Трчаме за Рацин

22/03/2026

🔴⚪ АК БОРЕЦ ВЕЛЕС: Повеќе од Клуб – СЛОЖНА ФАМИЛИЈА НА АТЛЕТСКАТА СЦЕНА НА МАКЕДОНИЈА 🇲🇰🇲🇰🇲🇰

​Денес, АК БОРЕЦ ВЕЛЕС се појави на атлетската трка Зегин Спектарон (5км и 10км) ВО ЦЕЛОСЕН СОСТАВ! Испуштивме силна порака на поддршка за лицата кои секојдневно водат битки – „Трка на херои во сите бои!!!“, докажувајќи дека нашето срце е големо колку што е силен нашиот чекор.

​Во склоп на трката се одржа,и учествувавме на Националното првенство на 10км на пат во поединечна конкуренција. Резултатите зборуваат сами за себе:

​🏅 Трајче Илијевски: На националното првенство на 10км го зазеде високото 5-то место, а истото 5-то место го освои и во севкупниот генерален пласман! Ова е резултат на посветеност и дисциплина.

🔴⚪Екипно АК БОРЕЦ ВЕЛЕС на 5км го освои 3_то место!!!

​🏃‍♂️ Нашата храбра екипа на 5км:
​Игор Неделковски: 22-то место (19:55)
​Срѓан Милошевски: 23-то место (20:20)
​Даниел Пановски: 36-то место (22:24)
​Деан Филиповски: 49-то место (23:59)
​Цветко Николовски: 55-то место (24:24)
​Аце Тодевски: (30:05)

​🌟 Посебна почит за Данче Ангеловски! Нашиот најстар член, на 65 години, покажа дека атлетиката не познава граници! Данче истрча фантастични 10км за 53:29 секунди! Тоа е мотив, тоа е инспирација за сите!

🔴⚪​АК БОРЕЦ ВЕЛЕС Е ФАМИЛИЈА. Ние сме вистински амбасадори на град Велес, најбројниот атлетски клуб кој со гордост го носи неговото име. Додека другите зборуваат за нас, ние трчаме кон нови победи! 💪🏃‍♂️
#Велес #АтлетикаМакедонија #ТрчамеЗаРацин #ТркаНаХерои #Трчање #СпортскиВелес #ВитезиНаПатеката #Велешани

14/03/2026

СО ГОЛЕМА ЖАЛОСТ И ТАГА: АК „БОРЕЦ“ ЈА ЗАВРШУВА СВОЈАТА МИСИЈА
​Почитувани граѓани, колеги тркачи и спортски пријатели,

​И покрај сите натчовечки напори, по три поднесени барања до Општина Велес и три официјални состаноци, должен сум да ве известам дека меѓународната атлетска трка „ТРЧАМЕ ЗА РАЦИН“ и Детската трка, кои станаа симбол на нашиот град, оваа година нема да се одржат во организација на АК „БОРЕЦ“ – Велес.

​По четири години беспрекорна работа, во кои брендот, идејата и концептот ги градевме со макотрпен труд и огромен професионализам, добивме лично одбивање од Градоначалникот. Причините за одбивањето беа површни, полни со неосновани обвинувања и објаснувања кои не држат место, додека вистинските мотиви — нам добро познати — остануваат скриени зад административни парадокси.
​Најголемиот парадокс е што Градоначалникот сам се демантира.
Како активен атлетичар, повеќе пати наградуван од Сојузот на спортови на Велес, двократен добитник на 9-то ноемвриската награда и организатор на трка која двапати беше прогласена за најдобра и најмасовна — на состанокот „во четири очи“ се соочив со зборови кои се спротивни на секоја спортска етика. Заканите и притисокот под кои бев и сè уште сум, се демантирани од нивниот сопствен официјален допис (кој го објавувам во прилог), каде нè фалат за успешната работа, а потоа со една реченица не отфрлаат. Оценете сами кој е во право.

​Иако имаме легитимно право да ја бараме правдата низ институциите, решивме да не го правиме тоа. Оставаме на оние „два-три матни ликови“ околу Градоначалникот, кои конечно успеаја во својата намера да го узурпираат нашиот труд, да ја покажат својата „способност“.

