Salé le vieux

Salé le vieux "صفحة سلاوية بدون قيود
و الحقيقة هنا لا تخشى اي سؤال"☝️

سلا وكابوس التهميش فگاع المجالات!!گاع الديربيات فالعالم كامل كيحضاو باهتمام إعلامي وجماهيري ولو كانو ديربيات فقاع أقسام ...
17/02/2026

سلا وكابوس التهميش فگاع المجالات!!
گاع الديربيات فالعالم كامل كيحضاو باهتمام إعلامي وجماهيري ولو كانو ديربيات فقاع أقسام الهواة ولو في من عند الصحافة المحلية ،إلا فمدينتنا الحبيبة لي أي حاجة مكتوب عليها تهمش كورة صحة تعليم بنية تحتية وأي حاجة،باقي أسبوع لمباراة الاتحاد السلاوي والجمعية السلاوية والصمت فحالاا مكاينة حتا حاجة فحالاا مكاينينش جوج فرق كيمثلو سلا ايلعبو،هاد التهميش إلا محاربناهش حنا ولاد المدينة اللولين معمرو غيزول، نهار الديربي كجمهور،خاص نكونو فالفيراج واقفين متاحدين الفريق كيعيش صحوة نتائج مؤخرا وتاحد معندو سبب انه ميتوجهش لملعب أبو بكر عمار يساند فريقو،صحافة المدينة واش ممحسوبينش على هاد المدينة ولا كتسناو تا كطيح البكرة ولا كتكون شي شوهة عاد كتجبدو جناوة ديالكم.

#سلا❤️

لوحة L’Éminence grise رسمها الفنان الفرنسي جيان-ليون جيروم عام 1873. كتصوّر الأب جوزيف، المستشار الخفي للكاردينال ريشليو...
04/02/2026

لوحة L’Éminence grise رسمها الفنان الفرنسي جيان-ليون جيروم عام 1873. كتصوّر الأب جوزيف، المستشار الخفي للكاردينال ريشليو فالقرن 17، وهو نازل بالسلم بهدوء وثبات، والناس من حولو من البلاط والنخبة كيعطيوه الاحترام. اللوحة كتبين السلطة لي مخفية: الرجل فالظل عندو نفوذ أكبر من اللي باين فالواجهة، وكيحرك القرارات والسياسات بلا ما يتحاسب أو يبان. جيروم استعمل الضوء والظل والتفاصيل الدقيقة فالملابس والديكور باش يورّي التناقض بين المظاهر والواقع، ويعلّمنا درس على الحذر والانتباه، حيث القوة الحقيقية غالبًا ما كتبانش، وكثر ما كتبان صامتة وخفية من أي حاجة أخرى.

فهاد المدينة، نفس السيناريو كيتعاود: واحد فاسد ما عمرّو شدّ كرسي الرئيس، ولكن كيسير الرؤساء واحد مور واحد، إلا بان الفشل كيشير بيدو وكيبدلو، والمسرحية كتبقى دايرة. أعضاء المكتب كيتبدلو بحال الكراكيز، اليوم صالح، غدا ما صالحش، وكلشي على حسب شنو بغى وراء الستار. ومنين كيغرق الفريق، كيطلقو البروباغاندا باش يقولوا المشكل فاللاعبين ولا فالمدرب، بينما السبب الحقيقي باقي محمي فالظل. اللوحة ماشي غير رسم، راه مرآة: كتعلمك باللي أخطر سلطة هي اللي ما كتبانش، واللي باين راه غير واجهة ولا إذا صح التعبير بيدق.

