https://breakthroughleadershipacademy.com/instructor-profile-nai-lo-mung/, http://www.nlmung.com/

NL Mung - Business Coach & NLP Master Trainer, Kalemyo (2026)

01/06/2026

❝ အခွင့်အရေးဆိုတာ ကြိုတင်ရက်ချိန်းပေးပြီးမှ ရောက်လာတတ်တာ မဟုတ်ဘူး။ ဒါကြောင့် အမြဲတမ်း ကြိုတင်ပြင်ဆင်ထားရမယ်။ ❞

#နိုင်လိုမွန်

31/05/2026

❝ Gen Z တွေကို ဦးဆောင်ရတဲ့အခါ။ ❞

Gen Z တွေက အလုပ်ခဏခဏ ပြောင်းတယ်၊ ဆရာလုပ်တာ မကြိုက်ဘူး၊ ကိုယ့်ခံယူချက်နဲ့ကိုယ် နေကြတယ်။

ဒီနေ့ခေတ် လုပ်ငန်းရှင်တွေနဲ့ ခေါင်းဆောင်တွေကြားထဲမှာ Gen Z တွေကို ဦးဆောင်ရတာက ခေါင်းခဲစရာ ပြဿနာတစ်ခု။ ဒါက ပြောင်းလဲလာတဲ့ခေတ်နဲ့အညီ အတွေးအခေါ်တွေ ပြောင်းလဲလာလို့ပဲ။

ရုံးတစ်ခုမှာ မန်နေဂျာက အသက် (၄၀) ကျော်။ သူ့လက်အောက်မှာ အသက် (၂၀) ဝန်းကျင်လေးတွေချည်းပဲ။ ကျန်တာမပြောနဲ့။ သူ့လက်အောက်က ဝန်ထမ်းတွေ မာလာရှမ်းကောစားချင်ရင် သူက ကြေးအိုးတို့၊ ထမင်းစစ်စစ်မှတို့ စားချင်တာ။ Team lunch တို့၊ Team dinner တို့ဆိုရင် အစကတော့ သူစားချင်တဲ့ဆိုင်ပဲ ခေါ်ခေါ်သွားတတ်တယ်။ အောက်က Gen Z တွေက ဘယ်ကျေနပ်မလဲ။ နောက်တော့ သူကိုယ်တိုင်က မာလာရှမ်းကောလိုက်စားပေးတယ်။ ဘာဘယ်တီးတွေ လိုက်သောက်တယ်။ ဒီအစားအသောက်ပိုင်းလေးမှာ ပြောင်းလဲလိုက်တာတောင်မှ Gen Z တွေနဲ့ သွားအတူ၊ လာအတူ၊ စားအတူ ဖြစ်ပြီး အလုပ်လုပ်ရတာ အရင်ကထက် ပိုအဆင်ပြေသွားတယ်။ စိတ်ချင်းနီးသွားတယ်ပေါ့။

Gen Z တွေကို ဦးဆောင်ဖို့ဆိုတာက တကယ်တော့ ကြီးမားတဲ့စိန်ခေါ်မှုတစ်ခု ဟုတ်မနေဘူး။ ခေါင်းဆောင်က Up to date လေးဖြစ်ဖို့နဲ့ လိုက်လျောညီထွေ နေနိုင်ဖို့ပဲ လိုတယ်။ အဲ့လိုရင်းနှီးမှုကနေမှ Gen Z တွေရဲ့ တက်ကြွမှု၊ နည်းပညာကျွမ်းကျင်မှုနဲ့ ဖန်တီးနိုင်စွမ်းတွေကို ကောင်းကောင်း အသုံးပြုလို့ ရနိုင်မှာ ဖြစ်တယ်။

#နိုင်လိုမွန်

31/05/2026

❝ Gen Z တွေကို ဦးဆောင်ဖို့ သူတို့ရဲ့ အတွေးအခေါ်တွေကို သိမြင်နားလည်ထားဖို့နဲ့ လိုက်လျောညီထွေနေနိုင်ဖို့လိုတယ်။ ❞

