https://www.facebook.com/100390112277744/

PSK H2O Healthy Hike Outdoor

Home
Macedonia
Skopje
PSK H2O Healthy Hike Outdoor

Една љубов-планината. Една цел-безбедно омасовување на планинските спортови и рекреативни активности на планина. За големи и мали! За сите!
(1)

Планинарскиот спортски клуб Х2O ја продолжува 37 годишна традиција на безбедно организирано планинарење и уживање во природните убавини и богатства на Македонија и светот. Безбедно продолжуваме кон целта, омасовавување на планинските спортови со едукација на нашите членови, и организирање на еднодневни и повеќедневни планинарски излети, акции и експедиции. Нашите членови знаат да знаат да одбера

т соодветна облека и обувки за акциите, успешно се движат по означени патеки и беспаќа, активно користат лична и заедничка планинарска опрема во летни и зимски услови, препознаваат временски (не)прилики на планина, ја чуваат и почитуваат планината и околината. Наши членови се сите вљубеници во планината, децата, младинците, нивните родители, нивните наставници, полнолетни лица со желба, но без искуство, или со голема желба и големо искуство, активни планинари, неактивни планинари, мажи, жени, другари, другарки, сестри, браќа, дедовци и баби кои делат една љубов-љубовта кон планината и активното уживање во природата. Љубовта која го мотивира и движи напред Х2O.

04/06/2026

🏔️ ИСКАЧУВАЊЕ НА ЦРН ВРВ И УБАВА – КАРАЏИЦА 🏔️

Опис на акцијата: На 07.06.2026 година (недела) организираме планинарска тура до врвовите Црн Врв и Убава на планината Караџица.

Должина на патеката: ~ 20 км

Висинска разлика: ~ 1300 D+

Стартна точка: село Патишка Река

Опис на патеката: Патеката започнува од село Патишка Река и се движи низ букова шума, планински пасишта и отворени сртови со прекрасни панорамски погледи кон Јакупица, Солунска Глава, Скопска Црна Гора и централниот дел на Македонија. Турата ги опфаќа врвовите Црн Врв и Убава.

Напор: Акцијата е средно тешка

Времетраење на акцијата (вкупно): 8–9 часа

Опрема и облека (задолжителна/препорачана):

- Планинарски чевли
- Планинарски стапчиња (препорачливо)
- Облека соодветна на временските услови
- Ветровка или лесна јакна
- Капа, очила за сонце, крем со заштитен фактор

Храна: Од ранец (сендвичи, чоколадо, житарки, суво грозје....). Вода 2л.

Тргнување од: паркингот пред Пошта 2 на Железничка станица во Скопје, во 06:00 часот.

Планинарски водич: ПСК Х2О

Пријавување: задолжително најдоцна до петок, 05.06.2026

Лице за контакт: Зуп – 070/245-535

Напомени:
• Во случај на неповолни временски услови акцијата навремено ќе биде откажана
• Учесниците во акцијата се должни да ги почитуваат насоките на водичите. Во спротивно самите се одговорни за несаканите последици
• Водичите имаат право да исклучат учесник/-ци на акцијата на почеток или во текот на акцијата доколку не ги почитуваат објавените насоки, не ја поседуваат соодветната планинарска опрема и не ги почитуваат насоките на водичите
• Водичите го заддржуваат правото на промена на условите на објавената акција согласно условите на теренот

Добредојдени се сите љубители на планината, природата и доброто друштво.

ПСК Х20 – Скопје

Добредојдовте на „И јас сум на Водно“ 2026! Овој настан не е само заедничко планинарење, туку е движење за поттикнување ...

02/06/2026

22/05/2026

Добредојдовте на „И јас сум на Водно“ 2026!

Овој настан не е само заедничко планинарење, туку е движење за поттикнување на свеста за здрав живот, заштита на животната средина и активно учество во создавањето на подобра иднина.

Заедно со нашите партнери, ProCredit Bank Macedonia и Mastercard, продолжуваме со нови еко-иницијативи кои ќе го поттикнат развојот на здрави навики, одговорно однесување кон природата и акција за климатски промени.

