04/06/2026
🏃♂️👯🏋️♀️မကောင်းတဲ့အကျင့်တွေကိုဖြတ်ချင်ရင် အားကစားလုပ်ပါ🏋️♀️👯🏃♂️
ပျက်စီးယိုယွင်းနေတဲ့ ဘဝတစ်ခုကို အဖတ်ဆယ်တဲ့ နေရာမှာ ဘုရား၊ တရားတင်မကပဲ လေ့ကျင့်ခန်းလုပ်ခြင်းကပါ ကယ်ဆယ်ပေးနိုင်တယ်ဆိုရင် ယုံကြပါ့မလား။
ဒီတစ်ခေါက်တော့ ပြင်ရခက်ပြီး တငွေ့ငွေ့နဲ့ ဒုက္ခပေးတတ်တဲ့ အမူအကျင့်လေးတွေကို လေ့ကျင့်ခန်းလုပ်ခြင်းက ဘယ်လိုပြင်ဆင်ပေးနိုင်မလဲ။ ဖတ်ကြည့်လိုက်ရအောင်။
၁။ အိပ်ရာဝင်နောက်ကျသလား။
အိပ်ရာဝင်နောက်ကျပြီး အိပ်ရေးပျက်ခြင်းဟာ ရေရှည်မှာ ကျန်းမာရေးအတွက် မကောင်းတာ လူတိုင်း သိပေမယ့် ပြင်ရခက်ပါတယ်။ ဒါပေမယ့် နေ့လည်၊ ညနေ Gym ဆော့ထားသူဟာ မောလွန်း ပန်းလွန်းလို့ အိပ်ရာဝင် စောလာလိမ့်မယ်။ အလေးဆော့သူဆို Recover ဖြစ်အောင်၊ Results ရအောင် လိုချင်စိတ်နဲ့ အိပ်ရေးပျက် မခံတော့ဘူး။
၂။ ဆေးလိပ်သမားလား။
လေ့ကျင့်ခန်းလုပ်အပြီး အမောပြေ ဆေးလိပ်သောက်တတ်တဲ့ အကျင့် အစပိုင်းမှာ ရှိချင်ရှိမယ်။ ဒါပေမယ့် အချိန်တစ်ခု ကြာလာရင်
" ကျန်းမာရေးကောင်းအောင်၊ နှလုံးသွေးလည်ပတ်မှုတွေ ကောင်းအောင် လေ့ကျင့်ခန်းလုပ်တယ်။ လုပ်ပြီးတော့မှ အဆိပ်အတောက်တွေ ခန္ဓာကိုယ်ထဲ ပြန်ထည့်နေပါလား " တွေးမိလာလိမ့်မယ်။
ဒီအတွေးတွေ ရင့်သန်လာရင် ဆေးလိပ် မသောက်ဖြစ်တော့ဘူး။
၃။ အရက်သေစာလား။
ဖြစ်ဖူးလားမသိဘူး။ အလေးဆော့အပြီး ကျန်းမာရေးနဲ့ အညီ အစားအသောက်တွေ စားတယ်။ Protein shake တွေ သောက်ချင်သောက်ထားမယ်။ အဲ၊ ခဏအကြာမှာ သူငယ်ချင်းက အရက်သေစာသောက်ဖို့ လာခေါ်မယ်။
Gym ထဲမှာ အပင်ပန်း ခံထားတာတွေ၊ အစားအသောက်ကို ဂရုစိုက်ထားတာတွေကို တွေးပြီး သင်ဟာ အရက်သေစာကို သိပ်စိတ်ပါမှာ မဟုတ်တော့ဘူး။
အနည်းဆုံးတော့ တစ်ခွက်တစ်လေ မော့ဖြစ်ရင်တောင် စိတ်ထဲမှာ ကြိုးစားခဲ့မှုတွေကို နှမြောသလိုလို။ ဒီလိုနဲ့ သောက်တဲ့ အကြိမ်ရေတွေ၊ ခွက်ရေတွေ နည်းလာပြီး ပြတ်သွားပါလိမ့်မယ်။
