КК Пелистер Битола

КК Пелистер Битола Champions on the court since '48. Building athletes, fostering community, and redefining basketball.

Бронза за крај – Пелистер ја доби мајсторката со ТФТКошаркарите на Пелистер го освоија третото место за сезоната 2025/26...
23/05/2026

Бронза за крај – Пелистер ја доби мајсторката со ТФТ

Кошаркарите на Пелистер го освоија третото место за сезоната 2025/26 во кошаркарскиот шампионат на Македонија откако славеа со 86-90 на денешната мајсторка на гостински терен против ТФТ, за 2-1 во победи во оваа плејоф-серија. „Пелистерци“ на овој дуел беа дополнително ослабени со неиграњето на Брејси Дејвис, но сите останати покажаа и карактер и квалитет, давајќи свој придонес да се стигне до посакуваниот триумф.

Малешевиќ ја отвори мајсторката со тројка, по што Пелистер набрзина поведе со 2-7 со поените на Џенкинс. „Зелено-белите“ имаа целосна контрола над резултатот во првата четвртина, водеа со 6-12, потоа и со 15-23 по реализацијата на Крстевски, истиот кошаркар погоди тројка за 19-28, за првиот период сепак да заврши со 22-28 по тројката што за домашниот тим ја постигна Зафиров.

ТФТ успеа да се врати во вториот период, па по израмнувањето на 36-36 тренерот Даскаловски беше принуден да побара тајмаут во 16 минута од натпреварот. „Пелистерци“ се мачеа во нападот, но Стајиќ погоди две важни тројки и на одмор се замина со израмнети 44-44.

ТФТ отвори со водство од 50-44, но Пелистер набрзо се консолидираше, се врати резултатски, а потоа и повторно ја презеде контролата поведувајќи со 53-61 со серијата поени на Вилсон. Пелистер имаше и 53-65, но повторно краток период на невнимание му овозможи на домаќинот да се приближи на 61-65, за нов тајмаут на Даскаловски. Кризата во нападот продолжи, Пелистер не постигна ниту поен во последните три минути од третата четвртина, па во последниот период се влезе со 61-65 за битолскиот клуб.

*целиот извештај прочитајте го на линкот во био!

🟢⚪️Желба е „бронза“ – Пелистер ја спушта завесата за оваа сезона Пелистер денеска точно на пладне му гостува на ТФТ во с...
23/05/2026

🟢⚪️
Желба е „бронза“ – Пелистер ја спушта завесата за оваа сезона

Пелистер денеска точно на пладне му гостува на ТФТ во салата Н.Н. Борче во скопската населба Маџари, во последниот натпревар што „зелено-белите“ го играат за оваа натпреварувачка сезона.
Станува збор за мајсторка од серијата за третото место, по првите два меча резултатот е 1-1, па денешната пресметка ќе го даде одговорот дали Пелистер или ТФТ ќе ја заврши сезонава со „бронзено одличје“, како утеха по неостварената желба да се влезе во големото финале и да се бори за титулата.
Несреќниот пораз во Битола веќе е зад избраниците на тренерот Даскаловски, кои се решени со добра игра и победа вечерва да стават триумфален печат на сезоната.
Пелистер заслужжува победа за крај...🏀

Пследна битка за „бронзата“ со ТФТКошаркарите на Пелистер утре со почеток во 12 часот го играат својот последен овосезон...
22/05/2026

Пследна битка за „бронзата“ со ТФТ

Кошаркарите на Пелистер утре со почеток во 12 часот го играат својот последен овосезонски натпревар, во салата во скопско Маџари гостувајќи му на тимот на ТФТ во мајсторката од „малото финале“ за освојување на третото место во плејофот.
„Пелистерци“ минатиот викенд како гости го совладаа ТФТ во истата сала, но потоа ја пропуштија можноста на домашен терен да слават со 2-0 во оваа серија и да се закитат со бронзата.
Тој триумф на ТФТ во Битола значеше и мајсторка во Скопје за утврдување на победникот во оваа серија, дуел за кој „зелено-белите“ се подготвуваат.
„ТФТ е ривал што го почитуваме, но исто така и ривал кого два пати го победивме во последните триесетина дена. За жал, не успеавме да ја завршиме работата претходниот дуел во Битола, но желбата останува иста – да се слави уште еднаш над овој ривал и да се стигне до третото место. Поседуваме и квалитет и искутво за такво нешто, сакаме со победа да ја заокружиме оваа сезона“, порачуваат кошаркарите на Пелистер.

Пораз од ТФТ на последниот меч во Битола сезонаваКошаркарите на Пелистер во драматичен дуел загубија од ТФТ со резултат ...
20/05/2026

Пораз од ТФТ на последниот меч во Битола сезонава

Кошаркарите на Пелистер во драматичен дуел загубија од ТФТ со резултат 112-116 (по продолжение од пет минути), по што серијата за третото место во македонскиот шампионат сега е израмнета на 1-1, пред мајсторката што ќе се игра во Скопје. За „пелистерци“ ова беше последен домашен натпревар сезонава, избраниците на тренерот Даскаловски повторно одиграа одлично во нападот, но нешто послабата одбрана беше причина „зелено-белите“ да не слават на овој натпревар.

