Niki Naka

Directions

Niki Naka مملكة الشريفة 🇲🇦🇲🇦🇲🇦🇲🇦

درس في الوفاء والصداقة الصادقة التي افتقدناها في زمننا هذا❤️❤️❤️❤️❤️❤️❤️❤️❤️❤️❤️❤️
24/10/2026

درس في الوفاء والصداقة الصادقة التي افتقدناها في زمننا هذا❤️❤️❤️❤️❤️❤️❤️❤️❤️❤️❤️❤️

سمعوا اخر مكاين الدجاج راه وصل ب 27 درهم نعام اس !! في نهار واحد تزادت 5 دراهم دفعة واحدة .. خاصنا شي عوضي آخر ولا كيفاش...
24/10/2026

سمعوا اخر مكاين
الدجاج راه وصل ب 27 درهم نعام اس !! في نهار واحد تزادت 5 دراهم دفعة واحدة .. خاصنا شي عوضي آخر ولا كيفاش ؟ قالك السبب هو المازوط ؟ على المازوط شحال كان داير ملي كان الدجاج ب 17 درهم غير قبل شهور ؟ شحال تزاد في المازوط درهم ؟ وازيد درهم نعام اس في الكيلو هي 18 درهم .. نتا كيزيدو عليك درهم في المازوط كتضربها في 10 !!!

الاخوان انا بعد طلع ليا هاذا فراسي كل مرة "خربوشةحولي الباب " واش حتا نتوما بحالي 🧐 🐔
24/10/2026

الاخوان انا بعد طلع ليا هاذا فراسي كل مرة "خربوشةحولي الباب " واش حتا نتوما بحالي 🧐

🐔

شي واحد اشرح ليا اش باغي وشيد اوصل لينا 😡😡حماضيتي بزاف واش باقيين كتفرجو فييه 🐔
24/10/2026

شي واحد اشرح ليا اش باغي وشيد اوصل لينا 😡😡
حماضيتي بزاف واش باقيين كتفرجو فييه
🐔

شكون مازال عاقل علا هاد 2 🤨🤨شفتي كيدار سعودي لشلييح ديالنا 🤣🤣
24/10/2026

شكون مازال عاقل علا هاد 2 🤨🤨
شفتي كيدار سعودي لشلييح ديالنا 🤣🤣



شكون مازال كيتفرج فهادا باقي كيسحابلييه بنادم معايقش بييه 🤨 🐔
24/10/2026

شكون مازال كيتفرج فهادا باقي كيسحابلييه بنادم معايقش بييه 🤨
🐔

📢 عندك فكرة مشروع وباغي تحوّلها لواقع فـ 2026؟ 🇲🇦💰 المبادرة الوطنية للتنمية البشرية (INDH) ممكن تكون فرصة ليك باش تبدا م...
24/10/2026

📢 عندك فكرة مشروع وباغي تحوّلها لواقع فـ 2026؟ 🇲🇦

💰 المبادرة الوطنية للتنمية البشرية (INDH) ممكن تكون فرصة ليك باش تبدا مشروعك وتخطو أول خطوة نحو الاستقلال المادي، حسب البرامج المتاحة وشروط الاستفادة.

💡 واش كتفكر تطلق مشروع ديالك فشي مجال بحال:
✂️ الحلاقة والتجميل
📱 إصلاح الهواتف والخدمات الرقمية
🧵 الخياطة وصناعة الملابس
🐔 الفلاحة وتربية المواشي
🍔 التجارة والمشاريع الصغيرة
🚐 النقل والخدمات المهنية

⚠️ ولكن ردّ البال! ماشي كل مشروع كيستافد من الدعم، وماشي كل برنامج عندو نفس الشروط أو مبلغ التمويل.

📋 قبل ما تقدّم الطلب، خاصك تعرف:
✅ شكون عندو الحق يستافد؟
✅ شنو الشروط والوثائق المطلوبة؟
✅ واش خاصك تساهم بجزء من رأس المال؟
✅ فين تودع الملف ديالك؟
✅ شحال ممكن تستافد، وكيفاش كتتم دراسة المشروع؟

📌 نصيحة: قبل ما تصرف فلوسك أو تبدا المشروع، تأكد من المعلومات عند قسم العمل الاجتماعي بالعمالة أو الإقليم التابع ليه.

