سرك في بير 😉
اكيد عزيزتي المرأة ،الأم ،الزوجة وانت كتعيشي يومياتك كتصادفك هموم 🥲مشاكل وصعوبات بعض المرات كتلقاي الي يسمعك ويفهمك ومعاه سرك في بير لكن ماشي ديما كنلقاوا هاد السند وماشي كل مرة كتسلم الجرة ممكن تلقاي لي يعايرك بمشاكلك ينقص منك ...ممكن تقولي عندي الوالدين غادي نقول لك واش الوالدين يستاهلوا منا غير الهم والغم بطبيعة الحال لا هما دوزوا صعوبات كثار ومن حقهم علينا نفرحوهم😃😃😃
اذن عندي لك الحل برنامج سرك في بير كيعطيك فرصة تحكي مشكلتك ونساعدوك تلقاي حل ماعليك الا تسجلي مشكلتك في اوديو على رقم الواتس نسمعوها ونقترحوا عليك حلولا وسرك في بير😉
رقم الواتس الخاص بتسجيل مشكلاتكم: 0771227292
دورة الحفظ السريع غتعلمك كيفاش:
📌 ثبتي المعلومات فدماغك
📌 تراجعي بذكاء ماشي بتعب
📌 تحيدي مشكل النسيان نهائياً
🎁 خصم خاص قبل رمضان
📩 صيفطي “حفظ” فالميساج وسنشرح لك التفاصيل
31/12/2025
أي نجاح فالحياة كيسبقوه إخفاقات وفشل، وماشي مشكل نطيحوا ولا نفشلوا مرة ولا جوج ولا حتى ثلاثة.
المشكل الحقيقي هو نطيحوا ونبقاوا فبلاصتنا وما نعاودوش نوقفوا.
وحنا دابا على أبواب صفحة جديدة من حياتنا، عام داز فيه الفشل والنجاح، سواء فحياتنا الشخصية أو المهنية، فالعلاقات ديالنا أو حتى فطريقة تربية وليداتنا.
عوض نحتافلوا بسنة دازت وكبرنا فيها بعام، خاصنا نديروا جلسة مع راسنا، ونشوفوا فين فشلنا وفين نجحنا.
كل خيبة أمل نقدروا نحوّلوها لقوة، إلى كنا أذكياء وخدّينا الدرس من السقوط، حيث التجربة حتى إلا كانت قاصحة راه كتقوّي.
شاركونا تجاربكم:
شنو الحاجة اللي نجحتوا فيها هاد العام؟
وشنو الحاجة اللي فشلتوا فيها؟
وشنو هي خططكم للمستقبل بإذن الله؟
حنا معاكم، وغادي نساندوكم إلى فشلتوا وما عرفتوش الطريق اللي تمشيوا فيها،
وغادي نكونوا ممر ميسّر ليكم، ونشاركوا معاكم تجاربنا 🤍
19/10/2025
فك التعلق بالاشخاص لي كتربطك معاهم علاقة قوية عملية ماشي سهلة، لكنها ممكنة ومهمة باش تقدري تعيشي بحرية و نفسية متزنة واستقلالية كبيرة.
هادوا بعض الخطوات لي ممكن تساعدك:
1. اعترفي بالمشكلة: أول خطوة أنك تعترفي أنك متعلقة بهاد الشخص بشكل مفرط، وهذا كيأثر على حياتك أو راحتك النفسية.
2. فهمي سبب التعلّق: سولي نفسك: علاش أنا متعلقة بهاد الشخص ؟ واش هو احتياج عاطفي؟ خوف من الوحدة؟ عدم الثقة بالنفس؟ هاد الفهم غادي يساعدك تحلي الموضوع من الجذور.
3. عطي لنفسك مساحة: قلّلي التواصل و الوقت اللي كتدوزيه مع هاد الشخص تدريجياً، وعطي لنفسك فرصة تعيشي وتستقلي.
4. عمري وقتك بحاجات كتحبيها: اهتمي بهواياتك، شغلك، أصدقائك، أو أي حاجة كتعطيك إحساس بالإنجاز والراحة.
5. قوّي علاقتك بنفسك: اهتمي بنفسك، طوّري ذاتك، وتعلّمي تحبي نفسك من غير ما تعتمدي على أحد.
6. اكتبي مشاعرك: جرّبي تكتبي في ورقة كل حاجة كتحسي بها عوض ما تكتمي احساسيسك ومشاعرك، الكتابة غادي تساعدك تفهمي نفسك أكتر.
7. استعيني بمختص: الى لقيتي أن التعلّق مؤذي أو صعب تخرجي منه لوحدك، ممكن تكون الاستعانة بمعالج نفسي أو بمستمع جيد خطوة مفيدة جداً.
