09/03/2026
Членови од нашиот тим нè претставуваа на Еразмус+ проектот „Online Smart: Create, Engage, Protect“, кој се одржа од 3 до 11 јануари 2026 година во Остерхолц-Шармбек, Германија 🇩🇪. Заедно со нив, во активностите учествуваа вкупно 36 млади од Германија, Северна Македонија, Шпанија, Турција и Бугарија 🌍.
Проектот имаше за цел да ги охрабри младите свесно, креативно и одговорно да ги користат телефоните и дигиталните алатки, претворајќи ги од пасивни корисници во активни дигитални креатори 📱💡.
Преку практични работилници и интерактивни активности, учесниците учеа како да ги користат телефоните за мобилна фотографија, истражување и дигитална соработка, како и како да создаваат едукативна и креативна содржина за социјалните мрежи 🎥📷.
Проектот исто така придонесе за развој на дигиталната писменост и безбедното однесување на интернет, при што учесниците научија како критички да ги проценуваат информациите онлајн, да ја заштитат својата приватност и да одржуваат баланс помеѓу дигиталниот и офлајн живот 🧠🔐.
Преку тимска работа и интеркултурна размена, младите развија кампањи на социјалните мрежи, со цел да ја користат технологијата за позитивно влијание во своите заедници 📲✨. Во рамки на проектот, учесниците се запознаа и со можностите што ги нуди програмата Erasmus+ за младите во Европа 🇪🇺.