၄။ ကျန်းမာရေးနဲ့ မညီ၊ အာဟာရမပြည့်တဲ့ အစားအစာတွေ ကြိုက်လွန်းသလား။
သင်ဟာ လေ့ကျင့်ခန်းလုပ်ပြီး သင့်ခန္ဓာကိုယ် သဘာဝကို သတိပြု စောင့်ကြည့်တတ်လာပြီဆိုရင် အရင်ဆုံး စတွေ့တာက ဒီမကောင်းတဲ့ အကျင့်ပေါ့။ သင်အရင်ဆုံး စပြင်ရမှာလဲ အစားအစာပဲ မဟုတ်လား။
Result လိုချင်လို့ သကြားပါတာတွေ ရှောင်တယ်။ ဆီပူနဲ့ အကြာကြီး ကြော်တာတွေ ရှောင်တယ်။ ဒီမှာတင် Result ရဖို့တင်မကပဲ မသိလိုက် မသိဘာသာနဲ့ ဆီးချိုတို့၊ ကင်ဆာတို့ ဖြစ်နိုင်ချေကို လျှော့ချလိုက်သလိုဖြစ်သွားပြီ။
နောင်တစ်ခုက အာဟာရရှိတဲ့ အသားအရွက်တွေ စားဖြစ်လာတယ်။ အာဟာရတွေနဲ့အတူ ဟော်မုန်းတွေ ညီမျှလာမယ်။ ဟော်မုန်းညီမျှလာရင် အသားအရည်၊ ဆံပင်၊ စိတ်ကြည်လင်မှုတွေပါ ရလာတာပါပဲ။
၅။ စိတ်ဓါတ်ကျမှု၊ ထိုင်းမှိုင်းမှုတွေနဲ့ အမြဲတမ်း အိပ်ရာပေါ် ကွေး ဖြစ်နေသလား။
စိတ်ဓါတ်ကျခြင်းရဲ့ မူလ လက္ခဏာဟာ အိပ်ရာပေါ် ကွေးနေခြင်းပါပဲ။ အိပ်ရေးမဝလို့လဲ မဟုတ်။
"လောကကြီးကို ရင်ဆိုင်ဖို့ကို အားမရှိတာ" လို့ဆိုရင် ပိုမှန်ပါမယ်။
ကိုယ်က ကျန်းမာပေမယ့် စိတ်က ဒါဏ်ရာရနေသူတွေ အများကြီးပါ။ စိတ်သေရင် လူသေတယ် ဆိုရလောက်အောင် မိမိကိုယ်ကို သတ်သေသူတွေလဲ ဒုနဲ့ဒေး။
စိတ်ဓါတ်ကျမှုဟာ ငွေကြေးပြသနာကြောင့်ချည်းပဲ မဟုတ်ပါဘူး။ အောင်မြင်တဲ့ Celebrities တွေ ခဏခဏ သေကြောင်းကြံစည်ခြင်းကို ကြည့်ရင် ငွေကြေး အခက်အခဲကြောင့်မဟုတ်ဘူးဆိုတာ ထင်ရှားပါတယ်။
စိတ် မကျန်းမာခြင်းဟာ စိတ်ဖိစီးမှု၊ အထီးကျန်မှု၊ ဟော်မုန်းဓါတ်တွေ မညီမျှမှု ကြောင့်ပါ။ မကောင်းတဲ့ အဆိပ်အတောက် ဟော်မုန်းဓါတ်တွေ (စိတ်ဖိစီးရင် အများဆုံးထွက်) များလာတာနဲ့ အမျှ စိတ်ဓါတ်ကျ ဝေဒနာဖြစ်လာတာပါပဲ။
ဒါတွေကို ကုစားပေးနိုင်တာက အားကစား လိုက်စားခြင်းပဲပေါ့။ အားကစားလိုက်စားလို့ ကောင်းတဲ့ ဟော်မုန်းတွေထွက်မယ်၊ အာဟာရပြည့်တာတွေစားလို့ ဟော်မုန်း Balance ဖြစ်စေမယ်။
