Lmatch_bdarija

Lmatch_bdarija Blog Personnel

مجريات للشوط الأول ما كانتش كاتوحي أن الميلان غياربح الناتش. لاعبي إنتر تراخاو فالشوط الثاني ؤ مستواهم البدني نقص ؤ حتى ...
05/02/2022

مجريات للشوط الأول ما كانتش كاتوحي أن الميلان غياربح الناتش. لاعبي إنتر تراخاو فالشوط الثاني ؤ مستواهم البدني نقص ؤ حتى البدلاء ماكانوش على مستوى الأساسيين. من جانب ميلان دخول دياز ؤ حسم جيرو خلا الميلان يرجع و يحقق فوز غايشعل كثر المنافسة على الكالتشيو هاد العام. هنيئا لجمهور ميلان الانتصار فمباراة أوفت بجميع وعودها.
#ميلان #كالتشيو

انتر متفوق بشكل كاسح على كيلان في الديربي. النيراتزوري كان هو المسيطر ؤ زكلو العديد من الفرص قبل ماتكافءهم الكرة فنهاية ...
05/02/2022

انتر متفوق بشكل كاسح على كيلان في الديربي. النيراتزوري كان هو المسيطر ؤ زكلو العديد من الفرص قبل ماتكافءهم الكرة فنهاية الشوط. باريلا ؤ دومفريس كانو مصدر إزعاج كبير لتيو هيرنانديز ؤ وسط الميدان د إنتر حجم وسط ميدان ميلان. لولا مينيان الميلان كان غايخرج بنتيجة كبيرة ؤ الروسونيري عامة ماكانش كيقدر يتحول بسرعة من الدفاع للهجوم و ما ستاطعش يهرس التنظيم الدفاعي للنيراتزوري. إلا بقى الماتش هاكا انتر غاتربح. ميلان عندها لعابة بحال دياز ؤ كرونيتش لي يقدرو يحسنوا الشكل الهجومي فالشوط الثاني.
#ميلان

خيبة جديدة و من يتحمل مسؤوليتها المدرب.فلسفة زائدة و تغيير للتشكيل كل مباراة. الحدادي أساسي. الإصرار على النصيري. و الكا...
30/01/2022

خيبة جديدة و من يتحمل مسؤوليتها المدرب.فلسفة زائدة و تغيير للتشكيل كل مباراة. الحدادي أساسي. الإصرار على النصيري. و الكارثتان الكبيرتان تراجع غير مبرر بعد الهدف المبكر عوض البحث عن تعزيز الأفضلية إضافة لإخراج بوفال أفضل لاعبي المنتخب مع حكيمي في الدقيقة الستين الذي كان هدية للمنتخب المصري أراحهم من إزعاجاته. عقدة كأس إفريقيا ستظل مرافقة لنا ما دمنا لا نتعلم من الأخطاء. خروج مخيب في انتظار نكسة أخرى قد تكون عدم بلوغنا كأس العالم القادم و هو وارد للغاية.
#المغرب #مصر

رسميا فلاهوفيتش كينتاقل لليوفي شيء لي غايخلي بزاف د الناس يتعرفوا عليه أكثر. مهاجم بالنسبة ليا شخصيا من الأفضل فالعالم ؤ...
28/01/2022

رسميا فلاهوفيتش كينتاقل لليوفي شيء لي غايخلي بزاف د الناس يتعرفوا عليه أكثر. مهاجم بالنسبة ليا شخصيا من الأفضل فالعالم ؤ بقاءو ف الدوري الإيطالي غاينفعو كثر من مايمشي للبريمييرليغ فين غايخصوا عاد يتأقلم مع الأجواء. خطوة مزيانة للاعب ؤ لليوفي ؤ غايشكل مع كييزا ملي غايرجع من الإصابة ثنائية مرعبة لأي خصم غاتواجهوا السيدة العجوز. #يوفنتوس

ليفربول بدات تحرك باش تحسم صفقة جناح بورتو لويس دياز. لويس ؤ جارود بوين لاعب ويستهام كانت ليفربول حاطة عينيها عليهوم بجو...
28/01/2022

ليفربول بدات تحرك باش تحسم صفقة جناح بورتو لويس دياز. لويس ؤ جارود بوين لاعب ويستهام كانت ليفربول حاطة عينيها عليهوم بجوج ؤ كانت ناوية تجيب واحد فيهم على الأقل ف الصيف. و لكن مع الاهتمام المتزايد ديال مانشستر يونايتد ؤ خاصة توتنهام ليفربول قرروا يجيبوا هاد اللاعب ف الميركاتو الحالي. العرض لي قدموه الريدز هو 45 مليون يورو زائد 15 مليون أخرى كمتغيرات. باقا حتى حاجة ماتحسمات و لكن معروف على ليفربول كاتضرب فالسكات ؤ هما دابا خدامين باش يساليو الصفقة.
#ليفربول #ميركاتو

