Wrestling Club Shkupi - Klubi Mundjes Shkupi

03/06/2026

🏅 Abdulaziz Azizi shpërblehet me 100.000 denarë nga kompania HOMAX

Pas suksesit historik dhe medaljes së bronztë në Kampionatin Evropian U15, mundësi i Klubit të Mundjes Shkupi dhe reprezentacionit të Maqedonisë së Veriut, Abdulaziz Azizi, u shpërblye me një vauçer në vlerë prej 100.000 denarësh nga kompania HOMAX.

Ky vlerësim është një dëshmi se puna, përkushtimi dhe sakrifica e sportistëve të rinj vlerësohen dhe mbështeten. Medalja evropiane e Abdulazizit është rezultat i një pune të madhe dhe krenari për klubin, qytetin dhe gjithë vendin tonë.

Një falënderim i veçantë shkon për pronarin e kompanisë HOMAX, Abdullah Abazi, i cili me këtë gjest tregoi mbështetjen dhe respektin ndaj sportit dhe sportistëve të rinj. Mbështetja e njerëzve dhe kompanive që vlerësojnë sukseset sportive është një motivim i madh për brezat e rinj që synojnë majat e sportit.

Klubi i Mundjes Shkupi shpreh mirënjohjen e tij për këtë vlerësim dhe uron që sukseset e Abdulazizit të vazhdojnë edhe në të ardhmen, duke sjellë medalje dhe krenari të reja për të gjithë ne.

02/06/2026

Pritje për medalistin evropian 🇦🇱 🇲🇰

Ambasadori i Republikës së Shqipërisë në Maqedoninë e Veriut, Denion Meidani, priti medalistin evropian Abdulaziz Azizi dhe trajnerët e tij, duke i përgëzuar për suksesin e jashtëzakonshëm të arritur në Kampionatin Evropian U15.

Gjatë takimit u vlerësuan puna, përkushtimi dhe sakrifica që qëndrojnë pas këtij rezultati të madh, si dhe roli i trajnerëve në zhvillimin e sportistëve të rinj.

Falënderojmë Ambasadorin për mikpritjen, vlerësimin dhe mbështetjen ndaj sportit dhe kampionëve tanë.

01/06/2026

Ministri i Sportit, Borko Ristovski, pret medalistin evropian Abdulaziz Azizi

Pas suksesit në Kampionatin Evropian U15, ku fitoi medaljen e bronztë, Abdulaziz Azizi u prit nga ministri i Sportit i Maqedonisë së Veriut, Borko Ristovski.

Gjatë takimit, ministri e përgëzoi Abdulazizin për arritjen e tij të jashtëzakonshme dhe shprehu vlerësim të veçantë për trajnerët e Federatës së Mundjes së Maqedonisë së Veriut dhe të Klubit të Mundjes Shkupi, duke theksuar përkushtimin, profesionalizmin dhe punën e tyre të palodhshme me mundësit e rinj.

Ai theksoi se sukseset e tilla janë rezultat i punës së përbashkët të sportistëve, trajnerëve dhe institucioneve sportive, ndërsa investimi në gjeneratat e reja është rruga e duhur për zhvillimin e mundjes dhe sportit në vend.

Ky vlerësim nga ministri përbën një motivim shtesë për të gjithë sportistët dhe trajnerët që çdo ditë punojnë për arritjen e rezultateve të reja në arenën ndërkombëtare.

31/05/2026

Abdulaziz Azizi shpërblehet nga Federata e Mundjes së Maqedonisë së Veriut

Pas medaljes së bronztë të fituar në Kampionatin Evropian U15, Abdulaziz Azizi u shpërblye nga Federata e Mundjes së Maqedonisë së Veriut, në krye me presidentin Dejan Bogdanov.

Ky vlerësim dëshmon jo vetëm suksesin e Abdulazizit, por edhe faktin se Federata e Mundjes di të vlerësojë dhe të mbështesë sportistët e rinj që arrijnë rezultate të mëdha në arenën ndërkombëtare.

29/05/2026

Disa momente nga Kampionati Evropian U15

Kujtime, emocione dhe krenari nga një garë e nivelit më të lartë evropian. Faleminderit të gjithëve për mbështetjen!

27/05/2026

Urime Festa e Kurban Bajramit të gjithë besimtarëve muslimanë! Gëzuar këtë festë të shenjtë, me shëndet, paqe dhe begati në familjet tuaja.

26/05/2026

Halil Sinani – një njeri që gjithmonë ka qenë në përkrahje të sportistëve dhe Klubit të Mundjes Shkupi, duke dhënë mbështetje të vazhdueshme dhe duke qenë pranë ekipit në çdo hap të rrugëtimit tonë, së bashku me medalistin e Kampionatit Evropian Abdulaziz Azizi.

26/05/2026

Pritje nga shkolla ku mësojnë kampionët tanë 🤼‍♂️🏫

Sot në shkollën Kongresi i Manastirit u organizua pritje për mundësit tanë Abdulaziz Azizi dhe Zaim Zaimi, pas paraqitjes dhe suksesit të tyre në Kampionatin Evropian U15.

25/05/2026

24/05/2026