👇 عندك فكرة مشروع؟ كتب لينا فالتعليقات شنو هو، وفأي مدينة باغي تبدا، باش نساعدوك تعرف منين تبدا!

🚨مباراة التعليم 👩‍🏫 بعد أسبوعين بالضبط ✅تم إعتماد 45 سنة كشرط للمباراة 💁✅المصدر :المرادي مصطفى..استاذ مكون بالمراكز الجه...
24/10/2026

🚨مباراة التعليم 👩‍🏫 بعد أسبوعين بالضبط
✅تم إعتماد 45 سنة كشرط للمباراة 💁
✅المصدر :المرادي مصطفى..استاذ مكون بالمراكز الجهوية

🔴 تخيل كاميو ديال الخضرة جاي من دكالة لكازا .. هاديك الخضرة ممكن تتباع خمسة المرات عاد توصل للمواطن فممكن الفلاح يبيعها ...
24/10/2026

🔴 تخيل كاميو ديال الخضرة جاي من دكالة لكازا .. هاديك الخضرة ممكن تتباع خمسة المرات عاد توصل للمواطن فممكن الفلاح يبيعها بدرهم للكيلو و المواطن يشريها بسبعة دراهم بدعوى ان لمازوط غالي و السلعة مكايناش مع انه ستة دراهم دخلات غير لجيوب الفراقشية باردين الكتاف ، لذلك لقجع اعلن انه باغي يبدل الطريقة اللي كتوصل بيها المواد الغذائية للمغاربة بإحداث 6 شركات جهوية لمحاربة المضاربة وتنظيم السوق (🔴الفيديو أول تعليق👇)، ولكن كيفاش غادي تخدم هاد الشركات، وشنو تقدر تبدل فالثمن اللي كيخلص المواطن كل نهار؟ باش نفهمو هاد المشروع مزيان، خاصنا نشوفو شنو كيوقع للمنتوج من الفيرمة حتى كيوصل للطبلة ديال المواطن، وشنو تعلمنا من تجارب دول أخرى.

(المنشور طويل ايلا معندكش الوقت سجلو او بارطاجيه فالكونت ديالك )

سير على بركة الله .. المشكل اللي كيعاني منو المواطن المغربي هو أن الثمن اللي كيشري بيه الخضرة والمواد الغذائية ماشي هو بالضرورة الثمن اللي تباعت به عند الفلاح. الفلاح كيكون عندو المنتوج وباغي يبيعو، ومن بعد كتدخل مراحل ديال التجميع والنقل والتخزين والبيع بالجملة والبيع بالتقسيط، وكل مرحلة عندها المصاريف ديالها والربح ديالها. ولكن فبعض الحالات، كثرة الوسطاء وضعف التنظيم والمضاربة وغياب المنافسة الحقيقية كيزيدو يطلعو الثمن، حتى كيولي المواطن كيخلص أضعاف الثمن اللي خرج به المنتوج من الضيعة.

🟢 هنا كتجي الفكرة اللي أعلن عليها فوزي لقجع خلال تقديم مشروع قانون المالية لسنة 2027، وهي إحداث 6 شركات جهوية لتجميع وتوزيع المنتجات الفلاحية، باستثمار معلن عليه فحدود مليار درهم .. الهدف هو أن الدولة تدخل لتنظيم جزء مهم من الطريق اللي كيدوز منها المنتوج، من عند الفلاح حتى كيوصل للأسواق، مع تحديث أسواق الجملة، وتشديد مراقبة الأسعار والمخزونات، وإعداد مخططات موسمية لضمان توفير المواد الأساسية بحال البطاطس والبصل والطماطم واللحوم الحمراء والسردين وزيت الزيتون.

