25/03/2026
#الوداد #اولمبيك اسفي #كأس الكونفدرالية
كلشي كايتكلم على خسارة الوداد بانها خسرات راسها براسها فبزاف المنابر الإعلامية وهادشي راه تبخيس للفريق اولمبيك اسفي لي كان كايستحق التأهل بجدارة أداء و نتيجة. فاش الوداد كانت كتربح ب 3 و ريمونتادا كانت واعرة دبا رجعتوها نااقصة والله مكتحشمو. الى كاان الوداد عندها مشاكل راه اولمبيك اسفي غاارقة مشاكل كتر منها و نزيدك اسفي غيرات المدرب 2 مرات هاد الموسم في حين الوداد كان عندها استقرار في الطاقم التقني بلا ماتبقاو غيير داويين و تخرجو عينيكم.
كرويا طريقة باش دخلات اسفي المقابلة صدمات الوداد مكانوش ماتوقعين ديك الطريقة خصوصا مدرب الوداد حيت كان داير في الذهن ديالو اندخلو الماتش بحال لي لعبنا ضد الرجاء حيت خلينا ليها الكرة و تراجعنا الوراء ولعبنا ب كوني فالهجوم لي ضعيف ف بريسينغ في حين مااتش الوداد لعبنا بالخنوس فالأمام و لي كايجيد البريسينغ ( نصيري ديال اسفي) و هاد سيناريو هوا لي خربق بنهاشم و خلاه يغير بن ايدر حيت كان معول اسفي اتخلي ليه البالون و تلعب كونتر اطاك وهاد تغيير ديال بن ايدر هوا لي خلا دفاع اولمبيك اسفي يرتاح و زاد عطانا اريحية باش نزيدو ف بريسينغ لي نتج عليه ضربة الجزاء ديال اولمبيك.
بالنسبة للهدف تاني ديال اسفي ماشي الخطأ ديال زياش بل دهاء و ذكاء ديال الراحولي لي خلاه يربح ديك الكورة ماشي زياش لي خطأ الراحولي لي كان وااعر .
لو كان عند اسفي شي جناح ناضي بحال ديارا لي بانت بلاصتو والله حتا كانو ايديو شي 3-0.
من لخر اسفي تستحق الإنتصار و التأهل .
بارطاجي باش توصل لكولشي و توصل لدوك المنابر الحݣارة.