#နိုင်လိုမွန်

30/05/2026

❝ မဟာဗျူဟာထိရောက်ဖို့ ထုံးတမ်းဓလေ့က အရေးကြီးတယ်။ ❞

သစ်ပင်တစ်ပင်ကို စဉ်းစားကြည့်။ မြေကောင်းတယ်၊ အမြစ်ခိုင်တယ်၊ ရေလည်းမှန်မှန်ရတယ်ဆိုရင် သစ်ပင်က သဘာဝအတိုင်း ကြီးထွားလာတယ်။ တစ်ခါတလေ သစ်ပင်ကို ဂရုမစိုက်ဖြစ်ဘဲ အကိုင်းအခက် မဖြတ်ဖြစ်ရင်တောင် သစ်သီးတွေ ထွက်လာတတ်တယ်။ ဒါပေမယ့် မြေမကောင်းဘူး၊ အမြစ်မခိုင်ဘူးဆိုရင် အကိုင်းဖြတ်ထားတယ်၊ ဂရုစိုက်ထားလည်း အကျိုးမရှိဘူး။ လုပ်ငန်းလည်း ဒီအတိုင်းပဲ။ မဟာဗျူဟာ (Strategy) ကို စာရွက်ပေါ်မှာ အရမ်းကောင်းကောင်း ရေးထားနိုင်တယ်။ အစီအစဉ် (Plan) တွေ အပြည့်ရှိတယ်။ ဒါပေမယ့် လုပ်ငန်းထဲမှာ ကြောက်စရာကောင်းတဲ့ အပြစ်တင်တက်တဲ့ယဉ်ကျေးမှု၊ စကားမပြောရဲတဲ့ အခြေအနေ၊ ယုံကြည်မှုမရှိတဲ့ ပတ်ဝန်းကျင်ရှိနေရင် အဲ့ဒီ Strategy က မရှင်သန်နိုင်ဘူး။

စတည်တာမကြာသေးတဲ့ လုပ်ငန်းတစ်ခုမှာ လူနည်းပေမယ့် အချင်းချင်း ကူညီတယ်၊ အမှားလုပ်ရင် တာဝန်ယူပြီး ပွင့်ပွင့်လင်းလင်း ဝန်ခံပြောကြားရဲတယ်၊ ပြဿနာတွေကို ဖုံးမထားဘူး။ မဟာဗျူဟာက မပြီးသေးပေမယ့် လုပ်ငန်းက တဖြည်းဖြည်း တက်လာတယ်။ တစ်ဖက်မှာတော့ ပြိုင်ဘက်တစ်ခုက အစီအစဉ် (plan) အပြည့်၊ အဓိက စွမ်းဆောင်ရည် ညွှန်ကိန်း (KPI) အပြည့်ရှိပေမယ့် အပြစ်တင်တဲ့ယဉ်ကျေးမှုနဲ့ လူတွေ တိတ်တိတ်နေကြရလို့ နောက်ဆုံး ကျရှုံးသွားတယ်။ ပြဿနာက မဟာဗျူဟာ မဟုတ်ဘူး။ ထုံးတမ်းဓလေ့ (culture) ပဲ။

လုပ်ငန်းအောင်မြင်မှုကို ဆုံးဖြတ်ပေးတာက မဟာဗျူဟာထက် ထုံးတမ်းဓလေ့ ပိုအရေးကြီးတယ်ဆိုတဲ့ အယူအဆကို စီမံခန့်ခွဲမှုနယ်ပယ်မှာ အကြီးအကျယ် လက်ခံထားကြတယ်။ Peter Drucker က ထုံးတမ်းဓလေ့က မဟာဗျူဟာကို မနက်စာအဖြစ်သုံးဆောင်တယ် “Culture eats strategy for breakfast” လို့ ပြောခဲ့တာက မဟာဗျူဟာ (Strategy) မလိုဘူးလို့ ဆိုလိုတာမဟုတ်ဘူး။ ထုံးတမ်းဓလေ့ (culture) မကောင်းရင် မဟာဗျူဟာက အသက်မရှင်နိုင်ဘူးလို့ သတိပေးတာ။ ဒီအယူအဆကို Schein (2017) ကလည်း Organizational Culture and Leadership စာအုပ်ထဲမှာ လုပ်ငန်းရဲ့ အောင်မြင်မှုနဲ့ မအောင်မြင်မှုကို ဆုံးဖြတ်ပေးတဲ့ အဓိကအချက်အဖြစ် ရှင်းလင်းဖော်ပြထားတယ်။

