Тенискиот клуб ЈУГ е клуб со најдолга традиција во тенискиот спорт во нашата држава. Од долгогодишната тениска историја на тенискиот клуб ЈУГ потекнуваат најпознатите тенисери и тениски работници.
Со својата местоположба во градскиот парк и со инфраструктурните услови ( 7 земјени терени, едно бетонско игралиште, три терени покриени и оспособени за користење во зимски услови, соблекувални и други
пропратни содржини) тенискиот клуб ЈУГ нуди извонредни услови за тенис.
Тенискиот клуб ЈУГ е актуелно собиралиште на вљубениците во тенисот од сите генерации. Во тенискиот клуб ЈУГ се негува и рекреативниот и натпреварувачкиот тенис. Сепак главната определба на клубот е создавањето на тенисери – натпреварувачи со високи квалитети кои можат достојно да се натпреваруваат надвор од границите на нашата држава.
Од осамостојувањето на Р. Македонија во тенискиот клуб ЈУГ најголемо внимание се посветува на тренерската и стручна работа со тенисерите од најмала возраст. Со нив работат високо едуцирани тренери, сертифицирани и лиценцирани од Македоската Тениска Федерација. Клубот го одржува квалитетот со континуирана едукација и доедукација. Тенискиот клуб ЈУГ во континуитет дава акцент на анимирање и зголемување на бројот на децата кои играат тенис како би се овозможилосоздавање што повеќе квалитетни тенисери.
Со цел тенисерите да се чуствуваат како дел од квалитетен тениски центар, клубот изготвува програма на секој шест месеци која тенисерите и нивните родители можат да ја видат и да добијат информација до каде се нивните деца и кои се фазите кои ги очекуваат.
