18/04/2026
-КОМУ МУ СМЕТА НАШИОТ КЛУБ?!?
-Финални натпревари 2026 година во младинка и кадетска конкуренција.
Почитувани љубители на спортот, финалните натпревари во младинските категории се круна на сезоната за секој клуб, а празник за одбојкта за сите гледачи и учесници, барема така ние сметаме, некои други очигледно НЕ!
Нашиот клуб секоја сезона во младинските категории забележува забележителни резултати, не постои сезона во која немаме освоено некои од првите три позиции во речиси сите категории, ние сме клуб како ретко кој друг во државата кој е насочен кон иднината на одбојката воопшто и најмногу вложуваме во младинските категории, што впрочем се гледа и од резултатите.
Нашиот клуб со години наназад продуцира репрезентативци, а во моментот активни репрезентативни во сениорската репрезентација се Филип Савовски(Панатенаикос), Тоше Ефремов(Словенија) и Стојче Арсов( УГД Штип), исто така во младинската и кадетската репрезентација имаме тројца наши претставници и уште неколку потенцијални, но сето ова изгледа дека не е доволно и не се почитува, туку напротив.
Резутлатите и продуцирањето на кадри спремни за повисоки дострели не доаѓа туку-така, секој што разбира знае дека тоа е продукт на многу вложен труд на тренерите во клубот, ретко кој во одбојката во Македонија има секој ден тренинг во сала плус три четири тренинзи наутро во тертана.
Но очигледно дека резултатите и нашиот клуб му сметаат некому!!??
Финалето во младинска конкуренција кое според календарот кој два пати во текот на сезоната се поместуваше се падна да се одигра на 19.04.2026 недела, датум кој се поклопуваше со ексурзијата низ Европа на дел од нашите играчи(четири).Ние реагиравме со официјално барање до ИО на ОФМ (барање кое не стигна до сите членови на ИО) за да ни се излезе во пресрет и да се помести календарот, иако имаше доволно време за да се најде соодветно решение, до тоа никако не дојде со разно разни образложенија и негирање што според нас е голем пораз и срам за одбојкта, ако се земе фактот дека дел од тој тим се младински репрезентативни-потенцијални идни сениорски репрезентативци. Вакви поместувања имаше секоја сезона, не е прв пат, но кога ние прв пат побаравме не убедуваа дека тоа е срамота, недозволиво, требало играчите да не одат на ексурзија (која е одамна договорена и ги чини нивните родители по 500 евра) итн.
Не почитувани, ние сме горди на нашите играчи во сите категории, со љубов и страст работиме многу година, но за што и чиј интерес работите Вие прашуваме Ние?
Да биде куршлусот уште поголем морало финалниот натпревар да се одигра во Скопје кај екипата финалист и згора на Се морало да има и домашни Скопски судии, а зошто па не додадете уште некое правило, на пример да започнува натпреварот со 1:0 во сетови за домаќинот...
Еве кога толку била битна победата на Скопската екипа, ние не мора да играме со пионери, на гостински терен, со домашни судии од Скопје, ете ви порачуваме уште денес да и ги поделите медалите и победничкиот пехар, да не чекаат до утре, Ние на ваков турнир не мора ни да учествуваме!
Нашиот клуб на 09.04.2026 достави и официјална понуда за организација на финални натпревари која вклучува многу бенефити за сите финалисти , за трето и прво место, понуда која нас финански ќе не чини, но кому тоа му е битно?
Идната недела се игра и финале во кадетска конкуренција во кое ние сме финалисти, но и тоа е однапред договорено да се игра во Струмица.
-Овие момци подолу на сликата се нашите ШАМПИОНИ тоа е нашата златна генерација,тие се наша ГОРДОСТ!!!
..во коментар е линк од минатогодишното финале во кадетска конкуренција, за да се види како се организира достоинствено едно финале.