ထိုင်းမှိုင်း လေးလံနေပါသလား။ ခြေဆန့်လက်ဆန့်ပြီး အားကစားလုပ်ကြည့်ပါ။ လန်းဆန်းတက်ကြွသွားပါလိမ့်မယ်။
ပိတ်လှောင်မွန်းကြပ်နေတဲ့ အခန်းကို နေသာတဲ့နေ့တစ်နေ့မှာ ပြတင်းပေါက်ဖွင့်လိုက်သလိုပေါ့။
၆။ ဘဝအကြောင်းကို နားလည်လာလိမ့်မယ်။
အခုခေတ်မှာ ဖြစ်လေ့ရှိတာက ပေးဆပ်တာထပ် ပိုလိုချင်ကြတာပါပဲ။ ကိုယ်ဟာ ဒါတွေ၊ ဒါတွေ ရသင့်တယ်ဆိုပြီး တွေးရာကနေ ဒါတွေ ရမလာတဲ့အခါ စိတ်တွေ ပူလောင်ကြရပြန်ပါရော။
Gym ကစားခြင်းဟာ ကျွန်တော်တို့ကို အမြင်မှန်ရစေပြီး ဒီလို ပူလောင်ခြင်းတွေကနေ ငြိမ်းစေ၊ ဘဝကို ပိုနားလည်စေပါတယ်။
ဝိတ်ကျဖို့ ဖြစ်စေ၊ ကြွက်သားလှဖို့ဖြစ်စေ၊ ဒါမှမဟုတ် ပိုသန်မာလာအောင် လေ့ကျင့်ချင်တာမှာပဲ ဖြစ်စေ အခု လုပ် အခုမရပါဘူး။
ထိုက်တန်တဲ့ ရလဒ်တစ်ခုအတွက် ထိုက်တန်တဲ့ ခွန်အားတွေ၊ ထိုက်သင့်တဲ့ အချိန်တွေ၊ လိုအပ်တဲ့ သင်ယူမှုတွေ ပြည့်စုံရပါမယ်။ ဒီအချက်ကို ကောင်းကောင်းကြီး နောကြေအောင် သင်ပေးလိုက်ခြင်းက ဘဝကို အမြင်တစ်မျိုးနဲ့ ကြည့်တတ်စေဖို့ လမ်းဖွင့်ပေးလိုက်ခြင်းပါပဲ။
ဒီလိုမြင်တတ်လာတဲ့ တစ်နေ့ဟာ ဘယ်အရာမဆို အခုချက်ချင်း မရရင် စိတ်ကောက် ဒေါသထွက်တတ်တဲ့ လူမမယ်လေးကနေ လူလားမြောက်တဲ့ ရင့်ကျက်တဲ့ လူဖြစ်တဲ့ တစ်နေ့ပါပဲ။
******************
သင်ရော ဒီလို အကျင့်ဆိုးလေးတွေ ရှိနေပြီး ပြင်ရခက်နေပါသလား။ မိမိကိုယ်ကို မြှင့်တင်ဖို့ တစ်ချက်လောက် စဉ်းစားပါ။
သင့် ခန္ဓာကိုယ်က သင့်ကို ကျေးဇူးတင်ပါလိမ့်မယ်။ မရင့်ကျက်သေးတဲ့ အတွေးတွေ ရင့်ကျက်လာပါလိမ့်မယ်။
ဟုတ်မဟုတ်ကိုတော့ ပြင်ဖူးခဲ့တဲ့လူတွေကပဲ အတွေ့အကြုံ Comment လေးတွေ share သွားနိုင်ပါတယ်လို့။
Like and share the page Credit Golden_Dreams
Fitness Club (Aungban)
MM Fitness Club
အမှတ်(၆၂) | ပြည်ထောင်စုလမ်းမကြီး | မြန်မာ့ရှေ့ဆောင်ဘဏ်နှင့်မြဝတီဘဏ်ကြား| အောင်ပန်းမြို့
09962101194/095210604
