24/05/2026
စပါးတို့ တန်းမဆင်းရဖို့ အရေးကြီးနေတဲ့အချိန်မှာ အာဂျင်တီးနားကို ပြန်သွားတဲ့ နောက်ခံလူ ရိုမဲယိုကို ပရိသ-တ်တွေက ဝေဖန်နေခဲ့ကြပါတယ်။ ဒဏ်ရာရရှိထားပြီး ပြန်လည်ကောင်းမွန်လာစေဖို့လို့ ရိုမဲယိုက ပြောခဲ့ပေမယ့် ပရိသ-တ်တွေက အသင်းတန်းဆင်းသွားရနိုင်တဲ့ အခြေအနေမှာ
ဒီလိုမျိုး လုပ်ခဲ့တာကို ဒေါသထွက်ခဲ့တာပါ။
အခုလည်း ရိုမဲယိုက သူ့ရဲ့ အင်စတာဂရမ်မှာ သူ ဆံပင်ညှပ်နေတဲ့ ပုံကို တင်ခဲ့ပြီး လန်ဒန်မှာ သူ ရှိနေပြီဆိုတာကို ဖော်ပြခဲ့ပါတယ်။ ဒါပေမယ့် စပါးပရိသ-တ်တချို့ကတော့ ဒါဟာ သူ လန်ဒန်မှာ ရှိချင်ယောင်ဆောင်နေတဲ့ ဓါတ်ပုံလို့ ယူဆခဲ့ပြီး အဲဒီပုံက မေလ ၆ ရက်နေ့က ပုံဖြစ်နိုင်တယ်လို့ ကောက်ချက်ချခဲ့ပါတယ်။
ရိုမဲယိုတင်လိုက်တဲ့ပုံဟာ အရင်က သူ တင်ခဲ့ဖူးတဲ့ ပုံနဲ့ ဆင်တူနေတာကို စပါးပရိသ-တ်တွေက သတိထားမိခဲ့တာပါ။ သားဖြစ်သူနဲ့အတူ ဆံပင်အတူတူညှပ်နေတဲ့ ပုံကို သူက တင်ခဲ့ပြီး မေလ ၆ ရက်နေ့က သူ တင်ထားခဲ့တဲ့ ဆံပင်ညှပ်နေတဲ့ပုံနဲ့ ဆင်တူနေခဲ့တာပါ။
ပုံ ၂ခုစလုံးမှာ သားဖြစ်သူကို ညှပ်ပေးနေတဲ့ ဆံသဆရာက အဖြူရောင်တီရှပ်ကိုပဲ ဝတ်ဆင်ထားသလို ရိုမဲယိုကလည်း တူညီတဲ့ ရှူးဖိနပ်ကိုပဲ စီးထားတာ မြင်တွေ့ရမှာပါ။ ဒါကြောင့်လည်း လန်ဒန်မှာ သူ ရှိနေတယ်လို့ ပရိသ-တ်တွေထင်မြင်ပြီး သူ့အပေါ်စိတ်ပြေသွားအောင် မတူညီတဲ့ ရှုထောင့်က ရိုက်ကူးထားတဲ့ ပုံအဟောင်းကို အသုံးပြုခဲ့တယ်လို့ သံသယရှိနေခဲ့ကြပါတယ်။
နောက်ဆုံးသတင်းတွေအရ ရိုမဲယိုဟာ လန်ဒန်ကို ပြန်ရောက်နေပြီဖြစ်ပြီး အဲဗာတန်နဲ့ ကစားရမယ့်ပွဲကို မကစားနိုင်ပေမယ့် အသင်းကို အားပေးသွားမယ်လို့ သိရပါတယ်။ ဒါပေမယ့် ပရိသ-တ်တွေကတော့ ဒီလိုမျိုး မလိမ့်တပတ်လုပ်ရကောင်းလားဆိုပြီး ပိုစိတ်ဆိုးနေကြပါတယ်။ တကယ်ပဲ ရိုမဲယိုက ပရိသ-တ်စိတ်ကျေနပ်အောင်
ပုံအဟောင်းကို ပြန်သုံးခဲ့တာလားဆိုတာကတော့
သူ အသိဆုံးဖြစ်မှာပါ။
