MKD Olympic Team

05/10/2026

🥋🏆 Шампиони за безбеден и поддржувачки спорт

Спортот е повеќе од борба за медали – тој е простор каде што се градат вистински вредности, почит и еднакви можности за секој спортист.

Таеквондистката Милијана Релиќ е дел од кампањата „Шампиони за безбеден и поддржувачки спорт“, испраќајќи силна порака за важноста на создавање безбедна, инклузивна и фер спортска средина, ослободена од насилство, дискриминација и нееднаков третман.

Кампањата се реализира во рамки на проектот „Фер игра: Поддршка за родова еднаквост во спортските политики“, кофинансиран од Европската Унија.

02/10/2026

На 1 и 2 октомври во Мајнц, Германија, се одржува вториот проектен состанок и работилницата за валидација во рамки на проектот STRONG - иницијатива посветена на унапредување на правата и одговорностите на спортистите во националните олимписки комитети.

Во име на Македонскиот олимписки комитет, на состанокот учествува Сара Глоговац, која придонесува во дискусиите за еднакви можности, застапеност и поголемо учество на спортистите во процесите на одлучување.

Заедно работиме на создавање подобри услови и посилна позиција на спортистите во олимпиското движење. 🤝

29/09/2026

🇲🇰 ИСТОРИСКИ УСПЕХ: 5 МЕДАЛИ ЗА МАКЕДОНИЈА НА СВЕТСКОТО ЈУНИОРСКО КИКБОКС ПРВЕНСТВО!🥊🏆

Македонската кикбокс репрезентација оствари извонреден резултат на ВАКО Светското јуниорско првенство во Лидо Ди Јесоло, Италија, освојувајќи 3 златни и 2 бронзени медали во силна конкуренција од над 2.800 натпреварувачи од 74 држави!

🥇Златни медали:

Томи Андонов (K1 / YJ M +81 kg)
Калин Бабоски (LK / OJ M -63.5 kg)
Глигор Николов (LK / YJ M -67 kg)

🥉Бронзени медали:

Драгица Глигорова (KL / OC F +65 kg)
Петар Лозановски (LK / YJ M -60 kg)

По враќањето од Италија, младите шампиони беа на свечен прием во Македонскиот олимписки комитет, каде што беа топло пречекани од претседателот Даниел Димевски и раководител на сектор спорт Петар Спасеновски.

Македонскиот олимписки комитет упатува огромни честитки до сите репрезентативци, стручниот штаб и Кикбокс Маитаи Федерацијата на Македонија предводена од претседателот Дејан Митровски – Урко. Овие млади спортисти уште еднаш потврдија дека се вистински спортски амбасадори на нашата земја!

Браво шампиони! 🇲🇰👏

28/09/2026

🥉 Две европски одличја за неполни 30 дена!

Претседателот на МОК, Даниел Димевски, оствари средба со македонскиот боксер Ален Рустемовски и претставниците на Националната бокс федерација, по повод освоениот бронзен медал на Европското првенство во Софија.

По бронзата на Медитеранските игри во Таранто, Ален уште еднаш потврди дека се наоѓа во еден од најуспешните периоди во својата кариера.

🗣 „Бронзениот медал од Европското првенство е потврда за квалитетот, работата и посветеноста на Ален. Покрај директната поддршка за Ален, МОК преку конкретни програми ќе овозможи и поддршка за Бокс федерацијата со цел заеднички да го развиваме боксот како еден од нашите национални спортови“, истакна Димевски.

Ален и претставниците на федерацијата се заблагодарија за поддршката, истакнувајќи дека вака застанатата соработка дава уште поголем мотив за нови успеси и достоинствено претставување на Македонија на меѓународната сцена.

🇲🇰 Честитки за Ален и продолжуваме понатаму! 💪

25/09/2026

🌱🏅 Спортот и одржливоста одат рака под рака!

Во рамките на проектот SCORE GREEN, успешно реализиравме низа едукативни работилници за млади спортисти и ученици, посветени на одржливоста во спортот.

