12/05/2026
القرار لي خرجات لجنة المسابقات التابعة للجامعة بخصوص مباريات كاس العرش ، لي فيه أنه الفرق لي معندهاش تيران مستوفي للشروط خاص يلعبو فملعب الخصم إجباريا، هذا قرار غير قانوني ،
الباب الثاني من قانون المسابقات ديال الجامعة كيقول فالفقرة 5 لي مخصصة لكاس العرش أنه ،
عند عدم توفر ملعب الفريق المستقبل على الشروط المطلوبة، تقرر الجامعة برمجة المباراة في أقرب ملعب يستوفي المعايير، يقترحه الفريق المستقبل، ولا يمكن بأي حال أن يكون ملعب الفريق الخصم.
كون كنا فبلاد كتحترم نفسها , كنا غانسمعو استقالة ، حيت هذا راه ماشي خطأ عادي ، هذا راه قرار مصيري ، وأنه يتخاد قرار مصيري من عند شخص ماكيعرفش القانون ديال الجامعة لي خدّام فيها هادي راه فضيحة ،
وهاد التعامل الغير محترم مع كأس العرش خاصو تدخّل من صاحب الجلالة ، حيت هاد الكأس ديال سيدنا وتعرضات لتهميش كبير ، سواء من ناحية الجوائز المالية ولا التنظيم ولا فضيحة اننا كنلعبو لكاس ديال الموسم الماضي فهاد لعام، ودابا يجي قرار بهاد الطريقة ، بحالا هاد الكأس ماكتحملش رمزية تاريخية ومعندهاش مكانة فكرة القدم الوطنية.
