21/04/2025
မြန်မာကစားသမား မောင်မောင်လွင် မန်ယူနဲ့ကစားမယ့် အာဆီယံ All-Stars အသင်းမှာ ပါဝင်
အာဆီယံဘောလုံးအဖွဲ့ချုပ် (AFF) က မေလ ၂၈ ရက်နေ့မှာ မလေးရှားနိုင်ငံ ဘူကစ်ဂျာလီကွင်းမှာ ကစားမယ့် မန်ချက်စတာယူနိုက်တက်နဲ့ အာဆီယံ All-Stars အသင်းတို့ရဲ့ ခြေစမ်းပွဲမှာ မြန်မာကွင်းလယ်ကစားသမား မောင်မောင်လွင် ပါဝင်ကစားဖို့ ရွေးချယ်ခံခဲ့ရတယ်လို့ မြန်မာနိုင်ငံဘောလုံးအဖွဲ့ချုပ်ထံကို အကြောင်းကြားစာပေးပို့ခဲ့ပါတယ်။
မောင်မောင်လွင်ဟာ လက်ရှိမှာ မြန်မာ့လက်ရွေးစင်အသင်းအတွက် ခြေစွမ်းပြကစားနေပြီး ထိုင်းပရီးမီးယားလိဂ်ကလပ် Lamphun Warriors FC မှာလည်း ပရော်ဖက်ရှင်နယ်ကစားသမားတစ်ဦးအနေနဲ့ ခြေစွမ်းပြနေတာကြောင့် အာဆီယံ All-Stars အသင်းအတွက် မြန်မာကိုယ်စားပြုရွေးချယ်ခံခဲ့ရတာဖြစ်ပါတယ်။ အာဆီယံ All-Stars အသင်းရဲ့ နည်းပြချုပ်အဖြစ် ဗီယက်နမ်လက်ရွေးစင်အသင်းနည်းပြ Mr. Kim Sang-Sik က တာဝန်ယူမှာဖြစ်ပါတယ်။
