28/05/2026
Како управа на РК Радовиш изразуваме искрена благодарност до Живко Андонов за неговиот огромен придонес во развојот на ракометот во Радовиш.
Темелите на многу успешни ракометари и почетоците на ракометната приказна во нашиот град беа создадени токму благодарение на неговата посветеност, визија и љубов кон спортот.
Неговиот труд, несебичната работа и долгогодишната поддршка оставија траен белег во спортската историја на Радовиш и претставуваат инспирација за многу генерации млади ракометари.
Ви благодариме за сè што направивте за ракометот и за РК Радовиш!
Исто така, искажуваме искрена благодарност до Славјан Паунов за неговиот несебичен придонес кон клубот во изминатата деценија, како и за значајната улога во развојот и успесите на РК Радовиш.
Овој натпревар беше и последен во неговата играчка кариера – момент исполнет со емоции, почит и благодарност за сè што остави зад себе во дресот на Радовиш.
Со својата посветеност, борбеност и поддршка, Славјан остави траен белег во клубот и спортот во Радовиш, претставувајќи пример за многу млади генерации ракометари.
Благодарност за сите години посветени на РК Радовиш и среќно во новото животно поглавје!