🟢 باش نفهمو كيفاش يقدر هاد النظام يخدم، ناخدو مثال ديال فلاح عندو كمية مهمة ديال الطماطم. فالوضع العادي، يقدر يضطر يقلّب على الشاري، ويتفاوض معاه، ويخلص مصاريف النقل، وفالأخير يبيع المنتوج بثمن ضعيف، خصوصاً إلا كان عدد كبير من الفلاحين عندهم نفس المنتوج فداك الوقت. من الجهة الأخرى، إلا كان المنتوج قليل والطلب عليه مرتفع، يقدر الثمن يطلع بسرعة، والمستهلك هو اللي كيخلص الفرق.

🟢 مع وجود شركة جهوية كتجمع المنتوجات، يقدر الفلاح يبيع كمية كبيرة فعملية وحدة، والشركة تجمع إنتاج عدد من الفلاحين، وتفرزو حسب الجودة، و تقادّو، وتنظّم النقل و التوزيع ديالو على أسواق الجملة والمدن اللي محتاجاه. عوض ما يبقى كل فلاح كيقلب بوحدو على الشاري، وعوض ما يبقى كل تاجر صغير كيقلب بوحدو على مصادر مختلفة للسلعة، كتولي كاينة منظومة منظمة كتجمع العرض وكتسهّل عملية البيع والشراء.

🟢 ولكن الخدمة ما كتوقفش هنا. الشركة خاصها ايضا تنظم التخزين والنقل، وتستعمل مخازن التبريد بالنسبة للمنتوجات اللي كتحتاجها، وتعرف شحال من كمية متوفرة، وفين كاين الطلب، وفين ممكن يوقع الخصاص. إلا كان المنتوج متوفر بكثرة فجهة معينة، تقدر توجه جزء منو لجهات أخرى اللي فيها الطلب مرتفع، وبهذا يمكن تنقص مصاريف النقل العشوائي وتقلل من ضياع المنتوجات قبل ما توصل للمستهلك.

🟢 دابا ناخدو مثال افتراضي باش نفهمو تأثير المصاريف على الثمن. تخيلو أن الفلاح باع كيلو ديال الطماطم بدرهمين، وزادت عليه مصاريف النقل والتجميع والتوضيب بـ80 سنتيم، والتخزين والتوزيع بالجملة بـ70 سنتيم، ومن بعد زاد تاجر التقسيط المصاريف ديالو والربح ديالو بدرهم ونصف. فهاد المثال، الثمن النهائي غادي يوصل لـ5 دراهم للكيلو..

🟢 إلا قدرات الشركة تنظم النقل والتجميع وتنقص المصاريف الزائدة بدرهم واحد مثلاً، غادي يتوفر المجال باش ينقص الثمن النهائي، أو يتحسن مدخول الفلاح، أو يستافد التاجر من مصاريف أقل. ولكن هنا كاينة نقطة مهمة: التخفيض ما غاديش يوصل بالضرورة للمواطن بوحدو. خاص المنافسة والمراقبة يضمنو أن جزء من هاد التخفيض يبان فعلاً فالثمن اللي كيخلص المستهلك.

🟢 وهنا خاصنا نفرقو بين الوسيط اللي كيقدم خدمة حقيقية، بحال النقل والتخزين والتبريد وتمويل الشراء، وبين المضارب اللي كيستغل الخصاص أو الاحتكار باش يرفع الثمن. السوق محتاج للناس اللي كينقلو المنتوج وكيخزنوه وكيضمنو الوصول ديالو، ولكن ما خاصش شي جهة تستغل حاجة المواطنين للمواد الأساسية باش تفرض أثمنة مبالغ فيها.

🟢 هاد الفكرة ماشي جديدة فالعالم، وكاينين تجارب دولية كتورينا كيفاش تنظيم التسويق يقدر يبدل طريقة اشتغال السوق، ولكن حتى كيفاش بعض الإصلاحات تقدر تفشل إلا ما كانتش المراقبة والمنافسة حاضرة.

🟢 ففرنسا، كاين سوق رونجي الكبير قرب باريس، اللي بدا الخدمة فالموقع الحالي سنة 1969. هاد السوق كيجمع المهنيين والشركات اللي كيتعاملو فالخضر والفواكه واللحوم والسمك ومنتوجات غذائية أخرى. فيه فضاءات للبيع بالجملة وخدمات مرتبطة بالنقل والتخزين والتوزيع، وكيشري منو التجار والمطاعم ومهنيون آخرون بكميات كبيرة. ووفق المعطيات المنشورة حول النشاط ديالو، دازو منو حوالي 1.78 مليون طن من المواد الغذائية سنة 2022.