ထုံးတမ်းဓလေ့ (culture) ဆိုတာ နံရံမှာကပ်ထားတဲ့ စံတန်ဖိုးတွေ (Core Values) မဟုတ်ဘူး။ Meeting မှာ ဘယ်သူ စကားပြောရဲလဲ၊ အမှားဖြစ်ရင် ဘာဖြစ်လဲ၊ ပြဿနာတွေကို ဖုံးလား၊ ဖြေရှင်းလား ဆိုတာတွေပါ။ ထုံးတမ်းဓလေ့ (culture) ဆိုတာ နေ့တိုင်း ဖြစ်နေတာ။ လုပ်ငန်းရှင် စိတ်ဆိုးတဲ့အခါ လူတွေ ဘယ်လိုခံစားရလဲ၊ အမှားလုပ်တဲ့သူကို ဘယ်လို ဆက်ဆံလဲ ဆိုတာတွေက ထုံးတမ်းဓလေ့ (culture) ကို ဖန်တီးနေတာ။ စံတန်ဖိုးတွေ (Core Values) ကို နံရံပေါ်မှာ ရေးထားတာထက် ပြုမူပုံတွေက ပိုအရေးကြီးတယ်။ ထုံးတမ်းဓလေ့ (culture) က လူတွေကို ဘယ်လို ပြုမူခိုင်းနေသလဲဆိုတာပဲ။

Coaching Question အနေနဲ့...
✅ ဒီနေ့ Team ထဲမှာ လူတွေ ဘယ်လို ထုံးတမ်းဓလေ့ (culture) နဲ့ နေ့စဉ်လုပ်ကိုင်နေကြလဲ စဉ်းစားပါ။ ကြောက်စရာလား၊ လုံခြုံလား၊ တိတ်ဆိတ်လား၊ ပွင့်လင်းလား။ ဒီသီတင်းပတ်အတွင်း ထုံးတမ်းဓလေ့ (culture) ကို ကောင်းအောင်ပြောင်းနိုင်မယ့် ကိုယ့်အပြုအမူ တစ်ခုဆို ဘာပြောင်းမလဲ?

#နိုင်လိုမွန်

29/05/2026

💠 သင့်ဘဝနဲ့ သင့်လုပ်ငန်းကို လက်ရှိထက် ပိုပြီးတိုးတက်ပြောင်းလဲစေဖို့၊
💠 အကောင်းဆုံးသော ရလဒ်၊ အကျိုးအမြတ်တွေကို ဖော်ဆောင်နိုင်ဖို့အတွက် တိုးတက်ပြောင်းလဲစေတဲ့ ခေါင်းဆောင်မှုခရီးစဉ်သင်တန်း Transformational Leadership Journey (TLJ) သင်တန်းကို (၁၂၇) ကြိမ်မြောက်အဖြစ် မန္တလေးမြို့မှာ ပြုလုပ်ဖို့ (၇) ရက်သာလိုပါတော့တယ်။

🎯 သင့်အနေနဲ့ လုပ်ငန်းနဲ့ဘဝမှာ ပြဿနာတွေမရှိဖို့ ဆုတောင်းနေမဲ့အစား ပြဿနာတွေကို ဖြေရှင်းနိုင်စွမ်း ပိုပြီးရှိလာဖို့ ကြိုးစားသင့်ပါတယ်။

