23/12/2025
По десет одиграни кола, познат е распоредот на натпреварувањето од вториот круг М16 лигата во машка конкуренција.
Вкупно осум екипи стигнаа до статусот на „Прволигаши“ кои овозможува директен пласман во доигрувањето за титула – државен првак во оваа М16 конкуренција на играчи родени 2010/11 и помлади.
Меѓу овие осум екипи стигна и нашата екипа „Кожув“ – Гевгелија, единствена од внатрешноста на Македонија во друштво на седум екипи од Скопје. Согласно системот за натпреварување овие осум екипи: Кожув, Ангели, МЗТ, Работнички АП, Работнички 2018, Вардар и Феникс и Водно Санс, ќе одиграат уште 14 кола, по што ќе бидат познати и стартните броеви за учество во плеј-офот.
Овој резултат го направија играчите кои се иднина на клубот: Костадин Поцков; Марко Горгиев; Филип Трајанов; Давид Мајсторов; Јован Андоновски; Томица Савов; Александар Бојмалиев; Гордан Миленковиќ; Стефан Дуев; Кристијан Алексов; Лука Челев; Милорад Кнежевиќ; Андреј Божинов; Кристијан Дагалев,
под раководство на тренерот Иле Ефимов.
За овој успешен проект застанаа раководството на клубот и Општина Гевгелија обезбедувајќи максимални услови и како материјални така и финансиски (сала за тренинзи и утакмици, патувања ,опрема и реквизити за истите) покривајќи ги комплетните трошоци за несметано учество во оваа „ADASTRA“ лига организирана во склоп на КФМ Кошаркарска Федерација на Македонија