🟢 الدرس اللي يقدر المغرب يستافد منو هو أن سوق الجملة ما خاصوش يكون غير فضاء كبير كيتجمعو فيه التجار. خاصو يكون منظومة متكاملة فيها التخزين والنقل والتبريد والمراقبة والمعلومات على الأسعار والكميات، باش عملية البيع والشراء تولي أسهل وأكثر شفافية، وتنقص المصاريف اللي ما عندها حتى فائدة بالنسبة للفلاح والمستهلك.

🟢 تجربة أخرى مهمة كاينة فالهند، وهي تعاونية أمول للحليب اللي تأسسات سنة 1946. عدد من منتجي الحليب كانو كيعتمدو على التجار والوسطاء، والحليب بطبيعتو سريع التلف وما كيقدرش يبقى عند الفلاح مدة طويلة حتى يلقى الشاري المناسب. الحل كان هو تنظيم المنتجين فشبكة كتجمع الحليب، وكتراقب الجودة، وكتتكلف بالتحويل والتصنيع والتوزيع. ومن بعد توسع هاد النموذج، وساهم برنامج «الفيض الأبيض» اللي بدا فالسّبعينيات فتطوير قطاع الحليب الهندي.

🟢 شنو الدرس بالنسبة للمغرب؟ الفلاح ملي كيخدم بوحدو، كتكون قدرتو على التفاوض محدودة، خصوصاً إلا كان المنتوج سريع التلف أو ما عندوش وسائل التخزين. ولكن ملي كيتجمع مع فلاحين آخرين، وكيولي عندهم حجم إنتاج مهم، كيقدرو يفاوضو على شروط أحسن، ويوصلو لأسواق كبيرة، ويستافدو من وسائل التخزين والنقل والتصنيع اللي ما كانوش يقدرو يوفرّوها بوحدهم. بطبيعة الحال، أمول تعاونية ديال المنتجين وماشي شركة حكومية كتوزع جميع المواد الغذائية، ولكن المبدأ المشترك هو أن تنظيم المنتجين والتسويق الجماعي يقدر يقوي موقع الفلاح فالسوق.

🟢 ولكن التجارب العالمية كتورينا حتى الوجه الآخر ديال الإصلاح. فالهند، بعض الإصلاحات اللي تبدلات بها طريقة بيع المحاصيل الفلاحية عطات نتائج مختلفة حسب الطريقة اللي تطبقات بيها. دراسة منشورة سنة 2021 لقات أن بعض الإصلاحات داخل الأسواق المنظمة ارتبطات بزيادة إجمالية قدرها 4% فالأثمنة اللي كيحصل عليها المنتجون، بينما فتح قنوات جديدة للبيع خارج الأسواق المنظمة ما سجلش تأثير واضح فهاد الدراسة، مع ملاحظة أن تركّز السوق عند عدد أقل من المتعاملين زاد فبعض الحالات.

🟢 المعنى هو أن فتح السوق أو إحداث شركات جديدة ما كيضمنش بوحدو المنافسة. إلا كانت الشركات الجهوية قليلة، وما كانش عند الفلاحين والتجار بدائل أخرى، ممكن الشركة نفسها تولي عندها قوة كبيرة ففرض شروط الشراء والبيع. لهذا خاص هاد الشركات تكون وسيلة لتنظيم السوق، ماشي احتكار جديد يعوض الاحتكارات القديمة.

🟢 وحتى تجربة تركيا فأسواق الخضر والفواكه كتأكد أهمية هاد النقطة. دراسة منشورة سنة 2015 فمجلة Food Policy لقات أن إصلاح سمح بتعامل مباشر أكثر بين الفلاحين وتجار التقسيط ساهم فنقص أثمنة الجملة، ولكن أثمنة البيع للمستهلك ما سجلتش تغيير واضح. بمعنى أن الثمن يقدر ينقص فواحد المرحلة، ولكن التخفيض ما يوصلش بالضرورة للمواطن.