🎯 နေ့စဉ်ဘဝမှာ ကြုံတွေ့ရတတ်တဲ့ ပြဿနာတွေ၊ လုပ်ငန်းအတွင်း မမျှော်လင့်ထားတဲ့ အခက်အခဲတွေ ကြုံတွေ့လာရပြီဆိုရင် သင့်မှာ အထိရောက်ဆုံးဖြေရှင်းနိုင်စွမ်းရှိဖို့ မဖြစ်မနေ လိုအပ်ပါတယ်။

🎓 TLJ သင်တန်းမှာဆိုရင် လက်တွေ့ဘဝအတွက် အကျိုးရှိစေမယ့် Leadership သင်ခန်းစာများအပြင် Personal Growth ဆိုင်ရာ သင်ခန်းစာများကို သင်ယူနိုင်မှာ ဖြစ်ပါတယ်။

🎓 TLJ သင်တန်းမှာ (၃) ရက်တာအတွင်း သင့် လုပ်ငန်း၊ သင့် ဘဝအတွက် တိုးတက်ပြောင်းလဲမှုတွေကို စတင်နိုင်ဖို့ လက်တွေ့ကျတဲ့နည်းလမ်းများစွာကိုလည်း လေ့လာသင်ယူရမှာ ဖြစ်ပါတယ်။

✨ လက်တွေ့ကျပြီး ရလဒ်ကောင်းတွေကို ရရှိစေနိုင်မယ့် နည်းလမ်းတွေကို သင်ကိုယ်တိုင် TLJ သင်တန်းမှာရှာဖွေလိုက်ပါ။
▄▄▄▄▄▄▄▄▄▄▄▄▄▄▄▄▄▄

မန္တလေးမြို့မှာ ကျင်းပပြုလုပ်မယ့် TLJ သင်တန်းအကြောင်းအသေးစိတ်

🔰 Mandalay

📍Location - Hotel Sakura Princess
အမှတ် (၇/၈-ဘီ) ၊ ၆၇ လမ်း ၊ ၃၂ လမ်း ၊ ၃၃ လမ်းကြား၊ ချမ်းအေးသာစံမြို့နယ်၊ မန္တလေးမြို့။

📅 ရက်စွဲ - ဇွန်လ ၅၊ ၆၊ ၇။ (သောကြာ၊ စနေ၊ တနင်္ဂနွေ)

⏰ သင်တန်းချိန် - မနက် (၈း၃၀) နာရီ မှ ည (၇:၀၀) နာရီအထိ။

မူရင်းသင်တန်းကြေး - ၁,၂၅၀,၀၀၀ ကျပ်ကိုမှ
🔥 ပထမဆုံးအပ်နှံသူ အယောက် (၅၀) အတွက် ၂၅၀,၀၀၀ ကျပ်🔥 နဲ့ စီစဉ်ပေးထားပါတယ်။
▄▄▄▄▄▄▄▄▄

TLJ သင်တန်းအကြောင်း စုံစမ်းလိုပါက သို့မဟုတ် သင်တန်း အပ်နှံလိုပါက အောက်ပါ Link က ဖြစ်စေ၊ ဖုန်းနံပါတ်များကို ဖြစ်စေ ဆက်သွယ်စုံစမ်းနိုင်ပါတယ်။

Messenger Link
m.me/TransformationalLeadershipJourney

☎️ 09 765 222 104,
☎️ 09 765 222 106,
☎️ 09 765 222 108,
☎️ 09 765 222 109,
☎️ 09 760 331 690,
☎️ 09 760 331 691,
☎️ 09 760 331 692,
☎️ 09 760 331 695,
☎️ 09 768 439 419,
☎️ 09 763 192 739,
☎️ 09 767 467 809,
☎️ 09 768 795 278