Во 2025 година, заедно скениравме над 3201 QR кодови, што резултираше со засадување на 9603 нови дрвја! Ова е само еден од многуте чекори кон заштита на природата и изградба на поодржливи заедници.

Во 2026 година продолжуваме уште ПроАктивно.

Заедно ќе продолжиме да ги разбудуваме свеста и љубовта кон природата, да создаваме позитивни промени и да се забавуваме на истиот пат.

Напомени: Однесувајте се одговорно кон себе си и планината. Не фрлајте отпадоци, носете планинарски кондури со непролизгувачки ѓон. Внимавајте каде газите, хидрирајте се и обавезно понесете челна ламба или друг извор на светлина и полн мобилен телефон. Сакајте се себе и другите. Секој доаѓа на сопствена одговорност.

Апелираме на присуство без моторни возила. Рампата на средно Водно ќе биде затворена!

Нека започне сезоната 2026 – благодариме што сте дел од неа!

30/04/2026

На Доломити со ПСК Х2О, Скопје.
11 – 18 јули, 2026
Сместување во најубавото село на Доломитите, Ла Вила / Штерн (La Villa / Stern).
Искачување над 3000 м.:Tofana di Rozes (3225m) Conturines (3064m), Lavarela (3055m), , посета на Tre Cime, Ziano di Fiemme.
Контакт: Горан Николоски, 070200506

29/04/2026

На 26.04.2026, искачување на Кучи Баба, Шар Планина, со ПСК Х2О, Скопје.
Како што е редот, претходниот ден, во саботата, пријавивме група планинари на интернет страната на Националниот Парк Шар Планина, а во недела наутро, плативме влезница во НП Шар Планина преку СМС на 144-555.
На влезот во Полошка Котлина од Скопје (кај Желино), во очи прво паѓа широкиот срт на Кучи Баба. Зелено масивно подножје, неколку мали планински села, и долг срт покриен со снег.
Искачувањето од селото Сетоле до сртот на Кучи Баба, Шар Планина, можеби е досадно, но движењето по сртот е возбудливо и со одлични погледи.
На убав, сончев ден, од врвот Врчик (2090 м.), без дронови и сателити, се гледа скоро цела Македонија: и Љуботен, и Пелистер, и Солунска Глава, и скопската и полошката котлина, и Кулата на Титов врв и врвот Добра Вода и новиот, „прав како пушка“, автопат меѓу Тетово и Гостивар. Непроценливо.
По долгиот срт, на места низ длабок снег, 15 планинари напредуваа кон највисокиот дел на Кучи Баба (2445 м.), а дел од групата, потоа се врати во селото Сетоле по кружна патека.
Иако искачувањето на Кучи Баба изгледа лесно, постепено, и без стрмни делови, дента изминавме 18 км и искачивме скоро 1600 м висина. Напорна акција.
Се движевме низ падини обраснати со пролетни цвеќиња, пиевме ладна вода од извори.
На крај, „пред кооперација“ во рамничарското село Жилче, во подножје на снежната Шар Планина, расположени, се хидриравме и разменувавме искуства од поранешни и за идни планински доживувања.
Благодарност до учесниците за учество на акцијата на ПСК Х2О.
Слики од: Горан Николоски, Сибел Јакуповиќ, Зија Јонузоски

24/04/2026

Искачување на КУЧИ БАБА, 2.445 м., Шар Планина.

Опис на акцијата: На 26 април, недела, на Кучибаба, врв на Шар Планина.

Должина на патеката: 19+км

Висинска разлика: 1.450 D+

Стартна точка: село Сетоле, тетовско.

Опис на патеката: прво низ шума, а потоа по голина, по срт, со погледи по целата должина на Шар Планина. Селото Сетоле е на 990 метри надморска височина, потоа поминуваме покрај бачилото Плоча на 1.570 м, па на врвот Врчик на 2.094 м и потоа на врвот Кучи Баба. Во шумскиот дел нема снег, но има снег над 2.000 м. Ќе се враќаме по кружна патека која од ловечката куќа до селото Сетоле е земјен пат.