🟢 لهذا خاص المغرب يراقب جوج أثمنة فآن واحد: الثمن اللي خرج به المنتوج من عند الفلاح، والثمن اللي وصل به للمستهلك. وخاص حتى تكون عندو معطيات على المصاريف ديال النقل والتخزين والتوزيع، باش يعرف واش الفرق بين الثمنين مبرر بالخدمات اللي تقدمات، او كاين هامش مبالغ فيه أو ممارسات احتكارية.

🟢 ومن بين أهم النقط اللي هضر عليها لقجع، كاين كذلك إعداد مخططات موسمية لضمان تموين الأسواق بالمواد الأساسية. هاد الجانب مهم، لأن الغلاء ما كيكونش دائماً بسبب الوسطاء. بعض المرات الإنتاج كيكون ضعيف بسبب الجفاف أو الظروف المناخية، و بعض المرات كتطلع كلفة الأعلاف والنقل، ومرات اخرى كيكون الطلب أكبر من الكمية المتوفرة. فهاد الحالات، حتى إلا كان التوزيع منظم، ما يمكنش نخفضو الثمن بشكل كبير إلا ما تعاملناش مع مشكل العرض والإنتاج.

🟢 كيفاش يقدر يخدم التخطيط الموسمي؟ قبل موسم الإنتاج، خاص تكون تقديرات لحاجيات السوق، والإنتاج المتوقع، والكميات المخزنة من الموسم السابق. إلا كانت المؤشرات كتشير إلى احتمال نقص البصل مثلاً، يمكن الاستعداد بكري من خلال تنظيم المخزون أو اتخاذ إجراءات مناسبة للإنتاج أو الاستيراد عند الضرورة، عوض انتظار حتى يطلع الثمن ويتضرر المواطن.

🟢 أما إلا كان الإنتاج متوفر بكثرة، فخاص التخزين والتوزيع يكونو منظمين باش ما يضطرش الفلاح يبيع بخسارة بسبب فائض المنتوج، وما تضيعش كميات مهمة قبل ما توصل للسوق. وبالنسبة للمنتوجات اللي قابلة للتخزين، يمكن توزيعها على مدة أطول حسب شروط الحفظ والجودة. هاد التخطيط ما كيخلقش المنتوج من والو، وما كيقدرش يلغي أثر الجفاف، ولكن كيعاون على الاستعداد للمشكل قبل ما يتحول لأزمة.

🟢 ونفس المنطق كينطبق على اللحوم الحمراء. إلا كان الثمن مرتفع بسبب غلاء الأعلاف ونقص القطيع، تنظيم التوزيع بوحدو ما غاديش يحل المشكل، وخاص إجراءات أخرى مرتبطة بالإنتاج الحيواني والأعلاف وتوفير القطيع. وبالنسبة للحبوب، كيبقى الإنتاج مرتبط بالتساقطات والمساحة المزروعة والمردودية، وهاد العوامل خاصها تدخل فالتخطيط المسبق.

🟢 باش ينجح المشروع، كاينين خمسة شروط أساسية. أولاً، الفلاح خاصو يربح والمواطن خاصو يخلص أقل. ماشي معقول الشركة تشري من الفلاح بثمن ضعيف وتبيع للمستهلك بثمن مرتفع، وتحتافظ هي بالفرق الكبير. خاص تكون أثمنة الشراء والبيع والمصاريف واضحة، وهامش الربح يكون معقول مقابل الخدمة اللي كتقدم.

🟢 ثانياً، الشركات خاصها تكون عندها الإمكانيات الحقيقية: مستودعات، وسائل نقل، مخازن التبريد فين ضرورية، أنظمة معلومات، وعقود واضحة مع الفلاحين والتجار. الشركة اللي ما عندهاش هاد الوسائل غادي تزيد غير حلقة جديدة فالسلسلة، بلا ما تنقص التكلفة.

