09/05/2026
💰 အသုံးစရိတ်တွေ လျော့ချဖို့ထက် ပိုအရေးကြီးတာက???
ညီကိုမောင်နှမတို့ရေ-
ကိုယ့်ရဲ့မိတ်ဆွေ၊ သူငယ်ချင်းတွေ အချင်းချင်းကြားထဲ " ပိုက်ဆံတွေက ဝင်တော့ဝင်ပါတယ်ကွာ
- ပိုက်ဆံအိတ်များ ပေါက်သွားတာလားမသိဘူး
- ဘယ်လိုကုန်လို့ကုန်သွားမှန်းကိုမသိဘူး" ဆိုတာမျိုးကို ရံဖန်ရံခါ ပြောတတ်ကြ၊ ကြားဖူးကြရမှာပါ...
ဒီလိုတွေဖြစ်တာဟာ ဘာကြောင့်လဲ ဆိုတာ တစ်ခါလောက်တွေးကြည့်ဖူးကြလား???
တကယ်ပဲ ပိုက်ဆံအိတ် က ပေါက်ကျ သွား တာလား? ( ဒါက တစ်ကြိမ် တခါတော့ ဟုတ်ချင် ဟုတ်မှာပါ)
တကယ်က နေ့စဥ် ကိုယ်ဘာတွေ သုံးလိုက်တဲ့ဆိုတဲ့ အသုံးစရိတ်တွေကို မမှတ်တာရယ်၊
မြင်တွေ့သမျှ လိုချင်သမျှ အရာတွေကို မစဥ်းစားတော့ပဲ ဝယ်တတ်တဲ့အကျင့်တွေရယ် ကြောင့်ပါ...
ငွေကို မျှတစွာ အသုံးချတတ်တာဟာ ဝင်ငွေများခြင်းထက်တောင် ပိုအရေးကြီးတတ်ပါတယ်။
“ပိုဝင်လာရင် စုနိုင်ပြီ ဆိုတာမျိူး ” မဟုတ်ဘဲ “အသုံး နဲ့ အဖြုန်း ကို သေချာသိပြီး၊
အသုံးစရိတ်တွေကို လျော့ချနိုင်အောင် ဒီအချက်လေးတွေကို ဖတ်ကြည့်ပါနော်..
(၁) ကိုယ့်ရဲ့အသုံးစရိတ်ကို သိထားပါ
ကိုယ့်ရဲ့ အသုံးစရိတ်ကို မသိဘဲ လျှော့လို့မရပါဘူး။ ဒါကြောင့်-
👉 နေ့စဉ်/လစဉ် သုံးစရိတ်တွေကို ရေးမှတ်ပါ
👉 Food, Transport, Shopping, Entertainment စတဲ့ Category ခွဲပါ
👉 “လိုအပ်တာ” နဲ့ “လိုချင်တာ” ကို ခွဲထုတ်ပါ
ကိုယ့်အတွက် နေ့စဥ်လိုအပ်တဲ့အရာလား?
အခုချက်ချင်း လိုအပ်တဲ့အရာလား?
ဒါက ချက်ချင်းဝယ်မှ ရမှာလား?
ဒါကိုလုပ်လိုက်ရင် ဘာဖြစ်သွားမလဲ?
ဒါကို မလုပ်လိုက်ရင် ဘာဖြစ်သွားမလဲ? ဆိုတာမျိုးကို ငွေ မသုံးရင် အချိန် ခဏ ပေးပြီး စဥ်းစားလိုက်ရင် စိတ်ကူးပြောင်းသွားတတ်ပါတယ်..
(၂) Plan Before You Buy (မဝယ်ခင် စီမံပါ)
👉 Shopping list လုပ်ပါ
👉 Discount/Promotion တွေကို အသုံးချပါ
👉 “24-hour rule” – ချက်ချင်းမဝယ်ဘဲ ၁ ရက်စောင့်ကြည့်ပါ“စျေးသက်သာတာပဲဝယ်လိုက်မယ်”ဆိုတဲ့အတွေးထက် “တန်ဖိုးရှိတာ ဝယ်မယ်” လို့ ပြောင်း စဉ်းစားပါ
(၃) Cut Small Expenses (မလိုအပ်တဲ့ Expense တွေကို ဖြတ်ပါ)
ကိုယ်မသိလိုက်ပဲ ပိုက်ဆံထွက်နေတဲ့နေရာတွေကို သတိထားပါ။
👉 Subscription မသုံးတော့တာတွေ
👉 Daily small spending (coffee, snacks, online shopping)
“သေးသေးလေး” တွေစုလာတာက အကြီးဆုံး expense ဖြစ်တတ်ပါတယ်။
(၄) Budgeting System တစ်ခု သတ်မှတ်ပါ
ငွေကို control လုပ်ဖို့ ဒီ system ကို သုံးကြည့်ပါနော်။
👉 50% – Needs (အခြေခံလိုအပ်ချက်)
👉 30% – Wants (ပျော်ရွှင်မှု)
👉 20% – Savings/Investments
(၅) နောက်ဆုံးရဲ့ အရေးကြီးဆုံးအချက် က - ထွက်ငွေကို Fixed လုပ်ပြီး သုံးတတ်ဖို့ပါ။
ကိုယ်က တစ်လကို (၁၀)သိန်း ဝင်ငွေရှိတယ်၊ (၅) သိန်းကို အိမ်သုံးစရိတ်အဖြစ် လစဥ် မဖြစ်မနေအသုံးပြုရတယ် ဆိုပါစို့။
နောက်ပိုင်းမှာ ကိုယ့်လစာက သိန်း(၂၀) ဖြစ်လာခဲ့တဲ့အခါမှာလည်း၊ Fixed လုပ်ထားတဲ့ လစဥ် အသုံးစရိတ်ကိုပဲ သုံးပြီး ၊ ပိုတာကို စု နိုင် ဖို့ လိုအပ်ပါတယ်။
" ဝင်ငွေတွေများလာတာပဲ၊ ဒီ့ထက်ပိုသုံးမယ်ဆိုပြီး- ကျားကြီး၊ခြေရာကြီး လိုမျိူး သုံးပစ်တာမျိူး မလုပ်မိဖို့ကလည်း အရေးကြီးဆုံး အချက်တစ်ချက်ပါနော်...
ဒါကြောင့် အသုံးစရိတ်တွေစစ်ရင်း သုံးတာနဲ့ ဖြုန်းတာ ကို သေချာလေး ခွဲခြားနိုင်ဖို့က၊ အသုံးစရိတ်တွေ လျော့ချဖို့ထက် ပိုအရေးကြီးတဲ့အချက်ပါနော်...
အဆုံးထိ ဖတ်ပေးလို့ ကျေးဇူးပါနော်...