بزاف ديال الأخبار كاتقول أن ديمبيلي مرحب أنه يمشي من البارسا فهاد الميركاتو الشتوي. البديل ديالو على حساب الصحافة الكتال...
27/01/2022

بزاف ديال الأخبار كاتقول أن ديمبيلي مرحب أنه يمشي من البارسا فهاد الميركاتو الشتوي. البديل ديالو على حساب الصحافة الكتالونية هو أداما تراوري في نطاق الإعارة تال نهاية الموسم. البارسا كاتفاوض دبا مع الولفز غي على واش إعارة مه إلزامية أو أحقية الشراء. الخروج ديال ديمبيلي غايخلي البارسا ايسجل حتى مهاجم ؤ ظهير أيسر إلا تعاقدت معاهم البارسا فهاد الميركاتو.
بخصوص أداما فيه غير السرعة ؤ القوة البدنية خص تشافي يخدم معاه بزاف على الإنهاء باش يستافد منو الفريق أما غا الجري بلا مايماركي من الأحسن يكلس ففرقتو ؤ يتعطى للزلزولي وقت أكثر فالتيران.
أما خروج ديمبيلي فبالنسبة ليا مزيان من جهة هو دايما مضروب يعني بحال تباع بحال بقى ؤ من جهة أخرى البارسا غتجنب يخرج فابور فالصيف، غتوفر الصالير ديالو ؤ غتقدر التعاقد مع لاعبين ينفعو الفرقة خاصة مهاجم رأس حربة ؤ ظهير عوض ألبا. فالنهاية الخروج ديابدل ديمبيلي دابا أحسن حاجة للطرفين.
#برشلونة

خصمنا فالربع هو بطل إفريقيا 7 المرات. منتخب كيعرف يربح واخا يكون فأسوء حالاتو ؤ عندهوم أفضل لاعب فالعالم حاليا. صحيح تا...
27/01/2022

خصمنا فالربع هو بطل إفريقيا 7 المرات. منتخب كيعرف يربح واخا يكون فأسوء حالاتو ؤ عندهوم أفضل لاعب فالعالم حاليا. صحيح تاريخيا حنا متفوقين عليهوم ؤ حنا عقدتهم و لكن مع هاد الجيل ؤ فكان 2017 وخا لعبنا حسن منهم فك منتخب مصر العقدة ؤ قصانا من نفس هاد الدور. على الورق جودة اللاعبين ديالنا ؤ تعودنا على الملعب ؤ الأجواء فياوندي كيرجحوا الكفة ديالنا و لكن تيبقى هادا ديربي عربي مكيخضعش إلا لحقيقة الميدان ضد خصم هادي هي بطولتو المفضلة ؤ دايما مرشح يربحها. نتمناو إن شاء الله نكملوا بنفس الجدية لي كانتعاملوا بيها مع الماتشات مع وحيد نحتارمو الخصم ؤ نركزوا قدام المرمى حيت لابقينا كانضيعو الفرص كيما الماتشات لي دازو كرة وحدة توصل صلاح يقدر يحسم بيها الماتش للفراعنة خاصة و أننا شفناهم البارح ضد الكوتديفوار لي من أحسن خطوط الهجوم فالبطولة كانو منظمين ؤ حجموا الخطورة ديالهم. الروح و القتالية لي لعبو بيها المصريين البارح مع الجودة لي كيمتلكوها فالخط الأمامي يقدرو يربحو أي منتخب فهاد البطولة.

و أخيرا المنتخب المغربي كيقدر يفك عقدة الدور الثاني ؤ كيحقق أول انتصار ليه من كان تونس 2004. البارح كان أفضل أداء للمنت...
26/01/2022