🟢 ثالثاً، خاص المنافسة تبقى مفتوحة. الشركة الجهوية ما خاصهاش تولي المشتري الوحيد اللي مضطر الفلاح يبيع ليه، ولا الموزع الوحيد اللي خاص التاجر يشري من عندو. الهدف هو توفير بديل منظم فالسوق، مع بقاء إمكانية التعامل مع موزعين آخرين، باش ما يتحولش الإصلاح لاحتكار جديد.

🟢 رابعاً، خاص المراقبة تكون مبنية على الأرقام. إلا كان كيلو الطماطم خارج من الضيعة بثمن معين، خاص تكون إمكانية تتبع المصاريف والثمن فكل مرحلة حتى يوصل للمستهلك. وبهذه الطريقة يمكن التمييز بين ارتفاع مبرر بسبب النقل والتخزين، وبين هامش تجاري مبالغ فيه أو استغلال للخصاص.

🟢 خامساً، خاص النتائج تتقاس بالأرقام، ماشي غير بعدد الشركات اللي تأسسات. واش نقص الفرق بين ثمن الضيعة وثمن السوق؟ واش نقص تلف المنتوجات؟ واش ولى الفلاح كيتخلص فوقتو؟ واش ولات المواد الأساسية متوفرة باستمرار؟ واش المواطن بدا كيخلص أقل؟ هادو هما المؤشرات اللي خاص تحدد واش المشروع نجح ولا لا.

🟢 فالنهاية، خاصنا نفهمو أن تنظيم التوزيع ماشي هو التحكم الكامل فالثمن النهائي، ولكنه يقدر يكون خطوة مهمة لمحاربة المصاريف الزائدة والمضاربة وتحسين وصول المنتوجات للأسواق. إلا نجحات الشركات الست فتنظيم هاد الطريق، وتوفرت ليها الإمكانيات، وبقات المنافسة مفتوحة، يقدر الفلاح يستافد من سوق منظم، والتاجر يلقى السلعة بسهولة أكبر، والمواطن يستافد من توزيع أكثر نجاعة.

🟢 أما إلا تزادت الشركات بلا وسائل كافية، وبلا شفافية فالأثمنة، وبلا مراقبة حقيقية، فممكن تولي غير حلقة أخرى وسط الحلقات اللي كاينة دابا. وهادشي علاش خاصنا نفرقو بين الإعلان على المشروع وبين تحقيق النتائج ديالو على أرض الواقع. هناك توجه حكومي لإحداث هاد الشركات ضمن مشروع قانون المالية لسنة 2027 و ممكن نشوفو هاد الخدمة من بعد عامين تقريبا

🟢 النجاح الحقيقي غادي يبان ملي يولي الفلاح كياخذ ثمن منصف، والتاجر كيلقى المنتوج متوفر، والمواطن يلقى المواد الأساسية بثمن معقول، بلا ما يبقى كل موسم إنتاج جديد كيتحول لمعاناة جديدة مع الغلاء. لأن محاربة الغلاء ما كتحتاجش غير مراقبة الثمن اللي كيشوف المواطن فالسوق، ولكن حتى إصلاح الطريق كاملة اللي كيدوز منها المنتوج، من الضيعة حتى للطابلة ديالو.

#المغرب #الغلاء #الفلاحة

وحد سيد  ملقب stito في كازا في أناسي ´ طلع فرق البوطو بغا ين.ت.. عيطو ليه على صاحبتو👩🏻‍🦰جات قالت ليه هبط ا ستيتو راه كاي...
24/10/2026

وحد سيد ملقب stito في كازا في أناسي ´ طلع فرق البوطو بغا ين.ت.. عيطو ليه على صاحبتو👩🏻‍🦰جات قالت ليه هبط ا ستيتو راه كاين الشراب 🍻🍺نمشيو نشربو انا وياك و ندوز احسن ليلة !! تلاح باش نديك معايا ❤️انا ياك استيتو تخليني و تمشي ؟ مسكين هبط على ودو و سعدو باش يمشي يضرب شريبة !!😉

Address

Tangier

Website

Alerts

Be the first to know and let us send you an email when Niki Naka posts news and promotions. Your email address will not be used for any other purpose, and you can unsubscribe at any time.

Shortcuts

Share