Напомени за акцијата:

• Напорна акција.
• За членови на планинарски клубови во ФПСМ.
• Температура на врвот ќе биде над 0 степени Целзиусови, и слаб ветер од 10+ км / ч.
Времетраење на акцијата (вкупно): до 12 часа

Опрема и облека (задолжителна):

- Планинарски чевли.
- Планинарски стапчиња.
- Дерези
- Облека соодветна на времето.
- Заштита од сонце.
Храна: Од ранец, вода 2 литра

Тргнување од: паркингот пред Пошта 2 на Железничка станица во Скопје, во 06:00.

Планинарски водичи: ПСК Х2О, Скопје и ПСК Аргентус Маунт, Тетово.

Пријавување: задолжително, најдоцна до петок, 24 мај, 16 часот.

Лице за контакт: Горан Николоски 070/200-506

Напомени:

- Во случај на неповолни временски услови акцијата навремено ќе биде откажана
- Учесниците во акцијата се должни да ги почитуваат насоките на водичите. Во спротивно самите се одговорни за несаканите последици
- Водичите имаат право да исклучат учесник/-ци на акцијата на почеток или во текот на акцијата доколку не ги почитуваат објавените насоки, не ја поседуваат соодветната планинарска опрема и не ги почитуваат насоките на водичите
- Водичите го задржуваат правото на промена на условите на објавената акција согласно условите на теренот

21/04/2026

На 18 и 19 април го реализиравме третото издание на „Поход по стапките на ветерските војводи“ — викенд што уште еднаш покажа зошто оваа тура станува традиција што се чека.

Тргнавме од Кожле со одлична енергија, а патеката не’ пречека со мало изненадување — краток дожд до Карабуниште, доволен само да ја освежи природата. Потоа, како по нарачка, времето се отвори и ни подари два совршени пролетни дена за движење, дружење и уживање.

Стигнувањето во Ветерско донесе токму тоа што го прави овој поход посебен — чувство на заедништво. Кампот брзо се претвори во мало планинарско село исполнето со смеа, разговори и нови пријателства.

Саботата имаше и еден момент што ќе се памети долго — пред да седнеме на заслуженото гравче, бевме сведоци на едно искрено и убаво „ДА“, што му даде посебна топлина на целиот ден. Потоа следуваше превкусното гравче од чичко Владо, а вечерта продолжи со скара, добра музика и логорски оган околу кој се создаваат најдобрите приказни. Ноќта ја поминавме под ведро небо, во шатори — баш како што треба.

Неделата не’ дочека мирно и сончево. Денот го започнавме со пржени кришки, сирење и јогурт — едноставно, а совршено. Потоа продолживме кон Јован Ветерски — место со силна историја, каде што се одвивале значајни настани од минатото. Од таму, преку мостот во Кожле, ја посетивме црквата Мала Богородица, задржувајќи се во мирот и убавината што ја нуди. Со полни срца и уште поубави спомени, се вративме назад во Кожле, заокружувајќи уште едно издание на оваа приказна.

Голема благодарност до сите учесници што со своето присуство ја направија турата тоа што е.

Посебна благодарност до нашите поддржувачи — , и — за довербата и поддршката.

Се гледаме повторно — таму каде што природата и Македонија не’ спојуваат. 🇲🇰

Планинарски поздрав! 👋🏻

19/04/2026

Посета на ферати во Печ, Косово.
Via ferrata Marimangat - тежина “C”
Via ferrata Ari - тежина “B” ⛰️

12/04/2026

Во секој чекор нагоре, во секоја патека што ја откриваме, ние планинарите секогаш трагаме по нешто ново.

По нови врвови, нови погледи… но и по нешто подлабоко.

А вистината е – најголемото откритие не е врвот, туку верата.

Во тишината на планината, најблиску сме до Бога.
Таму каде што срцето е чисто, а духот слободен.

🙏 Нека оваа светлина ни биде водилка на секоја патека.

Христос Воскресе! ✝️

Нека е честит Велигден!

Address

Skopje

Website

facebook.com

Alerts

Be the first to know and let us send you an email when PSK H2O Healthy Hike Outdoor posts news and promotions. Your email address will not be used for any other purpose, and you can unsubscribe at any time.

Contact The Business

Send a message to PSK H2O Healthy Hike Outdoor:

Shortcuts

Want your business to be the top-listed Gym/sports Facility in Skopje?