31/05/2026
الحمد لله، اليوم خضت أول تجربة ديالي فـ ماراطون مدينة مكناس لمسافة 10 كيلومترات. بصراحة ما كانش عندي هدف ديال تحقيق توقيت معين، كان هدفي الأول هو نعيش الأجواء ونستمتع بأول سباق .
ومن الحوايج لي عجبوني بزاف اليوم هو أنني كملت السباق مع نور، لي كانت كتجي معنا للحصص الأسبوعية. بصراحة استاحقات التنويه، حيث تحدات راسها وقررات تشارك وتجري 10 كيلومترات، وخا كانت أول تجربة ليها، وقدرات تكمل السباق بريتم مزيان وبأداء محترم.
برافو عليك نور، والأهم هو أنك خرجتي من منطقة الراحة ديالك وخضتي التحدي.
وزاد فرحني أكثر ملي شفت مجموعة من الشباب لي كانو كيتدربو معنا فالحصص، جاو اليوم وشاركوا فمسافات 10km و21km، وكل واحد دار لي عليه وقدم أفضل ما عندو. بصراحة هاد الشي كيأكد أن الاستمرارية والتداريب، حتى إلا كانت بسيطة، كتخلي الإنسان يتطور خطوة بخطوة.
شكراً لكل واحد حضر، لكل واحد تدرب معنا، ولكل واحد تحدى راسو اليوم. النتائج والتوقيتات مهمة، ولكن الأهم هو أنك كتكون أحسن من النسخة ديالك ديال البارح.
الله يوفق الجميع، وإن شاء الله هادي غير البداية. 🏃♂️❤️