06/06/2025
للكلمة ردود وللفرحة وجود ولأيام العيد وقت محدود☺️
فلكم منا متابعينا الأعزاء تهنئة بلا حدود 🥳
العيد فرحة لا تتم إلا ولكم فيها وجود 🥰
كل عام ومتابعينا الأعزاء بخير وسعادة
تقبل الله منا ومنكم صالح الأعمال🤲
09/05/2025
تتمة لموضوعنا فالمنشور السابق حول التصرفات لي كنقوموا بها بلا ما نحسّو، وكيأثروا على صورتنا وثقتنا فالنفس ووصلنا للتصرف رقم .. 👇🏻
5️⃣ كثرة الشكوى ولعب دور الضحية 😩
كتشكي بزاف؟ كتلومي الظروف؟ هادشي كيبان ضعف وماشي مسؤولية.
✅ ركزي على الحلول
✅ خدي مسؤولية حياتك وقولي: أنا قادرة نغيّر! وبإذن الله غادي تغيّري
6️⃣ تقليد الآخرين بدل تكوني نفسك 🙃
كتحاولي تعيشي بحال الناس؟ راه التميّز في اختلافك.
✅ اكتشفي نقاط قوتك وركزي عليها
✅ كوني فخورة بشخصيتك الحقيقية
7️⃣ الهروب من المواجهة 🥺
كتخافي تواجهي؟ كتهربي من المشاكل؟ هاد الهروب كيزيدها تعقيد.
✅ واجهي بثقة وهدوء
✅ دافعي على نفسك بطريقة راقية وواعية
8️⃣ السعي وراء رضا الآخرين دايماً 🤷♀️
كتحتاجي ديما موافقة الناس؟ غادي تفقدي ذاتك!
✅ ثقي بقراراتك، واتبعي حدسك
✅ ماشي كلشي خاصو يوافقك، وخيرك ماشي فآراءهم
✨ خوذي مني هذه النصيحة :
القوة الحقيقية كاتجي من الداخل، من احترامك لنفسك وثقتك براسك 💎
كوني صادقة، حازمة، وواثقة... وعيشي على طريقتك، ماشي حسب توقعات الآخرين 😉
07/05/2025
تصرفات تُضعف شخصيتك.. تجنبيها فورًا! 🚫💔 (الجزء الأول)
عمرك حسيتي شي نهار بأن الآخرين مكيحترموكش كما يجب؟ 🤷♀
للي خصك تعرفي أنه كاينين تصرفات كنقوموا بها بلا ما نحسّو، وكيأثروا على صورتنا وثقتنا فالنفس؟ ... جبدي ورقة وقلم حيت غادي نشارك معك أول 4 تصرفات ضروري تتجنبيهم: 👇
1 الخوف من قول "لا" 🙅♀
كتقولي "نعم" لكلشي باش ترضي الناس؟ هادشي كيخليك بلا حدود وكيخلي الآخرين يستغلّوك.
✅ قولي بلباقة: "عندي التزامات أخرى"
✅ احترمي وقتك وطاقتك، ماشي ضروري ترضي الجميع
2 الصوت المنخفض أو المتردد 😶🌫
نبرة صوتك مهمة بزاف! إذا كنتي كتهضري بتردد، الناس غادي يحسّوك غير واثقة.
✅ تكلمي بصوت واضح وثابت
✅ دربي راسك قدّام المراية أو سجلي صوتك
3 كثرة الاعتذار 😔
كتعتذري حتى على الحاجات اللي ماعندك فيها يد؟
هاد الشي كيقلل من قيمتك.
✅ بدّلي “آسفة” بعبارات بحال: “ماشي هذا قصدي”
✅ واعتذري غير ملي يكون الخطأ فعلاً منك
4 التردد في اتخاذ القرارات ⚖
كل مرة كتأجلي؟ هاد التردد كينقص من ثقة الناس فيك.
✅ بداي بقرارات صغيرة كل يوم
✅ تذكري أن حتى الخطأ جزء من التعلم
📍تابعي الجزء الثاني قريبًا باش تعرفي باقي التصرفات اللي كتهدم شخصيتك بلا ما تشعري! 🚨
25/04/2025
سعيدة… ولا غير كتمثلي السعادة؟
سؤال بسيط فالكلمات، لكن فيه عمق كبير… 💭
🔁 كل وحدة فينا كتقلب على السعادة،
ولكن… واش الطريق اللي ماشيا فيه فعلاً كيوصلك ليها؟
واش كتشرى؟ كتتعطى؟ ولا كتتخلق من الداخل؟
🤲 السعادة ماشي حاجة كتشرى، و لا أحد يقدر يعطيها ليك،
السعادة شعور كيتولد داخل القلب،
نهار ترضاي، وتآمني بقضاء الله وقدره، وتشوفي الحياة بعين الرضا،
غادي تحسي أن الدنيا ولات أحن، وأخف، وأجمل 🌷.