ختاماً:هنا فين كيجي دور المشجع السلاوي او المحب او الغيور او البيبليك عامة يفيق ويعيق شويا!!!،تالين انبقاو نساينو الفرج يجي بوحدو!!! صبرنا و تالين انبقاو صابرين على هاد الفساد لي فالجمعية دود!!!!تالين انبقاو ساكتين على المستور لي كشفناه و عريناه!!!
مثال بسيط:كيما كنطلبو ديما من اللعابة يديرو لي عليهم و كيفما كانت الظروف، حتا حنا جات وقيتنا لي نديرو لي علينا و نوضو نوضة وحدة ومتعاودش تلبدنا حتا شي مسرحية عامرة اوهام، هادشي ماكيعنيش اننا كنا مسامحين فيها شي خطرة لا لا حنا جبدنا العيب على ودها فمدينتنا و على برا، و هادشي كامل لي ذكرناه إلا كان كيعني شي حاجة كيعني اننا خاصنا ندورو الطبسيل تاني للأهم "النضال"إلى بغينا بصاح نجنيو الثمار.
#سلا❤️

لمّا مالت الأبصار، وانعطفت القلوب، كان المقصد واحدًا: القصر الكبير؛ المدينة التي داهمها البلاء فجأة، فابتُلي أهلها بما ل...
04/02/2026

لمّا مالت الأبصار، وانعطفت القلوب، كان المقصد واحدًا: القصر الكبير؛ المدينة التي داهمها البلاء فجأة، فابتُلي أهلها بما لا تُطيقه الجبال ولا تصبر عليه الحجارة.

وإذ نُشهد الله على ما في صدورنا، فإنّا نُعلن المؤازرة الخالصة، والمواساة الصادقة، لأهلها كافة، نُشاطِرهم الوجع، ونحمل معهم ثِقَل المحنة، ونرفع الأكفّ ضارعين أن يجعل الله ما نزل بهم عافيةً في طيّ البلاء، ومنحةً في صورة محنة.

اللهم يا من لا يُعجزه شيء في الأرض ولا في السماء، احفَظ القصر الكبير وأهلها، واكشِف عنهم الضرّ، واجعل لهم من بعد الضيق مخرجًا، ومن بعد العُسر يُسرًا، ولا تُرِهم في أنفسهم ولا في ديارهم بأسًا يُدمي
والله خيرُ الحافظين.

"سلا مدينة الأسوار و حكايات الزمان"يقولون عن سلا إنها مدينة لا تنام عن تاريخها🌙بينما يركض العالم خلف الحداثة، تختار سلا ...
02/02/2026

"سلا مدينة الأسوار و حكايات الزمان"

يقولون عن سلا إنها مدينة لا تنام عن تاريخها🌙بينما يركض العالم خلف الحداثة، تختار سلا أن تظل حارسة للأصالة بأسوارها العالية وأبوابها التي شهدت على مرور السلاطين والعلماء، تظل سلا حارسة ضفاف أبي رقراق الابدية و منارة للعلم التي لا تنطفئ.
#سلا❤️

معجبون سابقون في الجمعية السلاوية صعودا وهبوطا،الجلوس وفقا للانضباط المكتسب.الجلوس بشكل مثير للإعجاب دون أي سلوك غير مكت...
02/02/2026

معجبون سابقون في الجمعية السلاوية صعودا وهبوطا،الجلوس وفقا للانضباط المكتسب.
الجلوس بشكل مثير للإعجاب دون أي سلوك غير مكتمل،ملتزم بنفس الغرض.
تشجيع الاساطير السلاوية بحرارة،في وسط الملعب الأسطوري قبل اختفائه بما يتفق مع الجو المتطلب في اتفاق تام مع بعضهم البعض،أفضل وقت للرياضة الصالحة.
السياق المواتي للقدرة على الظهور منتصرا،واجب الإعلان عن الحضور الفعلي،فرصة لملء الملعب في الإثارة،سعادة تعزيز الرابطة الأخوية بين المؤيدين،بدون أي فوضى غير ضرورية،بدون أي رد فعل مناهض للرياضة،بدون أي غضب عنصري.
يشجعنا الحنين إلى الماضي على تقدير صورهم النبيلة،النبل بالمعنى الحقيقي للمصطلح.
نبل جيل غير عادي.نبل حقبة ماضية،نبل الانتماء الخاص.
للأسف، يختفي الملعب الأسطوري في الغيوم.
للأسف، انغمس مشجعو سلاوي السابقون في تنوع القدر.
#سلا❤️

السلام و عليكم على أي واحد مأمن بالجمعية و حبها فالظلام وكيحارب كل ذرة فساد بالمدينة ،تحيةً وًتقدير لأي واحد كيحلل بعقلو...
01/02/2026