Преку интерактивни предавања и практични примери, младите имаа можност да научат:
♻️ што значи одржливост во спортот;
📊 како се мери еколошкото влијание на спортските организации;
🌍 кои се најголемите извори на емисии и отпад во спортот;
💡 како преку мали промени можеме да создадеме големо позитивно влијание врз животната средина;
🚴 како секој од нас може да придонесе преку одржливи навики и одговорно однесување.

Веруваме дека токму младите се двигатели на промените. Со знаење, свесност и заедничка акција, градиме спорт кој е не само успешен, туку и одговорен кон природата и идните генерации. 🌍💚

Иднината на спортот е зелена! 💚🌱

24/09/2026

🥉 БРОНЗЕН МЕДАЛ ЗА АЛЕН РУСТЕМОВСКИ НА ЕВРОПСКОТО ПРВЕНСТВО ВО СОФИЈА! 🇲🇰🥊

Македонскиот боксер Ален Рустемовски оствари еден од најголемите успеси во својата спортска кариера!

Во исклучително силна конкуренција на Европското првенство во Софија - каде што настапуваат околу 400 боксери и боксерки од 40 различни земји - Ален успеа да обезбеди бронзен медал за Македонија.

Денеска, во полуфиналната борба за пласман во финалето, Рустемовски загуби од Аидер Абдураимов од Украина, со што го заврши силниот натпреварувачки циклус со освоена бронза.

По бронзениот медал на 20. Медитерански игри во Таранто, Италија, овој резултат е уште една потврда за неговиот квалитет и континуитет. Пред него се нови предизвици, а тој продолжува уште посилно со цел да се бори за највисокиот пласман на следните натпреварувања. 💪🔥

Македонскиот олимписки комитет му посакува многу среќа и успеси во иднина и секогаш ќе биде неговата најголема спортска поддршка! 🇲🇰❤️

Честитки за Ален и за целиот стручен штаб! 👏

21/09/2026

🏅 Твојата транзиција. Твојата следна приказна.

Завршувањето на спортската кариера е почеток на ново поглавје. Преку PORTAL, спортистите можат да добијат поддршка и насоки за полесна транзиција кон следната етапа од својот живот.

Запознајте ги нашите три офицерки за транзиција - Јасмина Антиќ, Фросина Денкова Зафировска и Софија Георгиевска, и дознајте како можат да ви помогнат.

👉 Креирајте свој профил на PORTAL:
www.olyportal.eu

ЛИНК ВО БИО

По регистрацијата, преку опцијата „Take an appointment“ можете да ја изберете офицерката и да закажете термин за консултација.

💻 Креирајте профил. Изберете офицер за транзиција. Закажете термин.
Вашата следна приказна започнува тука.

🇪🇺 Co-funded by the European Union.

19/09/2026

🇲🇰 15 ГОДИНИ ОД ИСТОРИСКИОТ УСПЕХ ВО ЛИТВАНИЈА! 🏀

На денешен ден се навршуваат 15 години од најголемиот успех на македонскиот спорт во независна Македонија во екипните спортови на едно Европско првенство.

🇲🇰 ЕП Литванија 2011 – 4. место за Македонија!

Пред 15 години, нашата кошаркарска репрезентација го воодушеви спортскиот свет и ги обедини сите граѓани под едно знаме. Со незаборавни натпревари, голема борбеност и срце оставено на теренот, Македонија стигна до полуфиналето и историското 4. место во Европа.

🏀 Тоа не беше само спортски резултат.
❤️ Тоа беше гордост за цела Македонија.
🇲🇰 Момент кој засекогаш ќе остане запишан во македонската спортска историја.

15 години подоцна – споменот сè уште трае.

Честитки до сите кошаркари, стручниот штаб, раководството и сите кои беа дел од оваа генерација!

Enjoy the videos and music you love, upload original content, and share it all with friends, family, and the world on YouTube.