29/05/2026

❝ Core Values တွေကို နံရံပေါ်မှာ ရေးထားတာထက် နေ့စဉ် ပြုမူနေထိုင်ပုံတွေက ပိုအရေးကြီးတယ်။ လုပ်ငန်းရဲ့ ထုံးတမ်းဓလေ့ (Culture) မကောင်းရင် မဟာဗျူဟာက လက်တွေ့ဖြစ်မလာနိုင်ဘူး။ ❞

#နိုင်လိုမွန်

28/05/2026

ဒီနေ့ Nova Leader တွေနဲ့အတူ
1-Day Business Accelerator Coaching (BAC) Session ကို ပြုလုပ်ခွင့်ရခဲ့ပါတယ်။

လုပ်ငန်းတစ်ခု ကြီးထွားဖို့ဆိုတာ
အလုပ်များများလုပ်နိုင်ရုံနဲ့ မလုံလောက်ပါဘူး။

ဘယ်ကိုသွားချင်တာလဲ၊
ဘာကိုအရင်တည်ဆောက်ရမလဲ၊
ဘယ်စနစ်တွေလိုအပ်နေလဲ၊
ဘယ်လို Team နဲ့ ဘယ်လို Future ကို တည်ဆောက်ချင်တာလဲ
ဆိုတာတွေကို ရှင်းရှင်းလင်းလင်း မြင်လာဖို့ လိုပါတယ်။

ဒီနေ့ Coaching Session မှာ Nova Leaders Team နဲ့အတူ—

✅ လက်ရှိလုပ်ငန်းအခြေအနေကို ပြန်လည်သုံးသပ်ခြင်း
✅ Goals များကို ပိုမိုရှင်းလင်းစွာ သတ်မှတ်ခြင်း
✅ လုပ်ငန်းတိုးချဲ့နိုင်ရန် လိုအပ်သော စနစ်များကို ဆွေးနွေးစဉ်းစားခြင်း
✅ Owner-dependent Business မှ System-led Business သို့ ပြောင်းလဲနိုင်ရန် Direction ချခြင်း
✅ လာမည့် Action Steps များကို သတ်မှတ်ခြင်း

တို့ကို အတူတကွ လုပ်ဆောင်ဖြစ်ခဲ့ပါတယ်။

Nova Eyebrow Tattoo Studio က Permanent Make Up (PMU) Industry ထဲမှာ အမျိုးသမီးများကို ပိုမိုလှပမှု၊ ယုံကြည်မှု၊ ကိုယ်ပိုင်တန်ဖိုးခံစားမှု ရရှိလာစေဖို့ ကူညီပေးနေတဲ့ Beauty Brand တစ်ခုဖြစ်ပါတယ်။

Eyebrow Tattoo, PMU Service, Beauty Skill, Customer Trust နဲ့ Professional Service Quality တွေကို အခြေခံပြီး Nova Brand ကို ပိုမိုစနစ်ကျတဲ့ Business Model တစ်ခုအဖြစ် တည်ဆောက်သွားနိုင်မယ့် အလားအလာကောင်းတွေကို ဒီနေ့ Session မှာ မြင်တွေ့ခဲ့ရပါတယ်။

Nova Leader တွေရဲ့ သင်ယူလိုစိတ်၊ ပွင့်လင်းစွာ ဆွေးနွေးနိုင်မှု၊ လုပ်ငန်းကို ပိုမိုကြီးထွားအောင် တည်ဆောက်ချင်တဲ့ စိတ်ဓာတ်တွေကို မြင်ရတဲ့အတွက် အရမ်းဝမ်းသာပါတယ်။

ယုံကြည်စွာဖြင့် Coaching Session ပြုလုပ်ခွင့်ပေးတဲ့ Nova Leaders များ ကိုလည်း အထူးကျေးဇူးတင်ပါတယ်။