و أخيرا المنتخب المغربي كيقدر يفك عقدة الدور الثاني ؤ كيحقق أول انتصار ليه من كان تونس 2004. البارح كان أفضل أداء للمنتخب منذ تولي وحيد تدريب المنتخب. كاين لي تيغول أن مالاوي خصم ضعيف داكشي علاش بان المنتخب مزيان و لكن ماتش السينغال أفضل دليل على أنه نتا لي غاتسهل أو غاتصعب عليك الماتش. السينغال بقاو ضد الرأس الأخضر لي لاعبين ب 9 لعابة ؤ زغلو عليهم بزاف د الكواري تال الدقيقة 94 عاد ماركاو البيت الثاني ؤ امنوا التأهل للربع. فلافريك مابقاوش ماتشات ساهلين ؤ المهم مانتغروش ؤ نمشيو ماتش بماتش. جماعيا المنتخب متماسك ؤ عندنا فرديات لي يقدرو ايصنعو الفارق بحال بوفال لي هو ؤ أملاح أكثر المستفيدين من هاد الكان ؤ بطبيعة الحال حكيمي لي بعدم استدعاء زياش برز كثر. فالمجمل أداء ؤ نتيجة مزيانين نبنيو عليهوم ؤ منتغروش خاصة أننا غانلعبو ضد الكوت ديفوار لي من أفضل منتخبات هاد النسخة أو مصر لي واخا يكونو ناقصين ؤ حنا حسن منهم يقدرو يقصيونا ؤ كان 2017 خير دليل.
#🇲🇦

ليوم فرصتنا أننا نفوتو الدور الثاني لي مادزناهش من 2004 فتونس. تصريحات المدرب اللاعبين مافيهاش استسهال أو تعالي على الخص...
25/01/2022

ليوم فرصتنا أننا نفوتو الدور الثاني لي مادزناهش من 2004 فتونس. تصريحات المدرب اللاعبين مافيهاش استسهال أو تعالي على الخصم شيء لي كيخلينا نتفاءلوا. باستثناء فيصل فجر لي جاتو كورونا كاع اللعابة موجودين الماتش لأول مرة فهاد الكان. إن شاء الله ندوزو مالاوي ليوم ؤ نفكو عقدة هاد الدور الثاني.
#🇲🇦 #🇲🇦🇲🇦

"رب ضرة نافعة" هذا هو الوصف ديال الوضع د زياش دابا. استبعادو من كأس إفريقيا خلات زياش يستغل نقص مستوى بعض لاعبي تشلسي و ...
24/01/2022

"رب ضرة نافعة" هذا هو الوصف ديال الوضع د زياش دابا. استبعادو من كأس إفريقيا خلات زياش يستغل نقص مستوى بعض لاعبي تشلسي و ينتزع الرسمية شيء لي خلانا نشوفوه بدا كيرجع لمستواه خاصة و أنه كيلعبو توخيل كجناح أيمن ؤ هذا هو المركز المفضل ليه. نتمناو إن شاء الله ايكمل بنفس المستوى و تصلح الخلافات بينو ؤ بين وحيد حيت بانت بلاصتو فكأس إفريقياؤ الغياب ديالو على الدور الحاسم للتأهل لكأس العالم أكيد غيضرنا وخا نكونو ربحنا كاس إفريقيا. زياش أساسيتو و الإضافة لي لي كيقدم المنتخب لا تناقش.
#المغرب #🇲🇦

الكونغو الديمقراطية هو العقبة الأخيرة لبلوغ كأس العالم في قطر. صحيح أنه هو أسهل منتخب يمكن ملاقاته على الورق لكنها تظل م...
22/01/2022

الكونغو الديمقراطية هو العقبة الأخيرة لبلوغ كأس العالم في قطر. صحيح أنه هو أسهل منتخب يمكن ملاقاته على الورق لكنها تظل مباراة ملغومة إذا لم تأخذ بالجدية اللازمة لن نتمكن من حجز بطاقة العبور للعرس العالمي. في الحالة العادية المنتخب المغربي قادر على الانتصار ذهابا و إيابا لذا يجب عدم استسهال أو الإستهانة بهذا الخصم.
#المغرب

ماتشات فسان ماميس دايما تيكونو صعاب. فهاد الموسم لبارسا مطلوب منها حاجة وحدة هي تأهل لدوري الأبطال الموسم الجاي. فنظري أ...
21/01/2022

ماتشات فسان ماميس دايما تيكونو صعاب. فهاد الموسم لبارسا مطلوب منها حاجة وحدة هي تأهل لدوري الأبطال الموسم الجاي. فنظري أكبر عائق للوصول لهاد الهدف هو الإصابات شفنا فاتي لبارح تضرب عاوتاني ؤ غالبا غايغيب شهر على الأقل. إلا ماتحلش هاد المشكل صعيب نشوفو البارسا فالمراكز الربعة اللولين فالليغا.
#برشلونة

Address

Rabat

Website

Alerts

Be the first to know and let us send you an email when Lmatch_bdarija posts news and promotions. Your email address will not be used for any other purpose, and you can unsubscribe at any time.

Shortcuts

Share

Category