​Важно известување до тркачката заедница:
Градот Велес за жал престанува да биде дел од тркачката мапа на Македонија. Трката „Трчаме за Рацин“ е легитимна сопственост на АК „БОРЕЦ“ – Велес и како таква е пријавена во Македонската тркачка лига и Атлетската федерација на Македонија. Ги известувам сите мои колеги организатори од 16-те атлетски клубови: не дозволувајте да ве доведат во заблуда. Секоја друга трка под ова име организирана од друг субјект ќе биде нелегитимна, нема да се бодува и нема да биде дел од официјалниот календар.
​Се надеваме на ваша солидарност! Дајте им „црвен картон“ на луѓето кои немаат допир со спортот и атлетиката, а се обидуваат да ги преземат туѓите плодови за да задоволат нечии суети.
​Градот Велес изгуби многу — изгуби професионална атлетика, изгуби 16 спортски организации кои продефилираа низ нашите улици. Велес веќе не е на атлетската мапа поради едни суети и големи ега во Општината.
​За крај, верувам дека нашите долгогодишни соработници и поддржувачи нема да ни забијат „нож во грб“ и нема да прифатат да бидат дел од ова преземање на нашиот труд изграден со љубов, ентузијазам и жртва.
​Во прилог ви го доставувам решението од Општината добиено пред десетина дена. Прочитајте како нè фалат, а потоа нè исфрлаат. Тоа е ликот и делото на локалната моќ.
​Ве замолувам за поддршка со споделување на овој пост — вистината мора да стигне до сите.
​Со почит и спортски поздрав,

11/03/2026

📣 ВЕЛЕС, ПОДГОТВИ СЕ! ПЕТТИОТ ЈУБИЛЕЈ ДОАЃА! 📍

​📅 ЗАЧУВАЈ ГО ДАТУМОТ: 31 мај 2026 (Недела)
🕙 СТАРТ: 10:00 часот

​Ветија дека ќе трае, а сега заедно испишуваме историја! Атлетскиот клуб „Борец“ и градот Велес со гордост ве покануваат на ПЕТТОТО ЈУБИЛЕЈНО издание на уличната трка „Трчаме за Рацин“!

​Поминаа четири години полни со емоции, брзи километри и сплотеност. Во 2026 година се враќаме посилни, побројни и подготвени за вистински спортски спектакл.
​🔥 Што ве очекува?

✅ Трки на 5К и 10К – дел од Македонската тркачка лига.
✅ Мотивирани натпреварувачи од целата земја и регионот.
✅ Јубилејна атмосфера и детската трка исполнета со многу љубов.
✅ Трка која ги обединува спортот, традицијата и непокорниот дух.

​Ова не е само трка, ова е бренд што го градиме заедно. Ова е нашиот начин да му оддадеме почит на великанот Рацин и да покажеме дека Велес живее за спортот!
​📢 Регистрациите се отвораат наскоро! Следете ја нашата страница за сите нови информации и официјални објави.
​Подгответе ги патиките – се гледаме на стартната линија! 🏃‍♂️🏃‍♀️💨
​ #ТрчамеЗаРацин #Велес #Јубилеј5Години #АтлетскаТрка #АКБорец #МакедонскаТркачкаЛига #ВелесТрча

10/03/2026

🔴⚪ ТРЧАМЕ ЗА РАЦИН 31.05.2026

🏃🏿...За кратко отвараме пријави 👆🏿👆🏿

27/02/2026

Кратко и јасно, тргнете ги валканите раце од атлетската трка ТРЧАМЕ ЗА РАЦИН и детската трка, на уцени закани не паѓаме, ние сме БОРЕЦ

Оваа манифестација е направена со многу љубов,
труд и макотрпна работа, и сопственост и бренд на АК БОРЕЦ ВЕЛЕС 🔴⚪

За некој ден сите ќе ве известиме наши драги поддржувачи љубители на трчањето и браќа по трчање, атлетски клубови и Македонската Тркачка Лига, во кој сум и јас со нашиот клуб дел од основањето со 16 атлетски трки во нејзе.

Ќе ве известиме кој е тој што преку ноќ се намерачил, накопачил да го извалка името на Рацин и брендот кој е со години негуван од АК БОРЕЦ ВЕЛЕС 🔴⚪

Останете така наскоро со имиња и презимиња!!!

02/01/2026

За нови почетоци во новата 2026 година, ви посакуваме безброј истрчани километри во многу здравје, мир и благосостојба 🙏🏃🏿😊

🔴⚪ За брзо време очекувајте нови детали новини, информации за ноќната атлетската трка "ТРЧАМЕ ЗА РАЦИН" и "ДЕТСКАТА ТРКА "

🔴⚪ Датумот запишете го 30.05.2026 година, пријавите наскоро започнуваат !!!

15/06/2025