Nova Brand အနေနဲ့ လာမည့်နှစ်များမှာ Permanent Make Up (PMU) Industry မှာ ပိုမိုထင်ရှားပြီး၊ ပိုမိုစနစ်ကျသော ဆိုင်ခွဲများ၊ ပိုမိုအားကောင်းသော Team များ၊ ပိုမိုယုံကြည်စိတ်ချရသော Own Brand များ၊ ပိုမိုအကျိုးပြုနိုင်သော Business System များကို တည်ဆောက်နိုင်ပါစေလို့ ဆုမွန်ကောင်းတောင်းပေးပါတယ်။

လုပ်ငန်းတစ်ခုကို ကြီးထွားစေချင်တယ်ဆိုရင်
ကြီးထွားမှုအတွက် လိုအပ်တဲ့ Strategic Thinking Session တွေကို ပုံမှန်လုပ်နေဖို့ လိုအပ်ပါတယ်။

Business Owner တစ်ယောက်အနေနဲ့—

“ငါ့လုပ်ငန်းက ငါမပါလည်း စနစ်နဲ့ လည်ပတ်နိုင်ပြီလား?”
“ငါ့ Brand က လူတစ်ယောက်အပေါ်ပဲ မူတည်နေလား၊ စနစ်တစ်ခုအဖြစ် တိုးချဲ့နိုင်ပြီလား?”
“ငါ့ Team က ရှင်းလင်းတဲ့ Goal, Role, Action Step တွေနဲ့ လုပ်ဆောင်နေပြီလား?”

ဆိုတဲ့ မေးခွန်းတွေကို မိမိကိုယ်ကို မေးကြည့်ဖို့ လိုပါတယ်။

ကျနော်တို့ Breakthrough Coaching, Training & Consulting အနေနဲ့လည်း လုပ်ငန်းရှင်များကို Strategic Planning, Business Coaching, Team Coaching များမှတစ်ဆင့် ပိုမိုစနစ်ကျပြီး တိုးတက်နိုင်သော လုပ်ငန်းများ တည်ဆောက်နိုင်ရန် ဆက်လက်ကူညီပေးသွားမှာ ဖြစ်ပါတယ်။

Thank you, Nova Leaders Team.
May your vision become clearer, your team become stronger, and your business become more system-led, scalable, and impactful.

#နိုင်လိုမွန်

28/05/2026

❝ ပွဲစစချင်း (၅) မိနစ်မှာ ဂိုးသွင်းနိုင်ရုံနဲ့ ဖလားရနိုင်ပါ့မလား? ❞

ဘောလုံးပွဲတစ်ခုမှာ နည်းပြက ကစားကွက်အသေအချာခင်းပေးလိုက်လို့ ပွဲစစချင်း (၅) မိနစ်မှာတင် ကိုယ့်အသင်းက ဂိုးတစ်ဂိုး အသာစီးရသွားတယ်ဆိုပါစို့။ ဒါက တကယ့်ကို အားရစရာကောင်းတဲ့ အစပြုခြင်းပဲ။ ဒါပေမယ့် ဂိုးရသွားပြီဆိုပြီး နည်းပြက ခုံမှာထိုင်မှေးနေလိုက်မယ်၊ ကွင်းထဲက အခြေအနေတွေကို လျစ်လျူရှုထားလိုက်မယ်ဆိုရင်ရော။

မိနစ် (၆၀) လောက်မှာ ကစားသမားတွေ မောလာတာ၊ ပြိုင်ဘက်က ကစားကွက်ပြောင်းလာတာတွေကို မသိဘဲ ပစ်ထားမိရင် ပွဲအပြီးမှာ ပြန်အရှုံးပေးလိုက်ရမှာ သေချာတယ်။

တကယ့်နည်းပြကောင်းကတော့ ဂိုးရသွားရုံနဲ့ စိတ်မချလိုက်ဘူး။ ပွဲကစားနေတဲ့ မိနစ် (၉၀) လုံးလုံး ကွင်းဘေးကနေ မတ်တပ်ရပ်စောင့်ကြည့်တယ်၊ အားနည်းချက်ရှိရင် အော်ဟစ်သတိပေးတယ်၊ လိုအပ်ရင် လူလဲတယ်။ ဒါကြောင့်ပဲ ပွဲအပြီးမှာ အနိုင်ဖလားကို ရနိုင်မယ်။