Првата четвртина донесе ефикасна кошарка, а Пелистер прв се одлепи резултатски, најпрвин поведувајќи со 13-8, потоа и со 15-10 со поените на Вилсон. Џенкинс и Малешевиќ донесоа водство од убедливи 20-12, но ТФТ успеа да се врати до крајот на четвртината, со тројката на Ташовски во самиот финиш намалувајќи на 30-29. Во вториот период се играше максимално израмнето, екипите се менуваа во водство, за ТФТ да замине на одмор со водство од минимални 51-52, по последните поени што ги постигна Вилсон во ова прво полувреме.

Во сличен ритам беше одиграна и третата четвртина што ја отвори Малешевиќ со поени за 52-53, но следеа мини-серии на двете страни со кои тимовите се менуваа во водство. ТФТ имаше 68-71 во своја полза, но Пелистер возврати преку Џенкинс и Дејвис поведувајќи со 73-71, не реализирајќи и неколку напади за поубедливо водство. Гостите од Скопје се вратија, подобро ја завршија четвртината и во последните десет минути влегоа со 75-81.

„Пелистерци“ далеку подобро влегоа во четвртиот период, па предводени од одличниот Џенкинс го свртеа резултатот во своја полза поведувајќи со 82-81. Цврстата одбрана придонесе ТФТ речиси четири минути да биде без постигнат поен, а по новата украдена топка и забивање на Џенкинс гостинскиот тренер мораше да побара тајмаут (84-81). Гостите се вратија, па при 88-90 Даскаловски беше принуден да земе минута одмор за да ги консолидира редовите на Пелистер.

*целиот извештај прочитајте го на линкот во био!

🟢⚪Против ТФТ за победнички печат на сезонатаКошаркарите на Пелистер денеска во 17 часот го пречекуваат ТФТ во вториот д...
20/05/2026

🟢⚪
Против ТФТ за победнички печат на сезоната

Кошаркарите на Пелистер денеска во 17 часот го пречекуваат ТФТ во вториот дуел од серијата за третото место во македонскиот шампионат.
Убедливата победа на првиот дуел во Скопје значеше и предност од 1-0 за Пелистер во серијата, па нашите „зелено-бели“ имаат можност со триумф денеска да стават печат на сезоната и да го осигураат третото место.
Шанса што никој во тимот на „пелистерци“ не ни помислува да ја пропушти. Веќе покажавме дека сме поквалитетни, се наоѓаме во подобра форма... сега останува тоа да го потврдиме на теренот во нашата Битола и да ставиме победнички печат на оваа сезона.🏀

Пелистер посакува победа на последниот меч во БитолаПелистер утре со почеток во 17 часот го игра вториот дуел од серијат...
19/05/2026

Пелистер посакува победа на последниот меч во Битола

Пелистер утре со почеток во 17 часот го игра вториот дуел од серијата за третото место против ТФТ, во нашата сала „Боро Чурлевски“ пред битолската публика.

Целта е јасна, по импресивното издание и убедливиот триумф во Скопје за водство од 1-0, на утрешниот дел со нова победа да се дојде до конечен триумф во серијата и да се освои бронзата за оваа сезона во македонскиот шампионат.

„На првиот натпревар покажавме и квалитет и карактер, максимално залагање и желба за триумф што не беше нималку лесно по оној пораз во мајсторката со МЗТ. Сега пред нас е нов предизвик, го играме последниот натпревар во Битола за оваа сезона. Благодарни сме им на навивачите за поддршката што ни ја даваа сите овие месеци, сакаме да им се оддолжиме со триумф за крај на сезоната и да го освоиме третото место“, порачуваат кошаркарите на Пелистер во пресрет на утрешниот натпревар.

Пелистер убедлив на гостувањето против ТФТПелистер направи голем чекор кон освојување на третото место сезонава откако б...
16/05/2026

Пелистер убедлив на гостувањето против ТФТ

Пелистер направи голем чекор кон освојување на третото место сезонава откако битолчани денеска славеа на гостувањето против ТФТ со убедливи 87-109, во првиот натпревар од серијата на „малото финале“. „Пелистерци“ одиграа перфектни 40 минути на офанзивен план, дојдоа до предност во раната фаза на мечот и заслужено стигнаа до победата.

Уште во првата четвртина стана јасно дека Пелистер е помотивиран на овој натпревар, избраниците на Даскаловски одиграа квалитетно од самиот почеток, со поените на Малешевиќ и на Крстевски се одлепија до 12-21, а до крајот ја добија четвртината со 20-30, иако за момент имаа и 16-30 во своја полза.

Вториот период мина во израмнета борба, „пелистерци“ на одмор заминаа со водство од 48-57. За разлика од минатото кога им се случуваше пад на концентрација во вториот дел да ги чини пораз, овојпат кошаркарите на Пелистер одиграа максимално фокусирано, не дозволувајќи победата во ниту еден момент да биде доведена во прашање. Третата четвртина заврши со нивно водство од 71-84, за на крајот „пелистерци“ заслужено да слават со преубедливи „плус 22“.

