17/05/2026
Tabela përfundimtare,një sukses i merituar për ne!
E përfunduam sezonin në mesin e tabelës dhe e vlerësojmë si një sukses të madh, pasi për herë të parë morëm pjesë në Ligën e Tretë. Objektivi i klubit që nga fillimi ishte të siguronim mbijetesën në ligë dhe ta ruanim statusin tonë.
Edhe pse fillimi i sezonit ishte shumë i vështirë, ne nuk u dorëzuam. Me punë, përkushtim dhe angazhim maksimal, në gjysmën e dytë të sezonit arritëm të grumbullojmë pikë të mjaftueshme për të realizuar objektivin tonë.
Për këtë sukses falënderojmë lojtarët dhe stafin, të cilët punuan pa u kursyer që sot të jemi këtu ku jemi.
Gjithashtu, falënderojmë të gjithë donatorët dhe Komunën që na qëndruan pranë gjatë gjithë këtij rrugëtimi dhe besuan në projektin tonë.
Ne do të vazhdojmë të punojmë me përkushtim që klubi ynë të shkojë gjithmonë më lart e më lart!
KF Studeniçan 🤍💙
