04/10/2018
Играчите, тренерите и навивачите во нашите лиги сакаме накратко да ги известиме за новите правила. Веројатно најзначајната промена е во начинот на казнување за техничките грешки, кои веќе не означуваат и автоматска промена на поседот. И понатаму за техничка грешка ќе се доделува едно слободно фрлање, но играта ќе продолжи така што топката ќе ја има тимот кој претходно бил во посед на топката во моментот на досудување на техничката грешка.
Уште една важна промена е направена како би се спречило одбранбените играчи да ја успоруваат играта во финишот на мечот. Од сега, откако играчите ќе ја воведуваат топката во игра, ја преминат аут-линијата во последните две минути од четвртата четвртина или продолжението, и ќе бидат попречувани од одбранбен играч на противничката екипа – истиот ќе добие техничка грешка.
Измената која би можела да ја направи играта покреативна и поинтересна за гледачите, им дозволува на играчите да ја фрлат топката да удри во таблата, и после тоа да го задржат поседот, практично на тој начин да си асистираат сами на себе за евентуално забивање“.
Останати поважни промени се:
-Тимот ја уфрлува топката во игра после досудена неспортска лична грешка од предно поле на теренот, а на часовникот ќе бидат додадени 14 секунди.
-Кога е досудена лична грешка, а тимот која ја има топката истата ја враќа на својот дел од теренот, часовникот ќе се врати на 24. секунди, или на 14 ако топката се уфрлува од противничката страна на теренот.
-Доколку тренерите побараат тајм-аут во последните две минути на четвртата четвртина или во продолжението, ќе можат да одлучат од каде ќе биде уфрлена топката поточно од предно или во задно поле, со тоа што во задно би имале 24секунди, а во предно 14секунди, за тоа што одлучил го известува судијата на крајот на тајм-аутот.
-Доколку се случи топката да биде заглавена помеѓу обрачот и таблата, а тоа не било после изведување на слободни фрлања, за поседот ќе се одлучува со потфрлање(алтернативен посед). Во таа ситуација, ако за топката се изборил тимот кој веќе бил во посед, часовникот се враќа на 14. секунди, а доколку топката ја освоил другиот, часовникот се рестартира на 24 секунди.
Среќен ни почеток на сезоната и воигрување на новите правила"