လုပ်ငန်းခွင် ခေါင်းဆောင်မှုမှာလည်း ဒီအတိုင်းပဲ။ အစည်းအဝေးခန်းထဲမှာ စိတ်ကူးကောင်းတွေထုတ်၊ တာဝန်တွေ ခွဲဝေပေးလိုက်တာက ပွဲစစချင်း ဂိုးသွင်းလိုက်သလိုပဲ။ လုပ်ငန်းခွင်မှာ အစီအစဉ်တွေ စတင်လိုက်ရုံနဲ့တင် မလုံလောက်သေးဘူး။

လမ်းခုလတ်မှာ အဖွဲ့သားတွေ ဘာအခက်အခဲကြုံနေလဲ၊ အစီအစဉ်အတိုင်း သွားနေရဲ့လားဆိုတာကို ခေါင်းဆောင်က စဉ်ဆက်မပြတ် စောင့်ကြည့်လမ်းညွှန်ပေးတဲ့ Follow Up လုပ်ပေးနေမှ အလုပ်က အောင်အောင်မြင်မြင်နဲ့ ပြီးမှာ၊ အဆုံးသတ်လှသွားမှာ။

ဒါ့ကြောင့် ခေါင်းဆောင်တွေအနေနဲ့ အမိန့်ပေး၊ တာဝန်ချရုံနဲ့တင် သင့်အလုပ် မပြီးဘူး။ အစကောင်းဖို့ လိုသလို၊ အဆုံးသတ်လှဖို့ Follow Up လုပ်ပေးရမှာက သင့်တာဝန်ဖြစ်တယ်။

#နိုင်လိုမွန်

28/05/2026

❝ ခေါင်းဆောင်ဆိုတာ တာဝန်ပေးရုံတင်မကဘဲ ရလဒ်ထွက်တဲ့အထိ လမ်းပြပေးရမယ့်သူ ဖြစ်တယ်။ ❞

#နိုင်လိုမွန်

27/05/2026

❝ လူမှန်၊ နေရာမှန် ထားပါ။ ❞

ဘတ်စ်ကားတစ်စီးကို စဉ်းစားကြည့်။ မောင်းရမယ့် ကားမောင်းသမားက နောက်ခုံမှာ ထိုင်နေပြီး၊ ခရီးသည်တစ်ယောက်က steering ကိုင်နေရင် ဘာဖြစ်မလဲ။ ဘတ်စ်ကားက မကြာဘူး လမ်းလွဲမယ်၊ အန္တရာယ်ဖြစ်လာမယ်။ ခရီးသည် မကောင်းလို့ မဟုတ်ဘူး။ နေရာမှားနေလို့။ လုပ်ငန်းထဲက လူတွေကလည်း ဒီအတိုင်းပဲ။ လုပ်ငန်းရှင်အများစုက “လူကောင်းရထားပြီးသား” လို့ ထင်တတ်ကြတယ်။ ဒါပေမယ့် အလုပ်မထိရောက်တာ၊ အမှားများတာ၊ အမြဲညှိုးငယ်နေတာကို မြင်ရတတ်တယ်။ အဲ့ဒီအခြေအနေမျိုးဆို “ဒီလူ မတော်ဘူး” လို့ သတ်မှတ်လိုက်တတ်ကြတယ်။ တကယ်တော့ နေရာမှားနေတာ။