السلام و عليكم على أي واحد مأمن بالجمعية و حبها فالظلام وكيحارب كل ذرة فساد بالمدينة ،تحيةً وًتقدير لأي واحد كيحلل بعقلو ومكيسمحش لتا حاجة ولا حدث يتلفو على المطلب الأساسي:لي هو الرحيل الشامل لأي واحد فاسد هو و گاع لي حط يدو مع الفاسدين مهما كان السبب او الغاية.
فأواخر الأيام شفنا ان بروباغاندا المدرب خاص يستاقل ولي اختافات بعدما ما عطات تا نتيجة وكولشي شاف ان المشكل فالساس لي مخوخ و معفن.
بدات كدور الهدرة بلي اللعابة تويجر لي جايبهم وهو الوحيد لي كيأمنو بيه فداك المكتب وهو لي كيعتبروه الرئيس الفعلي لي غيحل المشاكل، خرجات واحد الأصوات من وسط المكتب فزي الشرف ولي كيگولو بلي هوما ضد التويجر حاليا!!!، نفتارضو عبتا ان هادشي حقيقي علاش نهار اللول درتو معاه اليد فاليد وفين كنتو نهار جا رئيس جديد لي هو السفياني علاش موقفتوش معاه ودورتوها عليه تا مشا علاش تال دابا عاد ولا اوعبي كلب التوجير علاش هادشي متگالش قبل ميدار الجمع العام ويدوزو المنح علاش النگفات ديال هاد المكتب كانو كيهللو بلي تويجر مبقاش باغي يشد الفرقة في حين الآن اللعابة كيعتابروه الرئيس والكل فالكل!!
خلاصة القول أي واحد ولد … حتى يتبث لعكس حيث أي واحد كيهضر راه دار يدو فيد هاد الشفار غير هادي شهراين قبل، و فالعام لي داز كانو معاه قلبا وقالبا وطيرو رئيس ممشاش معاهم فالخطط ديالهم ،وهذا ماشي دفاع على السفياني يعاود ل*رو ضعيف الشخصية و راه مشا بحالو ولي طرا طرا ،كنحاولو نعطيو لكل حق حقه و هادي حقيقة ما منها هروب، هاد الاشخاص نيت كانو مجرد كراكيز ديال التويجر فالمكتب، كنعرف انا لي باغي الخير مكيديرش يدو فيد الشيطان،وأي واحد سرح الطريق لا للتويجر لا لي معاه باش يزيدو هاد العام تاني ذنوب سلا على تقليدكم.
تاواحد مجدير بالتقة گاع لي فالمكتب لحد هاد الساعة فاسدين نهار يتبثو العكس فأرض الواقع واخا الثقة فيهم مفقودة من هادي شحال.
اخيرا رسالة للجمهور السلاوي الحر مطالبنا مخاصهاش تبقى خبزية مختازلة فليتيج ولا مدرب ولا طلوع و لا نصوڤيو ولا حتى ديك ثلاث نقاط لي اتفاجي علينا الهموم مابقيناش بغيناها، ديما كنا معها فالضراء و انبقاو حتى ليوم البعث وليني خاصنا نبدلو طريقة تفكيرنا بعدا إلى بغينا نفرحو بصاح شي نهار بالغالية خاص نقيوها حيث ما عمر النهار الزوين ايجي ماحد الفاسد باقي فراس الهرم ،سلا كتستاهل حسن و ما خير.
المطلب الوحيد والأبدي هو رحيل تويجر ولي معاه ولي كيطالب من غير هادشي فراه شريك فالفساد بلا ما يحس ولا يشعر،ختاما التغيير الجذري هو هذفنا لي انحققوه بجهد الله.
#سلا❤️

01/02/2026

"الجمهور كيدفع الثمن بالحلال و شبه المسؤول تدكس جيبو بالحرااام"
#سلا❤️

27/01/2026

حكاية المنسيين في سلا القديمة "عيشة الذبانة في البطانة"
#سلا❤️

Address

خنيفرة
Khenifra
14000

Website

Alerts

Be the first to know and let us send you an email when Salé le vieux posts news and promotions. Your email address will not be used for any other purpose, and you can unsubscribe at any time.

Shortcuts

Share