18/09/2025
الموفمو خاصو يبقا نقي بعيد على هاد التفاهات، دازو سنين كلهم تضحيات واعتقالات ومواقف تجلات فتضامن المجموعات مع قضايا كبار و تجسدات روح التضامن بين المجموعات في مواقف كتيرة وقيمتها كبيرة، هادشي كيدل على أن الموفمو ساسو صحيح بالرغم من الاختلافات والانتماءات، بحال هاد اللقطات مبغيناهمش مهدمو كل ما تبنا، الموفنو بريئ، الموفمو خاصو يبقا وغادي يبقا بالإختلاف ديالو على أي مجال آخر، مكرهناش منبقاوش نشوفو بحال هاد التصرفات من أشخاص تعطاتهم أكتر من قيمتهم، بغينا المشجعين يعطيو قيمة لهاد الموفمو لي عايشينو ويقدروه ويعرفو طريقهم مزيان. مبغيناش نكونو دمى كيحركنا شي حد.
أسهل حاجة ليوم كانت هيا نركبو علا موجة ديال لكلاسيكو، و عرفنا من البارح عودة السود، مي حتارمنا la décision ديال لگروبات بجوج وخا عرفنا شوية الخبايا.
من حق إلى شعب لقا راسو فالتفاهة، و ما عمر كنا مسوقين ل هاد l’clown مي نهار تتقيسنا خاسنا ندويو.
كنا ديما ضد لادروگ و تكلاخ، و تانحولو نعالجو مواضيغ باش نزيدو شويا بهاد الموڤمون و الجنيراسيو الجديدة لي تانشوفو فيهم خوتنا صغار، مي باش بوزبال ولا تي رض أحسن موفمون كونسيبط و ولاو لي باج ديال لكيلو تيدويو علينا و ولينا تراند مورا ما كنا دومين تيخلع و كولشي تيخاف يجبدو.
الأولطرا أقوى موڤمون، و مومبر أولطرا هوا لفري أگزومبل ديال l’élite فلا سوسييطي، نهار تشوف راسك ما كاينش فهاد الفيلتر و شفتي فهاد الأكط ديال المالكي عادية ولا حاجة تا ضحك عرف را لكراك باش أنسطاليتي هاد الموڤمون را غير فايك.
دراري ريسبيكطيو هاد الهيت، و ما طبعوش معا بحال هاد لي زاكط كيفما كان لگروب ديالك، هاد لهبيل virus ضرب لا سوسييطي و بقينا ليه غير حنا و جا جرب فينا، و ما عمرنا نكونو حيط صغير.
