04/10/2026
أيوب بوعدي 💎🇲🇦 واحد من ابرز النقاط المضيئة في صفوف المنتخب الوطني اليوم أمام مالي رفقة ياسين بونو.
فوسط روينة ديال التعجان و الديشي فالتمرير و تضييع الفرص ومستوى مخيب للأمال من أغلب اللاعبين بوعدي كان واحد الشمعة مضوية فوسط الميدان.
بوعدي بين لينا الفوراق الكبيرة بينو وبين أغلب لاعبي المنتخب بالجودة ديالو السوبر لي غادي تخليه لعاب كلاس مونديال قادم بقوة مستقبلا إن شاء الله.
برغم من ضغط العالي من المنتخب المالي بوعدي كان كيعرف يمتص الضغط ديالهم بالزرانة و الهدوء ديالو المميز و الثقة المرعبة في امكانياته ، عجبتني اليوم الشراسة ديالو في الافتكاك و استرجاع الكرات والنزالات الثنائية، انقدنا من هدف محقق بعدما حيد الكرة ديال البيت فالوقت المناسب و الحاسم من قدم اللاعب المالي.
أيوب خلق 2 الفرص ديال التسجيل، بلغت دقة تمريراته ل92%، قدم 4 المساهمات دفاعية، قطع 2 تمريرات، استرجع 3 الكرات، ربح جميع النزالات الثنائية 5/5 اللهم بارك، تحصل على تنقيط 7.2.