وحياتك غادي تكون ملك لك وبيديك تجعليها شقية حزينة، وبيديك تجعليها سعيدة هنية.
جربي تبتسمي فوجه طفل صغير...
ولا تمسحي على راس يتيم وتعطيه لحظة حنان...
ولا تعاوني امرأة كبيرة باش تقطع الطريق...
وغادي تحسي بالسعادة كتقرب ليك، ماشي نتي اللي كتجري وراها ❤
🚪 كتعرفي الباب اللي ديما محلول للسعادة؟
إنه باب الدعاء لله سبحانه...
كل مرة كتقولي "يا رب"، كتفتحي الباب لنور يتسلل لقلبك.
ادعي يا رب يا مف*ج الهموم والكروب ف*ج همي ونفس كربي
وفكل مرة كتدعي لإخوتك المسلمين بظهر الغيب، السعادة كترجع ليك بالأضعاف.
💬 دبا نرجعوا ليك، جاوبيني بصراحة:
🔹 واش كتحسي فعلاً بالسعادة؟
🔹 منين كتجيك؟
🔹 وكتقاسميها مع اللي معك، ولا مخلياها غير لقلبك؟
خلي ليا جوابك فالتعليقات، أنا هنا كنسمعك 🤍
13/04/2025
إلى كل أنثى 💔 مزال حاسة بغصة في قلبها، وكتعيش مع ألم صامت وجرح داخلي...
بغيت نقول ليك من كل قلبي ❤️: ماشي ضروري تبقاي وحيدة مع هذا الألم. كتستاهلي الكثير من السعادة 😊 والسلام الداخلي 🕊️.
كتستاهلي تحسي انك محبوبة 💞، انك محاطة بالأمل ، وبالسلام الداخلي 🌿. نبغي نبشرك أن الحل موجود ✨، فقط لازمك تعزمي على التغيير 💪 وتبداي في بناء مسار جديد لحياتك 🌱.
والفرصة ديالك اليوم مع تخفيض 30% على الجلسات الفردية 🎁
المميز في الجلسات هو أنني كنخدم معك بناءً على احتياجاتك الخاصة 🎯، بغيتك تحسّي أنك ماشي بوحدك 🤝، وأنك في الطريق الصحيح للوصول لأفضل نسخة من نفسك 🌟.
أنت عارفة ومتأكدة مكاين حتى واحد غادي يجي يشدك من يديك ويقول ليك: "أجي، نساعدك، نسجلك في الجلسات."
لكن اليوم جات الفرصة تال بين يديك 🙌، وقرارك هو الخطوة الأولى
ما تخليش حتى حاجة تمنعك من العيش بكل طاقة ومحبة وسكينة 💫💖
أنا معك 💌، وكل لحظة ممكن تكون بداية جديدة 🌸.
حياة الطمأنينة والسلام للي كتستاهلي هاهي جات تال عندك🤍🕯️ ما تفوتيهاش
📞 تواصلي معي عبر الواتساب خلال الرابط التالي :
https://wa.link/o1wmnn https://wa.link/o1wmnn https://wa.link/o1wmnn
04/04/2025
كاينين أنواع من الناس لي كيسرقوا طاقتك النفسية بطريقة خفية، ومن غير ما تلاحظي :
🔋 اللي كيبغيك ديما تبرري تصرفاتك وأفعالك، وكأنه كيشكك فيك باستمرار.
🔋 اللي كيدفعك تدافعي على نفسك فكل موقف، حتى فالأمور البسيطة.
🔋 اللي كيكون ديما كيتشكى وكيشحنك بطاقة سلبية، بينما هو عايش حياته بلا هم.
🔋 اللي كيوصلك تكذبي، وانت فالأصل ماشي كذابة، غير باش يتخلص من الضغط ديالو.
🔋 وأخيراً، اللي كتسمعي له باستمرار، ولكن وقت فاش تجي تهدري، ماكايعطيك حتى دقيقة من وقته. 🖤👌
📝 واش سبق لك تعاملتي مع هاد الأنواع؟
أو كاين شي نوع آخر ما ذكرتوش هنا؟
✨ و واش قدرتي تبعدي على هاد الأشخاص؟ أو مازال كتحسي بالطاقة ديالك كاتضيع معاهم؟
شاركينا تجربتك و إجابتك فالتعليقات! 💬👇
Be the first to know and let us send you an email when Coach Essadiya Errami posts news and promotions. Your email address will not be used for any other purpose, and you can unsubscribe at any time.