စက်ရုံတစ်ခုမှာ အလုပ်သမားတစ်ယောက်ရှိတယ်။ သူက အသေးစိတ်ကို သဘောကျတယ်၊ စည်းကမ်းတကျ လုပ်တတ်တယ်။ ဒါပေမယ့် လူတွေကို ဦးဆောင်ရမယ့် Production Lead အဖြစ် ထားလိုက်တယ်။ လူနဲ့ပြောရတာ မကြိုက်လို့ စိတ်ပင်ပန်းလာတယ်၊ အလုပ်လည်း မထိရောက်တော့ဘူး။ နောက်ပိုင်း Quality Control ဘက်ကို ပြောင်းထားလိုက်တဲ့အခါ အမှားတွေ လျော့သွားတယ်၊ လူလည်း ပျော်လာတယ်။ လူက မပြောင်းဘူး။ နေရာပြောင်းလိုက်တာပဲ။ လူကို မှန်တဲ့နေရာမှာ မထားနိုင်ရင် လုပ်ငန်းတစ်ခုလုံး လမ်းလွဲနိုင်တယ်။

လူကို သူနဲ့မကိုက်တဲ့နေရာမှာထားခြင်းက လုပ်ငန်းရဲ့ အကျိုးဖြစ်စေမယ့် အင်အားကို ဆုံးရှုံးစေတယ်ဆိုတဲ့ အယူအဆကို လူစီမံခန့်ခွဲမှု (people management) နဲ့ ခေါင်းဆောင်မှု (leadership) စာအုပ်တွေမှာ အများကြီး ထောက်ပြထားတယ်။ Jim Collins ကလည်း Good to Great စာအုပ်ထဲမှာ “First Who, Then What” ဆိုပြီး လူမှန်ကို အရင်ရှာပြီး နေရာမှန်မှာ ထားရမယ်လို့ ရှင်းပြထားတယ်။ လုပ်ငန်းအောင်မြင်မှုဆိုတာ Strategy ထက်တောင် လူကို ဘယ်နေရာမှာ ဘယ်လိုသုံးထားလဲအပေါ်မှာ အများကြီး မူတည်တယ်။

အဓိပ္ပါယ်က လူတစ်ယောက်ကို သင့်တော်လား မသင့်တော်ဘူးလား ဆိုတာမျိုးကို “ဒီလူ ဘာကို ကောင်းကောင်းလုပ်နိုင်လဲ” ဆိုတဲ့ ရှုထောင့်ကနေ ကြည့်ဖို့။ လူတချို့က လူတွေနဲ့ပြောဆိုတာမှာ ကောင်းတယ်၊ ရောင်းတဲ့နေရာမှာ ကောင်းတယ်။ လူတချို့က စာရင်း၊ စနစ် (System)၊ အသေးစိတ်မှာ ကောင်းတယ်။ လူတချို့က အပြင်ထွက်လုပ်ရတာ သဘောကျတယ်၊ လူတချို့က နောက်ကွယ်ကနေ ထိန်းပေးရတာကို သဘောကျတယ်။ အားလုံးကို တစ်ပုံစံတည်း မမျှော်လင့်ရဘူး။ နေရာမှန်ရင် လူက တက်လာတယ်။ နေရာမှားရင် လူက ကျသွားတယ်။ လူမဆိုးဘူး၊ ခုံ (seat) မှားတာပဲ။

Coaching Question အနေနဲ့ …

✅ ဒီသီတင်းပတ်အတွင်း Team ထဲက လူတစ်ယောက်ကို ရွေး။ အဲ့ဒီလူက လက်ရှိ နေရာမှာ အားတက်နေလား၊ ပင်ပန်းနေလား ဆိုတာကို သတ်မှတ်။ ပြောင်းလိုက်ရင် အားတက်ပြီး ပိုထိရောက်နိုင်တဲ့ နေရာ ရှိလား၊ ဘယ်နေ့မှာ အဲ့နေရာမှာ စမ်းကြည့်မလဲဆိုတာကို ရေးချ။

#နိုင်လိုမွန်

NL Mung - Business Coach & NLP Master Trainer

01/06/2026

31/05/2026

31/05/2026

30/05/2026

29/05/2026

29/05/2026

28/05/2026

28/05/2026

28/05/2026

27/05/2026

Address

Telephone

Website

Alerts

Contact The Business

Shortcuts

Share

Category