Taekwondo Klub Feniks-Kik

19/05/2026

Изминатиот викенд учествувавме на два меѓународни натпревари – Астерикс Е3 и Астерикс Куп.

На Астерикс Е3 настапивме со двајца натпреварувачи во јуниорска конкуренција – Антонио и Костадин.
Антонио прикажа одлични борби, но за жал беше поразен во борбата за медал.
Костадин (Коки), по пауза од 6 месеци поради повреда на коленото, се врати на татамито во одлично издание и покажа дека повторно се враќа во својот препознатлив ритам.

На Астерикс Куп настапивме со четворица натпреварувачи.
Браќата Марко и Андреј Станковски освоија бронзени медали и уште еднаш покажаа борбеност и квалитет.
Димитриј и Борјан имаа одлични настапи и прикажаа квалитетни борби, но овој пат останаа без медал.

Продолжуваме посветено да работиме и да напредуваме, а новите генерации полека созреваат и најавуваат уште поголеми успеси за клубот.

12/05/2026

✊✊ 3️⃣ ✊✊

10/05/2026

🥋 Уште еден успешен викенд за нашиот клуб! 🏆

Овој викенд учествувавме на меѓународниот турнир Бутел Опен на кој настапија околу 350 натпреварувачи.

Нашиот клуб настапи со 21 натпреварувач и успеавме да освоиме вкупно 19 медали:
🥇 5 златни
🥈 7 сребрени
🥉 7 бронзени медали

Иако на овој турнир не настапивме комплетни поради неколку повреди, сепак покажавме квалитет, борбеност и одлични резултати. 💪

Особено радува фактот што во клубот доаѓаат нови генерации на талентирани натпреварувачи кои со напорна работа и посветеност во иднина ќе постигнуваат уште поголеми резултати. 🔥

Горди сме на сите наши натпреварувачи за прикажаните борби, дисциплина и срце на татамите. Продолжуваме уште посилно! 👊

28/04/2026

Изминатиот викенд нашиот клуб учествуваше на два силни меѓународни турнири во Бугарија – „Хереја Е3“ и „Хереја Опен“.

Во саботата, на турнирот „Хереја Е3“, на кој настапија повеќе од 500 натпреварувачи, наши претставници беа:

* Илина Гулабовска (-59 кг, јуниорки) – победа во првото коло против натпреварувачка од Грција, а во второто коло, во борба за медал, претрпе пораз од претставничка на Србија.
* Антонио Негријевски (-48 кг, јуниори)

Во неделата, на „Хереја Опен“, турнир со над 600 натпреварувачи, настапија:

* Борјан Стојчевски (-48 кг, јуниори) – 🥈 сребрен медал
* Димитриј Василевски (-33 кг, пионери) – 🥉 бронзен медал, со две маестрални победи и пораз во полуфиналето по контроверзна судиска одлука, во борба за влез во финале.

Честитки за одличните настапи и достојното претставување!

06/04/2026

➡️ Викендов во Скопје се одржа еден од најсилните таеквондо турнири во Европа – Скопје Опен G1, на кој настапија повеќе од 1000 натпреварувачи од 41 држава. Главниот град беше домаќин на светската таеквондо елита и уште еднаш потврди дека Македонија е значаен организатор на врвни меѓународни натпреварувања. 🥋

✅ Нашиот клуб настапи со седум натпреварувачи во категориите кадети, јуниори и сениори и оствари забележителен резултат:

🥉 Антонио Негријовски – бронзен медал, јуниори -48 кг
🥉 Дамјан Василевски – бронзен медал, јуниори -48 кг

➡️ Останатите натпреварувачи Лука, Давид, Илина, Мартина и Ангел прикажаа квалитетни и борбени настапи, достојно претставувајќи го клубот на силна меѓународна конкуренција.

✅ Изразуваме благодарност до Македонската Таеквондо Федерација и до сите домашни клубови за континуираната поддршка и заедничката посветеност во развојот на таеквондо спортот. 🤝

➡️ Дополнителна вредност на турнирот даде и успехот на нашиот олимписки вицешампион Дејан Георгиевски, кој освои златен медал и претставува вистински пример за младите спортисти и патоказ кон врвни резултати. 🥇

Продолжуваме посветено и мотивирано кон нови предизвици и успеси. 🇲🇰

05/04/2026

29/03/2026

Нашиот клуб ќе настапи со 7 натпреварувачи.

1. Мартина Наумовска -55 кадет
2. Илина Гулабовска -59 јуниор
3. Дамјан Василевски -48 јуниор
4. Антонио Негријовски -48 јуниор
5. Ангел Јовановски -63 сениор
6. Лука Ангелов -68 сениор
7. Давид Цеков -68 сениор

🌏 40 НАЦИИ ОД ЦЕЛ СВЕТ НА SKOPJE OPEN G1!

👉 Светски таеквондо сили како Британија, Кина, Шпанија, Франција, Италија и уште 35 држави ќе учествуваат на еден од најголемите спортски настани во Македонија во последниве години.

🥋 Skopje Open G1 е турнир со висок ранг, каде се освојуваат бодови за олимписка норма, вистинска можност Македонија конечно да биде домаќин на врвен спорт од светски калибар.

🏟️ Турнирот е во организација на ТК Бутел, Македонската таеквондо федерација и ТК Рамус.

🇲🇰 Генерален поддржувач на настанот е Владата на Република Македонија.

📅 На 4 и 5 април, во спортскиот центар „Борис Трајковски“, дојдете да ги бодриме нашите најдобри таеквондисти!

🎉 Свеченото отворање ќе се одржи на 4 април во 12:00 часот.

Македонското таеквондо го диктира врвниот спорт во државата !

🔥 Посебна вредност на настанот е што македонските репрезентативци се сериозни кандидати за медали, и покрај силната меѓународна конкуренција.

09/03/2026

✊✊✊ 2️⃣ ✅✅✅