်အသင်းက ရွှေတံဆိပ်၊ အင်ဒိုနီးရှားအသင်းက ငွေတံဆိပ် အသီးသီးရရှိခဲ့ကြပါသည်။
အမျိုးသမီးလေးယောက်တွဲပြိုင်ပွဲတွင် ဗီယက်နမ်အသင်းက ရွှေတံဆိပ်၊ ထိုင်းအသင်းက ငွေတံဆိပ်၊ အင်ဒိုနီးရှားအသင်းနှင့်ဂျပန်အသင်းတို့က ပူးတွဲကြေးတံဆိပ်တို့ အသီးသီးရရှိခဲ့ကြပါသည်။
မြန်မာ့လက်ရွေးစင်ပိုက်ကျော်ခြင်းအသင်းသည် ယခုပြိုင်ပွဲကြီးတွင် အမျိုးသားသုံးယောက်တွဲ (Men's Regu Event)၊ အမျိုးသမီးနှစ်ယောက်တွဲ (Women's Double Event)နှင့် အမျိုးသားလေးယောက်တွဲ (Men's Quadrant Event) စသည့် ကစားနည်းသုံးမျိုးတွင် ပါဝင်ယှဉ်ပြိုင်ခဲ့ရာ အမျိုးသားသုံးယောက်တွဲ (Men's Regu Event)နှင့် အမျိုးသမီးနှစ်ယောက်တွဲ (Women's Double Event) တို့မှာ အုပ်စုအဆင့်နှင့်သာကျေနပ်ခဲ့ရပြီး အမျိုးသားလေးယောက်တွဲ (Men's Quadrant Event)တွင်သာ ပူးတွဲကြေးတံဆိပ်ဆုကို ရရှိနိုင်ခဲ့ပါသည်။