Прв стрелец на Пелистер беше Вилсон со 27 поени, Џенкинс имаше 26, додека Малешевиќ одигра импресивен меч со 24 поени, 10 скокови и 7 асистенции.

Вториот натпревар од оваа серија ќе се игра во Битола, каде евентуален триумф на Пелистер ќе значи и освојување на третото место за оваа натпреварувачка сезона.

⚪🟢Прва битка со ТФТ за третото место во плејофотПелистер денеска точно на пладне излегува на мегдан со ТФТ (12 часот, са...
16/05/2026

⚪🟢
Прва битка со ТФТ за третото место во плејофот

Пелистер денеска точно на пладне излегува на мегдан со ТФТ (12 часот, сала Н.Н. Борче во скопската населба Маџари), во првиот дуел од серијата за третото место во македонскиот плејоф.
Слабата трета четвртина во мајсторката со МЗТ Скопје беше скапо платена, па пред „пелистерци“ сега е поинаков предизвик, да го извлечат најдоброто од себе по тој разочарувачки пораз пред неколку дена.
ТФТ е ривал што убедливо го победивме пред нецел месец во Битола, екипа што има шест порази во низа во сите натпреварувања и што сигурно ќе сака да ја прекине таа „црна серија“.
На битолските „зелено-бели“ е да одиграат онака како што знаат бидејќи доколку тоа се случи, резултатот нема да изостане, ќе се стигне до победа и шанса на вториот меч во Битола да се стави печат на „бронзата“ за оваа натпреварувачка сезона.

Битка за бронзата со ТФТСонот наречен финале не се исполни, но тоа не значи и крај на сезоната – Пелистер го очекуваат б...
15/05/2026

Битка за бронзата со ТФТ

Сонот наречен финале не се исполни, но тоа не значи и крај на сезоната – Пелистер го очекуваат битки за третото место со тимот на ТФТ, што почнува утре со почеток во 12 часот во салата во скопската населба Маџари.

Најтешкиот дел ќе биде да се најде мотивација, но „зелено-белите“ покажаа карактер во изминатите месеци и подготвени се истото да го сторат и на утрешниот дуел.

Бронзата нека биде награда за сиот напор вложен од стартот на оваа сезона, во која Пелистер за првпат играше европско натпреварување, одигра бројни квалитетни мечеви, донесе радост на спортска Битола...

Серијата меѓу ТФТ и Пелистер се игра до две забележани победи, а вториот натпревар ќе биде одигран во „Боро Чурлевски“ во Битола.

Пелистер запрен во полуфиналето од МЗТ СкопјеПелистер не успеа да се пласира во големото финале од плејофот откако „зеле...
13/05/2026

Пелистер запрен во полуфиналето од МЗТ Скопје

Пелистер не успеа да се пласира во големото финале од плејофот откако „зелено-белите“ го загубија вечерашниот решавачки дуел со МЗТ Скопје со резултат 87-58. „Пелистерци“ имаат за што да жалат ако се знае дека одиграа квалитетно прво полувреме, но падот на концентрацијата во третиот период (29-5) се покажа клучен за оваа мајсторка да не заврши со посакуваниот исход за битолчани.

Лука Стојановски ги постигна првите поени во мајсторката за 0-2, а Пелистер подобро го отвори мечот и преку Стајиќ поведе со 4-10. МЗТ се врати израмнувајќи на 10-10, но Стајиќ и Малешевиќ беа прецизни и „зелено-белите“ пак поведоа, овојпат со 10-15. Малешевиќ погоди тројка за 15-18, но МЗТ до крајот на првата четвртина го сврте резултатот во своја полза и овој дел од мечот заврши со минимални 20-19 за домашниот состав.

Аеродромци беа подобри на самиот старт од вториот период, поведоа со 25-19, но Џенкинс со две реализации го запре налетот на домашниот тим, враќајќи го Пелистер во ритам. Пелистер имаше негатива во поголем дел од оваа четвртина, но Крстевски погоди важна тројка, потоа и Малешевиќ реализираше од полуконтра, резултатот беше израмнет на 34-34, по што на одмор се замина со израмнети 37-37.

Пресуден се покажа стартот на третата четвртина, што МЗТ го почна со серија од 9-0 за нешто повеќе од две минути, по што Даскаловски побара тајмаут. Советите не помогнаа, па негативата порасна на 11 поени (48-37) пред Лука Стојановски да ги постигне првите поени за Пелистер во оваа четвртина (24. Минута). Тоа не го запре налетот на домашниот тим, кој во 25. Минута поведе со 54-39, нешто подоцна и со 57-39, за нов тајмаут на стратегот на Пелистер. Ситуацијата на теренот не се промени, Пелистер погоди само еден шут од поле за десет минути и ја заврши четвртината со преубедлива негатива од 66-42.

*целиот извештај прочитајте го на линкот во био!

Address

Bitola
7000

Website

Alerts

Be the first to know and let us send you an email when КК Пелистер Битола posts news and promotions. Your email address will not be used for any other purpose, and you can unsubscribe at any time.

Contact The Business

Send a message to КК Пелистер Битола:

Shortcuts

Share

Category